໑໑. ເອກາທສມວຄ຺ໂຄ

(໑໑໑) ໖. ອິທໍ ທຸກ຺ຂນ຺ຕິກຖາ

໖໑໘. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອຍໍ ທຸກ຺ຂສມຸທໂຍ’’ຕິ ວາຈໍ ຠາສໂຕ ‘‘ອຍໍ ທຸກ຺ຂສມຸທໂຍ’’ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ… ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອຍໍ ທຸກ຺ຂນິໂຣໂຘ’’ຕິ ວາຈໍ ຠາສໂຕ ‘‘ອຍໍ ທຸກ຺ຂນິໂຣໂຘ’’ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ… ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອຍໍ ມຄ຺ໂຄ’’ຕິ ວາຈໍ ຠາສໂຕ ‘‘ອຍໍ ມຄ຺ໂຄ’’ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

‘‘ອຍໍ ສມຸທໂຍ’’ຕິ ວາຈໍ ຠາສໂຕ ນ ຈ ‘‘ອຍໍ ສມຸທໂຍ’’ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ນ ຈ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ… ‘‘ອຍໍ ນິໂຣໂຘ’’ຕິ… ‘‘ອຍໍ ມຄ຺ໂຄ’’ຕິ ວາຈໍ ຠາສໂຕ ນ ຈ ‘‘ອຍໍ ມຄ຺ໂຄ’’ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ນ ຈ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

໖໑໙. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ຣູປໍ ອນິຈ຺ຈ’’ນ຺ຕິ ວາຈໍ ຠາສໂຕ ‘‘ຣູປໍ ອນິຈ຺ຈ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ… ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ເວທນາ… ສຎ຺ຎາ… ສງ຺ຂາຣາ… ‘‘ວິຎ຺ຎາຓໍ ອນິຈ຺ຈ’’ນ຺ຕິ ວາຈໍ ຠາສໂຕ ‘‘ວິຎ຺ຎາຓໍ ອນິຈ຺ຈ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ຣູປໍ ອນຕ຺ຕາ’’ຕິ ວາຈໍ ຠາສໂຕ ‘‘ຣູປໍ ອນຕ຺ຕາ’’ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ… ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ເວທນາ … ສຎ຺ຎາ… ສງ຺ຂາຣາ… ‘‘ວິຎ຺ຎາຓໍ ອນຕ຺ຕາ’’ຕິ ວາຈໍ ຠາສໂຕ ‘‘ວິຎ຺ຎາຓໍ ອນຕ຺ຕາ’’ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

‘‘ຣູປໍ ອນິຈ຺ຈ’’ນ຺ຕິ ວາຈໍ ຠາສໂຕ ນ ຈ ‘‘ຣູປໍ ອນິຈ຺ຈ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ນ ຈ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ… ເວທນາ… ສຎ຺ຎາ… ສງ຺ຂາຣາ… ‘‘ວິຎ຺ຎາຓໍ ອນິຈ຺ຈ’’ນ຺ຕິ ວາຈໍ ຠາສໂຕ ນ ຈ ‘‘ວິຎ຺ຎາຓໍ ອນິຈ຺ຈ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ນ ຈ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

‘‘ຣູປໍ ອນຕ຺ຕາ’’ຕິ ວາຈໍ ຠາສໂຕ ນ ຈ ‘‘ຣູປໍ ອນຕ຺ຕາ’’ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ນ ຈ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ …ເປ… ເວທນາ… ສຎ຺ຎາ… ສງ຺ຂາຣາ… ‘‘ວິຎ຺ຎາຓໍ ອນຕ຺ຕາ’’ຕິ ວາຈໍ ຠາສໂຕ ນ ຈ ‘‘ວິຎ຺ຎາຓໍ ອນຕ຺ຕາ’’ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ນ ຈ ‘‘ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

໖໒໐. ‘‘ອິທໍ ທຸກ຺ຂ’’ນ຺ຕິ ວາຈໍ ຠາສໂຕ ‘‘ອິທໍ ທຸກ຺ຂ’’ນ຺ຕິ ຎາຓໍ ປວຕ຺ຕຕີຕິ? ອາມນ຺ຕາ. ‘‘ອິ’’ຕິ [ອີຕິ (ສ຺ຍາ. ປີ.)] ຈ ‘‘ທ’’ນ຺ຕິ ຈ ‘‘ທຸ’’ຕິ [ທູຕິ (ສ຺ຍາ. ປີ.)] ຈ ‘‘ຂ’’ນ຺ຕິ ຈ ຎາຓໍ ປວຕ຺ຕຕີຕິ? ນ ເຫວໍ ວຕ຺ຕພ຺ເພ…ເປ….

ອິທໍ ທຸກ຺ຂນ຺ຕິກຖາ ນິຏ຺ຐິຕາ.