(໑໘໙) ໔. ປຕ຺ຕິກຖາ

໘໓໗. ປຕ຺ຕິ ອສງ຺ຂຕາຕິ? ອາມນ຺ຕາ. ນິພ຺ພານໍ ຕາຓໍ ເລຓໍ ສຣຓໍ ປຣາຍຓໍ ອຈ຺ຈຸຕໍ ອມຕນ຺ຕິ? ນ ເຫວໍ ວຕ຺ຕພ຺ເພ…ເປ… ປຕ຺ຕິ ອສງ຺ຂຕາ, ນິພ຺ພານໍ ອສງ຺ຂຕນ຺ຕິ? ອາມນ຺ຕາ. ທ຺ເວ ອສງ຺ຂຕານີຕິ? ນ ເຫວໍ ວຕ຺ຕພ຺ເພ…ເປ… ທ຺ເວ ອສງ຺ຂຕານີຕິ? ອາມນ຺ຕາ. ທ຺ເວ ຕາຓານິ…ເປ… ອນ຺ຕຣິກາ ວາຕິ? ນ ເຫວໍ ວຕ຺ຕພ຺ເພ…ເປ….

໘໓໘. ຈີວຣສ຺ສ ປຕ຺ຕິ ອສງ຺ຂຕາຕິ? ອາມນ຺ຕາ. ນິພ຺ພານໍ…ເປ… ອມຕນ຺ຕິ? ນ ເຫວໍ ວຕ຺ຕພ຺ເພ…ເປ… ຈີວຣສ຺ສ ປຕ຺ຕິ ອສງ຺ຂຕາ, ນິພ຺ພານໍ ອສງ຺ຂຕນ຺ຕິ? ອາມນ຺ຕາ. ທ຺ເວ ອສງ຺ຂຕານີຕິ? ນ ເຫວໍ ວຕ຺ຕພ຺ເພ…ເປ… ທ຺ເວ ອສງ຺ຂຕານີຕິ? ອາມນ຺ຕາ. ທ຺ເວ ຕາຓານິ…ເປ… ອນ຺ຕຣິກາ ວາຕິ? ນ ເຫວໍ ວຕ຺ຕພ຺ເພ…ເປ… ປິຓ຺ຑປາຕສ຺ສ…ເປ… ເສນາສນສ຺ສ…ເປ… ຄິລານປຈ຺ຈຍເຠສຊ຺ຊປຣິກ຺ຂາຣສ຺ສ ປຕ຺ຕິ ອສງ຺ຂຕາຕິ? ອາມນ຺ຕາ. ນິພ຺ພານໍ…ເປ… ອຈ຺ຈຸຕໍ ອມຕນ຺ຕິ? ນ ເຫວໍ ວຕ຺ຕພ຺ເພ…ເປ… ຄິລານປຈ຺ຈຍເຠສຊ຺ຊປຣິກ຺ຂາຣສ຺ສ ປຕ຺ຕິ ອສງ຺ຂຕາ, ນິພ຺ພານໍ ອສງ຺ຂຕນ຺ຕິ? ອາມນ຺ຕາ. ທ຺ເວ ອສງ຺ຂຕານີຕິ? ນ ເຫວໍ ວຕ຺ຕພ຺ເພ…ເປ… ທ຺ເວ ອສງ຺ຂຕານີຕິ? ອາມນ຺ຕາ. ທ຺ເວ ຕາຓານິ…ເປ… ອນ຺ຕຣິກາ ວາຕິ? ນ ເຫວໍ ວຕ຺ຕພ຺ເພ…ເປ….

ຈີວຣສ຺ສ ປຕ຺ຕິ ອສງ຺ຂຕາ…ເປ… ປິຓ຺ຑປາຕສ຺ສ…ເປ… ເສນາສນສ຺ສ…ເປ… ຄິລານປຈ຺ຈຍເຠສຊ຺ຊປຣິກ຺ຂາຣສ຺ສ ປຕ຺ຕິ ອສງ຺ຂຕາ, ນິພ຺ພານໍ ອສງ຺ຂຕນ຺ຕິ? ອາມນ຺ຕາ. ປຎ຺ຈ ອສງ຺ຂຕານີຕິ? ນ ເຫວໍ ວຕ຺ຕພ຺ເພ…ເປ… ປຎ຺ຈ ອສງ຺ຂຕານີຕິ? ອາມນ຺ຕາ. ປຎ຺ຈ ຕາຓານິ…ເປ… ອນ຺ຕຣິກາ ວາຕິ? ນ ເຫວໍ ວຕ຺ຕພ຺ເພ…ເປ….

໘໓໙. ປຐມສ຺ສ ຌານສ຺ສ ປຕ຺ຕິ ອສງ຺ຂຕາ (ເອວໍ ສພ຺ພໍ ວິຕ຺ຖາເຣຕພ຺ພໍ) ທຸຕິຍສ຺ສ ຌານສ຺ສ… ຕຕິຍສ຺ສ ຌານສ຺ສ… ຈຕຸຕ຺ຖສ຺ສ ຌານສ຺ສ… ອາກາສານຎ຺ຈາຍຕນສ຺ສ… ວິຎ຺ຎາຓຎ຺ຈາຍຕນສ຺ສ… ອາກິຎ຺ຈຎ຺ຎາຍຕນສ຺ສ… ເນວສຎ຺ຎານາສຎ຺ຎາຍຕນສ຺ສ… ໂສຕາປຕ຺ຕິມຄ຺ຄສ຺ສ… ໂສຕາປຕ຺ຕິຜລສ຺ສ… ສກທາຄາມິມຄ຺ຄສ຺ສ… ສກທາຄາມິຜລສ຺ສ… ອນາຄາມິມຄ຺ຄສ຺ສ… ອນາຄາມິຜລສ຺ສ… ອຣຫຕ຺ຕມຄ຺ຄສ຺ສ… ອຣຫຕ຺ຕຜລສ຺ສ ປຕ຺ຕິ ອສງ຺ຂຕາຕິ? ອາມນ຺ຕາ. ນິພ຺ພານໍ…ເປ… ອຈ຺ຈຸຕໍ ອມຕນ຺ຕິ? ນ ເຫວໍ ວຕ຺ຕພ຺ເພ…ເປ… ອຣຫຕ຺ຕຜລສ຺ສ ປຕ຺ຕິ ອສງ຺ຂຕາ, ນິພ຺ພານໍ ອສງ຺ຂຕນ຺ຕິ? ອາມນ຺ຕາ. ທ຺ເວ ອສງ຺ຂຕານີຕິ? ນ ເຫວໍ ວຕ຺ຕພ຺ເພ…ເປ… ທ຺ເວ ອສງ຺ຂຕານີຕິ? ອາມນ຺ຕາ. ທ຺ເວ ຕາຓານິ…ເປ… ອນ຺ຕຣິກາ ວາຕິ? ນ ເຫວໍ ວຕ຺ຕພ຺ເພ…ເປ….

ໂສຕາປຕ຺ຕິມຄ຺ຄສ຺ສ ປຕ຺ຕິ ອສງ຺ຂຕາ… ໂສຕາປຕ຺ຕິຜລສ຺ສ ປຕ຺ຕິ ອສງ຺ຂຕາ… ອຣຫຕ຺ຕມຄ຺ຄສ຺ສ ປຕ຺ຕິ ອສງ຺ຂຕາ… ອຣຫຕ຺ຕຜລສ຺ສ ປຕ຺ຕິ ອສງ຺ຂຕາ… ນິພ຺ພານໍ ອສງ຺ຂຕນ຺ຕິ? ອາມນ຺ຕາ. ນວ ອສງ຺ຂຕານີຕິ? ນ ເຫວໍ ວຕ຺ຕພ຺ເພ…ເປ… ນວ ອສງ຺ຂຕານີຕິ? ອາມນ຺ຕາ. ນວ ຕາຓານິ…ເປ… ອນ຺ຕຣິກາ ວາຕິ? ນ ເຫວໍ ວຕ຺ຕພ຺ເພ…ເປ….

໘໔໐. ນ ວຕ຺ຕພ຺ພໍ – ປຕ຺ຕິ ອສງ຺ຂຕາຕິ? ອາມນ຺ຕາ. ປຕ຺ຕິ ຣູປໍ … ເວທນາ… ສຎ຺ຎາ… ສງ຺ຂາຣາ… ວິຎ຺ຎາຓນ຺ຕິ? ນ ເຫວໍ ວຕ຺ຕພ຺ເພ. ເຕນ ຫິ ປຕ຺ຕິ ອສງ຺ຂຕາຕິ.

ປຕ຺ຕິກຖາ ນິຏ຺ຐິຕາ.