໑. ວິຠງ຺ຄວາໂຣ

ເຫຕຸປຈ຺ຈໂຍ

໒໗໘. ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ ປຏິຈ຺ຈ ເອໂກ ຂນ຺ໂຘ; ປຏິສນ຺ຘິກ຺ຂເຓ…ເປ…. (໑)

ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕໍ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕໍ ກຏຕ຺ຕາ ຈ ຣູປໍ. (໒)

ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໓)

໒໗໙. ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ກຏຕ຺ຕາຣູປໍ, ຈິຕ຺ຕໍ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຈິຕ຺ຕໍ, ເອກໍ ມຫາຠູຕໍ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐານາ ຂນ຺ຘາ. (໒)

ໂນຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ກຏຕ຺ຕາ ຈ ຣູປໍ, ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ ສມ຺ປຍຸຕ຺ຕກາ ຈ ຂນ຺ຘາ. (໓)

໒໘໐. ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ…. (໑)

ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ກຏຕ຺ຕາຣູປໍ, ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ, ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐາເນ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ຈິຕ຺ຕໍ. (໒)

ຈິຕ຺ຕສໍສຏ຺ຐສມຸຏ຺ຐານຎ຺ຈ ໂນຈິຕ຺ຕສໍສຏ຺ຐສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສໍສຏ຺ຐສມຸຏ຺ຐາໂນ ຈ ໂນຈິຕ຺ຕສໍສຏ຺ຐສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ກຏຕ຺ຕາ ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສໍສຏ຺ຐສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ…ເປ… (ສໍຂິຕ຺ຕໍ). (໓)