໑. ວິຠງ຺ຄວາໂຣ

ເຫຕຸປຈ຺ຈໂຍ

໑. ອຊ຺ຌຕ຺ຕໍ ຘມ຺ມໍ ປຏິຈ຺ຈ ອຊ຺ຌຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ. ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

ພຫິທ຺ຘາ ຘມ຺ມໍ ປຏິຈ຺ຈ ພຫິທ຺ຘາ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ພຫິທ຺ຘາ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ພຫິທ຺ຘາ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ. ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

ອາຣມ຺ມຓປຈ຺ຈໂຍ

໒. ອຊ຺ຌຕ຺ຕໍ ຘມ຺ມໍ ປຏິຈ຺ຈ ອຊ຺ຌຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ປຏິຈ຺ຈ…ເປ… ປຏິສນ຺ຘິກ຺ຂເຓ ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ວຕ຺ຖຸໍ ປຏິຈ຺ຈ ຂນ຺ຘາ. (໑)

ພຫິທ຺ຘາ ຘມ຺ມໍ ປຏິຈ຺ຈ ພຫິທ຺ຘາ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ພຫິທ຺ຘາ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ວຕ຺ຖຸໍ ປຏິຈ຺ຈ ຂນ຺ຘາ. (໑)

ອຘິປຕິປຈ຺ຈໂຍ

໓. ອຊ຺ຌຕ຺ຕໍ ຘມ຺ມໍ ປຏິຈ຺ຈ ອຊ຺ຌຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ເອກໍ ມຫາຠູຕໍ ປຏິຈ຺ຈ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)

ພຫິທ຺ຘາ ຘມ຺ມໍ ປຏິຈ຺ຈ ພຫິທ຺ຘາ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ພຫິທ຺ຘາ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ເອກໍ ມຫາຠູຕໍ ປຏິຈ຺ຈ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)

ອນນ຺ຕຣປຈ຺ຈຍາທິ

໔. ອຊ຺ຌຕ຺ຕໍ ຘມ຺ມໍ ປຏິຈ຺ຈ ອຊ຺ຌຕ຺ໂຕ ຘມ຺ໂມ ອຸປ຺ປຊ຺ຊຕິ ອນນ຺ຕຣປຈ຺ຈຍາ, ສມນນ຺ຕຣປຈ຺ຈຍາ, ສຫຊາຕປຈ຺ຈຍາ – ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ອຊ຺ຌຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ. ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ ປຏິຈ຺ຈ…ເປ… ມຫາຠູເຕ ປຏິຈ຺ຈ ກຏຕ຺ຕາຣູປໍ ອຸປາທາຣູປໍ. (໑)

ພຫິທ຺ຘາ ຘມ຺ມໍ ປຏິຈ຺ຈ ພຫິທ຺ຘາ ຘມ຺ໂມ ອຸປ຺ປຊ຺ຊຕິ ສຫຊາຕປຈ຺ຈຍາ – ພຫິທ຺ຘາ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ພຫິທ຺ຘາ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ. ເອກໍ ມຫາຠູຕໍ ປຏິຈ຺ຈ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ… ອສຎ຺ຎສຕ຺ຕານໍ ເອກໍ ມຫາຠູຕໍ ປຏິຈ຺ຈ…ເປ… ມຫາຠູເຕ ປຏິຈ຺ຈ ກຏຕ຺ຕາຣູປໍ ອຸປາທາຣູປໍ. (໑)

ອຎ຺ຎມຎ຺ຎປຈ຺ຈຍາທິ

໕. ອຊ຺ຌຕ຺ຕໍ ຘມ຺ມໍ ປຏິຈ຺ຈ ອຊ຺ຌຕ຺ໂຕ ຘມ຺ໂມ ອຸປ຺ປຊ຺ຊຕິ ອຎ຺ຎມຎ຺ຎປຈ຺ຈຍາ… ນິສ຺ສຍປຈ຺ຈຍາ… ອຸປນິສ຺ສຍປຈ຺ຈຍາ… ປຸເຣຊາຕປຈ຺ຈຍາ… ອາເສວນປຈ຺ຈຍາ (ປຸເຣຊາເຕປິ ອາເສວເນປິ ປຏິສນ຺ຘິ ນຕ຺ຖິ)… ກມ຺ມປຈ຺ຈຍາ… ວິປາກປຈ຺ຈຍາ… ອາຫາຣປຈ຺ຈຍາ… ອິນ຺ທ຺ຣິຍປຈ຺ຈຍາ… ຌານປຈ຺ຈຍາ… ມຄ຺ຄປຈ຺ຈຍາ… ສມ຺ປຍຸຕ຺ຕປຈ຺ຈຍາ… ວິປ຺ປຍຸຕ຺ຕປຈ຺ຈຍາ… ອຕ຺ຖິປຈ຺ຈຍາ… ນຕ຺ຖິປຈ຺ຈຍາ… ວິຄຕປຈ຺ຈຍາ… ອວິຄຕປຈ຺ຈຍາ.