໑. ວິຠງ຺ຄວາໂຣ

ເຫຕຸປຈ຺ຈໂຍ

໑. ເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອໂລຠໍ ປຏິຈ຺ຈ ອໂທໂສ ອໂມໂຫ, ອໂທສໍ ປຏິຈ຺ຈ ອໂລໂຠ ອໂມໂຫ, ອໂມຫໍ ປຏິຈ຺ຈ ອໂລໂຠ ອໂທໂສ, ໂລຠໍ ປຏິຈ຺ຈ ໂມໂຫ, ໂມຫໍ ປຏິຈ຺ຈ ໂລໂຠ, ໂທສໍ ປຏິຈ຺ຈ ໂມໂຫ, ໂມຫໍ ປຏິຈ຺ຈ ໂທໂສ; ປຏິສນ຺ຘິກ຺ຂເຓ…ເປ…. (໑)

ເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ເຫຕຸໍ ຘມ຺ມໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ…ເປ…. (໒)

ເຫຕຸໍ ຘມ຺ມໍ ປຏິຈ຺ຈ ເຫຕຸ ຈ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອໂລຠໍ ປຏິຈ຺ຈ ອໂທໂສ ອໂມໂຫ ສມ຺ປຍຸຕ຺ຕກາ ຈ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ (ຈກ຺ກໍ). ໂລຠໍ ປຏິຈ຺ຈ ໂມໂຫ ສມ຺ປຍຸຕ຺ຕກາ ຈ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ປຏິສນ຺ຘິກ຺ຂເຓ…ເປ…. (໓)

໒. ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ; ເອກໍ ມຫາຠູຕໍ…ເປ…. (໑)

ນເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນເຫຕູ ຂນ຺ເຘ ປຏິຈ຺ຈ ເຫຕູ; ປຏິສນ຺ຘິກ຺ຂເຓ…ເປ… ວຕ຺ຖຸໍ ປຏິຈ຺ຈ ເຫຕູ. (໒)

ນເຫຕຸໍ ຘມ຺ມໍ ປຏິຈ຺ຈ ເຫຕຸ ຈ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ນເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ເຫຕຸ ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ເຫຕຸ ຈ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ…ເປ… ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ເຫຕູ ສມ຺ປຍຸຕ຺ຕກາ ຈ ຂນ຺ຘາ. (໓)

໓. ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ອໂທໂສ ອໂມໂຫ (ຈກ຺ກໍ). ໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ໂມໂຫ, ໂທສຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ໂມໂຫ…ເປ… ປຏິສນ຺ຘິກ຺ຂເຓ…ເປ… ອໂລຠຎ຺ຈ ວຕ຺ຖຸຎ຺ຈ ປຏິຈ຺ຈ ອໂທໂສ ອໂມໂຫ…ເປ…. (໑)

ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນເຫຕຸໍ ເອກໍ ຂນ຺ຘຎ຺ຈ ເຫຕຸຎ຺ຈ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ຈ ເຫຕຸຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ…ເປ… ປຏິສນ຺ຘິກ຺ຂເຓ ວຕ຺ຖຸຎ຺ຈ ເຫຕຸຎ຺ຈ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ. (໒)

ເຫຕຸຎ຺ຈ ນເຫຕຸຎ຺ຈ ຘມ຺ມໍ ປຏິຈ຺ຈ ເຫຕຸ ຈ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ນເຫຕຸໍ ເອກໍ ຂນ຺ຘຎ຺ຈ ອໂລຠຎ຺ຈ ປຏິຈ຺ຈ ຕໂຍ ຂນ຺ຘາ ອໂທໂສ ອໂມໂຫ ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ຈ ອໂລຠຎ຺ຈ ປຏິຈ຺ຈ ທ຺ເວ ຂນ຺ຘາ ອໂທໂສ ອໂມໂຫ ຈ ຈິຕ຺ຕສມຸຏ຺ຐານຎ຺ຈ ຣູປໍ (ຈກ຺ກໍ). ນເຫຕຸໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ ໂມໂຫ ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ວຕ຺ຖຸຎ຺ຈ ອໂລຠຎ຺ຈ ປຏິຈ຺ຈ ອໂທໂສ ອໂມໂຫ ສມ຺ປຍຸຕ຺ຕກາ ຈ ຂນ຺ຘາ. (໓)

ອາຣມ຺ມຓປຈ຺ຈຍາທິ

໔. ເຫຕຸໍ ຘມ຺ມໍ ປຏິຈ຺ຈ ເຫຕຸ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ (ຣູປໍ ຉຑ຺ເຑຕ຺ວາ ອຣູເປເຍວ ນວ ປຎ຺ຫາ)… ອຘິປຕິປຈ຺ຈຍາ (ປຏິສນ຺ຘິ ນຕ຺ຖິ, ປຣິປຸຓ຺ຓໍ) ເອກໍ ມຫາຠູຕໍ ປຏິຈ຺ຈ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ… (ອິມໍ ນານໍ) ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ… ສຫຊາຕປຈ຺ຈຍາ (ສພ຺ເພ ມຫາຠູຕາ ຍາວ ອສຎ຺ຎສຕ຺ຕາ)… ອຎ຺ຎມຎ຺ຎປຈ຺ຈຍາ… ນິສ຺ສຍປຈ຺ຈຍາ… ອຸປນິສ຺ສຍປຈ຺ຈຍາ… ປຸເຣຊາຕປຈ຺ຈຍາ… ອາເສວນປຈ຺ຈຍາ (ທ຺ວີສຸປິ ປຏິສນ຺ຘິ ນຕ຺ຖິ)… ກມ຺ມປຈ຺ຈຍາ… ວິປາກປຈ຺ຈຍາ (ສໍຂິຕ຺ຕໍ)… ອວິຄຕປຈ຺ຈຍາ.