໑. ວິຠງ຺ຄວາໂຣ

ເຫຕຸປຈ຺ຈໂຍ

໒໕໗. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ຈິຕ຺ຕສຫຠູ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສຫຠູນໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ຈິຕ຺ຕສຫຠູ ເຫຕູ ຈິຕ຺ຕສ຺ສ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ຈິຕ຺ຕສຫຠູ ເຫຕູ ຈິຕ຺ຕສ຺ສ ກຏຕ຺ຕາ ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໒)

ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ; ຈິຕ຺ຕສຫຠູ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສຫຠູນຎ຺ຈ ໂນຈິຕ຺ຕສຫຠູນຎ຺ຈ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

ອາຣມ຺ມຓປຈ຺ຈໂຍ

໒໕໘. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ນວ (ຈິຕ຺ຕສມຸຏ຺ຐານທຸກສທິສໍ, ນິນ຺ນານາກຣຓໍ).

ອຘິປຕິປຈ຺ຈໂຍ

໒໕໙. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ຕີຓິ (ອາຣມ຺ມຓາຘິປຕິປິ ສຫຊາຕາຘິປຕິປິ ກາຕພ຺ພາ).

ໂນຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ຕີຓິ (ອາຣມ຺ມຓາຘິປຕິປິ ສຫຊາຕາຘິປຕິປິ ອິເມສມ຺ປິ ຕິຓ຺ຓໍ ກາຕພ຺ພາ. ນວປິ ປຎ຺ຫາ ຈິຕ຺ຕສມຸຏ຺ຐານທຸກສທິສາ. ອນ຺ເຕ ຕີຓິ ອາຣມ຺ມຓາຘິປຕິເຍວ).

ອນນ຺ຕຣປຈ຺ຈຍາທິ

໒໖໐. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ… ນວ (ຈິຕ຺ຕສມຸຏ຺ຐານທຸກສທິສໍ, ນິນ຺ນານາກຣຓໍ)… ສມນນ຺ຕຣປຈ຺ຈເຍນ ປຈ຺ຈໂຍ… ນວ (ປຏິຈ຺ຈສທິສາ) … ສຫຊາຕປຈ຺ຈເຍນ ປຈ຺ຈໂຍ… ນວ (ປຏິຈ຺ຈສທິສາ)… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ນວ (ປຏິຈ຺ຈສທິສາ)… ນິສ຺ສຍປຈ຺ຈເຍນ ປຈ຺ຈໂຍ… ນວ (ປຈ຺ຈຍວາຣສທິສາ)… ອຸປນິສ຺ສຍປຈ຺ຈເຍນ ປຈ຺ຈໂຍ… ນວ (ຈິຕ຺ຕສມຸຏ຺ຐານທຸກສທິສາ).

ປຸເຣຊາຕປຈ຺ຈໂຍ

໒໖໑. ໂນຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ… ຕີຓິ (ໂນຈິຕ຺ຕສຫຠູ ມູລໍເຍວ ລພ຺ຠຕິ, ຈິຕ຺ຕສມຸຏ຺ຐານທຸກສທິສາ. ຕີຓິປິ ນິນ຺ນານາກຣຓໍ).

ປຈ຺ຉາຊາຕາເສວນປຈ຺ຈຍາ

໒໖໒. ຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ຈິຕ຺ຕສຫຠູ ຂນ຺ຘາ ປຸເຣຊາຕສ຺ສ ອິມສ຺ສ ໂນຈິຕ຺ຕສຫຠຸສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ໂນຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ…ເປ…. (໑)

ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ໂນຈິຕ຺ຕສຫຠຸສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ)… ອາເສວນປຈ຺ຈເຍນ ປຈ຺ຈໂຍ… ນວ.

ກມ຺ມປຈ຺ຈໂຍ

໒໖໓. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ຈິຕ຺ຕສຫຠູ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສຫຠູນໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ຈິຕ຺ຕສຫຠູ ເຈຕນາ ວິປາການໍ ຈິຕ຺ຕສຫຠູນໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ຈິຕ຺ຕສຫຠູ ເຈຕນາ ຈິຕ຺ຕສ຺ສ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ຈິຕ຺ຕສຫຠູ ເຈຕນາ ວິປາກສ຺ສ ຈິຕ຺ຕສ຺ສ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໒)

ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ຈິຕ຺ຕສຫຠູ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສຫຠູນຎ຺ຈ ໂນຈິຕ຺ຕສຫຠູນຎ຺ຈ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ຈິຕ຺ຕສຫຠູ ເຈຕນາ ວິປາການໍ ຂນ຺ຘານໍ ຈິຕ຺ຕສ຺ສ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ວິປາກປຈ຺ຈຍາທິ

໒໖໔. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ (ຈິຕ຺ຕສມຸຏ຺ຐານທຸກສທິສໍ)… ອາຫາຣປຈ຺ຈເຍນ ປຈ຺ຈໂຍ… ນວ (ຈິຕ຺ຕສມຸຏ຺ຐານທຸກສທິສາ. ອິມມ຺ປິ ເອກໍ ກພຬີກາຣອາຫາຣສທິສໍ). ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ… ນວ (ຈິຕ຺ຕສມຸຏ຺ຐານທຸກສທິສໍ, ນິນ຺ນານາກຣຓໍ)… ຌານປຈ຺ຈເຍນ ປຈ຺ຈໂຍ… ຕີຓິ… ມຄ຺ຄປຈ຺ຈເຍນ ປຈ຺ຈໂຍ… ຕີຓິ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ປຎ຺ຈ.

ວິປ຺ປຍຸຕ຺ຕປຈ຺ຈໂຍ

໒໖໕. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ສຫຊາຕາ – ຈິຕ຺ຕສຫຠູ ຂນ຺ຘາ ຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ຈິຕ຺ຕສຫຠູ ຂນ຺ຘາ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ປຈ຺ຉາຊາຕາ – ຈິຕ຺ຕສຫຠູ ຂນ຺ຘາ ປຸເຣຊາຕສ຺ສ ອິມສ຺ສ ໂນຈິຕ຺ຕສຫຠຸສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ສຫຊາຕາ – ຈິຕ຺ຕສຫຠູ ຂນ຺ຘາ ຈິຕ຺ຕສຫຠູນຎ຺ຈ ໂນຈິຕ຺ຕສຫຠູນຎ຺ຈ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

໒໖໖. ໂນຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕໍ – ຈິຕ຺ຕໍ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ຈິຕ຺ຕໍ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ຈິຕ຺ຕໍ ວຕ຺ຖຸສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ວຕ຺ຖຸ ຈິຕ຺ຕສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ…ເປ… ກາຍາຍຕນໍ…ເປ… ວຕ຺ຖຸ ຈິຕ຺ຕສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕໍ – ຈິຕ຺ຕໍ ປຸເຣຊາຕສ຺ສ ອິມສ຺ສ ໂນຈິຕ຺ຕສຫຠຸສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ໂນຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ຈິຕ຺ຕໍ ຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ…ເປ… ກາຍາຍຕນໍ…ເປ… ວຕ຺ຖຸ ຈິຕ຺ຕສຫຠູນໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ໂນຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ຈິຕ຺ຕໍ ຈິຕ຺ຕສຫຠູນຎ຺ຈ ໂນຈິຕ຺ຕສຫຠູນຎ຺ຈ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ…ເປ… ກາຍາຍຕນໍ…ເປ… ວຕ຺ຖຸ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

໒໖໗. ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ຈິຕ຺ຕສຫຠຸສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ສຫຊາຕາ – ຈິຕ຺ຕສຫຠູ ຂນ຺ຘາ ຈ ຈິຕ຺ຕຎ຺ຈ ຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ໂນຈິຕ຺ຕສຫຠຸສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ຈິຕ຺ຕສຫຠູ ຂນ຺ຘາ ຈ ຈິຕ຺ຕຎ຺ຈ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ …ເປ…. ປຈ຺ຉາຊາຕາ – ຈິຕ຺ຕສຫຠູ ຂນ຺ຘາ ຈ ຈິຕ຺ຕຎ຺ຈ ປຸເຣຊາຕສ຺ສ ອິມສ຺ສ ໂນຈິຕ຺ຕສຫຠຸສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ຈິຕ຺ຕສຫຠູ ຂນ຺ຘາ ຈ ຈິຕ຺ຕຎ຺ຈ ຈິຕ຺ຕສຫຠູນຎ຺ຈ ໂນຈິຕ຺ຕສຫຠູນຎ຺ຈ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

ອຕ຺ຖິປຈ຺ຈໂຍ

໒໖໘. ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ຈິຕ຺ຕສຫຠູ ເອໂກ ຂນ຺ໂຘ…ເປ… (ປຏິຈ຺ຈສທິສໍ). (໑)

ຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໒)

ຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ຈິຕ຺ຕສຫຠູ ເອໂກ ຂນ຺ໂຘ…ເປ… (ປຏິຈ຺ຈສທິສໍ). (໓)

ໂນຈິຕ຺ຕສຫຠູ ຘມ຺ໂມ ໂນຈິຕ຺ຕສຫຠຸສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໑)

ໂນຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ສໍຂິຕ຺ຕໍ. (໒)

ໂນຈິຕ຺ຕສຫຠູ ຘມ຺ໂມ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ສໍຂິຕ຺ຕໍ). (໓)

໒໖໙. ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ຈິຕ຺ຕສຫຠຸສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ຈກ຺ຂຸວິຎ຺ຎາຓສຫຄໂຕ ເອໂກ ຂນ຺ໂຘ ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓຎ຺ຈ ທ຺ວິນ຺ນໍ ຂນ຺ຘານໍ…ເປ… ທ຺ເວ ຂນ຺ຘາ ຈ…ເປ… (ສພ຺ພໍ ປຏິສນ຺ຘິຍໍ ກາຕພ຺ພໍ, ສຫຊາຕໍ ປຸເຣຊາຕມ຺ປິ). (໑)

ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ໂນຈິຕ຺ຕສຫຠຸສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ຈກ຺ຂຸວິຎ຺ຎາຓສຫຄຕາ ຂນ຺ຘາ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ ອຕ຺ຖິປຈ຺ຈເຍນ ປຈ຺ຈໂຍ…ເປ… ກາຍວິຎ຺ຎາຓສຫຄຕາ…ເປ… ຈິຕ຺ຕສຫຠູ ຂນ຺ຘາ ຈ ຈິຕ຺ຕຎ຺ຈ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ສຫຊາຕາ – ຈິຕ຺ຕສຫຠູ ຂນ຺ຘາ ຈ ວຕ຺ຖຸ ຈ ຈິຕ຺ຕສ຺ສ ອຕ຺ຖິປຈ຺ຈເຍນ ປຈ຺ຈໂຍ. ສຫຊາຕາ – ຈິຕ຺ຕສຫຠູ ຂນ຺ຘາ ຈ ມຫາຠູຕາ ຈ ໂນຈິຕ຺ຕສຫຠູນໍ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ (ປຏິສນ຺ຘິກ຺ຂເຓ ຕີຓິປິ ກາຕພ຺ພາ). ປຈ຺ຉາຊາຕາ – ຈິຕ຺ຕສຫຠູ ຂນ຺ຘາ ຈ ຈິຕ຺ຕຎ຺ຈ ປຸເຣຊາຕສ຺ສ ອິມສ຺ສ ໂນຈິຕ຺ຕສຫຠຸສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ຈິຕ຺ຕສຫຠູ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ໂນຈິຕ຺ຕສຫຠຸສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ຈິຕ຺ຕສຫຠູ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ຈິຕ຺ຕສຫຠຸສ຺ສ ຈ ໂນຈິຕ຺ຕສຫຠຸສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ຈກ຺ຂຸວິຎ຺ຎາຓສຫຄໂຕ ເອໂກ ຂນ຺ໂຘ ຈ ຈກ຺ຂາຍຕນໍ ຈ…ເປ… (ປຈ຺ຈຍວາຣສທິສໍ). (໓)