໑. ວິຠງ຺ຄວາໂຣ

ເຫຕຸປຈ຺ຈໂຍ

໑໕໔. ຈິຕ຺ຕສມ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ປຏິຈ຺ຈສທິສາ).

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເອກໍ (ປຏິຈ຺ຈສທິສໍ). (໑)

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ຈິຕ຺ຕສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ…ເປ…. (໒)

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຈ ຈິຕ຺ຕວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ຈິຕ຺ຕສມ຺ປຍຸຕ຺ຕກາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໓)

໑໕໕. ຈິຕ຺ຕສມ຺ປຍຸຕ຺ຕຎ຺ຈ ຈິຕ຺ຕວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ…ເປ…. (໑)

ຈິຕ຺ຕສມ຺ປຍຸຕ຺ຕຎ຺ຈ ຈິຕ຺ຕວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ຈິຕ຺ຕວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໒)

ຈິຕ຺ຕສມ຺ປຍຸຕ຺ຕຎ຺ຈ ຈິຕ຺ຕວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຈ ຈິຕ຺ຕວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຈິຕ຺ຕສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ຈິຕ຺ຕສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໓)

ອາຣມ຺ມຓປຈ຺ຈໂຍ

໑໕໖. ຈິຕ຺ຕສມ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ… ເອກໍ (ປຏິຈ຺ຈສທິສໍ). (໑)

ຈິຕ຺ຕວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓສຫຄຕາ ຂນ຺ຘາ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓສຫຄຕາ ຂນ຺ຘາ…ເປ… ວຕ຺ຖຸໍ ປຈ຺ຈຍາ ຈິຕ຺ຕສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ…ເປ…. (໑)

ຈິຕ຺ຕສມ຺ປຍຸຕ຺ຕຎ຺ຈ ຈິຕ຺ຕວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈກ຺ຂຸວິຎ຺ຎາຓສຫຄຕໍ ເອກໍ ຂນ຺ຘຎ຺ຈ ຈກ຺ຂາຍຕນຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ກາຍວິຎ຺ຎາຓສຫຄຕໍ ເອກໍ ຂນ຺ຘຎ຺ຈ ກາຍາຍຕນຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ຈິຕ຺ຕສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ…ເປ… (ສໍຂິຕ຺ຕໍ). (໑)