໑໘. ອຏ຺ຐາຣສມວຄ຺ໂຄ

(໑໘໓) ໗. ຌານນ຺ຕຣິກກຖາ

໘໑໗. ອຕ຺ຖິ ຌານນ຺ຕຣິກາຕິ? ອາມນ຺ຕາ. ອຕ຺ຖິ ຜສ຺ສນ຺ຕຣິກາ…ເປ… ອຕ຺ຖິ ສຎ຺ຎນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຌານນ຺ຕຣິກາຕິ? ອາມນ຺ຕາ. ທຸຕິຍສ຺ສ ຈ ຌານສ຺ສ ຕຕິຍສ຺ສ ຈ ຌານສ຺ສ ອນ຺ຕເຣ ອຕ຺ຖິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຌານນ຺ຕຣິກາຕິ? ອາມນ຺ຕາ. ຕຕິຍສ຺ສ ຈ ຌານສ຺ສ ຈຕຸຕ຺ຖສ຺ສ ຈ ຌານສ຺ສ ອນ຺ຕເຣ ອຕ຺ຖິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ທຸຕິຍສ຺ສ ຈ ຌານສ຺ສ ຕຕິຍສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາຕິ? ອາມນ຺ຕາ. ຫຎ຺ຈິ ທຸຕິຍສ຺ສ ຈ ຌານສ຺ສ ຕຕິຍສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາ, ໂນ ຈ ວຕ ເຣ ວຕ຺ຕພ຺ເພ – ‘‘ອຕ຺ຖິ ຌານນ຺ຕຣິກາ’’ຕິ.

ຕຕິຍສ຺ສ ຈ ຌານສ຺ສ ຈຕຸຕ຺ຖສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາຕິ? ອາມນ຺ຕາ. ຫຎ຺ຈິ ຕຕິຍສ຺ສ ຈ ຌານສ຺ສ ຈຕຸຕ຺ຖສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາ, ໂນ ຈ ວຕ ເຣ ວຕ຺ຕພ຺ເພ – ‘‘ອຕ຺ຖິ ຌານນ຺ຕຣິກາ’’ຕິ.

໘໑໘. ປຐມສ຺ສ ຈ ຌານສ຺ສ ທຸຕິຍສ຺ສ ຈ ຌານສ຺ສ ອນ຺ຕເຣ ອຕ຺ຖິ ຌານນ຺ຕຣິກາຕິ? ອາມນ຺ຕາ. ທຸຕິຍສ຺ສ ຈ ຌານສ຺ສ ຕຕິຍສ຺ສ ຈ ຌານສ຺ສ ອນ຺ຕເຣ ອຕ຺ຖິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ປຐມສ຺ສ ຈ ຌານສ຺ສ ທຸຕິຍສ຺ສ ຈ ຌານສ຺ສ ອນ຺ຕເຣ ອຕ຺ຖິ ຌານນ຺ຕຣິກາຕິ? ອາມນ຺ຕາ. ຕຕິຍສ຺ສ ຈ ຌານສ຺ສ ຈຕຸຕ຺ຖສ຺ສ ຈ ຌານສ຺ສ ອນ຺ຕເຣ ອຕ຺ຖິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ທຸຕິຍສ຺ສ ຈ ຌານສ຺ສ ຕຕິຍສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາຕິ? ອາມນ຺ຕາ. ປຐມສ຺ສ ຈ ຌານສ຺ສ ທຸຕິຍສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ຕຕິຍສ຺ສ ຈ ຌານສ຺ສ ຈຕຸຕ຺ຖສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາຕິ? ອາມນ຺ຕາ. ປຐມສ຺ສ ຈ ຌານສ຺ສ ທຸຕິຍສ຺ສ ຈ ຌານສ຺ສ ອນ຺ຕເຣ ນຕ຺ຖິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

໘໑໙. ອວິຕກ຺ໂກ ວິຈາຣມຕ຺ໂຕ ສມາຘິ ຌານນ຺ຕຣິກາຕິ? ອາມນ຺ຕາ. ສວິຕກ຺ໂກ ສວິຈາໂຣ ສມາຘິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ອວິຕກ຺ໂກ ວິຈາຣມຕ຺ໂຕ ສມາຘິ ຌານນ຺ຕຣິກາຕິ? ອາມນ຺ຕາ. ອວິຕກ຺ໂກ ອວິຈາໂຣ ສມາຘິ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ສວິຕກ຺ໂກ ສວິຈາໂຣ ສມາຘິ ນ ຌານນ຺ຕຣິກາຕິ? ອາມນ຺ຕາ. ອວິຕກ຺ໂກ ວິຈາຣມຕ຺ໂຕ ສມາຘິ ນ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

ອວິຕກ຺ໂກ ອວິຈາໂຣ ສມາຘິ ນ ຌານນ຺ຕຣິກາຕິ? ອາມນ຺ຕາ. ອວິຕກ຺ໂກ ວິຈາຣມຕ຺ໂຕ ສມາຘິ ນ ຌານນ຺ຕຣິກາຕິ? ນ ເຫວໍ ວຕ຺ຕພ຺ເພ…ເປ….

໘໒໐. ທ຺ວິນ຺ນໍ ຌານານໍ ປຏຸປ຺ປນ຺ນານມນ຺ຕເຣ ອວິຕກ຺ໂກ ວິຈາຣມຕ຺ໂຕ ສມາຘີຕິ? ອາມນ຺ຕາ. ນນຸ ອວິຕກ຺ເກ ວິຈາຣມຕ຺ເຕ ສມາຘິມ຺ຫິ ວຕ຺ຕມາເນ ປຐມໍ ຌານໍ ນິຣຸທ຺ຘໍ ທຸຕິຍໍ ຌານໍ ປຏຸປ຺ປນ຺ນນ຺ຕິ? ອາມນ຺ຕາ. ຫຎ຺ຈິ ອວິຕກ຺ເກ ວິຈາຣມຕ຺ເຕ ສມາຘິມ຺ຫິ ວຕ຺ຕມາເນ ປຐມໍ ຌານໍ ນິຣຸທ຺ຘໍ ທຸຕິຍໍ ຌານໍ ປຏຸປ຺ປນ຺ນໍ, ໂນ ຈ ວຕ ເຣ ວຕ຺ຕພ຺ເພ – ‘‘ທ຺ວິນ຺ນໍ ຌານານໍ ປຏຸປ຺ປນ຺ນານມນ຺ຕເຣ ອວິຕກ຺ໂກ ວິຈາຣມຕ຺ໂຕ ສມາຘິ ຌານນ຺ຕຣິກາຕິ.

໘໒໑. ອວິຕກ຺ໂກ ວິຈາຣມຕ຺ໂຕ ສມາຘິ ນ ຌານນ຺ຕຣິກາຕິ? ອາມນ຺ຕາ. ອວິຕກ຺ໂກ ວິຈາຣມຕ຺ໂຕ ສມາຘິ ປຐມໍ ຌານໍ…ເປ… ທຸຕິຍໍ ຌານໍ…ເປ… ຕຕິຍໍ ຌານໍ…ເປ… ຈຕຸຕ຺ຖໍ ຌານນ຺ຕິ? ນ ເຫວໍ ວຕ຺ຕພ຺ເພ. ເຕນ ຫິ ອວິຕກ຺ໂກ ວິຈາຣມຕ຺ໂຕ ສມາຘິ ຌານນ຺ຕຣິກາຕິ.

໘໒໒. ອວິຕກ຺ໂກ ວິຈາຣມຕ຺ໂຕ ສມາຘິ ຌານນ຺ຕຣິກາຕິ? ອາມນ຺ຕາ. ນນຸ ຕໂຍ ສມາຘີ ວຸຕ຺ຕາ ຠຄວຕາ – ສວິຕກ຺ໂກ ສວິຈາໂຣ ສມາຘິ, ອວິຕກ຺ໂກ ວິຈາຣມຕ຺ໂຕ ສມາຘິ, ອວິຕກ຺ໂກ ອວິຈາໂຣ ສມາຘີຕິ [ທີ. ນິ. ໓.໓໐໕, ໓໕໓]? ອາມນ຺ຕາ. ຫຎ຺ຈິ ຕໂຍ ສມາຘີ ວຸຕ຺ຕາ ຠຄວຕາ – ສວິຕກ຺ໂກ…ເປ… ອວິຈາໂຣ ສມາຘິ, ໂນ ຈ ວຕ ເຣ ວຕ຺ຕພ຺ເພ – ‘‘ອວິຕກ຺ໂກ ວິຈາຣມຕ຺ໂຕ ສມາຘິ ຌານນ຺ຕຣິກາ’’ຕິ.

ຌານນ຺ຕຣິກກຖາ ນິຏ຺ຐິຕາ.