(໗໙) ໗. ຣູປຘາຕຸຍາອາຍຕນກຖາ

໕໑໙. ອຕ຺ຖິ ສຬາຍຕນິໂກ ອຕ຺ຕຠາໂວ ຣູປຘາຕຸຍາຕິ? ອາມນ຺ຕາ. ອຕ຺ຖິ ຕຕ຺ຖ ຆານາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຄນ຺ຘາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ຊິວ຺ຫາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຣສາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ກາຍາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ໂຜຏ຺ຐພ຺ພາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ….

ນຕ຺ຖິ ຕຕ຺ຖ ຄນ຺ຘາຍຕນນ຺ຕິ? ອາມນ຺ຕາ. ນຕ຺ຖິ ຕຕ຺ຖ ຆານາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ນຕ຺ຖິ ຕຕ຺ຖ ຣສາຍຕນນ຺ຕິ? ອາມນ຺ຕາ. ນຕ຺ຖິ ຕຕ຺ຖ ຊິວ຺ຫາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ນຕ຺ຖິ ຕຕ຺ຖ ໂຜຏ຺ຐພ຺ພາຍຕນນ຺ຕິ? ອາມນ຺ຕາ. ນຕ຺ຖິ ຕຕ຺ຖ ກາຍາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ….

໕໒໐. ອຕ຺ຖິ ຕຕ຺ຖ ຈກ຺ຂາຍຕນໍ, ອຕ຺ຖິ ຣູປາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຆານາຍຕນໍ, ອຕ຺ຖິ ຄນ຺ຘາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ຈກ຺ຂາຍຕນໍ, ອຕ຺ຖິ ຣູປາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຊິວ຺ຫາຍຕນໍ, ອຕ຺ຖິ ຣສາຍຕນໍ…ເປ… ອຕ຺ຖິ ຕຕ຺ຖ ກາຍາຍຕນໍ, ອຕ຺ຖິ ໂຜຏ຺ຐພ຺ພາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ໂສຕາຍຕນໍ, ອຕ຺ຖິ ສທ຺ທາຍຕນໍ…ເປ… ອຕ຺ຖິ ຕຕ຺ຖ ມນາຍຕນໍ, ອຕ຺ຖິ ຘມ຺ມາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຆານາຍຕນໍ, ອຕ຺ຖິ ຄນ຺ຘາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ມນາຍຕນໍ, ອຕ຺ຖິ ຘມ຺ມາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຊິວ຺ຫາຍຕນໍ, ອຕ຺ຖິ ຣສາຍຕນນ຺ຕິ…ເປ… ອຕ຺ຖິ ຕຕ຺ຖ ກາຍາຍຕນໍ, ອຕ຺ຖິ ໂຜຏ຺ຐພ຺ພາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຕຕ຺ຖ ຆານາຍຕນໍ, ນຕ຺ຖິ ຄນ຺ຘາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຈກ຺ຂາຍຕນໍ, ນຕ຺ຖິ ຣູປາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ຆານາຍຕນໍ, ນຕ຺ຖິ ຄນ຺ຘາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ໂສຕາຍຕນໍ, ນຕ຺ຖິ ສທ຺ທາຍຕນໍ…ເປ… ອຕ຺ຖິ ຕຕ຺ຖ ມນາຍຕນໍ, ນຕ຺ຖິ ຘມ຺ມາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ຊິວ຺ຫາຍຕນໍ, ນຕ຺ຖິ ຣສາຍຕນໍ…ເປ… ອຕ຺ຖິ ຕຕ຺ຖ ກາຍາຍຕນໍ, ນຕ຺ຖິ ໂຜຏ຺ຐພ຺ພາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ຈກ຺ຂາຍຕນໍ, ນຕ຺ຖິ ຣູປາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ກາຍາຍຕນໍ, ນຕ຺ຖິ ໂຜຏ຺ຐພ຺ພາຍຕນນ຺ຕິ? ອາມນ຺ຕາ. ອຕ຺ຖິ ຕຕ຺ຖ ໂສຕາຍຕນໍ, ນຕ຺ຖິ ສທ຺ທາຍຕນໍ …ເປ… ອຕ຺ຖິ ຕຕ຺ຖ ມນາຍຕນໍ, ນຕ຺ຖິ ຘມ຺ມາຍຕນນ຺ຕິ? ນ ເຫວໍ ວຕ຺ຕພ຺ເພ…ເປ….

໕໒໑. ອຕ຺ຖິ ຕຕ຺ຖ ຈກ຺ຂາຍຕນໍ ອຕ຺ຖິ ຣູປາຍຕນໍ, ເຕນ ຈກ຺ຂຸນາ ຕໍ ຣູປໍ ປສ຺ສຕີຕິ? ອາມນ຺ຕາ. ອຕ຺ຖິ ຕຕ຺ຖ ຆານາຍຕນໍ ອຕ຺ຖິ ຄນ຺ຘາຍຕນໍ, ເຕນ ຆາເນນ ຕໍ ຄນ຺ຘໍ ຆາຍຕີຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ຈກ຺ຂາຍຕນໍ ອຕ຺ຖິ ຣູປາຍຕນໍ, ເຕນ ຈກ຺ຂຸນາ ຕໍ ຣູປໍ ປສ຺ສຕີຕິ? ອາມນ຺ຕາ. ອຕ຺ຖິ ຕຕ຺ຖ ຊິວ຺ຫາຍຕນໍ ອຕ຺ຖິ ຣສາຍຕນໍ, ຕາຍ ຊິວ຺ຫາຍ ຕໍ ຣສໍ ສາຍຕິ…ເປ… ອຕ຺ຖິ ຕຕ຺ຖ ກາຍາຍຕນໍ ອຕ຺ຖິ ໂຜຏ຺ຐພ຺ພາຍຕນໍ, ເຕນ ກາເຍນ ຕໍ ໂຜຏ຺ຐພ຺ພໍ ຜຸສຕີຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຕຕ຺ຖ ໂສຕາຍຕນໍ ອຕ຺ຖິ ສທ຺ທາຍຕນໍ…ເປ… ອຕ຺ຖິ ຕຕ຺ຖ ມນາຍຕນໍ ອຕ຺ຖິ ຘມ຺ມາຍຕນໍ, ເຕນ ມເນນ ຕໍ ຘມ຺ມໍ ວິຊານາຕີຕິ? ອາມນ຺ຕາ. ອຕ຺ຖິ ຕຕ຺ຖ ຆານາຍຕນໍ ອຕ຺ຖິ ຄນ຺ຘາຍຕນໍ, ເຕນ ຆາເນນ ຕໍ ຄນ຺ຘໍ ຆາຍຕີຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ມນາຍຕນໍ ອຕ຺ຖິ ຘມ຺ມາຍຕນໍ, ເຕນ ມເນນ ຕໍ ຘມ຺ມໍ ວິຊານາຕີຕິ? ອາມນ຺ຕາ. ອຕ຺ຖິ ຕຕ຺ຖ ຊິວ຺ຫາຍຕນໍ ອຕ຺ຖິ ຣສາຍຕນໍ…ເປ… ອຕ຺ຖິ ຕຕ຺ຖ ກາຍາຍຕນໍ ອຕ຺ຖິ ໂຜຏ຺ຐພ຺ພາຍຕນໍ, ເຕນ ກາເຍນ ຕໍ ໂຜຏ຺ຐພ຺ພໍ ຜຸສຕີຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຕຕ຺ຖ ຆານາຍຕນໍ ອຕ຺ຖິ ຄນ຺ຘາຍຕນໍ, ນ ຈ ເຕນ ຆາເນນ ຕໍ ຄນ຺ຘໍ ຆາຍຕີຕິ? ອາມນ຺ຕາ. ອຕ຺ຖິ ຕຕ຺ຖ ຈກ຺ຂາຍຕນໍ ອຕ຺ຖິ ຣູປາຍຕນໍ, ນ ຈ ເຕນ ຈກ຺ຂຸນາ ຕໍ ຣູປໍ ປສ຺ສຕີຕິ? ນ ເຫວໍ ວຕ຺ຕພ຺ເພ…ເປ… ອຕ຺ຖິ ຕຕ຺ຖ ຆານາຍຕນໍ ອຕ຺ຖິ ຄນ຺ຘາຍຕນໍ, ນ ຈ ເຕນ ຆາເນນ ຕໍ ຄນ຺ຘໍ ຆາຍຕີຕິ? ອາມນ຺ຕາ. ອຕ຺ຖິ ຕຕ຺ຖ ໂສຕາຍຕນໍ ອຕ຺ຖິ ສທ຺ທາຍຕນໍ…ເປ… ອຕ຺ຖິ ຕຕ຺ຖ ມນາຍຕນໍ ອຕ຺ຖິ ຘມ຺ມາຍຕນໍ, ນ ຈ ເຕນ ມເນນ ຕໍ ຘມ຺ມໍ ວິຊານາຕີຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຕຕ຺ຖ ຊິວ຺ຫາຍຕນໍ ອຕ຺ຖິ ຣສາຍຕນໍ…ເປ… ອຕ຺ຖິ ຕຕ຺ຖ ກາຍາຍຕນໍ ອຕ຺ຖິ ໂຜຏ຺ຐພ຺ພາຍຕນໍ, ນ ຈ ເຕນ ກາເຍນ ຕໍ ໂຜຏ຺ຐພ຺ພໍ ຜຸສຕີຕິ? ອາມນ຺ຕາ. ອຕ຺ຖິ ຕຕ຺ຖ ໂສຕາຍຕນໍ ອຕ຺ຖິ ສທ຺ທາຍຕນໍ…ເປ… ອຕ຺ຖິ ຕຕ຺ຖ ມນາຍຕນໍ ອຕ຺ຖິ ຘມ຺ມາຍຕນໍ, ນ ຈ ເຕນ ມເນນ ຕໍ ຘມ຺ມໍ ວິຊານາຕີຕິ? ນ ເຫວໍ ວຕ຺ຕພ຺ເພ…ເປ….

໕໒໒. ອຕ຺ຖິ ຕຕ຺ຖ ຆານາຍຕນໍ ອຕ຺ຖິ ຄນ຺ຘາຍຕນໍ, ເຕນ ຆາເນນ ຕໍ ຄນ຺ຘໍ ຆາຍຕີຕິ? ອາມນ຺ຕາ. ອຕ຺ຖິ ຕຕ຺ຖ ມູລຄນ຺ໂຘ ສາຣຄນ຺ໂຘ ຕຈຄນ຺ໂຘ ປຕ຺ຕຄນ຺ໂຘ ປຸປ຺ຜຄນ຺ໂຘ ຜລຄນ຺ໂຘ ອາມຄນ຺ໂຘ ວິສ຺ສຄນ຺ໂຘ ສຸຄນ຺ໂຘ ທຸຄ຺ຄນ຺ໂຘຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຕຕ຺ຖ ຊິວ຺ຫາຍຕນໍ ອຕ຺ຖິ ຣສາຍຕນໍ, ຕາຍ ຊິວ຺ຫາຍ ຕໍ ຣສໍ ສາຍຕີຕິ? ອາມນ຺ຕາ. ອຕ຺ຖິ ຕຕ຺ຖ ມູລຣໂສ ຂນ຺ຘຣໂສ ຕຈຣໂສ ປຕ຺ຕຣໂສ ປຸປ຺ຜຣໂສ ຜລຣໂສ ອມ຺ພິລໍ ມຘຸຣໍ ຕິຕ຺ຕກໍ ກຏຸກໍ ໂລຓິຍໍ ຂາຣິຍໍ ລມ຺ພິລໍ ກສາໂວ ສາທຸ ອສາທູຕິ? ນ ເຫວໍ ວຕ຺ຕພ຺ເພ…ເປ….

ອຕ຺ຖິ ຕຕ຺ຖ ກາຍາຍຕນໍ ອຕ຺ຖິ ໂຜຏ຺ຐພ຺ພາຍຕນໍ, ເຕນ ກາເຍນ ຕໍ ໂຜຏ຺ຐພ຺ພໍ ຜຸສຕີຕິ? ອາມນ຺ຕາ. ອຕ຺ຖິ ຕຕ຺ຖ ກກ຺ຂຬໍ ມຸທຸກໍ ສຓ຺ຫໍ ຜຣຸສໍ ສຸຂສມ຺ຜສ຺ສໍ ທຸກ຺ຂສມ຺ຜສ຺ສໍ ຄຣຸກໍ ລຫຸກນ຺ຕິ? ນ ເຫວໍ ວຕ຺ຕພ຺ເພ…ເປ….

໕໒໓. ນ ວຕ຺ຕພ຺ພໍ – ‘‘ສຬາຍຕນິໂກ ອຕ຺ຕຠາໂວ ຣູປຘາຕຸຍາ’’ຕິ? ອາມນ຺ຕາ. ນນຸ ອຕ຺ຖິ ຕຕ຺ຖ ຆານນິມິຕ຺ຕໍ ຊິວ຺ຫານິມິຕ຺ຕໍ ກາຍນິມິຕ຺ຕນ຺ຕິ? ອາມນ຺ຕາ. ຫຎ຺ຈິ ອຕ຺ຖິ ຕຕ຺ຖ ຆານນິມິຕ຺ຕໍ ຊິວ຺ຫານິມິຕ຺ຕໍ ກາຍນິມິຕ຺ຕໍ, ເຕນ ວຕ ເຣ ວຕ຺ຕພ຺ເພ – ‘‘ສຬາຍຕນິໂກ ອຕ຺ຕຠາໂວ ຣູປຘາຕຸຍາ’’ຕິ.

ຣູປຘາຕຸຍາ ອາຍຕນກຖາ ນິຏ຺ຐິຕາ.