໑. ວິຠງ຺ຄວາໂຣ

ເຫຕຸປຈ຺ຈໂຍ

໓໖. ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ. (໑)

ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍຕາ ເຫຕູ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໒)

ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຈ ອນິຍຕສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອນິຍຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ…ເປ…. (໑)

ອາຣມ຺ມຓປຈ຺ຈໂຍ

໓໗. ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ມິຈ຺ຉຕ຺ຕນິຍເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ. ມິຈ຺ຉຕ຺ຕນິຍເຕ ຂນ຺ເຘ ອນິຈ຺ຈໂຕ…ເປ… ວິປສ຺ສນ຺ຕິ. ເຈໂຕປຣິຍຎາເຓນ ມິຈ຺ຉຕ຺ຕນິຍຕຈິຕ຺ຕສມງ຺ຄິສ຺ສ ຈິຕ຺ຕໍ ຊານນ຺ຕິ. ມິຈ຺ຉຕ຺ຕນິຍຕາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ. ເຈໂຕປຣິຍຎາເຓນ ສມ຺ມຕ຺ຕນິຍຕຈິຕ຺ຕສມງ຺ຄິສ຺ສ ຈິຕ຺ຕໍ ຊານນ຺ຕິ. ສມ຺ມຕ຺ຕນິຍຕາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

໓໘. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ ສມາທິຍິຕ຺ວາ ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ ປຈ຺ຈເວກ຺ຂຕິ, ຌານາ ວຸຏ຺ຐຫິຕ຺ວາ ຌານໍ ປຈ຺ຈເວກ຺ຂຕິ, ອຣິຍາ ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. ອຣິຍາ ອນິຍເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ ປຈ຺ຈເວກ຺ຂນ຺ຕິ. ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ. ຈກ຺ຂຸໍ…ເປ… ວຕ຺ຖຸໍ… ອນິຍເຕ ຂນ຺ເຘ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສນ຺ຕິ, ອສ຺ສາເທນ຺ຕິ ອຠິນນ຺ທນ຺ຕິ, ຕໍ ອາຣພ຺ຠ ອນິຍໂຕ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ເຈໂຕປຣິຍຎາເຓນ ອນິຍຕຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອນິຍຕາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຣູປຊີວິຕິນ຺ທ຺ຣິຍໍ ມາຕຸຆາຕິກມ຺ມສ຺ສ… ປິຕຸຆາຕິກມ຺ມສ຺ສ… ອຣຫນ຺ຕຆາຕິກມ຺ມສ຺ສ… ຣຸຫິຣຸປ຺ປາທກມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ຍໍ ວຕ຺ຖຸໍ ປຣາມສນ຺ຕສ຺ສ ມິຈ຺ຉຕ຺ຕນິຍຕາ ຂນ຺ຘາ ອຸປ຺ປຊ຺ຊນ຺ຕິ, ຕໍ ວຕ຺ຖຸ ມິຈ຺ຉຕ຺ຕນິຍຕານໍ ຂນ຺ຘານໍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ນິພ຺ພານໍ ມຄ຺ຄສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ອຘິປຕິປຈ຺ຈໂຍ

໓໙. ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ມິຈ຺ຉຕ຺ຕນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ມິຈ຺ຉຕ຺ຕນິຍຕາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຈ ອນິຍຕສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ມິຈ຺ຉຕ຺ຕນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໔໐. ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ສມ຺ມຕ຺ຕນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ. ສຫຊາຕາຘິປຕິ – ສມ຺ມຕ຺ຕນິຍຕາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຈ ອນິຍຕສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ສມ຺ມຕ຺ຕນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໔໑. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ ສມາທິຍິຕ຺ວາ ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ ຄຣຸໍ ກຕ຺ວາ ປຈ຺ຈເວກ຺ຂຕິ, ຌານາ…ເປ… ອຣິຍາ ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ. ຈກ຺ຂຸໍ…ເປ… ວຕ຺ຖຸໍ…ເປ… ອນິຍເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ອນິຍໂຕ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ອນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ນິພ຺ພານໍ ມຄ຺ຄສ຺ສ ອຘິປຕິປຈ຺ຈເຍນ ປຈ຺ຈໂຍ. (໒)

ອນນ຺ຕຣປຈ຺ຈໂຍ

໔໒. ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍຕາ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ມຄ຺ໂຄ ຜລສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອນິຍຕາ ຂນ຺ຘາ ປຈ຺ຉິມານໍ ປຈ຺ຉິມານໍ ອນິຍຕານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ… ຜລໍ ຜລສ຺ສ… ອນຸໂລມໍ ຜລສມາປຕ຺ຕິຍາ… ນິໂຣຘາ ວຸຏ຺ຐຫນ຺ຕສ຺ສ ເນວສຎ຺ຎານາສຎ຺ຎາຍຕນໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

໔໓. ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ອນິຍຕໍ ໂທມນສ຺ສໍ ມິຈ຺ຉຕ຺ຕນິຍຕສ຺ສ ໂທມນສ຺ສສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ອນິຍຕມິຈ຺ຉາທິຏ຺ຐິ ນິຍຕມິຈ຺ຉາທິຏ຺ຐິຍາ ອນນ຺ຕຣປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໓)

ສມນນ຺ຕຣປຈ຺ຈຍາທິ

໔໔. ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ສມນນ຺ຕຣປຈ຺ຈເຍນ ປຈ຺ຈໂຍ (ອນນ຺ຕຣສທິສໍ)… ສຫຊາຕປຈ຺ຈເຍນ ປຈ຺ຈໂຍ (ປຏິຈ຺ຈວາຣສທິສໍ, ນວ ປຎ຺ຫາ)… ອຎ຺ຎມຎ຺ຎປຈ຺ຈເຍນ ປຈ຺ຈໂຍ (ປຏິຈ຺ຈວາຣສທິສໍ, ຕິສ຺ໂສ ປຎ຺ຫາ)… ນິສ຺ສຍປຈ຺ຈເຍນ ປຈ຺ຈໂຍ (ກຸສລຕ຺ຕິກສທິສາ, ເຕຣສ ປຎ຺ຫາ).

ອຸປນິສ຺ສຍປຈ຺ຈໂຍ

໔໕. ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ປກຕູປນິສ຺ສໂຍ – ມາຕຸຆາຕິກມ຺ມໍ ມາຕຸຆາຕິກມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ມາຕຸຆາຕິກມ຺ມໍ…ເປ… ປິຕຸຆາຕິກມ຺ມໍ…ເປ… ອຣຫນ຺ຕຆາຕິກມ຺ມໍ…ເປ… ຣຸຫິຣຸປ຺ປາທກມ຺ມໍ…ເປ… ສງ຺ຆເຠທກມ຺ມໍ…ເປ… ນິຍຕມິຈ຺ຉາທິຏ຺ຐິຍາ ອຸປນິສ຺ສຍປຈ຺ຈເຍນ ປຈ຺ຈໂຍ (ຈກ຺ກໍ ກາຕພ຺ພໍ). ນິຍຕມິຈ຺ຉາທິຏ຺ຐິ ນິຍຕມິຈ຺ຉາທິຏ຺ຐິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. ນິຍຕມິຈ຺ຉາທິຏ຺ຐິ ມາຕຸຆາຕິກມ຺ມສ຺ສ…ເປ… ສງ຺ຆເຠທກມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ມາຕຣໍ ຊີວິຕາ ໂວໂຣເປຕ຺ວາ ຕສ຺ສ ປຏິຆາຕຕ຺ຖາຍ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ ກໂຣຕິ. ປິຕຣໍ ຊີວິຕາ ໂວໂຣເປຕ຺ວາ…ເປ… ອຣຫນ຺ຕໍ ຊີວິຕາ ໂວໂຣເປຕ຺ວາ…ເປ… ທຸຏ຺ເຐນ ຈິຕ຺ເຕນ ຕຖາຄຕສ຺ສ ໂລຫິຕໍ ອຸປ຺ປາເທຕ຺ວາ…ເປ… ສງ຺ຆໍ ຠິນ຺ທິຕ຺ວາ ຕສ຺ສ ປຏິຆາຕຕ຺ຖາຍ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ ກໂຣຕິ. (໒)

໔໖. ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ປກຕູປນິສ຺ສໂຍ – ປຐໂມ ມຄ຺ໂຄ ທຸຕິຍສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ…ເປ… ຕຕິໂຍ ມຄ຺ໂຄ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອຣິຍາ ມຄ຺ຄໍ ອຸປນິສ຺ສາຍ ອນຸປ຺ປນ຺ນໍ ສມາປຕ຺ຕິໍ ອຸປ຺ປາເທນ຺ຕິ, ອຸປ຺ປນ຺ນໍ ສມາປຊ຺ຊນ຺ຕິ, ສງ຺ຂາເຣ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສນ຺ຕິ. ມຄ຺ໂຄ ອຣິຍານໍ ອຕ຺ຖປ຺ປຏິສມ຺ຠິທາຍ…ເປ… ຐານາຐານໂກສລ຺ລສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ມຄ຺ໂຄ ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໔໗. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອນິຍຕໍ ສທ຺ຘໍ ອຸປນິສ຺ສາຍ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ…ເປ… ຌານໍ ອຸປ຺ປາເທຕິ, ວິປສ຺ສນໍ… ອຠິຎ຺ຎໍ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ. ອນິຍຕໍ ສີລໍ… ສຸຕໍ… ຈາຄໍ… ປຎ຺ຎໍ… ຣາຄໍ…ເປ… ປຕ຺ຖນໍ… ກາຍິກໍ ສຸຂໍ… ກາຍິກໍ ທຸກ຺ຂໍ… ອຸຕຸໍ… ໂຠຊນໍ… ເສນາສນໍ ອຸປນິສ຺ສາຍ ທານໍ ເທຕິ…ເປ… ນິຄມຆາຕໍ ກໂຣຕິ. ອນິຍຕາ ສທ຺ຘາ…ເປ… ປຎ຺ຎາ, ຣາໂຄ…ເປ… ເສນາສນໍ ອນິຍຕາຍ ສທ຺ຘາຍ…ເປ… ກາຍິກສ຺ສ ສຸຂສ຺ສ, ກາຍິກສ຺ສ ທຸກ຺ຂສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. ປຐມສ຺ສ ຌານສ຺ສ ປຣິກມ຺ມໍ ຕສ຺ເສວ…ເປ… ເນວສຎ຺ຎານາສຎ຺ຎາຍຕນສ຺ສ ປຣິກມ຺ມໍ ຕສ຺ເສວ…ເປ… ປຐມໍ ຌານໍ ທຸຕິຍສ຺ສ ຌານສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ປາຓາຕິປາໂຕ ປາຓາຕິປາຕສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ (ຈກ຺ກໍ ກາຕພ຺ພໍ). (໑)

ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອນິຍຕໍ ຣາຄໍ ອຸປນິສ຺ສາຍ ມາຕຣໍ ຊີວິຕາ ໂວໂຣເປຕິ…ເປ… ສງ຺ຆໍ ຠິນ຺ທຕິ. ອນິຍຕໍ ໂທສໍ…ເປ… ປຕ຺ຖນໍ… ກາຍິກໍ ສຸຂໍ…ເປ… ເສນາສນໍ ອຸປນິສ຺ສາຍ ມາຕຣໍ ຊີວິຕາ ໂວໂຣເປຕິ…ເປ… ສງ຺ຆໍ ຠິນ຺ທຕິ. ອນິຍໂຕ ຣາໂຄ…ເປ… ເສນາສນໍ ມາຕຸຆາຕິກມ຺ມສ຺ສ… ປິຕຸຆາຕິກມ຺ມສ຺ສ… ອຣຫນ຺ຕຆາຕິກມ຺ມສ຺ສ… ຣຸຫິຣຸປ຺ປາທກມ຺ມສ຺ສ… ສງ຺ຆເຠທກມ຺ມສ຺ສ… ນິຍຕມິຈ຺ຉາທິຏ຺ຐິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ປຐມສ຺ສ ມຄ຺ຄສ຺ສ ປຣິກມ຺ມໍ ປຐມສ຺ສ ມຄ຺ຄສ຺ສ…ເປ… ຈຕຸຕ຺ຖສ຺ສ ມຄ຺ຄສ຺ສ ປຣິກມ຺ມໍ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໓)

ປຸເຣຊາຕປຈ຺ຈໂຍ

໔໘. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ອນິຍໂຕ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ… ວຕ຺ຖຸ ອນິຍຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຣູປຊີວິຕິນ຺ທ຺ຣິຍໍ ມາຕຸຆາຕິກມ຺ມສ຺ສ… ປິຕຸຆາຕິກມ຺ມສ຺ສ… ອຣຫນ຺ຕຆາຕິກມ຺ມສ຺ສ… ຣຸຫິຣຸປ຺ປາທກມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ວຕ຺ຖຸ ມິຈ຺ຉຕ຺ຕນິຍຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ວຕ຺ຖຸ ສມ຺ມຕ຺ຕນິຍຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໓)

ປຈ຺ຉາຊາຕປຈ຺ຈໂຍ

໔໙. ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ມິຈ຺ຉຕ຺ຕນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ ສມ຺ມຕ຺ຕນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ອນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ອາເສວນປຈ຺ຈໂຍ

໕໐. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອນິຍຕາ ຂນ຺ຘາ ປຈ຺ຉິມານໍ ປຈ຺ຉິມານໍ ອນິຍຕານໍ ຂນ຺ຘານໍ ອາເສວນປຈ຺ຈເຍນ ປຈ຺ຈໂຍ. ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ ອາເສວນປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ – ອນິຍຕໍ ໂທມນສ຺ສໍ ມິຈ຺ຉຕ຺ຕນິຍຕສ຺ສ ໂທມນສ຺ສສ຺ສ ອາເສວນປຈ຺ຈເຍນ ປຈ຺ຈໂຍ. ອນິຍຕມິຈ຺ຉາທິຏ຺ຐິ ນິຍຕມິຈ຺ຉາທິຏ຺ຐິຍາ ອາເສວນປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ – ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ ອາເສວນປຈ຺ຈເຍນ ປຈ຺ຈໂຍ. (໓)

ກມ຺ມປຈ຺ຈໂຍ

໕໑. ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ມິຈ຺ຉຕ຺ຕນິຍຕາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ມິຈ຺ຉຕ຺ຕນິຍຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໒)

ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຈ ອນິຍຕສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

໕໒. ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສມ຺ມຕ຺ຕນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ສມ຺ມຕ຺ຕນິຍຕາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ສມ຺ມຕ຺ຕນິຍຕາ ເຈຕນາ ວິປາການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໒)

ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຈ ອນິຍຕສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສມ຺ມຕ຺ຕນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ອນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ອນິຍຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ວິປາກປຈ຺ຈໂຍ

໕໓. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ – ວິປາໂກ ອນິຍໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ວິປາກປຈ຺ຈເຍນ ປຈ຺ຈໂຍ…ເປ… ປຏິສນ຺ຘິກ຺ຂເຓ…ເປ… ຂນ຺ຘາ ວຕ຺ຖຸສ຺ສ…ເປ….

ອາຫາຣປຈ຺ຈຍາທິ

໕໔. ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຌານປຈ຺ຈເຍນ ປຈ຺ຈໂຍ… ມຄ຺ຄປຈ຺ຈເຍນ ປຈ຺ຈໂຍ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ.

ວິປ຺ປຍຸຕ຺ຕປຈ຺ຈໂຍ

໕໕. ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ມິຈ຺ຉຕ຺ຕນິຍຕາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ມິຈ຺ຉຕ຺ຕນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ສມ຺ມຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ສມ຺ມຕ຺ຕນິຍຕາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ສມ຺ມຕ຺ຕນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ອນິຍຕາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຏິສນ຺ຘິກ຺ຂເຓ…ເປ… ຂນ຺ຘາ ວຕ຺ຖຸສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ວຕ຺ຖຸ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ… ວຕ຺ຖຸ ອນິຍຕານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ມິຈ຺ຉຕ຺ຕນິຍຕານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ສມ຺ມຕ຺ຕນິຍຕານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

ອຕ຺ຖິປຈ຺ຈໂຍ

໕໖. ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ…ເປ… ທ຺ເວ ຂນ຺ຘາ ທ຺ວິນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ມິຈ຺ຉຕ຺ຕນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ມິຈ຺ຉຕ຺ຕນິຍຕາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ມິຈ຺ຉຕ຺ຕນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໒)

ມິຈ຺ຉຕ຺ຕນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຈ ອນິຍຕສ຺ສ ຈ ອຕ຺ຖິປຈ຺ຈເຍນ ປຈ຺ຈໂຍ – ມິຈ຺ຉຕ຺ຕນິຍໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ…. (໓)

ສມ຺ມຕ຺ຕນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ…ເປ… (ຕິສ຺ໂສ ປຎ຺ຫາ).

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ອນິຍໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ… ປຏິສນ຺ຘິກ຺ຂເຓ…ເປ… ຂນ຺ຘາ ວຕ຺ຖຸສ຺ສ ອຕ຺ຖິປຈ຺ຈເຍນ ປຈ຺ຈໂຍ. ວຕ຺ຖຸ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ເອກໍ ມຫາຠູຕໍ…ເປ… ອສຎ຺ຎສຕ຺ຕານໍ ເອກໍ ມຫາຠູຕໍ…ເປ…. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ… ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ… ວຕ຺ຖຸ ອນິຍຕານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອນິຍຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ກພຬີກາໂຣ ອາຫາໂຣ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ຣູປຊີວິຕິນ຺ທ຺ຣິຍໍ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຣູປຊີວິຕິນ຺ທ຺ຣິຍໍ ມາຕຸຆາຕິກມ຺ມສ຺ສ…ເປ… ຣຸຫິຣຸປ຺ປາທກມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ວຕ຺ຖຸ ມິຈ຺ຉຕ຺ຕນິຍຕານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

ອນິຍໂຕ ຘມ຺ໂມ ສມ຺ມຕ຺ຕນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ສມ຺ມຕ຺ຕນິຍຕານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໓)

໕໗. ມິຈ຺ຉຕ຺ຕນິຍໂຕ ຈ ອນິຍໂຕ ຈ ຘມ຺ມາ ມິຈ຺ຉຕ຺ຕນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ມິຈ຺ຉຕ຺ຕນິຍໂຕ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ…ເປ… ທ຺ເວ ຂນ຺ຘາ ຈ…ເປ…. (໑)

ມິຈ຺ຉຕ຺ຕນິຍໂຕ ຈ ອນິຍໂຕ ຈ ຘມ຺ມາ ອນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ມິຈ຺ຉຕ຺ຕນິຍຕາ ຂນ຺ຘາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ມິຈ຺ຉຕ຺ຕນິຍຕາ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ມິຈ຺ຉຕ຺ຕນິຍຕາ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

ສມ຺ມຕ຺ຕນິຍໂຕ ຈ ອນິຍໂຕ ຈ ຘມ຺ມາ ສມ຺ມຕ຺ຕນິຍຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ…ເປ… (ທ຺ເວ ປຎ຺ຫາ ມິຈ຺ຉຕ຺ຕນິຍຕສທິສາ).