(໑໒໐) ໕. ສຕ຺ຕກ຺ຂຕ຺ຕຸປຣມກຖາ

໖໔໑. ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ມາຕາ ຊີວິຕາ ໂວໂຣປິຕາ… ປິຕາ ຊີວິຕາ ໂວໂຣປິໂຕ… ອຣຫາ ຊີວິຕາ ໂວໂຣປິໂຕ… ທຸຏ຺ເຐນ ຈິຕ຺ເຕນ ຕຖາຄຕສ຺ສ ໂລຫິຕໍ ອຸປ຺ປາທິຕໍ… ສງ຺ໂຆ ຠິນ຺ໂນຕິ? ນ ເຫວໍ ວຕ຺ຕພ຺ເພ…ເປ….

ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ອຠພ຺ໂພ ອນ຺ຕຣາ ຘມ຺ມໍ ອຠິສເມຕຸນ຺ຕິ? ນ ເຫວໍ ວຕ຺ຕພ຺ເພ…ເປ…. ອຠພ຺ໂພ ອນ຺ຕຣາ ຘມ຺ມໍ ອຠິສເມຕຸນ຺ຕິ? ອາມນ຺ຕາ. ມາຕາ ຊີວິຕາ ໂວໂຣປິຕາ… ປິຕາ ຊີວິຕາ ໂວໂຣປິໂຕ… ອຣຫາ ຊີວິຕາ ໂວໂຣປິໂຕ… ທຸຏ຺ເຐນ ຈິຕ຺ເຕນ ຕຖາຄຕສ຺ສ ໂລຫິຕໍ ອຸປ຺ປາທິຕໍ… ສງ຺ໂຆ ຠິນ຺ໂນຕິ? ນ ເຫວໍ ວຕ຺ຕພ຺ເພ…ເປ….

໖໔໒. ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ອຕ຺ຖິ ໂສ ນິຍໂມ ເຍນ ນິຍເມນ ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ເຕ ສຕິປຏ຺ຐານາ…ເປ… ສມ຺ມປ຺ປຘານາ… ອິທ຺ຘິປາທາ… ອິນ຺ທ຺ຣິຍາ… ພລາ… ໂພຊ຺ຌງ຺ຄາ ເຍຫິ ໂພຊ຺ຌງ຺ເຄຫິ ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ນ ເຫວໍ ວຕ຺ຕພ຺ເພ…ເປ….

໖໔໓. ນຕ຺ຖິ ໂສ ນິຍໂມ ເຍນ ນິຍເມນ ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ຫຎ຺ຈິ ນຕ຺ຖິ ໂສ ນິຍໂມ ເຍນ ນິຍເມນ ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕ, ໂນ ຈ ວຕ ເຣ ວຕ຺ຕພ຺ເພ – ‘‘ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕ’’ຕິ.

ນຕ຺ຖິ ເຕ ສຕິປຏ຺ຐານາ… ໂພຊ຺ຌງ຺ຄາ ເຍຫິ ໂພຊ຺ຌງ຺ເຄຫິ ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ຫຎ຺ຈິ ນຕ຺ຖິ ເຕ ໂພຊ຺ຌງ຺ຄາ ເຍຫິ ໂພຊ຺ຌງ຺ເຄຫິ ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕ, ໂນ ຈ ວຕ ເຣ ວຕ຺ຕພ຺ເພ – ‘‘ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕ’’ຕິ.

໖໔໔. ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ສກທາຄາມິນິຍເມນາຕິ? ນ ເຫວໍ ວຕ຺ຕພ຺ເພ…ເປ… ອນາຄາມິນິຍເມນາຕິ? ນ ເຫວໍ ວຕ຺ຕພ຺ເພ…ເປ… ອຣຫຕ຺ຕນິຍເມນາຕິ? ນ ເຫວໍ ວຕ຺ຕພ຺ເພ…ເປ….

ກຕເມນ ນິຍເມນາຕິ? ໂສຕາປຕ຺ຕິນິຍເມນາຕິ. ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕຕິ? ອາມນ຺ຕາ. ເຍ ເກຈິ ໂສຕາປຕ຺ຕິນິຍາມໍ ໂອກ຺ກມນ຺ຕິ, ສພ຺ເພ ເຕ ສຕ຺ຕກ຺ຂຕ຺ຕຸປຣມຕານິຍຕາຕິ? ນ ເຫວໍ ວຕ຺ຕພ຺ເພ…ເປ….

໖໔໕. ນ ວຕ຺ຕພ຺ພໍ – ‘‘ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕ’’ຕິ? ອາມນ຺ຕາ. ນນຸ ໂສ ສຕ຺ຕກ຺ຂຕ຺ຕຸປຣໂມຕິ? ອາມນ຺ຕາ. ຫຎ຺ຈິ ໂສ ສຕ຺ຕກ຺ຂຕ຺ຕຸປຣໂມ, ເຕນ ວຕ ເຣ ວຕ຺ຕພ຺ເພ – ‘‘ສຕ຺ຕກ຺ຂຕ຺ຕຸປຣໂມ ປຸຄ຺ຄໂລ ສຕ຺ຕກ຺ຂຕ຺ຕຸປຣມຕານິຍໂຕ’’ຕິ.

ສຕ຺ຕກ຺ຂຕ຺ຕຸປຣມກຖາ ນິຏ຺ຐິຕາ.