໔. ຈຕຸຕ຺ຖວຄ຺ໂຄ

(໓໔) ໒. ອຸປປຕ຺ຕິກຖາ

໓໘໘. ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ສຫ ອຸປປຕ຺ຕິຍາ ໂສຕາປນ຺ໂນ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ສຫ ອຸປປຕ຺ຕິຍາ ສກທາຄາມີ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ສຫ ອຸປປຕ຺ຕິຍາ ອນາຄາມີ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ສຫ ອຸປປຕ຺ຕິຍາ ໂສຕາປນ຺ໂນ ນ ໂຫຕີຕິ? ອາມນ຺ຕາ. ຫຎ຺ຈິ ສຫ ອຸປປຕ຺ຕິຍາ ໂສຕາປນ຺ໂນ ນ ໂຫຕິ, ໂນ ຈ ວຕ ເຣ ວຕ຺ຕພ຺ເພ – ‘‘ສຫ ອຸປປຕ຺ຕິຍາ ອຣຫາ’’ຕິ.

ສຫ ອຸປປຕ຺ຕິຍາ ສກທາຄາມີ ນ ໂຫຕີຕິ? ອາມນ຺ຕາ. ຫຎ຺ຈິ ສຫ ອຸປປຕ຺ຕິຍາ ສກທາຄາມີ ນ ໂຫຕິ, ໂນ ຈ ວຕ ເຣ ວຕ຺ຕພ຺ເພ – ‘‘ສຫ ອຸປປຕ຺ຕິຍາ ອຣຫາ’’ຕິ.

ສຫ ອຸປປຕ຺ຕິຍາ ອນາຄາມີ ນ ໂຫຕີຕິ? ອາມນ຺ຕາ. ຫຎ຺ຈິ ສຫ ອຸປປຕ຺ຕິຍາ ອນາຄາມີ ນ ໂຫຕິ, ໂນ ຈ ວຕ ເຣ ວຕ຺ຕພ຺ເພ – ‘‘ສຫ ອຸປປຕ຺ຕິຍາ ອຣຫາ’’ຕິ.

໓໘໙. ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ສາຣິປຸຕ຺ໂຕ ເຖໂຣ ສຫ ອຸປປຕ຺ຕິຍາ ອຣຫາຕິ? ນ ເຫວໍ ວຕ຺ຕພ຺ເພ. ມຫາໂມຄ຺ຄລ຺ລາໂນ ເຖໂຣ …ເປ… ມຫາກສ຺ສໂປ ເຖໂຣ…ເປ… ມຫາກຈ຺ຈາໂນ ເຖໂຣ…ເປ… ມຫາໂກຏ຺ຐິໂກ ເຖໂຣ…ເປ… ມຫາປນ຺ຖໂກ ເຖໂຣ ສຫ ອຸປປຕ຺ຕິຍາ ອຣຫາຕິ? ນ ເຫວໍ ວຕ຺ຕພ຺ເພ…ເປ….

ສາຣິປຸຕ຺ໂຕ ເຖໂຣ ນ ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ຫຎ຺ຈິ ສາຣິປຸຕ຺ໂຕ ເຖໂຣ ນ ສຫ ອຸປປຕ຺ຕິຍາ ອຣຫາ, ໂນ ຈ ວຕ ເຣ ວຕ຺ຕພ຺ເພ – ‘‘ສຫ ອຸປປຕ຺ຕິຍາ ອຣຫາ’’ຕິ.

ມຫາໂມຄ຺ຄລ຺ລາໂນ ເຖໂຣ…ເປ… ມຫາກສ຺ສໂປ ເຖໂຣ…ເປ… ມຫາກຈ຺ຈາໂນ ເຖໂຣ…ເປ… ມຫາໂກຏ຺ຐິໂກ ເຖໂຣ…ເປ… ມຫາປນ຺ຖໂກ ເຖໂຣ ນ ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ຫຎ຺ຈິ ມຫາປນ຺ຖໂກ ເຖໂຣ ນ ສຫ ອຸປປຕ຺ຕິຍາ ອຣຫາ, ໂນ ຈ ວຕ ເຣ ວຕ຺ຕພ຺ເພ – ‘‘ສຫ ອຸປປຕ຺ຕິຍາ ອຣຫາ’’ຕິ.

໓໙໐. ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ອຸປປຕ຺ເຕສິເຍນ ຈິຕ຺ເຕນ ອຣຫຕ຺ຕໍ ສຈ຺ຉິກໂຣຕິ ໂລກິເຍນ ສາສເວນ…ເປ… ສໍກິເລສິເຍນາຕິ? ນ ເຫວໍ ວຕ຺ຕພ຺ເພ…ເປ….

ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ອຸປປຕ຺ເຕສິຍໍ ຈິຕ຺ຕໍ ນິຍ຺ຍານິກໍ ຂຍຄາມີ ໂພຘຄາມີ ອປຈຍຄາມີ ອນາສວໍ…ເປ… ອສໍກິເລສິຍນ຺ຕິ? ນ ເຫວໍ ວຕ຺ຕພ຺ເພ…ເປ….

ນນຸ ອຸປປຕ຺ເຕສິຍໍ ຈິຕ຺ຕໍ ອນິຍ຺ຍານິກໍ ນ ຂຍຄາມິ ນ ໂພຘຄາມິ ນ ອປຈຍຄາມິ ສາສວໍ…ເປ… ສໍກິເລສິຍນ຺ຕິ? ອາມນ຺ຕາ. ຫຎ຺ຈິ ອຸປປຕ຺ເຕສິຍໍ ຈິຕ຺ຕໍ ອນິຍ຺ຍານິກໍ ນ ຂຍຄາມິ ນ ໂພຘຄາມິ ນ ອປຈຍຄາມິ ສາສວໍ…ເປ… ສໍກິເລສິຍໍ, ໂນ ຈ ວຕ ເຣ ວຕ຺ຕພ຺ເພ – ‘‘ສຫ ອຸປປຕ຺ຕິຍາ ອຣຫາ’’ຕິ.

ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ອຸປປຕ຺ເຕສິເຍນ ຈິຕ຺ເຕນ ຣາຄໍ ປຊຫຕິ, ໂທສໍ ປຊຫຕິ, ໂມຫໍ ປຊຫຕິ, ອໂນຕ຺ຕປ຺ປໍ ປຊຫຕີຕິ? ນ ເຫວໍ ວຕ຺ຕພ຺ເພ…ເປ….

ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ອຸປປຕ຺ເຕສິຍໍ ຈິຕ຺ຕໍ ມຄ຺ໂຄ… ສຕິປຏ຺ຐານໍ…ເປ… ສມ຺ມປ຺ປຘານໍ… ອິທ຺ຘິປາໂທ… ອິນ຺ທ຺ຣິຍໍ… ພລໍ… ໂພຊ຺ຌງ຺ໂຄຕິ? ນ ເຫວໍ ວຕ຺ຕພ຺ເພ…ເປ….

ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ອຸປປຕ຺ເຕສິເຍນ ຈິຕ຺ເຕນ ທຸກ຺ຂໍ ປຣິຊານາຕິ, ສມຸທຍໍ ປຊຫຕິ, ນິໂຣຘໍ ສຈ຺ຉິກໂຣຕິ, ມຄ຺ຄໍ ຠາເວຕີຕິ? ນ ເຫວໍ ວຕ຺ຕພ຺ເພ …ເປ… ສຫ ອຸປປຕ຺ຕິຍາ ອຣຫາຕິ? ອາມນ຺ຕາ. ຈຸຕິຈິຕ຺ຕໍ ມຄ຺ຄຈິຕ຺ຕໍ ອຸປປຕ຺ເຕສິຍໍ ຈິຕ຺ຕໍ ຜລຈິຕ຺ຕນ຺ຕິ? ນ ເຫວໍ ວຕ຺ຕພ຺ເພ…ເປ….

ອຸປປຕ຺ຕິກຖາ ນິຏ຺ຐິຕາ.