໑. ວິຠງ຺ຄວາໂຣ

ເຫຕຸປຈ຺ຈໂຍ

໑. ປຣິຕ຺ຕໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຣິຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ປຣິຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ, ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ…ເປ…. (໑)

ປຣິຕ຺ຕໍ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ມຫຄ຺ຄຕາ ຂນ຺ຘາ. (໒)

ປຣິຕ຺ຕໍ ຘມ຺ມໍ ປຏິຈ຺ຈ ປຣິຕ຺ໂຕ ຈ ມຫຄ຺ຄໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ມຫຄ຺ຄຕາ ຂນ຺ຘາ, ມຫາຠູເຕ ປຏິຈ຺ຈ ກຏຕ຺ຕາຣູປໍ. (໓)

໒. ມຫຄ຺ຄຕໍ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໑)

ມຫຄ຺ຄຕໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມຫຄ຺ຄເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. ປຏິສນ຺ຘິກ຺ຂເຓ ມຫຄ຺ຄເຕ ຂນ຺ເຘ ປຏິຈ຺ຈ ກຏຕ຺ຕາຣູປໍ. (໒)

ມຫຄ຺ຄຕໍ ຘມ຺ມໍ ປຏິຈ຺ຈ ປຣິຕ຺ໂຕ ຈ ມຫຄ຺ຄໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ປຏິສນ຺ຘິກ຺ຂເຓ ມຫຄ຺ຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກຏຕ຺ຕາ ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

໓. ອປ຺ປມາຓໍ ຘມ຺ມໍ ປຏິຈ຺ຈ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອປ຺ປມາຓໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ອປ຺ປມາຓໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອປ຺ປມາເຓ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ອປ຺ປມາຓໍ ຘມ຺ມໍ ປຏິຈ຺ຈ ປຣິຕ຺ໂຕ ຈ ອປ຺ປມາໂຓ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອປ຺ປມາຓໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

໔. ປຣິຕ຺ຕຎ຺ຈ ອປ຺ປມາຓຎ຺ຈ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອປ຺ປມາເຓ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ປຣິຕ຺ຕຎ຺ຈ ມຫຄ຺ຄຕຎ຺ຈ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມຫຄ຺ຄເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. ປຏິສນ຺ຘິກ຺ຂເຓ…ເປ…. (໑)

ປຣິຕ຺ຕຎ຺ຈ ມຫຄ຺ຄຕຎ຺ຈ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ມຫຄ຺ຄຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໒)

ປຣິຕ຺ຕຎ຺ຈ ມຫຄ຺ຄຕຎ຺ຈ ຘມ຺ມໍ ປຏິຈ຺ຈ ປຣິຕ຺ໂຕ ຈ ມຫຄ຺ຄໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ມຫຄ຺ຄຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ມຫຄ຺ຄເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ. (໓)

ອາຣມ຺ມຓປຈ຺ຈໂຍ

໕. ປຣິຕ຺ຕໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຣິຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ວຕ຺ຖຸໍ ປຏິຈ຺ຈ ຂນ຺ຘາ. (໑)

ປຣິຕ຺ຕໍ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ມຫຄ຺ຄຕາ ຂນ຺ຘາ. (໒)

ມຫຄ຺ຄຕໍ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ…. (໑)

ອປ຺ປມາຓໍ ຘມ຺ມໍ ປຏິຈ຺ຈ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ອປ຺ປມາຓໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ປຣິຕ຺ຕຎ຺ຈ ມຫຄ຺ຄຕຎ຺ຈ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຏິສນ຺ຘິກ຺ຂເຓ ມຫຄ຺ຄຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ອຘິປຕິປຈ຺ຈໂຍ

໖. ປຣິຕ຺ຕໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ປຣິຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປໍ. (໑)

ມຫຄ຺ຄຕໍ ຘມ຺ມໍ ປຏິຈ຺ຈ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ມຫຄ຺ຄຕໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ມຫຄ຺ຄເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ມຫຄ຺ຄຕໍ ຘມ຺ມໍ ປຏິຈ຺ຈ ປຣິຕ຺ໂຕ ຈ ມຫຄ຺ຄໂຕ ຈ ຘມ຺ມາ ອຸປ຺ປຊ຺ຊນ຺ຕິ ອຘິປຕິປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

ອປ຺ປມາຓໍ ຘມ຺ມໍ ປຏິຈ຺ຈ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ອປ຺ປມາຓໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ອປ຺ປມາຓໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ອປ຺ປມາເຓ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ອປ຺ປມາຓໍ ຘມ຺ມໍ ປຏິຈ຺ຈ ປຣິຕ຺ໂຕ ຈ ອປ຺ປມາໂຓ ຈ ຘມ຺ມາ ອຸປ຺ປຊ຺ຊນ຺ຕິ ອຘິປຕິປຈ຺ຈຍາ – ອປ຺ປມາຓໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

໗. ປຣິຕ຺ຕຎ຺ຈ ອປ຺ປມາຓຎ຺ຈ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ອປ຺ປມາເຓ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ປຣິຕ຺ຕຎ຺ຈ ມຫຄ຺ຄຕຎ຺ຈ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ – ມຫຄ຺ຄເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ອນນ຺ຕຣປຈ຺ຈຍາທິ

໘. ປຣິຕ຺ຕໍ ຘມ຺ມໍ ປຏິຈ຺ຈ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອນນ຺ຕຣປຈ຺ຈຍາ… ສມນນ຺ຕຣປຈ຺ຈຍາ… ສຫຊາຕປຈ຺ຈຍາ (ສພ຺ເພປິ ມຫາຠູຕາ ກາຕພ຺ພາ)… ອຎ຺ຎມຎ຺ຎປຈ຺ຈຍາ… ນິສ຺ສຍປຈ຺ຈຍາ… ອຸປນິສ຺ສຍປຈ຺ຈຍາ … ປຸເຣຊາຕປຈ຺ຈຍາ (ຕິສ຺ໂສ ປຎ຺ຫາ ກາຕພ຺ພາ)… ອາເສວນປຈ຺ຈຍາ (ຕິສ຺ໂສ ປຎ຺ຫາ ກາຕພ຺ພາ)… ກມ຺ມປຈ຺ຈຍາ… ວິປາກປຈ຺ຈຍາ (ເຕຣສ ປຎ຺ຫາ)… ອາຫາຣປຈ຺ຈຍາ… ອິນ຺ທ຺ຣິຍປຈ຺ຈຍາ… ຌານປຈ຺ຈຍາ… ມຄ຺ຄປຈ຺ຈຍາ,… ສມ຺ປຍຸຕ຺ຕປຈ຺ຈຍາ… ວິປ຺ປຍຸຕ຺ຕປຈ຺ຈຍາ… ອຕ຺ຖິປຈ຺ຈຍາ… ນຕ຺ຖິປຈ຺ຈຍາ… ວິຄຕປຈ຺ຈຍາ… ອວິຄຕປຈ຺ຈຍາ.

໑. ປຈ຺ຈຍານຸໂລມໍ

໒. ສງ຺ຂ຺ຍາວາໂຣ

໙. ເຫຕຸຍາ ເຕຣສ, ອາຣມ຺ມເຓ ປຎ຺ຈ, ອຘິປຕິຍາ ນວ, ອນນ຺ຕເຣ ປຎ຺ຈ, ສມນນ຺ຕເຣ ປຎ຺ຈ, ສຫຊາເຕ ເຕຣສ, ອຎ຺ຎມຎ຺ເຎ ສຕ຺ຕ, ນິສ຺ສເຍ ເຕຣສ, ອຸປນິສ຺ສເຍ ປຎ຺ຈ, ປຸເຣຊາເຕ ຕີຓິ, ອາເສວເນ ຕີຓິ, ກມ຺ເມ ເຕຣສ, ວິປາເກ ເຕຣສ, ອາຫາເຣ ອິນ຺ທ຺ຣິເຍ ຌາເນ ມຄ຺ເຄ ເຕຣສ, ສມ຺ປຍຸຕ຺ເຕ ປຎ຺ຈ, ວິປ຺ປຍຸຕ຺ເຕ ເຕຣສ, ອຕ຺ຖິຍາ ເຕຣສ, ນຕ຺ຖິຍາ ປຎ຺ຈ, ວິຄເຕ ປຎ຺ຈ, ອວິຄເຕ ເຕຣສ.

ອນຸໂລມໍ.