໑໐. ທສມວຄ຺ໂຄ

(໑໐໒) ໘. ສີລໍ ນ ຈິຕ຺ຕານຸປຣິວຕ຺ຕີຕິກຖາ

໕໙໕. ສີລໍ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ຣູປໍ… ນິພ຺ພານໍ… ຈກ຺ຂາຍຕນໍ…ເປ… ໂຜຏ຺ຐພ຺ພາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ສີລໍ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ຜສ຺ໂສ ນ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ… ສີລໍ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ເວທນາ…ເປ… ສຎ຺ຎາ… ເຈຕນາ… ສທ຺ຘາ… ວີຣິຍໍ… ສຕິ… ສມາຘິ…ເປ… ປຎ຺ຎາ ນ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ….

ຜສ຺ໂສ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສີລໍ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ… ເວທນາ…ເປ… ສຎ຺ຎາ… ເຈຕນາ … ສທ຺ຘາ… ວີຣິຍໍ… ສຕິ… ສມາຘິ…ເປ… ປຎ຺ຎາ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສີລໍ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ….

໕໙໖. ສມ຺ມາວາຈາ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາທິຏ຺ຐິ ນ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ… ສມ຺ມາວາຈາ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາສງ຺ກປ຺ໂປ… ສມ຺ມາວາຍາໂມ… ສມ຺ມາສຕິ…ເປ… ສມ຺ມາສມາຘິ ນ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສມ຺ມາກມ຺ມນ຺ໂຕ…ເປ… ສມ຺ມາອາຊີໂວ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາທິຏ຺ຐິ ນ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ… ສມ຺ມາອາຊີໂວ ນ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາສງ຺ກປ຺ໂປ… ສມ຺ມາວາຍາໂມ… ສມ຺ມາສຕິ…ເປ… ສມ຺ມາສມາຘິ ນ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສມ຺ມາທິຏ຺ຐິ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາວາຈາ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ… ສມ຺ມາທິຏ຺ຐິ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາກມ຺ມນ຺ໂຕ…ເປ… ສມ຺ມາອາຊີໂວ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ….

ສມ຺ມາສງ຺ກປ຺ໂປ … ສມ຺ມາວາຍາໂມ… ສມ຺ມາສຕິ…ເປ… ສມ຺ມາສມາຘິ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາວາຈາ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ… ສມ຺ມາສມາຘິ ຈິຕ຺ຕານຸປຣິວຕ຺ຕີຕິ? ອາມນ຺ຕາ. ສມ຺ມາກມ຺ມນ຺ໂຕ…ເປ… ສມ຺ມາອາຊີໂວ ຈິຕ຺ຕານຸປຣິວຕ຺ຕີຕິ? ນ ເຫວໍ ວຕ຺ຕພ຺ເພ…ເປ….

໕໙໗. ນ ວຕ຺ຕພ຺ພໍ – ‘‘ສີລໍ ນ ຈິຕ຺ຕານຸປຣິວຕ຺ຕີ’’ຕິ? ອາມນ຺ຕາ. ສີເລ ອຸປ຺ປຊ຺ຊິຕ຺ວາ ນິຣຸທ຺ເຘ ທຸສ຺ສີໂລ ໂຫຕີຕິ? ນ ເຫວໍ ວຕ຺ຕພ຺ເພ. ເຕນ ຫິ ສີລໍ ນ ຈິຕ຺ຕານຸປຣິວຕ຺ຕີຕິ.

ສີລໍ ນ ຈິຕ຺ຕານຸປຣິວຕ຺ຕີຕິກຖາ ນິຏ຺ຐິຕາ.