໑. ວິຠງ຺ຄວາໂຣ

ນເຫຕຸປຈ຺ຈໂຍ

໖. ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ນເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ອເຫຕຸກປຏິສນ຺ຘິກ຺ຂເຓ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ; ເອກໍ ມຫາຠູຕໍ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ…ເປ….(໑)

ນເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ວິຈິກິຈ຺ຉາສຫຄເຕ ອຸທ຺ຘຈ຺ຈສຫຄເຕ ຂນ຺ເຘ ປຏິຈ຺ຈ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (໒)

ນອາຣມ຺ມຓປຈ຺ຈຍາທິ

໗. ເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ເຫຕຸໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໑)

ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ນເຫຕູ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ… ສພ຺ເພ ມຫາຠູຕາ…ເປ…. (໑)

ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ເຫຕຸຎ຺ຈ ນເຫຕຸຎ຺ຈ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ… ນອຘິປຕິປຈ຺ຈຍາ… (ປຣິປຸຓ຺ຓໍ) ນອນນ຺ຕຣປຈ຺ຈຍາ… ນສມນນ຺ຕຣປຈ຺ຈຍາ… ນອຎ຺ຎມຎ຺ຎປຈ຺ຈຍາ… ນອຸປນິສ຺ສຍປຈ຺ຈຍາ.

ນປຸເຣຊາຕປຈ຺ຈໂຍ

໘. ເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ອໂລຠໍ ປຏິຈ຺ຈ ອໂທໂສ ອໂມໂຫ (ຈກ຺ກໍ). ໂລຠໍ ປຏິຈ຺ຈ ໂມໂຫ, ໂມຫໍ ປຏິຈ຺ຈ ໂລໂຠ; ປຏິສນ຺ຘິກ຺ຂເຓ…ເປ…. (໑)

ເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ເຫຕຸໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ເຫຕຸໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໒)

ເຫຕຸໍ ຘມ຺ມໍ ປຏິຈ຺ຈ ເຫຕຸ ຈ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ນປຸເຣຊາຕປຈ຺ຈຍາ – ອຣູເປ ອໂລຠໍ ປຏິຈ຺ຈ ອໂທໂສ ອໂມໂຫ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ). ໂລຠໍ ປຏິຈ຺ຈ ໂມໂຫ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ); ປຏິສນ຺ຘິກ຺ຂເຓ…ເປ…. (໓)

໙. ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ນເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ນເຫຕູ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ… ເອກໍ ມຫາຠູຕໍ…ເປ…. (໑)

ນເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ນເຫຕູ ຂນ຺ເຘ ປຏິຈ຺ຈ ເຫຕູ; ປຏິສນ຺ຘິກ຺ຂເຓ…ເປ…. (໒)

ນເຫຕຸໍ ຘມ຺ມໍ ປຏິຈ຺ຈ ເຫຕຸ ຈ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ນປຸເຣຊາຕປຈ຺ຈຍາ – ອຣູເປ ນເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ເຫຕຸ ຈ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໓)

໑໐. ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ອໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ອໂທໂສ ອໂມໂຫ (ຈກ຺ກໍ). ອຣູເປ ໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ໂມໂຫ (ຈກ຺ກໍ); ປຏິສນ຺ຘິກ຺ຂເຓ…ເປ…. (໑)

ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ນເຫຕຸໍ ເອກໍ ຂນ຺ຘຎ຺ຈ ເຫຕຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ນເຫຕູ ຂນ຺ເຘ ຈ ເຫຕຸຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ເຫຕຸຎ຺ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ…. (໒)

ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ເຫຕຸ ຈ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ນປຸເຣຊາຕປຈ຺ຈຍາ – ອຣູເປ ນເຫຕຸໍ ເອກໍ ຂນ຺ຘຎ຺ຈ ອໂລຠຎ຺ຈ ປຏິຈ຺ຈ ຕໂຍ ຂນ຺ຘາ ອໂທໂສ ອໂມໂຫ ຈ…ເປ… ທ຺ເວ ຂນ຺ເຘ…ເປ… (ຈກ຺ກໍ). ນເຫຕຸໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ ໂມໂຫ ຈ (ຈກ຺ກໍ); ປຏິສນ຺ຘິກ຺ຂເຓ…ເປ…. (໓)

ນປຈ຺ຉາຊາຕປຈ຺ຈຍາທິ

໑໑. ເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ນປຈ຺ຉາຊາຕປຈ຺ຈຍາ… ນອາເສວນປຈ຺ຈຍາ.

ນກມ຺ມປຈ຺ຈຍາທິ

໑໒. ເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ເຫຕຸໍ ປຏິຈ຺ຈ ສມ຺ປຍຸຕ຺ຕກາ ເຈຕນາ. (໑)

ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ນເຫຕູ ຂນ຺ເຘ ປຏິຈ຺ຈ ສມ຺ປຍຸຕ຺ຕກາ ເຈຕນາ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ…ເປ…. (໑)

ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ເຫຕຸຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ສມ຺ປຍຸຕ຺ຕກາ ເຈຕນາ. (໑)

ເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ນວິປາກປຈ຺ຈຍາ… ນວ.

ນອາຫາຣປຈ຺ຈຍາທິ

໑໓. ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ນອາຫາຣປຈ຺ຈຍາ – ພາຫິຣໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ…ເປ… ນອິນ຺ທ຺ຣິຍປຈ຺ຈຍາ – ພາຫິຣໍ… ອາຫາຣສມຸຏ຺ຐານໍ … ອຸຕຸສມຸຏ຺ຐານໍ…ເປ… ອສຎ຺ຎສຕ຺ຕານໍ ມຫາຠູເຕ ປຏິຈ຺ຈ ຣູປຊີວິຕິນ຺ທ຺ຣິຍໍ, ນຌານປຈ຺ຈຍາ – ປຎ຺ຈວິຎ຺ຎາຓໍ …ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ…ເປ… ນມຄ຺ຄປຈ຺ຈຍາ – ອເຫຕຸກໍ ນເຫຕຸໍ ເອກໍ ຂນ຺ຘໍ ປຏິຈ຺ຈ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ…ເປ… ນສມ຺ປຍຸຕ຺ຕປຈ຺ຈຍາ… ນວິປ຺ປຍຸຕ຺ຕປຈ຺ຈຍາ… (ນປຸເຣຊາຕສທິສໍ, ອຣູປປຎ຺ຫາເຍວ) ໂນນຕ຺ຖິປຈ຺ຈຍາ… ໂນວິຄຕປຈ຺ຈຍາ.