໓. ຕຕິຍວຄ຺ໂຄ

(໒໘) ໘. ທິພ຺ພໂສຕກຖາ

໓໗໕. ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ມໍສໂສຕໍ ທິພ຺ພໂສຕໍ, ທິພ຺ພໂສຕໍ ມໍສໂສຕນ຺ຕິ? ນ ເຫວໍ ວຕ຺ຕພ຺ເພ…ເປ….

ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ຍາທິສໍ ມໍສໂສຕໍ ຕາທິສໍ ທິພ຺ພໂສຕໍ, ຍາທິສໍ ທິພ຺ພໂສຕໍ ຕາທິສໍ ມໍສໂສຕນ຺ຕິ? ນ ເຫວໍ ວຕ຺ຕພ຺ເພ…ເປ….

ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ຕຎ຺ເຎວ ມໍສໂສຕໍ ຕໍ ທິພ຺ພໂສຕໍ, ຕໍ ທິພ຺ພໂສຕໍ ຕໍ ມໍສໂສຕນ຺ຕິ? ນ ເຫວໍ ວຕ຺ຕພ຺ເພ…ເປ….

ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ຍາທິໂສ ມໍສໂສຕສ຺ສ ວິສໂຍ ອານຸຠາໂວ ໂຄຈໂຣ ຕາທິໂສ ທິພ຺ພສ຺ສ ໂສຕສ຺ສ ວິສໂຍ ອານຸຠາໂວ ໂຄຈໂຣຕິ? ນ ເຫວໍ ວຕ຺ຕພ຺ເພ…ເປ….

ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ອຸປາທິຓ຺ຓໍ ຫຸຕ຺ວາ ອນຸປາທິຓ຺ຓໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ອຸປາທິຓ຺ຓໍ ຫຸຕ຺ວາ ອນຸປາທິຓ຺ຓໍ ໂຫຕີຕິ? ອາມນ຺ຕາ. ກາມາວຈຣໍ ຫຸຕ຺ວາ ຣູປາວຈຣໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ກາມາວຈຣໍ ຫຸຕ຺ວາ ຣູປາວຈຣໍ ໂຫຕີຕິ? ອາມນ຺ຕາ. ຣູປາວຈຣໍ ຫຸຕ຺ວາ ອຣູປາວຈຣໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ຣູປາວຈຣໍ ຫຸຕ຺ວາ ອຣູປາວຈຣໍ ໂຫຕີຕິ? ອາມນ຺ຕາ. ປຣິຍາປນ຺ນໍ ຫຸຕ຺ວາ ອປຣິຍາປນ຺ນໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

໓໗໖. ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ທິພ຺ພໂສຕໍ ຘມ຺ມຸປຕ຺ຖທ຺ຘໍ ມໍສໂສຕໍ ໂຫຕີຕິ? ນ ເຫວໍ ວຕ຺ຕພ຺ເພ…ເປ….

ມໍສໂສຕໍ ຘມ຺ມຸປຕ຺ຖທ຺ຘໍ ທິພ຺ພໂສຕໍ ໂຫຕີຕິ? ອາມນ຺ຕາ. ເອກໍເຍວ ໂສຕນ຺ຕິ? ນ ເຫວໍ ວຕ຺ຕພ຺ເພ…ເປ….

ເອກໍເຍວ ໂສຕນ຺ຕິ? ອາມນ຺ຕາ. ນນຸ ທ຺ເວ ໂສຕານິ ວຸຕ຺ຕານິ ຠຄວຕາ – ‘‘ມໍສໂສຕໍ, ທິພ຺ພໂສຕ’’ນ຺ຕິ? ອາມນ຺ຕາ. ຫຎ຺ຈິ ທ຺ເວ ໂສຕານິ ວຸຕ຺ຕານິ ຠຄວຕາ – ມໍສໂສຕໍ, ທິພ຺ພໂສຕໍ, ໂນ ຈ ວຕ ເຣ ວຕ຺ຕພ຺ເພ – ‘‘ເອກຎ຺ເຎວ ໂສຕ’’ນ຺ຕິ.

ທິພ຺ພໂສຕກຖາ ນິຏ຺ຐິຕາ.