໑. ວິຠງ຺ຄວາໂຣ

ນເຫຕຸປຈ຺ຈໂຍ

໑໕໘. ຈິຕ຺ຕສມ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ… ຕີຓິ (ປຏິຈ຺ຈສທິສາ).

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ເອກໍ ມຫາຠູຕໍ…ເປ… (ຍາວ ອສຎ຺ຎສຕ຺ຕາ). (໑)

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓສຫຄຕາ ຂນ຺ຘາ…ເປ… ກາຍາຍຕນໍ…ເປ… ວຕ຺ຖຸໍ ປຈ຺ຈຍາ ອເຫຕຸກາ ຈິຕ຺ຕສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ…ເປ… ວຕ຺ຖຸໍ ປຈ຺ຈຍາ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (໒)

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຈ ຈິຕ຺ຕວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ນເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອເຫຕຸກາ ຈິຕ຺ຕສມ຺ປຍຸຕ຺ຕກາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໓)

ຈິຕ຺ຕສມ຺ປຍຸຕ຺ຕຎ຺ຈ ຈິຕ຺ຕວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ຈກ຺ຂຸວິຎ຺ຎາຓສຫຄຕໍ ເອກໍ ຂນ຺ຘຎ຺ຈ ຈກ຺ຂາຍຕນຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ກາຍວິຎ຺ຎາຓສຫຄຕໍ ເອກໍ ຂນ຺ຘຎ຺ຈ ກາຍາຍຕນຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ອເຫຕຸກໍ ຈິຕ຺ຕສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ອເຫຕຸກປຏິສນ຺ຘິກ຺ຂເຓ…ເປ… ວິຈິກິຈ຺ຉາສຫຄເຕ ອຸທ຺ຘຈ຺ຈສຫຄເຕ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (ເອວໍ ທ຺ເວ ປຎ຺ຫາ ປວຕ຺ຕິປຏິສນ຺ຘິ ກາຕພ຺ພາ. ສໍຂິຕ຺ຕໍ.)