໑. ວິຠງ຺ຄວາໂຣ

ເຫຕຸປຈ຺ຈໂຍ

໑໓໖. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອໂລໂຠ ອໂທສສ຺ສ ອໂມຫສ຺ສ ເຫຕຸປຈ຺ຈເຍນ ປຈ຺ຈໂຍ (ຍຖາ ປຏິຈ຺ຈວາຣສທິສໍ). (໑)

ເຫຕຸ ເຈວ ສເຫຕຸໂກ ຈ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໒)

ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອໂລໂຠ ອໂທສສ຺ສ ອໂມຫສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ (ວິຕ຺ຖາເຣຕພ຺ພໍ). (໓)

ອາຣມ຺ມຓປຈ຺ຈໂຍ

໑໓໗. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ເຫຕຸໍ ອາຣພ຺ຠ ເຫຕູ ອຸປ຺ປຊ຺ຊນ຺ຕິ. (໑)

ເຫຕຸ ເຈວ ສເຫຕຸໂກ ຈ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ເຫຕຸໍ ອາຣພ຺ຠ ສເຫຕຸກາ ເຈວ ນ ຈ ເຫຕູ ຂນ຺ຘາ ອຸປ຺ປຊ຺ຊນ຺ຕິ. (໒)

ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ເຫຕຸໍ ອາຣພ຺ຠ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ ປຈ຺ຈເວກ຺ຂຕິ. ຌານາ ວຸຏ຺ຐຫິຕ຺ວາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ ປຈ຺ຈເວກ຺ຂນ຺ຕິ. ປຫີເນ ກິເລເສ…ເປ… ວິກ຺ຂມ຺ຠິເຕ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ. ສເຫຕຸເກ ເຈວ ນ ຈ ເຫຕູ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ. ເຈໂຕປຣິຍຎາເຓນ ສເຫຕຸກາ ເຈວ ນ ຈ ເຫຕຸຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ; ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ສເຫຕຸກາ ເຈວ ນ ຈ ເຫຕູ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ… (ຍຖາ ປຐມຄມນໍ ເອວໍ ນິນ຺ນານໍ). (໒)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ… (ຍຖາ ປຐມຄມນໍ ເອວໍ ນິນ຺ນານໍ). (໓)

໑໓໘. ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ເຫຕຸຎ຺ຈ ສມ຺ປຍຸຕ຺ຕເກ ຈ ຂນ຺ເຘ ອາຣພ຺ຠ ເຫຕູ ອຸປ຺ປຊ຺ຊນ຺ຕິ. (໑)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ເຫຕຸຎ຺ຈ ສມ຺ປຍຸຕ຺ຕເກ ຈ ຂນ຺ເຘ ອາຣພ຺ຠ ສເຫຕຸກາ ເຈວ ນ ຈ ເຫຕູ ຂນ຺ຘາ ອຸປ຺ປຊ຺ຊນ຺ຕິ. (໒)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ເຫຕຸຎ຺ຈ ສມ຺ປຍຸຕ຺ຕເກ ຈ ຂນ຺ເຘ ອາຣພ຺ຠ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ອຘິປຕິປຈ຺ຈໂຍ

໑໓໙. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ເຫຕຸໍ ຄຣຸໍ ກຕ຺ວາ ເຫຕູ ອຸປ຺ປຊ຺ຊນ຺ຕິ. ສຫຊາຕາຘິປຕິ – ເຫຕຸ ເຈວ ສເຫຕຸກາຘິປຕິ ສມ຺ປຍຸຕ຺ຕການໍ ເຫຕູນໍ ອຘິປຕິປຈ຺ຈເຍນ ປຈ຺ຈໂຍ. (໑)

ເຫຕຸ ເຈວ ສເຫຕຸໂກ ຈ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ເຫຕຸໍ ຄຣຸໍ ກຕ຺ວາ ສເຫຕຸກາ ເຈວ ນ ຈ ເຫຕູ ຂນ຺ຘາ ອຸປ຺ປຊ຺ຊນ຺ຕິ. ສຫຊາຕາຘິປຕິ – ເຫຕຸ ເຈວ ສເຫຕຸກາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໒)

ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ເຫຕຸໍ ຄຣຸໍ ກຕ຺ວາ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. ສຫຊາຕາຘິປຕິ – ເຫຕຸ ເຈວ ສເຫຕຸກາຘິປຕິ ສມ຺ປຍຸຕ຺ຕການໍ ຂນ຺ຘານໍ ເຫຕູນຎ຺ຈ ອຘິປຕິປຈ຺ຈເຍນ ປຈ຺ຈໂຍ. (໓)

໑໔໐. ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ…ເປ… ຌານາ ວຸຏ຺ຐຫິຕ຺ວາ ຌານໍ ຄຣຸໍ ກຕ຺ວາ ປຈ຺ຈເວກ຺ຂຕິ, ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ສເຫຕຸເກ ເຈວ ນ ຈ ເຫຕູ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ; ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ສເຫຕຸໂກ ເຈວ ນ ຈ ເຫຕຸ ອຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ… (ປຐມຄມນໍເຍວ). ສຫຊາຕາຘິປຕິ – ສເຫຕຸໂກ ເຈວ ນ ຈ ເຫຕຸ ອຘິປຕິ ສມ຺ປຍຸຕ຺ຕການໍ ເຫຕູນໍ ອຘິປຕິປຈ຺ຈເຍນ ປຈ຺ຈໂຍ. (໒)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ… (ປຐມຄມນໍເຍວ). ສຫຊາຕາຘິປຕິ – ສເຫຕຸໂກ ເຈວ ນ ຈ ເຫຕຸ ອຘິປຕິ ສມ຺ປຍຸຕ຺ຕການໍ ຂນ຺ຘານໍ ເຫຕູນຎ຺ຈ ອຘິປຕິປຈ຺ຈເຍນ ປຈ຺ຈໂຍ. (໓)

໑໔໑. ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ເຫຕູ ຈ ສມ຺ປຍຸຕ຺ຕເກ ຈ ຂນ຺ເຘ ຄຣຸໍ ກຕ຺ວາ ເຫຕູ ອຸປ຺ປຊ຺ຊນ຺ຕິ. (໑)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ເຫຕຸຎ຺ຈ ສມ຺ປຍຸຕ຺ຕເກ ຈ ຂນ຺ເຘ ຄຣຸໍ ກຕ຺ວາ ສເຫຕຸກາ ເຈວ ນ ຈ ເຫຕູ ຂນ຺ຘາ ອຸປ຺ປຊ຺ຊນ຺ຕິ. (໒)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ເຫຕຸຎ຺ຈ ສມ຺ປຍຸຕ຺ຕເກ ຈ ຂນ຺ເຘ ຄຣຸໍ ກຕ຺ວາ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ອນນ຺ຕຣປຈ຺ຈໂຍ

໑໔໒. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ເຫຕູ ປຈ຺ຉິມານໍ ປຈ຺ຉິມານໍ ເຫຕູນໍ ອນນ຺ຕຣປຈ຺ຈເຍນ ປຈ຺ຈໂຍ. (໑)

ເຫຕຸ ເຈວ ສເຫຕຸໂກ ຈ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ເຫຕູ ປຈ຺ຉິມານໍ ປຈ຺ຉິມານໍ ສເຫຕຸການຎ຺ເຈວ ນ ຈ ເຫຕູນໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໒)

ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ເຫຕູ ປຈ຺ຉິມານໍ ປຈ຺ຉິມານໍ ເຫຕູນໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

໑໔໓. ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສເຫຕຸກາ ເຈວ ນ ຈ ເຫຕູ ຂນ຺ຘາ ປຈ຺ຉິມານໍ ປຈ຺ຉິມານໍ ສເຫຕຸການຎ຺ເຈວ ນ ຈ ເຫຕູນໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ…ເປ… ນິໂຣຘາ ວຸຏ຺ຐຫນ຺ຕສ຺ສ, ເນວສຎ຺ຎານາສຎ຺ຎາຍຕນໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສເຫຕຸກາ ເຈວ ນ ຈ ເຫຕູ ຂນ຺ຘາ ປຈ຺ຉິມານໍ ປຈ຺ຉິມານໍ ເຫຕູນໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ… (ສໍຂິຕ຺ຕໍ). (໒)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສເຫຕຸກາ ເຈວ ນ ຈ ເຫຕູ ຂນ຺ຘາ ປຈ຺ຉິມານໍ ປຈ຺ຉິມານໍ ເຫຕູນໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ…ເປ…. (໓)

(ສເຫຕຸໂກ ເຈວ ນ ຈ ເຫຕຸມູລກໍ ຕີຓິປິ ເອກສທິສາ.)

໑໔໔. ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ເຫຕູນໍ ອນນ຺ຕຣປຈ຺ຈເຍນ ປຈ຺ຈໂຍ. (໑)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ສເຫຕຸການຎ຺ເຈວ ນ ຈ ເຫຕູນໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ.(໒)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ເຫຕູນໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

ສຫຊາຕປຈ຺ຈຍາທິ

໑໔໕. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ສຫຊາຕປຈ຺ຈເຍນ ປຈ຺ຈໂຍ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ນິສ຺ສຍປຈ຺ຈເຍນ ປຈ຺ຈໂຍ (ຕີຓິປິ ປຈ຺ຈຍາ ປຏິຈ຺ຈວາເຣ ເຫຕຸສທິສາ).

ອຸປນິສ຺ສຍປຈ຺ຈໂຍ

໑໔໖. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ເຫຕູ ເຫຕູນໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ເຫຕູ ສເຫຕຸການຎ຺ເຈວ ນ ຈ ເຫຕູນໍ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ເຫຕູ ເຫຕູນໍ ສມ຺ປຍຸຕ຺ຕການຎ຺ຈ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ (ອິເມສໍ ທ຺ວິນ຺ນມ຺ປິ ປຎ຺ຫານໍ ມູລານິ ປຸຈ຺ຉິຕພ຺ພານິ).

ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ, ສີລໍ…ເປ… ປຕ຺ຖນໍ ອຸປນິສ຺ສາຍ ທານໍ ເທຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ປຕ຺ຖນາ ສທ຺ຘາຍ…ເປ… ປຕ຺ຖນາຍ ມຄ຺ຄສ຺ສ ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

(ສເຫຕຸໂກ ເຈວ ນ ຈ ເຫຕຸມູລເກ ອິມິນາກາເຣນ ວິຕ຺ຖາເຣຕພ຺ພາ ອວເສສາ ທ຺ເວ ປຎ຺ຫາ.)

ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ເຫຕູນໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ທ຺ເວ ມູລານິ ປຸຈ຺ຉິຕພ຺ພານິ) ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ສເຫຕຸການຎ຺ເຈວ ນ ຈ ເຫຕູນໍ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ເຫຕູ ຈ ສມ຺ປຍຸຕ຺ຕກາ ຈ ຂນ຺ຘາ ເຫຕູນໍ ສມ຺ປຍຸຕ຺ຕການຎ຺ຈ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ອາເສວນປຈ຺ຈໂຍ

໑໔໗. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ (ອນນ຺ຕຣສທິສໍ).

ກມ຺ມປຈ຺ຈໂຍ

໑໔໘. ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ສເຫຕຸກາ ເຈວ ນ ຈ ເຫຕູ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ສເຫຕຸກາ ເຈວ ນ ຈ ເຫຕູ ເຈຕນາ ວິປາການໍ ສເຫຕຸການຎ຺ເຈວ ນ ຈ ເຫຕູນໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ສເຫຕຸກາ ເຈວ ນ ຈ ເຫຕູ ເຈຕນາ ສມ຺ປຍຸຕ຺ຕການໍ ເຫຕູນໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ສເຫຕຸກາ ເຈວ ນ ຈ ເຫຕູ ເຈຕນາ ວິປາການໍ ເຫຕູນໍ ກມ຺ມປຈ຺ຈເຍນ ປຈ຺ຈໂຍ. (໒)

ສເຫຕຸໂກ ເຈວ ນ ຈ ເຫຕຸ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ສເຫຕຸກາ ເຈວ ນ ຈ ເຫຕູ ເຈຕນາ ສມ຺ປຍຸຕ຺ຕການໍ ຂນ຺ຘານໍ ເຫຕູນຎ຺ຈ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ສເຫຕຸກາ ເຈວ ນ ຈ ເຫຕູ ເຈຕນາ ວິປາການໍ ຂນ຺ຘານໍ ເຫຕູນຎ຺ຈ ກມ຺ມປຈ຺ຈເຍນ ປຈ຺ຈໂຍ. (໓)

ວິປາກປຈ຺ຈໂຍ

໑໔໙. ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ – ວິປາໂກ ອໂລໂຠ ອໂທສສ຺ສ ອໂມຫສ຺ສ ຈ ວິປາກປຈ຺ຈເຍນ ປຈ຺ຈໂຍ (ຈກ຺ກໍ); ປຏິສນ຺ຘິກ຺ຂເຓ ອໂລໂຠ (ຍຖາ ເຫຕຸປຈ຺ຈຍາ ເອວໍ ວິຕ຺ຖາເຣຕພ຺ພໍ, ນວປິ ວິປາກນ຺ຕິ ນິຍາເມຕພ຺ພໍ).

ອາຫາຣປຈ຺ຈຍາທິ

໑໕໐. ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ… ຕີຓິ.

ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ (ອິນ຺ທ຺ຣິຍນ຺ຕິ ນິຍາເມຕພ຺ພໍ, ນວປິ ປຣິປຸຓ຺ຓໍ).

ສເຫຕຸໂກ ເຈວ ນ ຈ ເຫຕຸ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ຌານປຈ຺ຈເຍນ ປຈ຺ຈໂຍ… ຕີຓິ.

ເຫຕຸ ເຈວ ສເຫຕຸໂກ ຈ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ຘມ຺ມສ຺ສ ມຄ຺ຄປຈ຺ຈເຍນ ປຈ຺ຈໂຍ … ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ອຕ຺ຖິປຈ຺ຈເຍນ ປຈ຺ຈໂຍ… ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ.