໑. ວິຠງ຺ຄວາໂຣ

ເຫຕຸປຈ຺ຈໂຍ

໑໘໖. ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ເອກໍ ມຫາຠູຕໍ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)

ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕໍ; ປຏິສນ຺ຘິກ຺ຂເຓ ຈິຕ຺ຕສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕໍ ກຏຕ຺ຕາ ຈ ຣູປໍ. (໒)

ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຈ ໂນຈິຕ຺ຕສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ກຏຕ຺ຕາ ຈ ຣູປໍ, ທ຺ເວ ຂນ຺ເຘ…ເປ…. (໓)

໑໘໗. ໂນຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ກຏຕ຺ຕາຣູປໍ; ຈິຕ຺ຕໍ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຈິຕ຺ຕໍ, ເອກໍ ມຫາຠູຕໍ…ເປ… ມຫາຠູເຕ ປຏິຈ຺ຈ ກຏຕ຺ຕາຣູປໍ ອຸປາທາຣູປໍ. (໑)

ໂນຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕສມຸຏ຺ຐານາ ຂນ຺ຘາ. (໒)

ໂນຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຈ ໂນຈິຕ຺ຕສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ກຏຕ຺ຕາ ຈ ຣູປໍ; ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ ສມ຺ປຍຸຕ຺ຕກາ ຈ ຂນ຺ຘາ. (໓)

໑໘໘. ຈິຕ຺ຕສມຸຏ຺ຐານຎ຺ຈ ໂນຈິຕ຺ຕສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ…. (໑)

ຈິຕ຺ຕສມຸຏ຺ຐານຎ຺ຈ ໂນຈິຕ຺ຕສມຸຏ຺ຐານຎ຺ຈ ຘມ຺ມໍ ປຏິຈ຺ຈ ໂນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ຈິຕ຺ຕສມຸຏ຺ຐາເນ ຂນ຺ເຘ ຈ ຈິຕ຺ຕຎ຺ຈ ປຏິຈ຺ຈ ກຏຕ຺ຕາຣູປໍ; ປຏິສນ຺ຘິກ຺ຂເຓ ຈິຕ຺ຕສມຸຏ຺ຐາເນ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ, ປຏິສນ຺ຘິກ຺ຂເຓ ຈິຕ຺ຕສມຸຏ຺ຐາເນ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ຈິຕ຺ຕໍ. (໒)

ຈິຕ຺ຕສມຸຏ຺ຐານຎ຺ຈ ໂນຈິຕ຺ຕສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຈ ໂນຈິຕ຺ຕສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ກຏຕ຺ຕາ ຈ ຣູປໍ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ ຈ…ເປ…. (໓)

ອາຣມ຺ມຓປຈ຺ຈໂຍ

໑໘໙. ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈິຕ຺ຕສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໑)

ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈິຕ຺ຕສມຸຏ຺ຐາເນ ຂນ຺ເຘ ປຏິຈ຺ຈ ຈິຕ຺ຕໍ; ປຏິສນ຺ຘິກ຺ຂເຓ…ເປ…. (໒)

ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຈ ໂນຈິຕ຺ຕສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ຈິຕ຺ຕສມຸຏ຺ຐານໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໓)

໑໙໐. ໂນຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ໂນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ. (໑)

ໂນຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕສມຸຏ຺ຐານາ ຂນ຺ຘາ. (໒)

ໂນຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຈ ໂນຈິຕ຺ຕສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ ສມ຺ປຍຸຕ຺ຕກາ ຈ ຂນ຺ຘາ. (໓)

໑໙໑. ຈິຕ຺ຕສມຸຏ຺ຐານຎ຺ຈ ໂນຈິຕ຺ຕສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ…. (໑)

ຈິຕ຺ຕສມຸຏ຺ຐານຎ຺ຈ ໂນຈິຕ຺ຕສມຸຏ຺ຐານຎ຺ຈ ຘມ຺ມໍ ປຏິຈ຺ຈ ໂນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ຈິຕ຺ຕສມຸຏ຺ຐາເນ ຂນ຺ເຘ ຈ ວຕ຺ຖຸຎ຺ຈ ປຏິຈ຺ຈ ຈິຕ຺ຕໍ. (໒)

ຈິຕ຺ຕສມຸຏ຺ຐານຎ຺ຈ ໂນຈິຕ຺ຕສມຸຏ຺ຐານຎ຺ຈ ຘມ຺ມໍ ປຏິຈ຺ຈ ຈິຕ຺ຕສມຸຏ຺ຐາໂນ ຈ ໂນຈິຕ຺ຕສມຸຏ຺ຐາໂນ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ຈິຕ຺ຕສມຸຏ຺ຐານໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ…ເປ…. (໓)