໑. ວິຠງ຺ຄວາໂຣ

ນເຫຕຸປຈ຺ຈໂຍ

໒໘໒. ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ອເຫຕຸກປຏິສນ຺ຘິກ຺ຂເຓ…ເປ… ວິຈິກິຈ຺ຉາສຫຄເຕ ອຸທ຺ຘຈ຺ຈສຫຄເຕ ຂນ຺ເຘ ປຏິຈ຺ຈ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (໑)

ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸເກ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕໍ ຈິຕ຺ຕສມຸຏ຺ຐານຎ຺ຈ ຣູປໍ; ອເຫຕຸກປຏິສນ຺ຘິກ຺ຂເຓ…ເປ…. (໒)

ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ອເຫຕຸກປຏິສນ຺ຘິກ຺ຂເຓ…ເປ…. (໓)

໒໘໓. ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ອເຫຕຸກປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ກຏຕ຺ຕາຣູປໍ, ຈິຕ຺ຕໍ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຈິຕ຺ຕໍ, ເອກໍ ມຫາຠູຕໍ…ເປ… (ຍາວ ອສຎ຺ຎສຕ຺ຕາ). (໑)

ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ອເຫຕຸກປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ອເຫຕຸກປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐານາ ຂນ຺ຘາ, ວິຈິກິຈ຺ຉາສຫຄຕໍ ອຸທ຺ຘຈ຺ຈສຫຄຕໍ ຈິຕ຺ຕໍ ປຏິຈ຺ຈ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (໒)

ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ອເຫຕຸກປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ກຏຕ຺ຕາ ຈ ຣູປໍ, ອເຫຕຸກປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ ສມ຺ປຍຸຕ຺ຕກາ ຈ ຂນ຺ຘາ. (໓)

໒໘໔. ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ອເຫຕຸກປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕຎ຺ຈ…ເປ… ອເຫຕຸກປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ວິຈິກິຈ຺ຉາສຫຄເຕ ອຸທ຺ຘຈ຺ຈສຫຄເຕ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (໑)

ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸເກ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ອເຫຕຸເກ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ອເຫຕຸກປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ກຏຕ຺ຕາຣູປໍ, ອເຫຕຸກປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ, ອເຫຕຸກປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ຈິຕ຺ຕໍ. (໒)

ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ນເຫຕຸປຈ຺ຈຍາ – ອເຫຕຸກໍ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… (ອເຫຕຸກປຏິສນ຺ຘິກ຺ຂເຓ ທ຺ເວປິ ກາຕພ຺ພາ). (໓)

ນອາຣມ຺ມຓປຈ຺ຈໂຍ

໒໘໕. ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໑)

ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ຈິຕ຺ຕໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ກຏຕ຺ຕາຣູປໍ, ຈິຕ຺ຕໍ ປຏິຈ຺ຈ ວຕ຺ຖຸ, ເອກໍ ມຫາຠູຕໍ…ເປ… (ຍາວ ອສຎ຺ຎສຕ຺ຕາ). (໑)

ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ (ປຏິສນ຺ຘິກ຺ຂເຓ ທ຺ເວ, ສໍຂິຕ຺ຕໍ). (໑)