໑. ວິຠງ຺ຄວາໂຣ

ເຫຕຸປຈ຺ຈໂຍ

໑. ມິຈ຺ຉຕ຺ຕນິຍຕໍ ຘມ຺ມໍ ປຏິຈ຺ຈ ມິຈ຺ຉຕ຺ຕນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມິຈ຺ຉຕ຺ຕນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ຘາ. (໑)

ມິຈ຺ຉຕ຺ຕນິຍຕໍ ຘມ຺ມໍ ປຏິຈ຺ຈ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມິຈ຺ຉຕ຺ຕນິຍເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ມິຈ຺ຉຕ຺ຕນິຍຕໍ ຘມ຺ມໍ ປຏິຈ຺ຈ ມິຈ຺ຉຕ຺ຕນິຍໂຕ ຈ ອນິຍໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ມິຈ຺ຉຕ຺ຕນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

໒. ສມ຺ມຕ຺ຕນິຍຕໍ ຘມ຺ມໍ ປຏິຈ຺ຈ ສມ຺ມຕ຺ຕນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

໓. ອນິຍຕໍ ຘມ຺ມໍ ປຏິຈ຺ຈ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ອນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ, ທ຺ເວ ຂນ຺ເຘ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ; ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູຕາ,. ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. (໑)

໔. ມິຈ຺ຉຕ຺ຕນິຍຕຎ຺ຈ ອນິຍຕຎ຺ຈ ຘມ຺ມໍ ປຏິຈ຺ຈ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມິຈ຺ຉຕ຺ຕນິຍເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ສມ຺ມຕ຺ຕນິຍຕຎ຺ຈ ອນິຍຕຎ຺ຈ ຘມ຺ມໍ ປຏິຈ຺ຈ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສມ຺ມຕ຺ຕນິຍເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ອາຣມ຺ມຓປຈ຺ຈໂຍ

໕. ມິຈ຺ຉຕ຺ຕນິຍຕໍ ຘມ຺ມໍ ປຏິຈ຺ຈ ມິຈ຺ຉຕ຺ຕນິຍໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ມິຈ຺ຉຕ຺ຕນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ສມ຺ມຕ຺ຕນິຍຕໍ ຘມ຺ມໍ ປຏິຈ຺ຈ ສມ຺ມຕ຺ຕນິຍໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ສມ຺ມຕ຺ຕນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ອນິຍຕໍ ຘມ຺ມໍ ປຏິຈ຺ຈ ອນິຍໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ອນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ອນິຍຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ວຕ຺ຖຸໍ ປຏິຈ຺ຈ ຂນ຺ຘາ (ສພ຺ເພ ປຈ຺ຈຍາ ອິມິນາ ກາຣເຓນ ວິຕ຺ຖາເຣຕພ຺ພາ. ສໍຂິຕ຺ຕໍ).