໑. ວາທຍຸຕ຺ຕິປຣິຫານິ

໒໓໙. ປຣິຫາຍຕິ ອຣຫາ ອຣຫຕ຺ຕາຕິ? ອາມນ຺ຕາ. ສພ຺ພຕ຺ຖ ອຣຫາ ອຣຫຕ຺ຕາ ປຣິຫາຍຕີຕິ? ນ ເຫວໍ ວຕ຺ຕພ຺ເພ…ເປ… ສພ຺ພຕ຺ຖ ອຣຫາ ອຣຫຕ຺ຕາ ປຣິຫາຍຕີຕິ? ອາມນ຺ຕາ. ສພ຺ພຕ຺ຖ ອຣຫໂຕ ປຣິຫານີຕິ? ນ ເຫວໍ ວຕ຺ຕພ຺ເພ…ເປ….

ປຣິຫາຍຕິ ອຣຫາ ອຣຫຕ຺ຕາຕິ? ອາມນ຺ຕາ. ສພ຺ພທາ ອຣຫາ ອຣຫຕ຺ຕາ ປຣິຫາຍຕີຕິ? ນ ເຫວໍ ວຕ຺ຕພ຺ເພ…ເປ… ສພ຺ພທາ ອຣຫາ ອຣຫຕ຺ຕາ ປຣິຫາຍຕີຕິ? ອາມນ຺ຕາ. ສພ຺ພທາ ອຣຫໂຕ ປຣິຫານີຕິ? ນ ເຫວໍ ວຕ຺ຕພ຺ເພ…ເປ….

ປຣິຫາຍຕິ ອຣຫາ ອຣຫຕ຺ຕາຕິ? ອາມນ຺ຕາ. ສພ຺ເພວ ອຣຫນ຺ໂຕ ອຣຫຕ຺ຕາ ປຣິຫາຍນ຺ຕີຕິ? ນ ເຫວໍ ວຕ຺ຕພ຺ເພ…ເປ… ສພ຺ເພວ ອຣຫນ຺ໂຕ ອຣຫຕ຺ຕາ ປຣິຫາຍນ຺ຕີຕິ? ອາມນ຺ຕາ. ສພ຺ເພສໍເຍວ ອຣຫນ຺ຕານໍ ປຣິຫານີຕິ? ນ ເຫວໍ ວຕ຺ຕພ຺ເພ…ເປ….

ປຣິຫາຍຕິ ອຣຫາ ອຣຫຕ຺ຕາຕິ? ອາມນ຺ຕາ. ອຣຫາ ອຣຫຕ຺ຕາ ປຣິຫາຍມາໂນ ຈຕູຫິ ຜເລຫິ ປຣິຫາຍຕີຕິ? ນ ເຫວໍ ວຕ຺ຕພ຺ເພ…ເປ….

ຈຕູຫິ ສຕສຫສ຺ເສຫິ ເສຏ຺ຐີ ເສຏ຺ຐິຕ຺ຕໍ ກາເຣນ຺ໂຕ ສຕສຫສ຺ເສ ປຣິຫີເນ ເສຏ຺ຐິຕ຺ຕາ ປຣິຫີໂນ ໂຫຕີຕິ? ອາມນ຺ຕາ. ສພ຺ພສາປເຕຍ຺ຍາ ປຣິຫີໂນ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ຈຕູຫິ ສຕສຫສ຺ເສຫິ ເສຏ຺ຐີ ເສຏ຺ຐິຕ຺ຕໍ ກາເຣນ຺ໂຕ ສຕສຫສ຺ເສ ປຣິຫີເນ ຠພ຺ໂພ ສພ຺ພສາປເຕຍ຺ຍາ ປຣິຫາຍິຕຸນ຺ຕິ? ອາມນ຺ຕາ. ອຣຫາ ອຣຫຕ຺ຕາ ປຣິຫາຍມາໂນ ຠພ຺ໂພ ຈຕູຫິ ຜເລຫິ ປຣິຫາຍິຕຸນ຺ຕິ? ນ ເຫວໍ ວຕ຺ຕພ຺ເພ…ເປ….