໖. ຉຏ຺ຐວຄ຺ໂຄ

(໖໐) ໘. ປຖວີຘາຕຸ ສນິທສ຺ສນາຕິອາທິກຖາ

໔໖໕. ປຖວີຘາຕຸ ສນິທສ຺ສນາຕິ? ອາມນ຺ຕາ. ຣູປໍ ຣູປາຍຕນໍ ຣູປຘາຕຸ ນີລໍ ປີຕກໍ ໂລຫິຕກໍ ໂອທາຕໍ ຈກ຺ຂຸວິຎ຺ເຎຍ຺ຍໍ ຈກ຺ຂຸສ຺ມິໍ ປຏິຫຎ຺ຎຕິ ຈກ຺ຂຸສ຺ສ ອາປາຖໍ ອາຄຈ຺ຉຕີຕິ? ນ ເຫວໍ ວຕ຺ຕພ຺ເພ…ເປ….

ປຖວີຘາຕຸ ສນິທສ຺ສນາຕິ? ອາມນ຺ຕາ. ຈກ຺ຂຸຎ຺ຈ ປຏິຈ຺ຈ ປຖວີຘາຕຸຎ຺ຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓນ຺ຕິ? ນ ເຫວໍ ວຕ຺ຕພ຺ເພ…ເປ….

ຈກ຺ຂຸຎ຺ຈ ປຏິຈ຺ຈ ປຖວີຘາຕຸຎ຺ຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓນ຺ຕິ? ອາມນ຺ຕາ. ‘‘ຈກ຺ຂຸຎ຺ຈ ປຏິຈ຺ຈ ປຖວີຘາຕຸຎ຺ຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓ’’ນ຺ຕິ – ອຕ຺ເຖວ ສຸຕ຺ຕນ຺ໂຕຕິ? ນຕ຺ຖິ. ‘‘ຈກ຺ຂຸຎ຺ຈ ປຏິຈ຺ຈ ຣູເປ ຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓ’’ນ຺ຕິ – ອຕ຺ເຖວ ສຸຕ຺ຕນ຺ໂຕຕິ? ອາມນ຺ຕາ. ຫຎ຺ຈິ ‘‘ຈກ຺ຂຸຎ຺ຈ ປຏິຈ຺ຈ ຣູເປ ຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓ’’ນ຺ຕິ – ອຕ຺ເຖວ ສຸຕ຺ຕນ຺ໂຕ, ໂນ ຈ ວຕ ເຣ ວຕ຺ຕພ຺ເພ – ‘‘ຈກ຺ຂຸຎ຺ຈ ປຏິຈ຺ຈ ປຖວີຘາຕຸຎ຺ຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓ’’ນ຺ຕິ.

໔໖໖. ນ ວຕ຺ຕພ຺ພໍ – ‘‘ປຖວີຘາຕຸ ສນິທສ຺ສນາ’’ຕິ? ອາມນ຺ຕາ. ນນຸ ປສ຺ສຕິ ຠູມິໍ ປາສາຓໍ ປພ຺ພຕນ຺ຕິ? ອາມນ຺ຕາ. ຫຎ຺ຈິ ປສ຺ສຕິ [ປສ຺ສສິ (ສີ. ສ຺ຍາ. ກ.) ເອວມຸປຣິປິ] ຠູມິໍ ປາສາຓໍ ປພ຺ພຕໍ, ເຕນ ວຕ ເຣ ວຕ຺ຕພ຺ເພ – ‘‘ປຖວີຘາຕຸ ສນິທສ຺ສນາ’’ຕິ…ເປ….

ນ ວຕ຺ຕພ຺ພໍ – ‘‘ອາໂປຘາຕຸ ສນິທສ຺ສນາ’’ຕິ? ອາມນ຺ຕາ. ນນຸ ປສ຺ສຕິ ອຸທກນ຺ຕິ? ອາມນ຺ຕາ. ຫຎ຺ຈິ ປສ຺ສຕິ ອຸທກໍ, ເຕນ ວຕ ເຣ ວຕ຺ຕພ຺ເພ – ‘‘ອາໂປຘາຕຸ ສນິທສ຺ສນາຕິ…ເປ….

ນ ວຕ຺ຕພ຺ພໍ – ເຕໂຊຘາຕຸ ສນິທສ຺ສນາຕິ? ອາມນ຺ຕາ. ນນຸ ປສ຺ສຕິ ອຄ຺ຄິໍ ຊລນ຺ຕນ຺ຕິ? ອາມນ຺ຕາ. ຫຎ຺ຈິ ປສ຺ສຕິ ອຄ຺ຄິໍ ຊລນ຺ຕໍ, ເຕນ ວຕ ເຣ ວຕ຺ຕພ຺ເພ – ‘‘ເຕໂຊຘາຕຸ ສນິທສ຺ສນາ’’ຕິ…ເປ….

ນ ວຕ຺ຕພ຺ພໍ – ‘‘ວາໂຍຘາຕຸ ສນິທສ຺ສນາ’’ຕິ? ອາມນ຺ຕາ. ນນຸ ປສ຺ສຕິ ວາເຕນ ຣຸກ຺ເຂ ສຎ຺ຈາລິຍມາເນຕິ? ອາມນ຺ຕາ. ຫຎ຺ຈິ ປສ຺ສຕິ ວາເຕນ ຣຸກ຺ເຂ ສຎ຺ຈາລິຍມາເນ, ເຕນ ວຕ ເຣ ວຕ຺ຕພ຺ເພ – ‘‘ວາໂຍຘາຕຸ ສນິທສ຺ສນາ’’ຕິ…ເປ….

ປຖວີຘາຕຸ ສນິທສ຺ສນາຕິອາທິກຖາ ນິຏ຺ຐິຕາ.