໑. ວິຠງ຺ຄວາໂຣ

ເຫຕຸປຈ຺ຈໂຍ

໒໙. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ເຫຕູ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ເຫຕູ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ກຏຕ຺ຕາຣູປານໍ ເຫຕຸປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ເຫຕູ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ…ເປ…. (໒)

(ອນິທສ຺ສນອປ຺ປຏິຆມູລເກເຍວ ອິມິນາ ກາຣເຓນ ສຕ຺ຕ ປຎ຺ຫາ ວິຠຊິຕພ຺ພາ.)

ອາຣມ຺ມຓປຈ຺ຈໂຍ

໓໐. ສນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຣູເປ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ວິຈິກິຈ຺ຉາ ອຸປ຺ປຊ຺ຊຕິ, ອຸທ຺ຘຈ຺ຈໍ ອຸປ຺ປຊ຺ຊຕິ, ໂທມນສ຺ສໍ ອຸປ຺ປຊ຺ຊຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ, ຣູປາຍຕນໍ ຈກ຺ຂຸວິຎ຺ຎາຓສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ສນິທສ຺ສນສປ຺ປຏິຆາ ຂນ຺ຘາ ອິທ຺ຘິວິຘຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ຈກ຺ຂຸໍ…ເປ… ກາຍໍ… ສທ຺ເທ… ຄນ຺ເຘ… ຣເສ… ໂຜຏ຺ຐພ຺ເພ… ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ສທ຺ທາຍຕນໍ ໂສຕວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ… ອນິທສ຺ສນສປ຺ປຏິຆາ ຂນ຺ຘາ ອິທ຺ຘິວິຘຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

໓໑. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ ສມາທິຍິຕ຺ວາ ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ ປຈ຺ຈເວກ຺ຂຕິ, ຌານາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. ອຣິຍາ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ…ເປ… ວຕ຺ຖຸໍ… ອິຕ຺ຖິນ຺ທ຺ຣິຍໍ… ປຸຣິສິນ຺ທ຺ຣິຍໍ… ຊີວິຕິນ຺ທ຺ຣິຍໍ… ອາໂປຘາຕຸໍ… ກພຬີກາຣໍ ອາຫາຣໍ… ອນິທສ຺ສນອປ຺ປຏິເຆ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ, ເຈໂຕປຣິຍຎາເຓນ ອນິທສ຺ສນອປ຺ປຏິຆຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ອນິທສ຺ສນອປ຺ປຏິຆາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ອຘິປຕິປຈ຺ຈໂຍ

໓໒. ສນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ຣູປໍ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. (໑)

ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ຈກ຺ຂຸໍ…ເປ… ກາຍໍ… ສທ຺ເທ… ຄນ຺ເຘ… ຣເສ… ໂຜຏ຺ຐພ຺ເພ… ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. (໑)

໓໓. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ ສມາທິຍິຕ຺ວາ ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ…ເປ… ຌານາ ວຸຏ຺ຐຫິຕ຺ວາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ…ເປ… ຜລາ ວຸຏ຺ຐຫິຕ຺ວາ…ເປ… ຜລໍ ຄຣຸໍ ກຕ຺ວາ…ເປ… ນິພ຺ພານໍ ຄຣຸໍ ກຕ຺ວາ… ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ. ວຕ຺ຖຸໍ… ອິຕ຺ຖິນ຺ທ຺ຣິຍໍ… ປຸຣິສິນ຺ທ຺ຣິຍໍ… ຊີວິຕິນ຺ທ຺ຣິຍໍ… ອາໂປຘາຕຸໍ… ກພຬີກາຣໍ ອາຫາຣໍ… ອນິທສ຺ສນອປ຺ປຏິເຆ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ອນິທສ຺ສນອປ຺ປຏິຆາຘິປຕິ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ອນິທສ຺ສນອປ຺ປຏິຆາຘິປຕິ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

(ອນິທສ຺ສນອປ຺ປຏິຆມູລເກ ສຕ຺ຕປິ ປຎ຺ຫາ ວິຠຊິຕພ຺ພາ, ອຘິປຕິ ຕິວິຘຣູປສງ຺ຄເຫນ.)

ອນນ຺ຕຣປຈ຺ຈໂຍ

໓໔. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອນິທສ຺ສນອປ຺ປຏິຆາ ຂນ຺ຘາ ປຈ຺ຉິມານໍ ປຈ຺ຉິມານໍ ອນິທສ຺ສນອປ຺ປຏິຆານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ… ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ… ມຄ຺ໂຄ ຜລສ຺ສ… ຜລໍ ຜລສ຺ສ… ອນຸໂລມໍ ຜລສມາປຕ຺ຕິຍາ… ນິໂຣຘາ ວຸຏ຺ຐຫນ຺ຕສ຺ສ ເນວສຎ຺ຎານາສຎ຺ຎາຍຕນໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ສມນນ຺ຕຣປຈ຺ຈໂຍ

໓໕. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ສມນນ຺ຕຣປຈ຺ຈເຍນ ປຈ຺ຈໂຍ (ອນນ຺ຕຣສທິສໍ).

ສຫຊາຕປຈ຺ຈຍາທິ

໓໖. ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນສປ຺ປຏິຆສ຺ສ ຘມ຺ມສ຺ສ ສຫຊາຕປຈ຺ຈເຍນ ປຈ຺ຈໂຍ (ປຏິຈ຺ຈວາຣສທິສໍ ສາຘຸກໍ ກາຕພ຺ພໍ. ອຎ຺ຎມຎ຺ຎປຈ຺ຈເຍ ປຏິຈ຺ຈວາເຣ ອຎ຺ຎມຎ຺ຎສທິສໍ, ນິສ຺ສຍປຈ຺ຈເຍ ປຏິຈ຺ຈວາຣສທິສໍ).

ອຸປນິສ຺ສຍປຈ຺ຈໂຍ

໓໗. ສນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ວຓ຺ຓສມ຺ປທໍ ປຕ຺ຖຍມາໂນ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ…ເປ… ວຓ຺ຓສມ຺ປທາ ສທ຺ຘາຍ…ເປ… ປຎ຺ຎາຍ, ຣາຄສ຺ສ…ເປ… ປຕ຺ຖນາຍ, ກາຍິກສ຺ສ ສຸຂສ຺ສ, ກາຍິກສ຺ສ ທຸກ຺ຂສ຺ສ, ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ຈກ຺ຂຸສມ຺ປທໍ ປຕ຺ຖຍມາໂນ…ເປ… ກາຍສມ຺ປທໍ… ສທ຺ທສມ຺ປທໍ…ເປ… ໂຜຏ຺ຐພ຺ພສມ຺ປທໍ ປຕ຺ຖຍມາໂນ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ… ອຸຕຸໍ… ເສນາສນໍ ອຸປນິສ຺ສາຍ ທານໍ ເທຕິ ສີລໍ ສມາທິຍຕິ. ອຸໂປສຖກມ຺ມໍ, ຌານໍ… ວິປສ຺ສນໍ… ມຄ຺ຄໍ… ອຠິຎ຺ຎໍ… ສມາປຕ຺ຕິໍ ອຸປ຺ປາເທຕິ ປາຓໍ ຫນຕິ…ເປ… ສງ຺ຆໍ ຠິນ຺ທຕິ. ຈກ຺ຂຸສມ຺ປທາ…ເປ… ໂຜຏ຺ຐພ຺ພສມ຺ປທາ, ອຸຕຸ, ເສນາສນໍ ສທ຺ຘາຍ…ເປ… ປຎ຺ຎາຍ, ຣາຄສ຺ສ…ເປ… ປຕ຺ຖນາຍ, ກາຍິກສ຺ສ ສຸຂສ຺ສ, ກາຍິກສ຺ສ ທຸກ຺ຂສ຺ສ, ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

໓໘. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ… ຌານໍ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ. ສີລໍ…ເປ… ປຎ຺ຎໍ… ຣາຄໍ…ເປ… ປຕ຺ຖນໍ, ກາຍິກໍ ສຸຂໍ… ກາຍິກໍ ທຸກ຺ຂໍ… ໂຠຊນໍ ອຸປນິສ຺ສາຍ ທານໍ ເທຕິ…ເປ… ສງ຺ຆໍ ຠິນ຺ທຕິ. ສທ຺ຘາ …ເປ… ປຎ຺ຎາ, ຣາໂຄ…ເປ… ປຕ຺ຖນາ, ກາຍິກໍ ສຸຂໍ… ກາຍິກໍ ທຸກ຺ຂໍ… ໂຠຊນໍ ສທ຺ຘາຍ…ເປ… ປຎ຺ຎາຍ, ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ປຸເຣຊາຕປຈ຺ຈໂຍ

໓໙. ສນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ອາຣມ຺ມຓປຸເຣຊາຕໍ – ຣູເປ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ, ຣູປາຍຕນໍ ຈກ຺ຂຸວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໑)

ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ກາຍໍ… ສທ຺ເທ…ເປ… ໂຜຏ຺ຐພ຺ເພ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ສທ຺ທາຍຕນໍ ໂສຕວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ວຕ຺ຖຸໍ… ອິຕ຺ຖິນ຺ທ຺ຣິຍໍ… ປຸຣິສິນ຺ທ຺ຣິຍໍ… ຊີວິຕິນ຺ທ຺ຣິຍໍ… ອາໂປຘາຕຸໍ… ກພຬີກາຣໍ ອາຫາຣໍ… ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ວຕ຺ຖຸ ອນິທສ຺ສນອປ຺ປຏິຆານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

໔໐. ສນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ຣູປາຍຕນຎ຺ຈ ວຕ຺ຖຸ ຈ ອນິທສ຺ສນອປ຺ປຏິຆານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ອນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ຈກ຺ຂາຍຕນຎ຺ຈ ວຕ຺ຖຸ ຈ…ເປ… ໂຜຏ຺ຐພ຺ພາຍຕນຎ຺ຈ ວຕ຺ຖຸ ຈ ອນິທສ຺ສນອປ຺ປຏິຆານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ສນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໑)

ປຈ຺ຉາຊາຕປຈ຺ຈໂຍ

໔໑. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ອນິທສ຺ສນອປ຺ປຏິຆາ ຂນ຺ຘາ ປຸເຣຊາຕສ຺ສ ອິມສ຺ສ ອນິທສ຺ສນອປ຺ປຏິຆສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ອນິທສ຺ສນອປ຺ປຏິຆາ ຂນ຺ຘາ ປຸເຣຊາຕສ຺ສ ອິມສ຺ສ ສນິທສ຺ສນສປ຺ປຏິຆສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໒)

(ເອວໍ ສຕ຺ຕ ປຎ຺ຫາ ວິຠຊິຕພ຺ພາ, ຕິວິຘຣູປສງ຺ຄໂຫ.) (໗)

ອາເສວນປຈ຺ຈໂຍ

໔໒. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອນິທສ຺ສນອປ຺ປຏິຆາ ຂນ຺ຘາ ປຈ຺ຉິມານໍ ປຈ຺ຉິມານໍ ອນິທສ຺ສນອປ຺ປຏິຆານໍ ຂນ຺ຘານໍ ອາເສວນປຈ຺ຈເຍນ ປຈ຺ຈໂຍ. ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ… ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ ອາເສວນປຈ຺ຈເຍນ ປຈ຺ຈໂຍ. (໑)

ກມ຺ມປຈ຺ຈໂຍ

໔໓. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ອນິທສ຺ສນອປ຺ປຏິຆາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ອນິທສ຺ສນອປ຺ປຏິຆາ ເຈຕນາ ວິປາການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ກຏຕ຺ຕາຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ອນິທສ຺ສນອປ຺ປຏິຆາ ເຈຕນາ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ອນິທສ຺ສນອປ຺ປຏິຆາ ເຈຕນາ ສນິທສ຺ສນສປ຺ປຏິຆານໍ ກຏຕ຺ຕາຣູປານໍ ກມ຺ມປຈ຺ຈເຍນ ປຈ຺ຈໂຍ. (໒)

(ເອວໍ ສຕ຺ຕ ປຎ຺ຫາ ສຫຊາຕາ ນານາກ຺ຂຓິກາ ອິມິນາ ກາຣເຓນ ວິຠຊິຕພ຺ພາ, ຕິວິຘຣູປສງ຺ຄໂຫ.) (໗)

ວິປາກປຈ຺ຈໂຍ

໔໔. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ – ວິປາໂກ ອນິທສ຺ສນອປ຺ປຏິໂຆ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານຎ຺ຈ ຣູປານໍ ວິປາກປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ… ປຏິສນ຺ຘິກ຺ຂເຓ ອນິທສ຺ສນອປ຺ປຏິໂຆ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ກຏຕ຺ຕາຣູປານໍ ວິປາກປຈ຺ຈເຍນ ປຈ຺ຈໂຍ…ເປ… ຂນ຺ຘາ ວຕ຺ຖຸສ຺ສ ວິປາກປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ – ວິປາກາ ອນິທສ຺ສນອປ຺ປຏິຆາ ຂນ຺ຘາ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ວິປາກປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ຂນ຺ຘາ ສນິທສ຺ສນສປ຺ປຏິຆານໍ ກຏຕ຺ຕາຣູປານໍ ວິປາກປຈ຺ຈເຍນ ປຈ຺ຈໂຍ. (໒)

(ເອວໍ ສຕ຺ຕ ປຎ຺ຫາ ວິຕ຺ຖາເຣຕພ຺ພາ, ປວຕ຺ຕິປຏິສນ຺ຘິ.) (໗)

ອາຫາຣປຈ຺ຈໂຍ

໔໕. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ຈິຕ຺ຕສມຸຏ຺ຐານານໍ ຣູປານໍ ອາຫາຣປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. ກພຬີກາໂຣ ອາຫາໂຣ ອິມສ຺ສ ອນິທສ຺ສນອປ຺ປຏິຆສ຺ສ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ອາຫາຣາ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ອາຫາຣປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ອາຫາຣາ ສນິທສ຺ສນສປ຺ປຏິຆານໍ ກຏຕ຺ຕາຣູປານໍ ອາຫາຣປຈ຺ຈເຍນ ປຈ຺ຈໂຍ. ກພຬີກາໂຣ ອາຫາໂຣ ອິມສ຺ສ ສນິທສ຺ສນສປ຺ປຏິຆສ຺ສ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. (໒)

(ເອວໍ ສຕ຺ຕ ປຎ຺ຫາ ປວຕ຺ຕິປຏິສນ຺ຘິ ວິຠຊິຕພ຺ພາ, ສຕ຺ຕສຸປິ ກພຬີກາໂຣ ອາຫາໂຣ ກາຕພ຺ໂພ.) (໗)

ອິນ຺ທ຺ຣິຍປຈ຺ຈໂຍ

໔໖. ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ຈກ຺ຂຸນ຺ທ຺ຣິຍໍ ຈກ຺ຂຸວິຎ຺ຎາຓສ຺ສ…ເປ… ກາຍິນ຺ທ຺ຣິຍໍ ກາຍວິຎ຺ຎາຓສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ອິນ຺ທ຺ຣິຍາ ສມ຺ປຍຸຕ຺ຕການໍ ຂນ຺ຘານໍ ອນິທສ຺ສນອປ຺ປຏິຆານຎ຺ຈ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ຣູປຊີວິຕິນ຺ທ຺ຣິຍໍ ອນິທສ຺ສນອປ຺ປຏິຆານໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ອິນ຺ທ຺ຣິຍາ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ອິນ຺ທ຺ຣິຍາ ສນິທສ຺ສນສປ຺ປຏິຆານໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. ຣູປຊີວິຕິນ຺ທ຺ຣິຍໍ ສນິທສ຺ສນສປ຺ປຏິຆານໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໒)

(ເອວໍ ປວຕ຺ຕິປຏິສນ຺ຘິ ສຕ຺ຕ ປຎ຺ຫາ ວິຠຊິຕພ຺ພາ, ຣູປຊີວິຕິນ຺ທ຺ຣິຍຎ຺ຈ ອນ຺ເຕ ອນ຺ເຕ.) (໗)

໔໗. ອນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ – ຈກ຺ຂຸນ຺ທ຺ຣິຍຎ຺ຈ ຈກ຺ຂຸວິຎ຺ຎາຓຎ຺ຈ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ…ເປ… ກາຍິນ຺ທ຺ຣິຍຎ຺ຈ ກາຍວິຎ຺ຎາຓຎ຺ຈ ກາຍວິຎ຺ຎາຓສຫຄຕານໍ ຂນ຺ຘານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ຌານປຈ຺ຈຍາທິ

໔໘. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ຌານປຈ຺ຈເຍນ ປຈ຺ຈໂຍ… ມຄ຺ຄປຈ຺ຈເຍນ ປຈ຺ຈໂຍ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິໂຆ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ສມ຺ປຍຸຕ຺ຕປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ… ປຏິສນ຺ຘິກ຺ຂເຓ…ເປ….

ວິປ຺ປຍຸຕ຺ຕປຈ຺ຈໂຍ

໔໙. ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ອນິທສ຺ສນອປ຺ປຏິຆາ ຂນ຺ຘາ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ຂນ຺ຘາ ອນິທສ຺ສນອປ຺ປຏິຆານໍ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ຂນ຺ຘາ ວຕ຺ຖຸສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ວຕ຺ຖຸ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ອນິທສ຺ສນອປ຺ປຏິຆານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອນິທສ຺ສນອປ຺ປຏິຆາ ຂນ຺ຘາ ປຸເຣຊາຕສ຺ສ ອິມສ຺ສ ອນິທສ຺ສນອປ຺ປຏິຆສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອນິທສ຺ສນອປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ອນິທສ຺ສນອປ຺ປຏິຆາ ຂນ຺ຘາ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ ອນິທສ຺ສນອປ຺ປຏິຆາ ຂນ຺ຘາ ສນິທສ຺ສນສປ຺ປຏິຆານໍ ກຏຕ຺ຕາຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອນິທສ຺ສນອປ຺ປຏິຆາ ຂນ຺ຘາ ປຸເຣຊາຕສ຺ສ ອິມສ຺ສ ສນິທສ຺ສນສປ຺ປຏິຆສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

(ອວເສສາ ປຎ຺ຈ ປຎ຺ຫາ ເອວໍ ວິຕ຺ຖາເຣຕພ຺ພາ. ສຫຊາຕາ, ປຈ຺ຉາຊາຕາ.)

ອຕ຺ຖິປຈ຺ຈໂຍ

໕໐. ສນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຣູເປ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ, ຣູປາຍຕນໍ ຈກ຺ຂຸວິຎ຺ຎາຓສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໑)

໕໑. ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນສປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ອນິທສ຺ສນສປ຺ປຏິຆໍ ເອກໍ ມຫາຠູຕໍ ທ຺ວິນ຺ນໍ ມຫາຠູຕານໍ ອຕ຺ຖິປຈ຺ຈເຍນ ປຈ຺ຈໂຍ. ທ຺ເວ ມຫາຠູຕາ ເອກສ຺ສ ມຫາຠູຕສ຺ສ ອຕ຺ຖິປຈ຺ຈເຍນ ປຈ຺ຈໂຍ. ອນິທສ຺ສນສປ຺ປຏິຆາ ມຫາຠູຕາ ອນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ກຏຕ຺ຕາຣູປານໍ ອຸປາທາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ໂຜຏ຺ຐພ຺ພາຍຕນໍ ຈກ຺ຂາຍຕນສ຺ສ…ເປ… ຣສາຍຕນສ຺ສ ອຕ຺ຖິປຈ຺ຈເຍນ ປຈ຺ຈໂຍ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ເອກໍ ມຫາຠູຕໍ ທ຺ວິນ຺ນໍ ມຫາຠູຕານໍ ອຕ຺ຖິປຈ຺ຈເຍນ ປຈ຺ຈໂຍ. ທ຺ເວ ມຫາຠູຕາ ເອກສ຺ສ ມຫາຠູຕສ຺ສ ອຕ຺ຖິປຈ຺ຈເຍນ ປຈ຺ຈໂຍ. ອຸຕຸສມຸຏ຺ຐານາ ມຫາຠູຕາ ອນິທສ຺ສນສປ຺ປຏິຆານໍ ອຸປາທາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ອສຎ຺ຎສຕ຺ຕານໍ ອນິທສ຺ສນສປ຺ປຏິຆໍ ເອກໍ ມຫາຠູຕໍ ທ຺ວິນ຺ນໍ ມຫາຠູຕານໍ ອຕ຺ຖິປຈ຺ຈເຍນ ປຈ຺ຈໂຍ. ທ຺ເວ ມຫາຠູຕາ…ເປ…. (໑)

ອນິທສ຺ສນສປ຺ປຏິໂຆ ຘມ຺ໂມ ສນິທສ຺ສນສປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໒)

(ປຏິຈ຺ຈວາເຣ ນິສ຺ສຍປຈ຺ຈຍສທິສໍ.)

ອນິທສ຺ສນສປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕາ – ອນິທສ຺ສນສປ຺ປຏິຆາ ມຫາຠູຕາ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ກຏຕ຺ຕາຣູປານໍ ອຸປາທາຣູປານໍ ອຕ຺ຖິປຈ຺ຈເຍນ ປຈ຺ຈໂຍ (ຍາວ ອສຎ຺ຎສຕ຺ຕາ ວິຕ຺ຖາເຣຕພ຺ພາ). ປຸເຣຊາຕໍ – ຈກ຺ຂຸໍ…ເປ… ກາຍໍ, ສທ຺ເທ…ເປ… ໂຜຏ຺ຐພ຺ເພ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ, ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໓)

(ອວເສສາ ຈຕ຺ຕາໂຣ ປຎ຺ຫາ ວິຕ຺ຖາເຣຕພ຺ພາ. ປຏິຈ຺ຈວາເຣ ສຫຊາຕປຈ຺ຈຍສທິສາ, ນິນ຺ນານາກຣຓາ.) (໗)

໕໒. ອນິທສ຺ສນອປ຺ປຏິໂຆ ຘມ຺ໂມ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ອນິທສ຺ສນອປ຺ປຏິໂຆ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ທ຺ເວ ຂນ຺ຘາ…ເປ… ປຏິສນ຺ຘິກ຺ຂເຓ…ເປ… ອາໂປຘາຕຸ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ກຏຕ຺ຕາຣູປານໍ ອຸປາທາຣູປານໍ…ເປ… ອາໂປຘາຕຸ ອິຕ຺ຖິນ຺ທ຺ຣິຍສ຺ສ…ເປ… ກພຬີກາຣາຫາຣສ຺ສ ຈ ອຕ຺ຖິປຈ຺ຈເຍນ ປຈ຺ຈໂຍ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ອາໂປຘາຕຸ ອນິທສ຺ສນອປ຺ປຏິຆານໍ ກຏຕ຺ຕາຣູປານໍ ອຸປາທາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸໍ… ອິຕ຺ຖິນ຺ທ຺ຣິຍໍ… ປຸຣິສິນ຺ທ຺ຣິຍໍ… ຊີວິຕິນ຺ທ຺ຣິຍໍ… ອາໂປຘາຕຸໍ… ກພຬີກາຣໍ ອາຫາຣໍ… ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ, ວຕ຺ຖຸ ອນິທສ຺ສນອປ຺ປຏິຆານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອນິທສ຺ສນອປ຺ປຏິຆາ ຂນ຺ຘາ ປຸເຣຊາຕສ຺ສ ອິມສ຺ສ ອນິທສ຺ສນອປ຺ປຏິຆສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ກພຬີກາໂຣ ອາຫາໂຣ ອິມສ຺ສ ອນິທສ຺ສນອປ຺ປຏິຆສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ຣູປຊີວິຕິນ຺ທ຺ຣິຍໍ ອນິທສ຺ສນອປ຺ປຏິຆານໍ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ (ເອວໍ ອວເສສາ ຉ ປຎ຺ຫາ ວິຠຊິຕພ຺ພາ. ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍມ຺ປິ ກາຕພ຺ພາ). (໗)

໕໓. ສນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຣູປາຍຕນຎ຺ຈ ວຕ຺ຖຸ ຈ ອນິທສ຺ສນອປ຺ປຏິຆານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ອນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ສນິທສ຺ສນສປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ອນິທສ຺ສນອປ຺ປຏິຆາ ຂນ຺ຘາ ຈ ມຫາຠູຕາ ຈ ສນິທສ຺ສນສປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ… (ສໍຂິຕ຺ຕໍ, ອສຎ຺ຎສຕ຺ຕານຎ຺ຈ ກາຕພ຺ພາ). (໑)

ອນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນສປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໒)

໕໔. ອນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕາ – ອນິທສ຺ສນອປ຺ປຏິຆາ ຂນ຺ຘາ ຈ ມຫາຠູຕາ ຈ ອນິທສ຺ສນອປ຺ປຏິຆານໍ ຈິຕ຺ຕສມຸຏ຺ຐານານໍ ຣູປານໍ…ເປ… (ຍາວ ອສຎ຺ຎສຕ຺ຕາ ກາຕພ຺ພາ). ປຸເຣຊາຕໍ – ຈກ຺ຂາຍຕນຎ຺ຈ ວຕ຺ຖຸ ຈ…ເປ… ໂຜຏ຺ຐພ຺ພາຍຕນຎ຺ຈ ວຕ຺ຖຸ ຈ ອນິທສ຺ສນອປ຺ປຏິຆານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໓) (ອວເສສາ ຈຕສ຺ໂສ ປຎ຺ຫາ ວິຠຊິຕພ຺ພາ.) (໗)

໕໕. ສນິທສ຺ສນສປ຺ປຏິໂຆ ຈ ອນິທສ຺ສນສປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໑)

ສນິທສ຺ສນສປ຺ປຏິໂຆ ຈ ອນິທສ຺ສນສປ຺ປຏິໂຆ ຈ ອນິທສ຺ສນອປ຺ປຏິໂຆ ຈ ຘມ຺ມາ ອນິທສ຺ສນອປ຺ປຏິຆສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ຣູປາຍຕນຎ຺ຈ ຈກ຺ຂາຍຕນຎ຺ຈ ຈກ຺ຂຸວິຎ຺ຎາຓຎ຺ຈ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

(ນຕ຺ຖິວິຄຕປຈ຺ຈຍໍ ອນນ຺ຕຣສທິສໍ. ອວິຄຕປຈ຺ຈຍໍ ອຕ຺ຖິສທິສໍ.)