໑. ວິຠງ຺ຄວາໂຣ
ເຫຕຸປຈ຺ຈໂຍ
໑. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ທສ຺ສເນນ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)
ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ທສ຺ສເນນ ປຫາຕພ຺ເພ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)
ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຈ ເນວທສ຺ສເນນ ນຠາວນາຍ ປຫາຕພ຺ໂພ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ທສ຺ສເນນ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)
໒. ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)
ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຠາວນາຍ ປຫາຕພ຺ເພ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)
ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ຈ ເນວທສ຺ສເນນ ນຠາວນາຍ ປຫາຕພ຺ໂພ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)
໓. ເນວທສ຺ສເນນ ນຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. ປຏິສນ຺ຘິກ຺ຂເຓ ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ກຏຕ຺ຕາ ຈ ຣູປໍ, ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ; ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຏິຈ຺ຈ ທ຺ເວ ມຫາຠູຕາ, ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)
໔. ທສ຺ສເນນ ປຫາຕພ຺ພຎ຺ຈ ເນວທສ຺ສເນນ ນຠາວນາຍ ປຫາຕພ຺ພຎ຺ຈ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ທສ຺ສເນນ ປຫາຕພ຺ເພ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)
ຠາວນາຍ ປຫາຕພ຺ພຎ຺ຈ ເນວທສ຺ສເນນ ນຠາວນາຍ ປຫາຕພ຺ພຎ຺ຈ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຠາວນາຍ ປຫາຕພ຺ເພ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)
ອາຣມ຺ມຓປຈ຺ຈໂຍ
໕. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ທສ຺ສເນນ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)
ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. (໑)
ເນວທສ຺ສເນນ ນຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. ປຏິສນ຺ຘິກ຺ຂເຓ ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. ວຕ຺ຖຸໍ ປຏິຈ຺ຈ ຂນ຺ຘາ. (໑)
ອຘິປຕິປຈ຺ຈໂຍ
໖. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ… ຕີຓິ.
ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ… ຕີຓິ.
ເນວທສ຺ສເນນ ນຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຏິຈ຺ຈ ທ຺ເວ ມຫາຠູຕາ, ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)
໗. ທສ຺ສເນນ ປຫາຕພ຺ພຎ຺ຈ ເນວທສ຺ສເນນ ນຠາວນາຍ ປຫາຕພ຺ພຎ຺ຈ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ທສ຺ສເນນ ປຫາຕພ຺ເພ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)
ຠາວນາຍ ປຫາຕພ຺ພຎ຺ຈ ເນວທສ຺ສເນນ ນຠາວນາຍ ປຫາຕພ຺ພຎ຺ຈ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ຠາວນາຍ ປຫາຕພ຺ເພ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)
ອນນ຺ຕຣ-ສມນນ຺ຕຣປຈ຺ຈຍາ
໘. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ (ອາຣມ຺ມຓສທິສໍ).
ສຫຊາຕປຈ຺ຈໂຍ
໙. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ… ຕີຓິ.
ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ… ຕີຓິ.
ເນວທສ຺ສເນນ ນຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ…ເປ… ເອກໍ ມຫາຠູຕໍ ປຏິຈ຺ຈ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ…ເປ…. (໑)
໑໐. ທສ຺ສເນນ ປຫາຕພ຺ພຎ຺ຈ ເນວທສ຺ສເນນ ນຠາວນາຍ ປຫາຕພ຺ພຎ຺ຈ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ – ທສ຺ສເນນ ປຫາຕພ຺ເພ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ.
ຠາວນາຍ ປຫາຕພ຺ພຎ຺ຈ ເນວທສ຺ສເນນ ນຠາວນາຍ ປຫາຕພ຺ພຎ຺ຈ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ – ຠາວນາຍ ປຫາຕພ຺ເພ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)
ອຎ຺ຎມຎ຺ຎປຈ຺ຈໂຍ
໑໑. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ… ເອກໍ.
ຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ… ເອກໍ.
ເນວທສ຺ສເນນ ນຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ – ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ. ປຏິສນ຺ຘິກ຺ຂເຓ ເນວທສ຺ສເນນ ນຠາວນາຍ ປຫາຕພ຺ພໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ວຕ຺ຖຸ ຈ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ວຕ຺ຖຸ ຈ, ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ; ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຏິຈ຺ຈ ທ຺ເວ ມຫາຠູຕາ; ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ…ເປ… ທ຺ເວ ມຫາຠູເຕ ປຏິຈ຺ຈ ທ຺ເວ ມຫາຠູຕາ.
ນິສ຺ສຍປຈ຺ຈຍາທິ
໑໒. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ນິສ຺ສຍປຈ຺ຈຍາ… (ເຫຕຸປຈ຺ຈຍສທິສໍ) ອຸປນິສ຺ສຍປຈ຺ຈຍາ… ຕີຓິ… ປຸເຣຊາຕປຈ຺ຈຍາ… ຕີຓິ (ປຏິສນ຺ຘິ ນຕ຺ຖິ)… ອາເສວນປຈ຺ຈຍາ… (ວິປາກປຏິສນ຺ຘິ ນຕ຺ຖິ) ກມ຺ມປຈ຺ຈຍາ (ປຣິປຸຓ຺ຓໍ. ອຊ຺ຌຕ຺ຕິກາ ຈ ອສຎ຺ຎສຕ຺ຕານຎ຺ຈ ມຫາຠູຕາ).
ວິປາກປຈ຺ຈໂຍ
໑໓. ເນວທສ຺ສເນນ ນຠາວນາຍ ປຫາຕພ຺ພໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ວິປາກປຈ຺ຈຍາ – ວິປາກໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ປຏິສນ຺ຘິກ຺ຂເຓ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ; ເອກໍ ມຫາຠູຕໍ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)
ອາຫາຣປຈ຺ຈຍາທິ
໑໔. ທສ຺ສເນນ ປຫາຕພ຺ພໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ຘມ຺ໂມ ອຸປ຺ປຊ຺ຊຕິ ອາຫາຣປຈ຺ຈຍາ (ປຣິປຸຓ຺ຓໍ, ອຊ຺ຌຕ຺ຕິກາ ມຫາຠູຕາ ຈ ອາຫາຣສມຸຏ຺ຐານຎ຺ຈ)… ອິນ຺ທ຺ຣິຍປຈ຺ຈຍາ (ກມ຺ມປຈ຺ຈຍສທິສໍ)… ຌານປຈ຺ຈຍາ… ມຄ຺ຄປຈ຺ຈຍາ (ເຫຕຸປຈ຺ຈຍສທິສໍ)… ສມ຺ປຍຸຕ຺ຕປຈ຺ຈຍາ (ອາຣມ຺ມຓປຈ຺ຈຍສທິສໍ)… ວິປ຺ປຍຸຕ຺ຕປຈ຺ຈຍາ (ກຸສລຕ຺ຕິເກ ວິປ຺ປຍຸຕ຺ຕປຈ຺ຈຍສທິສໍ)… ອຕ຺ຖິປຈ຺ຈຍາ (ສຫຊາຕປຈ຺ຈຍສທິສໍ)… ນຕ຺ຖິປຈ຺ຈຍາ… ວິຄຕປຈ຺ຈຍາ… ອວິຄຕປຈ຺ຈຍາ.