໑. ວິຠງ຺ຄວາໂຣ

ນເຫຕຸປຈ຺ຈໂຍ

໑໗. ອນິທສ຺ສນສປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອນິທສ຺ສນສປ຺ປຏິຆໍ ເອກໍ ມຫາຠູຕໍ ປຏິຈ຺ຈ ທ຺ເວ ມຫາຠູຕາ, ທ຺ເວ ມຫາຠູເຕ ປຏິຈ຺ຈ ເອກໍ ມຫາຠູຕໍ. ອນິທສ຺ສນສປ຺ປຏິເຆ ມຫາຠູເຕ ປຏິຈ຺ຈ ອນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ໂຜຏ຺ຐພ຺ພາຍຕນໍ ປຏິຈ຺ຈ ຈກ຺ຂາຍຕນໍ…ເປ… ຣສາຍຕນໍ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອນິທສ຺ສນສປ຺ປຏິຆໍ ເອກໍ ມຫາຠູຕໍ ປຏິຈ຺ຈ ທ຺ເວ ມຫາຠູຕາ, ທ຺ເວ ມຫາຠູເຕ ປຏິຈ຺ຈ ເອກໍ ມຫາຠູຕໍ, ມຫາຠູເຕ ປຏິຈ຺ຈ…ເປ….

(ອນິທສ຺ສນສປ຺ປຏິຆມູລເກ ອິມິນາ ກາຣເຓນ ສຕ຺ຕປິ ປຎ຺ຫາ ວິຠຊິຕພ຺ພາ.)

໑໘. ອນິທສ຺ສນອປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ອນິທສ຺ສນອປ຺ປຏິຆໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ອນິທສ຺ສນອປ຺ປຏິຆຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ອເຫຕຸກປຏິສນ຺ຘິກ຺ຂເຓ ອນິທສ຺ສນອປ຺ປຏິຆໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ອນິທສ຺ສນອປ຺ປຏິຆຎ຺ຈ ກຏຕ຺ຕາຣູປໍ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ. ອາໂປຘາຕຸໍ ປຏິຈ຺ຈ ອນິທສ຺ສນອປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ອາໂປຘາຕຸໍ ປຏິຈ຺ຈ ອິຕ຺ຖິນ຺ທ຺ຣິຍໍ…ເປ… ກພຬີກາໂຣ ອາຫາໂຣ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອາໂປຘາຕຸໍ ປຏິຈ຺ຈ ອນິທສ຺ສນອປ຺ປຏິຆໍ ກຏຕ຺ຕາຣູປໍ ອຸປາທາຣູປໍ. ວິຈິກິຈ຺ຉາສຫຄເຕ ອຸທ຺ຘຈ຺ຈສຫຄເຕ ຂນ຺ເຘ ປຏິຈ຺ຈ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ.

(ອນິທສ຺ສນອປ຺ປຏິຆມູລກາ ອິມິນາ ກາຣເຓນ ສຕ຺ຕ ປຎ຺ຫາ ວິຠຊິຕພ຺ພາ.)

໑໙. ອນິທສ຺ສນສປ຺ປຏິຆຎ຺ຈ ອນິທສ຺ສນອປ຺ປຏິຆຎ຺ຈ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸເກ ອນິທສ຺ສນອປ຺ປຏິເຆ ຂນ຺ເຘ ຈ ມຫາຠູເຕ ຈ ປຏິຈ຺ຈ ສນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ. ອເຫຕຸກປຏິສນ຺ຘິກ຺ຂເຓ ອນິທສ຺ສນອປ຺ປຏິເຆ ຂນ຺ເຘ ຈ ມຫາຠູເຕ ຈ ປຏິຈ຺ຈ ສນິທສ຺ສນສປ຺ປຏິຆໍ ກຏຕ຺ຕາຣູປໍ. ອນິທສ຺ສນສປ຺ປຏິເຆ ມຫາຠູເຕ ຈ ອາໂປຘາຕຸຎ຺ຈ ປຏິຈ຺ຈ ສນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ໂຜຏ຺ຐພ຺ພາຍຕນຎ຺ຈ ອາໂປຘາຕຸຎ຺ຈ ປຏິຈ຺ຈ ຣູປາຍຕນໍ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອນິທສ຺ສນສປ຺ປຏິເຆ ມຫາຠູເຕ ຈ ອາໂປຘາຕຸຎ຺ຈ ປຏິຈ຺ຈ ສນິທສ຺ສນສປ຺ປຏິຆໍ ກຏຕ຺ຕາຣູປໍ ອຸປາທາຣູປໍ.

(ອິມິນາ ກາຣເຓນ ສຕ຺ຕ ປຎ຺ຫາ ວິຕ຺ຖາເຣຕພ຺ພາ ອສມ຺ໂມຫນ຺ເຕນ.)

ນອາຣມ຺ມຓປຈ຺ຈໂຍ

໒໐. ອນິທສ຺ສນສປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ອນິທສ຺ສນສປ຺ປຏິຆໍ ເອກໍ ມຫາຠູຕໍ ປຏິຈ຺ຈ ທ຺ເວ ມຫາຠູຕາ, ທ຺ເວ ມຫາຠູເຕ ປຏິຈ຺ຈ ເອກໍ ມຫາຠູຕໍ. ອນິທສ຺ສນສປ຺ປຏິເຆ ມຫາຠູເຕ ປຏິຈ຺ຈ ອນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ໂຜຏ຺ຐພ຺ພາຍຕນໍ ປຏິຈ຺ຈ ຈກ຺ຂາຍຕນໍ…ເປ… ຣສາຍຕນໍ. ພາຫິຣໍ… ອາຫາຣສມຸຏ຺ຐານໍ…, ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອນິທສ຺ສນສປ຺ປຏິຆໍ ເອກໍ ມຫາຠູຕໍ ປຏິຈ຺ຈ ທ຺ເວ ມຫາຠູຕາ, ທ຺ເວ ມຫາຠູເຕ ປຏິຈ຺ຈ ເອກໍ ມຫາຠູຕໍ…ເປ….

(ອນິທສ຺ສນສປ຺ປຏິຆມູລກາ ອິມິນາ ກາຣເຓນ ສຕ຺ຕປິ ປຎ຺ຫາ ວິຕ຺ຖາເຣຕພ຺ພາ.)

໒໑. ອນິທສ຺ສນອປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ອນິທສ຺ສນອປ຺ປຏິເຆ ຂນ຺ເຘ ປຏິຈ຺ຈ ອນິທສ຺ສນອປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິເຆ ຂນ຺ເຘ ປຏິຈ຺ຈ ອນິທສ຺ສນອປ຺ປຏິຆໍ ກຏຕ຺ຕາຣູປໍ. ຂນ຺ເຘ ປຏິຈ຺ຈ ວຕ຺ຖຸ…ເປ… ອາໂປຘາຕຸໍ ປຏິຈ຺ຈ ອນິທສ຺ສນອປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ອາໂປຘາຕຸໍ ປຏິຈ຺ຈ ອິຕ຺ຖິນ຺ທ຺ຣິຍໍ…ເປ… ກພຬີກາໂຣ ອາຫາໂຣ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອາໂປຘາຕຸໍ ປຏິຈ຺ຈ ອນິທສ຺ສນອປ຺ປຏິຆໍ ກຏຕ຺ຕາຣູປໍ ອຸປາທາຣູປໍ.

(ອນິທສ຺ສນອປ຺ປຏິຆມູລເກ ອິມິນາ ກາຣເຓນ ສຕ຺ຕປິ ປຎ຺ຫາ ວິຕ຺ຖາເຣຕພ຺ພາ.)

໒໒. ອນິທສ຺ສນສປ຺ປຏິຆຎ຺ຈ ອນິທສ຺ສນອປ຺ປຏິຆຎ຺ຈ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ອນິທສ຺ສນອປ຺ປຏິເຆ ຂນ຺ເຘ ຈ ມຫາຠູເຕ ຈ ປຏິຈ຺ຈ ສນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິເຆ ຂນ຺ເຘ ຈ ມຫາຠູເຕ ຈ ປຏິຈ຺ຈ ສນິທສ຺ສນສປ຺ປຏິຆໍ ກຏຕ຺ຕາຣູປໍ. ອນິທສ຺ສນສປ຺ປຏິເຆ ມຫາຠູເຕ ຈ ອາໂປຘາຕຸຎ຺ຈ ປຏິຈ຺ຈ ສນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ໂຜຏ຺ຐພ຺ພາຍຕນຎ຺ຈ ອາໂປຘາຕຸຎ຺ຈ ປຏິຈ຺ຈ ຣູປາຍຕນໍ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອນິທສ຺ສນສປ຺ປຏິເຆ ມຫາຠູເຕ ຈ ອາໂປຘາຕຸຎ຺ຈ ປຏິຈ຺ຈ ສນິທສ຺ສນສປ຺ປຏິຆໍ ກຏຕ຺ຕາຣູປໍ ອຸປາທາຣູປໍ.

(ຆຏເນ ອິມິນາ ກາຣເຓນ ສຕ຺ຕປິ ປຎ຺ຫາ ວິຠຊິຕພ຺ພາ.)

ນອຘິປຕິປຈ຺ຈຍາທິ

໒໓. ອນິທສ຺ສນສປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນອຘິປຕິປຈ຺ຈຍາ (ສຫຊາຕສທິສໍ)… ນອນນ຺ຕຣປຈ຺ຈຍາ… ນສມນນ຺ຕຣປຈ຺ຈຍາ… ນອຎ຺ຎມຎ຺ຎປຈ຺ຈຍາ – ອນິທສ຺ສນສປ຺ປຏິເຆ ມຫາຠູເຕ ປຏິຈ຺ຈ ອນິທສ຺ສນສປ຺ປຏິຆໍ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ໂຜຏ຺ຐພ຺ພາຍຕນໍ ປຏິຈ຺ຈ ຈກ຺ຂາຍຕນໍ…ເປ… ຣສາຍຕນໍ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ມຫາຠູເຕ ປຏິຈ຺ຈ ອນິທສ຺ສນສປ຺ປຏິຆໍ ກຏຕ຺ຕາຣູປໍ ອຸປາທາຣູປໍ.

(ອິມິນາ ກາຣເຓນ ເອກວີສ ປຎ຺ຫາ ວິຠຊິຕພ຺ພາ.)

ນອຸປນິສ຺ສຍປຈ຺ຈຍາ… ນປຸເຣຊາຕປຈ຺ຈຍາ… ນປຈ຺ຉາຊາຕປຈ຺ຈຍາ… ນອາເສວນປຈ຺ຈຍາ… ນກມ຺ມປຈ຺ຈຍາ – ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອນິທສ຺ສນສປ຺ປຏິຆໍ ເອກໍ ມຫາຠູຕໍ ປຏິຈ຺ຈ ທ຺ເວ ມຫາຠູຕາ, ທ຺ເວ ມຫາຠູເຕ ປຏິຈ຺ຈ ເອກໍ ມຫາຠູຕໍ. ອນິທສ຺ສນສປ຺ປຏິເຆ ມຫາຠູເຕ ປຏິຈ຺ຈ ອນິທສ຺ສນສປ຺ປຏິຆໍ ອຸປາທາຣູປໍ (ກມ຺ມໍ ວິຠຊິຕ຺ວາ ນກມ຺ເມເນວ ເອກວີສ ປຎ຺ຫາ ກາຕພ຺ພາ), ນວິປາກປຈ຺ຈຍາ (ປຏິສນ຺ຘິປິ ກຏຕ຺ຕາປິ ນຕ຺ຖິ, ປຎ຺ຈໂວກາເຣເຍວ ກາຕພ຺ພາ), ນອາຫາຣປຈ຺ຈຍາ – ພາຫິຣໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ…ເປ… (ອິມິນາ ກາຣເຓນ ວິຠຊິຕພ຺ພາ ເອກວີສາປິ).

ນອິນ຺ທ຺ຣິຍປຈ຺ຈຍາທິ

໒໔. ອນິທສ຺ສນສປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນອິນ຺ທ຺ຣິຍປຈ຺ຈຍາ – ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອນິທສ຺ສນສປ຺ປຏິຆໍ ເອກໍ ມຫາຠູຕໍ…ເປ… ອສຎ຺ຎສຕ຺ຕານໍ ມຫາຠູເຕ ປຏິຈ຺ຈ ຣູປຊີວິຕິນ຺ທ຺ຣິຍໍ (ສໍຂິຕ຺ຕໍ, ສພ຺ເພ ປຎ຺ຫາ ວິຠຊິຕພ຺ພາ)… ນຌານປຈ຺ຈຍາ – ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ (ສໍຂິຕ຺ຕໍ, ສຕ຺ຕປິ ປຎ຺ຫາ ວິຠຊິຕພ຺ພາ).

ອນິທສ຺ສນອປ຺ປຏິຆໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນຌານປຈ຺ຈຍາ – ປຎ຺ຈວິຎ຺ຎາຓສຫຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອາໂປຘາຕຸໍ ປຏິຈ຺ຈ ອນິທສ຺ສນອປ຺ປຏິຆໍ ກຏຕ຺ຕາຣູປໍ ອຸປາທາຣູປໍ.

(ເອວໍ ສຕ຺ຕປິ ປຎ຺ຫາ ວິຠຊິຕພ຺ພາ.)

໒໕. ອນິທສ຺ສນສປ຺ປຏິຆຎ຺ຈ ອນິທສ຺ສນອປ຺ປຏິຆຎ຺ຈ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ນຌານປຈ຺ຈຍາ – ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ…, ອສຎ຺ຎສຕ຺ຕານໍ…ເປ… ອນິທສ຺ສນສປ຺ປຏິເຆ ມຫາຠູເຕ ຈ ອາໂປຘາຕຸຎ຺ຈ ປຏິຈ຺ຈ ສນິທສ຺ສນສປ຺ປຏິຆໍ ກຏຕ຺ຕາຣູປໍ ອຸປາທາຣູປໍ.

(ເອວໍ ສຕ຺ຕປິ ປຎ຺ຫາ ວິຠຊິຕພ຺ພາ), ນມຄ຺ຄປຈ຺ຈຍາ… (ນເຫຕຸສທິສໍ ກາຕພ຺ພໍ. ປຣິປຸຓ຺ຓໍ. ໂມໂຫ ນຕ຺ຖິ). ນສມ຺ປຍຸຕ຺ຕປຈ຺ຈຍາ… ນວິປ຺ປຍຸຕ຺ຕປຈ຺ຈຍາ (ປຣິປຸຓ຺ຓໍ)… ໂນນຕ຺ຖິປຈ຺ຈຍາ… ໂນວິຄຕປຈ຺ຈຍາ.