໑. ວິຠງ຺ຄວາໂຣ

ເຫຕຸປຈ຺ຈໂຍ

໒໓໙. ຈິຕ຺ຕສຫຠຸໍ ຘມ຺ມໍ ປຏິຈ຺ຈ ຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສຫຠຸໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕສຫຠຸ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສຫຠຸໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ…. (໑)

ຈິຕ຺ຕສຫຠຸໍ ຘມ຺ມໍ ປຏິຈ຺ຈ ໂນຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສຫຠູ ຂນ຺ເຘ ປຏິຈ຺ຈ ຈິຕ຺ຕໍ ໂນຈິຕ຺ຕສຫຠຸ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ຈິຕ຺ຕສຫຠູ ຂນ຺ເຘ ປຏິຈ຺ຈ ຈິຕ຺ຕໍ ກຏຕ຺ຕາ ຈ ຣູປໍ. (໒)

ຈິຕ຺ຕສຫຠຸໍ ຘມ຺ມໍ ປຏິຈ຺ຈ ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕສຫຠຸໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ຈິຕ຺ຕສຫຠຸ ຈ ໂນຈິຕ຺ຕສຫຠຸ ຈ ຈິຕ຺ຕສມຸຏ຺ຐານໍ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສຫຠຸໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ກຏຕ຺ຕາ ຈ ຣູປໍ, ທ຺ເວ ຂນ຺ເຘ…ເປ…. (໓)

໒໔໐. ໂນຈິຕ຺ຕສຫຠຸໍ ຘມ຺ມໍ ປຏິຈ຺ຈ ໂນຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ໂນຈິຕ຺ຕສຫຠຸ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ກຏຕ຺ຕາຣູປໍ, ຈິຕ຺ຕໍ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຈິຕ຺ຕໍ, ເອກໍ ມຫາຠູຕໍ…ເປ… ມຫາຠູເຕ ປຏິຈ຺ຈ ໂນຈິຕ຺ຕສຫຠຸ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

ໂນຈິຕ຺ຕສຫຠຸໍ ຘມ຺ມໍ ປຏິຈ຺ຈ ຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສຫຠຸ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕສຫຠູ ຂນ຺ຘາ, ມຫາຠູເຕ ປຏິຈ຺ຈ ຈິຕ຺ຕສຫຠຸ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໒)

ໂນຈິຕ຺ຕສຫຠຸໍ ຘມ຺ມໍ ປຏິຈ຺ຈ ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສຫຠຸ ຈ ໂນຈິຕ຺ຕສຫຠຸ ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ກຏຕ຺ຕາ ຈ ຣູປໍ, ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ, ມຫາຠູເຕ ປຏິຈ຺ຈ ຈິຕ຺ຕສຫຠຸ ຈ ໂນຈິຕ຺ຕສຫຠຸ ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໓)

໒໔໑. ຈິຕ຺ຕສຫຠຸຎ຺ຈ ໂນຈິຕ຺ຕສຫຠຸຎ຺ຈ ຘມ຺ມໍ ປຏິຈ຺ຈ ຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສຫຠຸໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສຫຠຸ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສຫຠຸໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສຫຠຸໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ຈິຕ຺ຕສຫຠູ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສຫຠຸ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)

ຈິຕ຺ຕສຫຠຸຎ຺ຈ ໂນຈິຕ຺ຕສຫຠຸຎ຺ຈ ຘມ຺ມໍ ປຏິຈ຺ຈ ໂນຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສຫຠູ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ໂນຈິຕ຺ຕສຫຠຸ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ຈິຕ຺ຕສຫຠູ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ກຏຕ຺ຕາຣູປໍ, ປຏິສນ຺ຘິກ຺ຂເຓ ຈິຕ຺ຕສຫຠູ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ຈິຕ຺ຕໍ, ຈິຕ຺ຕສຫຠູ ຂນ຺ເຘ ຈ ມຫາຠູເຕ ຈ ປຏິຈ຺ຈ ໂນຈິຕ຺ຕສຫຠຸ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໒)

ຈິຕ຺ຕສຫຠຸຎ຺ຈ ໂນຈິຕ຺ຕສຫຠຸຎ຺ຈ ຘມ຺ມໍ ປຏິຈ຺ຈ ຈິຕ຺ຕສຫຠູ ຈ ໂນຈິຕ຺ຕສຫຠູ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕສຫຠຸໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສຫຠຸ ຈ ໂນຈິຕ຺ຕສຫຠຸ ຈ ຈິຕ຺ຕສມຸຏ຺ຐານໍ ຣູປໍ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສຫຠຸໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ກຏຕ຺ຕາ ຈ ຣູປໍ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສຫຠຸໍ ເອກ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ ຈ…ເປ… ຈິຕ຺ຕສຫຠູ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ ອຸປາທາຣູປໍ (ສໍຂິຕ຺ຕໍ). (໓)