໑໔. ຈຸທ຺ທສມວຄ຺ໂຄ

(໑໔໐) ໕. ອຎ຺ໂຎ ອນຸສໂຍຕິກຖາ

໗໐໐. ອຎ຺ໂຎ ກາມຣາຄານຸສໂຍ ອຎ຺ຎໍ ກາມຣາຄປຣິຍຸຏ຺ຐານນ຺ຕິ? ອາມນ຺ຕາ. ອຎ຺ໂຎ ກາມຣາໂຄ ອຎ຺ຎໍ ກາມຣາຄປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ສ຺ເວວ ກາມຣາໂຄ ຕໍ ກາມຣາຄປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ກາມຣາຄານຸສໂຍ ຕໍ ກາມຣາຄປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

ອຎ຺ໂຎ ປຏິຆານຸສໂຍ ອຎ຺ຎໍ ປຏິຆປຣິຍຸຏ຺ຐານນ຺ຕິ? ອາມນ຺ຕາ. ອຎ຺ຎໍ ປຏິຆໍ ອຎ຺ຎໍ ປຏິຆປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ຕຎ຺ເຎວ ປຏິຆໍ ຕໍ ປຏິຆປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ປຏິຆານຸສໂຍ ຕໍ ປຏິຆປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

ອຎ຺ໂຎ ມານານຸສໂຍ ອຎ຺ຎໍ ມານປຣິຍຸຏ຺ຐານນ຺ຕິ? ອາມນ຺ຕາ. ອຎ຺ໂຎ ມາໂນ ອຎ຺ຎໍ ມານປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ສ຺ເວວ ມາໂນ ຕໍ ມານປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ມານານຸສໂຍ ຕໍ ມານປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

ອຎ຺ໂຎ ທິຏ຺ຐານຸສໂຍ ອຎ຺ຎໍ ທິຏ຺ຐິປຣິຍຸຏ຺ຐານນ຺ຕິ? ອາມນ຺ຕາ. ອຎ຺ຎາ ທິຏ຺ຐິ ອຎ຺ຎໍ ທິຏ຺ຐິປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ສາວ ທິຏ຺ຐິ ຕໍ ທິຏ຺ຐິປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ທິຏ຺ຐານຸສໂຍ ຕໍ ທິຏ຺ຐິປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

ອຎ຺ໂຎ ວິຈິກິຈ຺ຉານຸສໂຍ ອຎ຺ຎໍ ວິຈິກິຈ຺ຉາປຣິຍຸຏ຺ຐານນ຺ຕິ? ອາມນ຺ຕາ. ອຎ຺ຎາ ວິຈິກິຈ຺ຉາ ອຎ຺ຎໍ ວິຈິກິຈ຺ຉາປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ສາວ ວິຈິກິຈ຺ຉາ ຕໍ ວິຈິກິຈ຺ຉາປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ວິຈິກິຈ຺ຉານຸສໂຍ ຕໍ ວິຈິກິຈ຺ຉາປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

ອຎ຺ໂຎ ຠວຣາຄານຸສໂຍ ອຎ຺ຎໍ ຠວຣາຄປຣິຍຸຏ຺ຐານນ຺ຕິ? ອາມນ຺ຕາ. ອຎ຺ໂຎ ຠວຣາໂຄ ອຎ຺ຎໍ ຠວຣາຄປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ສ຺ເວວ ຠວຣາໂຄ ຕໍ ຠວຣາຄປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ຠວຣາຄານຸສໂຍ ຕໍ ຠວຣາຄປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

ອຎ຺ໂຎ ອວິຊ຺ຊານຸສໂຍ ອຎ຺ຎໍ ອວິຊ຺ຊາປຣິຍຸຏ຺ຐານນ຺ຕິ? ອາມນ຺ຕາ. ອຎ຺ຎາ ອວິຊ຺ຊາ ອຎ຺ຎໍ ອວິຊ຺ຊາປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ… ສາວ ອວິຊ຺ຊາ ຕໍ ອວິຊ຺ຊາປຣິຍຸຏ຺ຐານນ຺ຕິ? ອາມນ຺ຕາ. ສ຺ເວວ ອວິຊ຺ຊານຸສໂຍ ຕໍ ອວິຊ຺ຊາປຣິຍຸຏ຺ຐານນ຺ຕິ? ນ ເຫວໍ ວຕ຺ຕພ຺ເພ…ເປ….

໗໐໑. ນ ວຕ຺ຕພ຺ພໍ – ‘‘ອຎ຺ໂຎ ອນຸສໂຍ ອຎ຺ຎໍ ປຣິຍຸຏ຺ຐານ’’ນ຺ຕິ? ອາມນ຺ຕາ. ປຸຖຸຊ຺ຊໂນ ກຸສລາພ຺ຍາກເຕ ຈິຕ຺ເຕ ວຕ຺ຕມາເນ ‘‘ສານຸສໂຍ’’ຕິ ວຕ຺ຕພ຺ໂພຕິ? ອາມນ຺ຕາ. ‘‘ປຣິຍຸຏ຺ຐິໂຕ’’ຕິ ວຕ຺ຕພ຺ໂພຕິ? ນ ເຫວໍ ວຕ຺ຕພ຺ເພ. ເຕນ ຫິ ອຎ຺ໂຎ ອນຸສໂຍ ອຎ຺ຎໍ ປຣິຍຸຏ຺ຐານນ຺ຕິ. ປຸຖຸຊ຺ຊໂນ ກຸສລາພ຺ຍາກເຕ ຈິຕ຺ເຕ ວຕ຺ຕມາເນ ‘‘ສຣາໂຄ’’ຕິ ວຕ຺ຕພ຺ໂພຕິ? ອາມນ຺ຕາ. ‘‘ປຣິຍຸຏ຺ຐິໂຕ’’ຕິ ວຕ຺ຕພ຺ໂພຕິ? ນ ເຫວໍ ວຕ຺ຕພ຺ເພ. ເຕນ ຫິ ອຎ຺ໂຎ ຣາໂຄ ອຎ຺ຎໍ ປຣິຍຸຏ຺ຐານນ຺ຕິ.

ອຎ຺ໂຎ ອນຸສໂຍຕິກຖາ ນິຏ຺ຐິຕາ.