໑. ວິຠງ຺ຄວາໂຣ

ເຫຕຸປຈ຺ຈໂຍ

໓໔໐. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ພາຫິຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ພາຫິຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ພາຫິຣານຎ຺ຈ ກຏຕ຺ຕາຣູປານໍ ເຫຕຸປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ພາຫິຣາ ເຫຕູ ຈິຕ຺ຕສ຺ສ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ເຫຕູ ຈິຕ຺ຕສ຺ສ ອຊ຺ຌຕ຺ຕິການຎ຺ຈ ກຏຕ຺ຕາຣູປານໍ ເຫຕຸປຈ຺ຈເຍນ ປຈ຺ຈໂຍ. (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ພາຫິຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

ອາຣມ຺ມຓປຈ຺ຈໂຍ

໓໔໑. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຈິຕ຺ຕໍ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ. (ມູລໍ ປຸຈ຺ຉິຕພ຺ພໍ) ຈິຕ຺ຕໍ ອາຣພ຺ຠ ພາຫິຣາ ຂນ຺ຘາ ອຸປ຺ປຊ຺ຊນ຺ຕິ. (ມູລໍ ປຸຈ຺ຉິຕພ຺ພໍ) ຈິຕ຺ຕໍ ອາຣພ຺ຠ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ…ເປ… ໂທມນສ຺ສໍ ອຸປ຺ປຊ຺ຊຕິ; ປຸພ຺ເພ ສຸຈິຓ຺ຓານິ ປຈ຺ຈເວກ຺ຂຕິ, ຌານາ ວຸຏ຺ຐຫິຕ຺ວາ ຌານໍ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ…ເປ… ຜລໍ…ເປ… ນິພ຺ພານໍ ປຈ຺ຈເວກ຺ຂນ຺ຕິ… ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. ອຣິຍາ ພາຫິເຣ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ…ເປ… ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ, ຣູເປ…ເປ… ວຕ຺ຖຸໍ ພາຫິເຣ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ເຈໂຕປຣິຍຎາເຓນ ພາຫິຣຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ຣູປາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ ອາຣມ຺ມຓປຈ຺ຈເຍນ ປຈ຺ຈໂຍ…ເປ… ໂຜຏ຺ຐພ຺ພາຍຕນໍ…ເປ… ພາຫິຣາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ. ປຸພ຺ເພ ສຸຈິຓ຺ຓານິ…ເປ… ຌານໍ…ເປ… (ສໍຂິຕ຺ຕໍ, ສພ຺ພໍ ກາຕພ຺ພໍ) ປຸພ຺ເພ ສມຸທາຈິຓ຺ເຓ…ເປ… ຣູເປ…ເປ… ວຕ຺ຖຸໍ ພາຫິເຣ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ…ເປ… ພາຫິຣາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ (ສໍຂິຕ຺ຕໍ, ສພ຺ພໍ ກາຕພ຺ພໍ). ພາຫິເຣ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ ຈ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ໂຜຏ຺ຐພ຺ພາຍຕນໍ…ເປ… ພາຫິຣາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ອຘິປຕິປຈ຺ຈໂຍ

໓໔໒. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ຈິຕ຺ຕໍ ຄຣຸໍ ກຕ຺ວາ ຈິຕ຺ຕໍ ອຸປ຺ປຊ຺ຊຕິ. (໑)

ອຊ຺ຌຕ຺ຕິໂກ ຘມ຺ໂມ ພາຫິຣສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ຈິຕ຺ຕໍ ຄຣຸໍ ກຕ຺ວາ ພາຫິຣາ ຂນ຺ຘາ ອຸປ຺ປຊ຺ຊນ຺ຕິ. ສຫຊາຕາຘິປຕິ – ຈິຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (ມູລໍ) ອາຣມ຺ມຓາຘິປຕິ – ອຊ຺ຌຕ຺ຕິກໍ ຈິຕ຺ຕໍ ຄຣຸໍ ກຕ຺ວາ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ…ເປ… ຕີຓິ (ທ຺ເວ ອຘິປຕີ ຕິຓ຺ຓມ຺ປິ ກາຕພ຺ພາ). (໓)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ຕີຓິ (ຕິຓ຺ຓມ຺ປິ ເອກາເຍວ ອຘິປຕິ).

ອນນ຺ຕຣປຈ຺ຈຍາທິ

໓໔໓. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມໍ ປຸຣິມໍ ຈິຕ຺ຕໍ ປຈ຺ຉິມສ຺ສ ປຈ຺ຉິມສ຺ສ ຈິຕ຺ຕສ຺ສ ອນນ຺ຕຣປຈ຺ຈເຍນ ປຈ຺ຈໂຍ… ຕີຓິ.

ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ພາຫິຣາ ຂນ຺ຘາ ປຈ຺ຉິມານໍ ປຈ຺ຉິມານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ…ເປ… ຕີຓິ (ຕິຓ຺ຓມ຺ປິ ເອກສທິສາ).

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ… ຕີຓິ, ສມນນ຺ຕຣປຈ຺ຈເຍນ ປຈ຺ຈໂຍ… ນວ, ສຫຊາຕປຈ຺ຈເຍນ ປຈ຺ຈໂຍ… ນວ (ປຏິຈ຺ຈສທິສາ), ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ປຎ຺ຈ (ປຏິຈ຺ຈສທິສາ), ນິສ຺ສຍປຈ຺ຈເຍນ ປຈ຺ຈໂຍ… ນວ, (ປຈ຺ຈຍວາຣສທິສາ).

ອຸປນິສ຺ສຍປຈ຺ຈໂຍ

໓໔໔. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ຈິຕ຺ຕໍ ຈິຕ຺ຕສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ… ຕີຓິ.

ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ…ເປ… ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ສທ຺ຘາຍ…ເປ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ, (ຕີຓິປິ ປູເຣຕ຺ວາ ກາຕພ຺ພາ, ຈິຕ຺ຕສ຺ສາຕິ ກາຕພ຺ພາ, ສມ຺ປຍຸຕ຺ຕການຎ຺ຈາຕິ ກາຕພ຺ພາ).

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ… ຕີຓິ.

ປຸເຣຊາຕປຈ຺ຈໂຍ

໓໔໕. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ …ເປ… ກາຍໍ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຘມ຺ໂມ ພາຫິຣສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ກາຍໍ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ…ເປ… ໂທມນສ຺ສໍ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ກາຍາຍຕນໍ ກາຍວິຎ຺ຎາຓສຫຄຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ກາຍໍ ອນິຈ຺ຈໂຕ…ເປ… ວິປສ຺ສຕິ, ຕໍ ອາຣພ຺ຠ ຈິຕ຺ຕຎ຺ຈ ສມ຺ປຍຸຕ຺ຕກາ ຂນ຺ຘາ ຈ ອຸປ຺ປຊ຺ຊນ຺ຕິ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ກາຍາຍຕນໍ ກາຍວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໓)

໓໔໖. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຣູເປ…ເປ… ໂຜຏ຺ຐພ຺ເພ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ວຕ຺ຖຸປຸເຣຊາຕໍ – ວຕ຺ຖຸ ພາຫິຣານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຣູເປ…ເປ… ໂຜຏ຺ຐພ຺ເພ… ວຕ຺ຖຸໍ ອນິຈ຺ຈໂຕ…ເປ… ຕໍ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ວຕ຺ຖຸປຸເຣຊາຕໍ – ວຕ຺ຖຸ ຈິຕ຺ຕສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຣູເປ…ເປ… ໂຜຏ຺ຐພ຺ເພ… ວຕ຺ຖຸໍ ອນິຈ຺ຈໂຕ…ເປ… ຕໍ ອາຣພ຺ຠ ຈິຕ຺ຕຎ຺ຈ ສມ຺ປຍຸຕ຺ຕກາ ຂນ຺ຘາ ຈ ອຸປ຺ປຊ຺ຊນ຺ຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ວຕ຺ຖຸປຸເຣຊາຕໍ – ວຕ຺ຖຸ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໓)

໓໔໗. ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ຈກ຺ຂາຍຕນຎ຺ຈ ວຕ຺ຖຸ ຈ ຈິຕ຺ຕສ຺ສ…ເປ… ກາຍາຍຕນຎ຺ຈ ວຕ຺ຖຸ ຈ ຈິຕ຺ຕສ຺ສ ປຸເຣຊາຕປຈ຺ຈເຍນ ປຈ຺ຈໂຍ; ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນຎ຺ຈ ກາຍາຍຕນຎ຺ຈ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ພາຫິຣສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ຈກ຺ຂາຍຕນຎ຺ຈ ວຕ຺ຖຸ ຈ ພາຫິຣານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ…ເປ… ກາຍາຍຕນຎ຺ຈ ວຕ຺ຖຸ ຈ ພາຫິຣານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ; ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ…ເປ… ໂຜຏ຺ຐພ຺ພາຍຕນຎ຺ຈ ກາຍາຍຕນຎ຺ຈ ກາຍວິຎ຺ຎາຓສຫຄຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ຈກ຺ຂາຍຕນຎ຺ຈ ວຕ຺ຖຸ ຈ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ…ເປ… ກາຍາຍຕນຎ຺ຈ ວຕ຺ຖຸ ຈ…ເປ… ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ…ເປ… ໂຜຏ຺ຐພ຺ພາຍຕນຎ຺ຈ…ເປ…. (໓)

ປຈ຺ຉາຊາຕາເສວນປຈ຺ຈຍາ

໓໔໘. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ອຊ຺ຌຕ຺ຕິກາ ຂນ຺ຘາ ປຸເຣຊາຕສ຺ສ ອິມສ຺ສ ອຊ຺ຌຕ຺ຕິກສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຈ຺ຉາຊາຕາ ອຊ຺ຌຕ຺ຕິກາ ຂນ຺ຘາ ປຸເຣຊາຕສ຺ສ ອິມສ຺ສ ພາຫິຣສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຈ຺ຉາຊາຕາ ອຊ຺ຌຕ຺ຕິກາ ຂນ຺ຘາ ປຸເຣຊາຕສ຺ສ ອິມສ຺ສ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ເອວໍ ນວປິ ປຎ຺ຫາ ກາຕພ຺ພາ), ອາເສວນປຈ຺ຈເຍນ ປຈ຺ຈໂຍ (ນວ ປຎ຺ຫາ ກາຕພ຺ພາ).

ກມ຺ມ-ວິປາກປຈ຺ຈຍາ

໓໔໙. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ພາຫິຣາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ພາຫິຣາ ເຈຕນາ ວິປາການໍ ພາຫິຣານໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ພາຫິຣາ ເຈຕນາ ຈິຕ຺ຕສ຺ສ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ພາຫິຣາ ເຈຕນາ ວິປາກສ຺ສ ຈິຕ຺ຕສ຺ສ ອຊ຺ຌຕ຺ຕິການຎ຺ຈ ກຏຕ຺ຕາຣູປານໍ ກມ຺ມປຈ຺ຈເຍນ ປຈ຺ຈໂຍ. (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ພາຫິຣາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ພາຫິຣາ ເຈຕນາ ວິປາການໍ ຂນ຺ຘານໍ ຈິຕ຺ຕສ຺ສ ຈ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ກມ຺ມປຈ຺ຈເຍນ ປຈ຺ຈໂຍ. (໓) ວິປາກປຈ຺ຈເຍນ ປຈ຺ຈໂຍ… ນວ.

ອາຫາຣປຈ຺ຈໂຍ

໓໕໐. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ອາຫາຣາ ອຊ຺ຌຕ຺ຕິການໍ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຘມ຺ໂມ ພາຫິຣສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ອຊ຺ຌຕ຺ຕິກາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອາຫາຣປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ອຊ຺ຌຕ຺ຕິກາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ພາຫິຣານຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຏິສນ຺ຘິກ຺ຂເຓ ອຊ຺ຌຕ຺ຕິກາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. (໓)

໓໕໑. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ພາຫິຣາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອາຫາຣປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ… ພາຫິໂຣ ກພຬີກາໂຣ ອາຫາໂຣ ພາຫິຣສ຺ສ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ພາຫິຣາ ອາຫາຣາ ຈິຕ຺ຕສ຺ສ ອາຫາຣປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ອາຫາຣາ ຈິຕ຺ຕສ຺ສ ອຊ຺ຌຕ຺ຕິການຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ; ພາຫິໂຣ ກພຬີກາໂຣ ອາຫາໂຣ ອຊ຺ຌຕ຺ຕິກສ຺ສ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ພາຫິຣາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ອາຫາຣປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ; ພາຫິໂຣ ກພຬີກາໂຣ ອາຫາໂຣ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. (໓)

໓໕໒. ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ອາຫາຣາ ອຊ຺ຌຕ຺ຕິການໍ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ພາຫິຣສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ອຊ຺ຌຕ຺ຕິກາ ຈ ພາຫິຣາ ຈ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອາຫາຣປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ພາຫິຣານຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. (໒)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. (໓)

ອິນ຺ທ຺ຣິຍປຈ຺ຈໂຍ

໓໕໓. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ອິນ຺ທ຺ຣິຍາ ອຊ຺ຌຕ຺ຕິການໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຈກ຺ຂຸນ຺ທ຺ຣິຍໍ ຈກ຺ຂຸວິຎ຺ຎາຓສ຺ສ…ເປ… ກາຍິນ຺ທ຺ຣິຍໍ ກາຍວິຎ຺ຎາຓສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຘມ຺ໂມ ພາຫິຣສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ອຊ຺ຌຕ຺ຕິກາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ອຊ຺ຌຕ຺ຕິກາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຈກ຺ຂຸນ຺ທ຺ຣິຍໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ກາຍິນ຺ທ຺ຣິຍໍ ກາຍວິຎ຺ຎາຓສຫຄຕານໍ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໒)

ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຈກ຺ຂຸນ຺ທ຺ຣິຍໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ກາຍິນ຺ທ຺ຣິຍໍ ກາຍວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໓)

໓໕໔. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ພາຫິຣາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຣູປຊີວິຕິນ຺ທ຺ຣິຍໍ ພາຫິຣານໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ພາຫິຣາ ອິນ຺ທ຺ຣິຍາ ຈິຕ຺ຕສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ອິນ຺ທ຺ຣິຍາ ຈິຕ຺ຕສ຺ສ ອຊ຺ຌຕ຺ຕິການຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຣູປຊີວິຕິນ຺ທ຺ຣິຍໍ ອຊ຺ຌຕ຺ຕິການໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ພາຫິຣາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ພາຫິຣາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຣູປຊີວິຕິນ຺ທ຺ຣິຍໍ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໓)

໓໕໕. ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ອິນ຺ທ຺ຣິຍາ ອຊ຺ຌຕ຺ຕິການໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຈກ຺ຂຸນ຺ທ຺ຣິຍຎ຺ຈ ອຸເປກ຺ຂິນ຺ທ຺ຣິຍຎ຺ຈ ຈກ຺ຂຸວິຎ຺ຎາຓສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ…ເປ… ກາຍິນ຺ທ຺ຣິຍຎ຺ຈ ສຸຂິນ຺ທ຺ຣິຍໍ ຈ…ເປ… ກາຍິນ຺ທ຺ຣິຍຎ຺ຈ ທຸກ຺ຂິນ຺ທ຺ຣິຍຎ຺ຈ ກາຍວິຎ຺ຎາຓສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ພາຫິຣສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ອຊ຺ຌຕ຺ຕິກາ ຈ ພາຫິຣາ ຈ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຈກ຺ຂຸນ຺ທ຺ຣິຍຎ຺ຈ ອຸເປກ຺ຂິນ຺ທ຺ຣິຍຎ຺ຈ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ…ເປ… ກາຍິນ຺ທ຺ຣິຍຎ຺ຈ ສຸຂິນ຺ທ຺ຣິຍຎ຺ຈ…ເປ… ກາຍິນ຺ທ຺ຣິຍຎ຺ຈ ທຸກ຺ຂິນ຺ທ຺ຣິຍຎ຺ຈ ກາຍວິຎ຺ຎາຓສຫຄຕານໍ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໒)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ, ຈກ຺ຂຸນ຺ທ຺ຣິຍຎ຺ຈ ອຸເປກ຺ຂິນ຺ທ຺ຣິຍຎ຺ຈ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ… ກາຍິນ຺ທ຺ຣິຍຎ຺ຈ…ເປ…. (໓)

ຌານປຈ຺ຈຍາທິ

໓໕໖. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ຌານປຈ຺ຈເຍນ ປຈ຺ຈໂຍ… ຕີຓິ… ມຄ຺ຄປຈ຺ຈເຍນ ປຈ຺ຈໂຍ… ຕີຓິ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ປຎ຺ຈ.

ວິປ຺ປຍຸຕ຺ຕປຈ຺ຈໂຍ

໓໕໗. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕໍ – ປຏິສນ຺ຘິກ຺ຂເຓ ຈິຕ຺ຕໍ ອຊ຺ຌຕ຺ຕິການໍ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຊ຺ຌຕ຺ຕິກາ ຂນ຺ຘາ ປຸເຣຊາຕສ຺ສ ອິມສ຺ສ ອຊ຺ຌຕ຺ຕິກສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຘມ຺ໂມ ພາຫິຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ອຊ຺ຌຕ຺ຕິກາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ກາຍາຍຕນໍ ກາຍວິຎ຺ຎາຓສຫຄຕານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຊ຺ຌຕ຺ຕິກາ ຂນ຺ຘາ ປຸເຣຊາຕສ຺ສ ອິມສ຺ສ ພາຫິຣສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຂນ຺ຘາ ອຊ຺ຌຕ຺ຕິການຎ຺ຈ ພາຫິຣານຎ຺ຈ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ກາຍາຍຕນໍ ກາຍວິຎ຺ຎາຓສ຺ສ ສມ຺ປຍຸຕ຺ຕການໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຊ຺ຌຕ຺ຕິກາ ຂນ຺ຘາ ປຸເຣຊາຕສ຺ສ ອິມສ຺ສ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

໓໕໘. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ພາຫິຣາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ… ຂນ຺ຘາ ວຕ຺ຖຸສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ວຕ຺ຖຸ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ພາຫິຣານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ພາຫິຣາ ຂນ຺ຘາ ປຸເຣຊາຕສ຺ສ ອິມສ຺ສ ພາຫິຣສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ປຏິສນ຺ຘິກ຺ຂເຓ ພາຫິຣາ ຂນ຺ຘາ ອຊ຺ຌຕ຺ຕິການໍ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ວຕ຺ຖຸ ຈິຕ຺ຕສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ຈິຕ຺ຕສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ພາຫິຣາ ຂນ຺ຘາ ປຸເຣຊາຕສ຺ສ ອິມສ຺ສ ອຊ຺ຌຕ຺ຕິກສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໓)

໓໕໙. ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ຂນ຺ຘາ ອຊ຺ຌຕ຺ຕິການໍ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕໍ – ປຈ຺ຉາຊາຕາ…ເປ… (ສໍຂິຕ຺ຕໍ). (໑)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ພາຫິຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໒)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ຂນ຺ຘາ…ເປ… (ສໍຂິຕ຺ຕໍ). (໓)

ອຕ຺ຖິປຈ຺ຈຍາທິ

໓໖໐. ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ປຏິສນ຺ຘິກ຺ຂເຓ ຈິຕ຺ຕໍ ອຊ຺ຌຕ຺ຕິການໍ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ກາຍໍ ອນິຈ຺ຈໂຕ…ເປ… (ປຸເຣຊາຕສທິສໍ, ນິນ຺ນານາກຣຓໍ). ປຈ຺ຉາຊາຕໍ (ປຈ຺ຉາຊາຕສທິສໍ ກາຕພ຺ພໍ). (໑)

ອຊ຺ຌຕ຺ຕິໂກ ຘມ຺ໂມ ພາຫິຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕໍ – ສຫຊາຕາ ອຊ຺ຌຕ຺ຕິກາ ຂນ຺ຘາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໒)

(ອິຘ ອຕ຺ຖິ ສພ຺ພຏ຺ຐາເນ ສຫຊາຕໍ ປຈ຺ຈຍວາຣສທິສໍ. ປຸເຣຊາຕໍ ປຸເຣຊາຕສທິສໍ. ປຈ຺ຉາຊາຕໍ ປຈ຺ຉາຊາຕສທິສໍ ກາຕພ຺ພໍ, ນິນ຺ນານາກຣຓໍ).

ອຊ຺ຌຕ຺ຕິໂກ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໓)

໓໖໑. ພາຫິໂຣ ຘມ຺ໂມ ພາຫິຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສພ຺ພໍ ວິຕ຺ຖາເຣຕພ຺ພໍ). (໑)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໒)

ພາຫິໂຣ ຘມ຺ໂມ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໓)

໓໖໒. ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ຈກ຺ຂຸວິຎ຺ຎາຓສຫຄຕາ ຂນ຺ຘາ ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສຫຄຕາ ຂນ຺ຘາ ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ ອຕ຺ຖິປຈ຺ຈເຍນ ປຈ຺ຈໂຍ…ເປ… ກາຍວິຎ຺ຎາຓສຫຄຕາ ຂນ຺ຘາ ຈ…ເປ… ປຏິສນ຺ຘິກ຺ຂເຓ ອຊ຺ຌຕ຺ຕິກາ ຈ ພາຫິຣາ ຈ ຂນ຺ຘາ ອຊ຺ຌຕ຺ຕິການໍ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນຎ຺ຈ ວຕ຺ຖຸ ຈ ຈິຕ຺ຕສ຺ສ ອຕ຺ຖິປຈ຺ຈເຍນ ປຈ຺ຈໂຍ…ເປ… ກາຍາຍຕນຎ຺ຈ ວຕ຺ຖຸ ຈ ຈິຕ຺ຕສ຺ສ ອຕ຺ຖິປຈ຺ຈເຍນ ປຈ຺ຈໂຍ; ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນຎ຺ຈ ກາຍາຍຕນຎ຺ຈ ກາຍວິຎ຺ຎາຓສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຊ຺ຌຕ຺ຕິກາ ຈ ພາຫິຣາ ຈ ຂນ຺ຘາ ປຸເຣຊາຕສ຺ສ ອິມສ຺ສ ອຊ຺ຌຕ຺ຕິກສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຊ຺ຌຕ຺ຕິກາ ຈ ພາຫິຣາ ຈ ຂນ຺ຘາ ກພຬີກາໂຣ ອາຫາໂຣ ຈ ອິມສ຺ສ ອຊ຺ຌຕ຺ຕິກສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຊ຺ຌຕ຺ຕິກາ ຈ ພາຫິຣາ ຈ ຂນ຺ຘາ ຣູປຊີວິຕິນ຺ທ຺ຣິຍຎ຺ຈ ອຊ຺ຌຕ຺ຕິການໍ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ພາຫິຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ຈກ຺ຂຸວິຎ຺ຎາຓສຫຄໂຕ ເອໂກ ຂນ຺ໂຘ ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓຎ຺ຈ ທ຺ວິນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… (ສຫຊາຕປຈ຺ຈຍວາຣສທິສໍ ນິນ຺ນານາກຣຓໍ, ປຐມຄມນສທິສໍເຍວ. ສພ຺ເພ ປທາ ປຐມຆຏນານເຍນ ວິຠຊິຕພ຺ພາ). (໒)

ອຊ຺ຌຕ຺ຕິໂກ ຈ ພາຫິໂຣ ຈ ຘມ຺ມາ ອຊ຺ຌຕ຺ຕິກສ຺ສ ຈ ພາຫິຣສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ຈກ຺ຂຸວິຎ຺ຎາຓສຫຄໂຕ ເອໂກ ຂນ຺ໂຘ ຈ ຈກ຺ຂາຍຕນຎ຺ຈ ທ຺ວິນ຺ນໍ ຂນ຺ຘານໍ ຈກ຺ຂຸວິຎ຺ຎາຓສ຺ສ ຈ ອຕ຺ຖິປຈ຺ຈເຍນ ປຈ຺ຈໂຍ (ສໍຂິຕ຺ຕໍ. ສພ຺ເພ ປທາ ວິຠຊິຕພ຺ພາ ປຐມຆຏນານເຍນ). (໓)

ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ.