໑. ວິຠງ຺ຄວາໂຣ

ເຫຕຸປຈ຺ຈໂຍ

໒໘. ປຣິຕ຺ຕໍ ຘມ຺ມໍ ປຈ຺ຈຍາ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຣິຕ຺ຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ຂນ຺ເຘ ປຈ຺ຈຍາ ວຕ຺ຖຸ, ວຕ຺ຖຸໍ ປຈ຺ຈຍາ ຂນ຺ຘາ; ເອກໍ ມຫາຠູຕໍ ປຈ຺ຈຍາ…ເປ… ອຸປາທາຣູປໍ, ວຕ຺ຖຸໍ ປຈ຺ຈຍາ ປຣິຕ຺ຕາ ຂນ຺ຘາ. (໑)

ປຣິຕ຺ຕໍ ຘມ຺ມໍ ປຈ຺ຈຍາ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ມຫຄ຺ຄຕາ ຂນ຺ຘາ. ປຏິສນ຺ຘິກ຺ຂເຓ ວຕ຺ຖຸໍ ປຈ຺ຈຍາ ມຫຄ຺ຄຕາ ຂນ຺ຘາ. (໒)

ປຣິຕ຺ຕໍ ຘມ຺ມໍ ປຈ຺ຈຍາ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອປ຺ປມາຓາ ຂນ຺ຘາ. (໓)

ປຣິຕ຺ຕໍ ຘມ຺ມໍ ປຈ຺ຈຍາ ປຣິຕ຺ໂຕ ຈ ອປ຺ປມາໂຓ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອປ຺ປມາຓາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໔)

ປຣິຕ຺ຕໍ ຘມ຺ມໍ ປຈ຺ຈຍາ ປຣິຕ຺ໂຕ ຈ ມຫຄ຺ຄໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ມຫຄ຺ຄຕາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ປຏິສນ຺ຘິກ຺ຂເຓ ວຕ຺ຖຸໍ ປຈ຺ຈຍາ ມຫຄ຺ຄຕາ ຂນ຺ຘາ. (໕)

໒໙. ມຫຄ຺ຄຕໍ ຘມ຺ມໍ ປຈ຺ຈຍາ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ປຏິສນ຺ຘິກ຺ຂເຓ ມຫຄ຺ຄຕໍ ເອກໍ ຂນ຺ຘໍ…ເປ…. (໑)

ມຫຄ຺ຄຕໍ ຘມ຺ມໍ ປຈ຺ຈຍາ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ມຫຄ຺ຄເຕ ຂນ຺ເຘ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. ປຏິສນ຺ຘິກ຺ຂເຓ…ເປ…. (໒)

ມຫຄ຺ຄຕໍ ຘມ຺ມໍ ປຈ຺ຈຍາ ປຣິຕ຺ໂຕ ຈ ມຫຄ຺ຄໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ມຫຄ຺ຄຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ມຫຄ຺ຄຕໍ ເອກໍ ຂນ຺ຘໍ…ເປ…. (໓)

ອປ຺ປມາຓໍ ຘມ຺ມໍ ປຈ຺ຈຍາ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອປ຺ປມາເຓ… ຕີຓິ.

໓໐. ປຣິຕ຺ຕຎ຺ຈ ອປ຺ປມາຓຎ຺ຈ ຘມ຺ມໍ ປຈ຺ຈຍາ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອປ຺ປມາເຓ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໑)

ປຣິຕ຺ຕຎ຺ຈ ອປ຺ປມາຓຎ຺ຈ ຘມ຺ມໍ ປຈ຺ຈຍາ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອປ຺ປມາຓໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ…. (໒)

ປຣິຕ຺ຕຎ຺ຈ ອປ຺ປມາຓຎ຺ຈ ຘມ຺ມໍ ປຈ຺ຈຍາ ປຣິຕ຺ໂຕ ຈ ອປ຺ປມາໂຓ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອປ຺ປມາຓໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ອປ຺ປມາເຓ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໓)

ປຣິຕ຺ຕຎ຺ຈ ມຫຄ຺ຄຕຎ຺ຈ ຘມ຺ມໍ ປຈ຺ຈຍາ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ປຏິສນ຺ຘິກ຺ຂເຓ ຕີຓິປິ ກາຕພ຺ພາ).

ອາຣມ຺ມຓປຈ຺ຈຍາທິ

໓໑. ປຣິຕ຺ຕໍ ຘມ຺ມໍ ປຈ຺ຈຍາ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ປຣິຕ຺ຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ວຕ຺ຖຸໍ ປຈ຺ຈຍາ ຂນ຺ຘາ, ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ປຣິຕ຺ຕາ ຂນ຺ຘາ (ອວເສສາ ຉ ປຎ຺ຫາ ເຫຕຸປຈ຺ຈຍສທິສາ ສຕ຺ຕ ກາຕພ຺ພາ), ອຘິປຕິປຈ຺ຈຍາ (ປຏິສນ຺ຘິ ນຕ຺ຖິ, ສຕ຺ຕຣສ ປຎ຺ຫາ ປຣິປຸຓ຺ຓາ), ອນນ຺ຕຣປຈ຺ຈຍາ…ເປ… ອວິຄຕປຈ຺ຈຍາ.

໑. ປຈ຺ຈຍານຸໂລມໍ

໒. ສງ຺ຂ຺ຍາວາໂຣ

໓໒. ເຫຕຸຍາ ສຕ຺ຕຣສ, ອາຣມ຺ມເຓ ສຕ຺ຕ, ອຘິປຕິຍາ ສຕ຺ຕຣສ, ອນນ຺ຕເຣ ສຕ຺ຕ, ສມນນ຺ຕເຣ ສຕ຺ຕ, ສຫຊາເຕ ສຕ຺ຕຣສ, ອຎ຺ຎມຎ຺ເຎ ນວ, ນິສ຺ສເຍ ສຕ຺ຕຣສ, ອຸປນິສ຺ສເຍ ສຕ຺ຕ, ປຸເຣຊາເຕ ສຕ຺ຕ, ອາເສວເນ ສຕ຺ຕ, ກມ຺ເມ ສຕ຺ຕຣສ, ວິປາເກ ສຕ຺ຕຣສ, ອາຫາເຣ ສຕ຺ຕຣສ, ອິນ຺ທ຺ຣິເຍ ຌາເນ ມຄ຺ເຄ ສຕ຺ຕຣສ, ສມ຺ປຍຸຕ຺ເຕ ສຕ຺ຕ, ວິປ຺ປຍຸຕ຺ເຕ ສຕ຺ຕຣສ, ອຕ຺ຖິຍາ ສຕ຺ຕຣສ, ນຕ຺ຖິຍາ ສຕ຺ຕ, ວິຄເຕ ສຕ຺ຕ, ອວິຄເຕ ສຕ຺ຕຣສ (ເອວໍ ຄເຓຕພ຺ພໍ)

ອນຸໂລມໍ.