໑. ວິຠງ຺ຄວາໂຣ

ເຫຕຸປຈ຺ຈໂຍ

໑໒໗. ເຫຕຸຎ຺ເຈວ ສເຫຕຸກຎ຺ຈ ຘມ຺ມໍ ປຏິຈ຺ຈ ເຫຕຸ ເຈວ ສເຫຕຸໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອໂລຠໍ ປຏິຈ຺ຈ ອໂທໂສ ອໂມໂຫ (ຈກ຺ກໍ). ໂລຠໍ ປຏິຈ຺ຈ ໂມໂຫ (ຈກ຺ກໍ); ປຏິສນ຺ຘິກ຺ຂເຓ ອໂລຠໍ ປຏິຈ຺ຈ ອໂທໂສ ອໂມໂຫ (ຈກ຺ກໍ). (໑)

ເຫຕຸຎ຺ເຈວ ສເຫຕຸກຎ຺ຈ ຘມ຺ມໍ ປຏິຈ຺ຈ ສເຫຕຸໂກ ເຈວ ນ ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ເຫຕຸໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ…ເປ…. (໒)

ເຫຕຸຎ຺ເຈວ ສເຫຕຸກຎ຺ຈ ຘມ຺ມໍ ປຏິຈ຺ຈ ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອໂລຠໍ ປຏິຈ຺ຈ ອໂທໂສ ອໂມໂຫ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ). ໂລຠໍ ປຏິຈ຺ຈ ໂມໂຫ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ); ປຏິສນ຺ຘິກ຺ຂເຓ…ເປ…. (໓)

໑໒໘. ສເຫຕຸກຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ສເຫຕຸໂກ ເຈວ ນ ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສເຫຕຸກຎ຺ເຈວ ນ ຈ ເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ….(໑)

ສເຫຕຸກຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ເຫຕຸ ເຈວ ສເຫຕຸໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສເຫຕຸເກ ເຈວ ນ ຈ ເຫຕູ ຂນ຺ເຘ ປຏິຈ຺ຈ ເຫຕູ; ປຏິສນ຺ຘິກ຺ຂເຓ…ເປ…. (໒)

ສເຫຕຸກຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ສເຫຕຸກຎ຺ເຈວ ນ ຈ ເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ເຫຕຸ ຈ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໓)

໑໒໙. ເຫຕຸຎ຺ເຈວ ສເຫຕຸກຎ຺ຈ ສເຫຕຸກຎ຺ເຈວ ນ ຈ ເຫຕຸຎ຺ຈ ຘມ຺ມໍ ປຏິຈ຺ຈ ເຫຕຸ ເຈວ ສເຫຕຸໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ອໂທໂສ ອໂມໂຫ (ຈກ຺ກໍ). ໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ໂມໂຫ (ຈກ຺ກໍ); ປຏິສນ຺ຘິກ຺ຂເຓ…ເປ…. (໑)

ເຫຕຸຎ຺ເຈວ ສເຫຕຸກຎ຺ຈ ສເຫຕຸກຎ຺ເຈວ ນ ຈ ເຫຕຸຎ຺ຈ ຘມ຺ມໍ ປຏິຈ຺ຈ ສເຫຕຸໂກ ເຈວ ນ ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສເຫຕຸກຎ຺ເຈວ ນ ຈ ເຫຕຸໍ ເອກໍ ຂນ຺ຘຎ຺ຈ ເຫຕຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໒)

ເຫຕຸຎ຺ເຈວ ສເຫຕຸກຎ຺ຈ ສເຫຕຸກຎ຺ເຈວ ນ ຈ ເຫຕຸຎ຺ຈ ຘມ຺ມໍ ປຏິຈ຺ຈ ເຫຕຸ ເຈວ ສເຫຕຸໂກ ຈ ສເຫຕຸໂກ ເຈວ ນ ຈ ເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ສເຫຕຸກຎ຺ເຈວ ນ ຈ ເຫຕຸໍ ເອກໍ ຂນ຺ຘຎ຺ຈ ອໂລຠຎ຺ຈ ປຏິຈ຺ຈ ຕໂຍ ຂນ຺ຘາ ອໂທໂສ ອໂມໂຫ ຈ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໓)

(ສໍຂິຕ຺ຕໍ. ເອວໍ ວິຕ຺ຖາເຣຕພ຺ພໍ.)