໓. ຕຕິຍວຄ຺ໂຄ

(໓໒) ໑໒. ເນວສຎ຺ຎານາສຎ຺ຎາຍຕນກຖາ

໓໘໔. ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ອາມນ຺ຕາ. ອສຎ຺ຎຠໂວ ອສຎ຺ຎຄຕິ ອສຎ຺ຎສຕ຺ຕາວາໂສ ອສຎ຺ຎສໍສາໂຣ ອສຎ຺ຎໂຍນິ ອສຎ຺ຎຕ຺ຕຠາວປຏິລາໂຠຕິ? ນ ເຫວໍ ວຕ຺ຕພ຺ເພ…ເປ….

ນນຸ ສຎ຺ຎາຠໂວ ສຎ຺ຎາຄຕິ ສຎ຺ຎາສຕ຺ຕາວາໂສ ສຎ຺ຎາສໍສາໂຣ ສຎ຺ຎາໂຍນິ ສຎ຺ຎຕ຺ຕຠາວປຏິລາໂຠຕິ? ອາມນ຺ຕາ. ຫຎ຺ຈິ ສຎ຺ຎາຠໂວ ສຎ຺ຎາຄຕິ…ເປ… ສຎ຺ຎຕ຺ຕຠາວປຏິລາໂຠ, ໂນ ຈ ວຕ ເຣ ວຕ຺ຕພ຺ເພ – ‘‘ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘ສຎ຺ຎາ ອຕ຺ຖີ’’’ຕິ.

ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ອາມນ຺ຕາ. ເອກໂວກາຣຠໂວ ຄຕິ…ເປ… ອຕ຺ຕຠາວປຏິລາໂຠຕິ? ນ ເຫວໍ ວຕ຺ຕພ຺ເພ…ເປ….

ນນຸ ຈຕຸໂວກາຣຠໂວ ຄຕິ…ເປ… ອຕ຺ຕຠາວປຏິລາໂຠຕິ? ອາມນ຺ຕາ. ຫຎ຺ຈິ ຈຕຸໂວກາຣຠໂວ ຄຕິ…ເປ… ອຕ຺ຕຠາວປຏິລາໂຠ, ໂນ ຈ ວຕ ເຣ ວຕ຺ຕພ຺ເພ – ‘‘ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘ສຎ຺ຎາ ອຕ຺ຖີ’’’ຕິ.

໓໘໕. ອສຎ຺ຎສຕ຺ເຕສຸ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ’’, ໂສ ຈ ອສຎ຺ຎຠໂວ ອສຎ຺ຎຄຕິ ອສຎ຺ຎສຕ຺ຕາວາໂສ ອສຎ຺ຎສໍສາໂຣ ອສຎ຺ຎໂຍນິ ອສຎ຺ຎຕ຺ຕຠາວປຏິລາໂຠຕິ? ອາມນ຺ຕາ. ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ອສຎ຺ຎຠໂວ ອສຎ຺ຎຄຕິ ອສຎ຺ຎສຕ຺ຕາວາໂສ ອສຎ຺ຎສໍສາໂຣ ອສຎ຺ຎໂຍນິ ອສຎ຺ຎຕ຺ຕຠາວປຏິລາໂຠຕິ? ນ ເຫວໍ ວຕ຺ຕພ຺ເພ…ເປ….

ອສຎ຺ຎສຕ຺ເຕສຸ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ເອກໂວກາຣຠໂວ ຄຕິ…ເປ… ອຕ຺ຕຠາວປຏິລາໂຠຕິ? ອາມນ຺ຕາ. ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ເອກໂວກາຣຠໂວ ຄຕິ ສຕ຺ຕາວາໂສ ສໍສາໂຣ ໂຍນິ ອຕ຺ຕຠາວປຏິລາໂຠຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ສຎ຺ຎາຠໂວ ສຎ຺ຎາຄຕິ…ເປ… ສຎ຺ຎຕ຺ຕຠາວປຏິລາໂຠຕິ? ອາມນ຺ຕາ. ອສຎ຺ຎສຕ຺ເຕສຸ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ສຎ຺ຎາຠໂວ ສຎ຺ຎາຄຕິ…ເປ… ສຎ຺ຎຕ຺ຕຠາວປຏິລາໂຠຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ຈຕຸໂວກາຣຠໂວ ຄຕິ…ເປ… ອຕ຺ຕຠາວປຏິລາໂຠຕິ? ອາມນ຺ຕາ. ອສຎ຺ຎສຕ຺ເຕສຸ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖິ,’’ ໂສ ຈ ຈຕຸໂວກາຣຠໂວ ຄຕິ…ເປ… ອຕ຺ຕຠາວປຏິລາໂຠຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ອາມນ຺ຕາ. ນນຸ ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວຕິ? ອາມນ຺ຕາ. ຫຎ຺ຈິ ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ, ໂນ ຈ ວຕ ເຣ ວຕ຺ຕພ຺ເພ – ‘‘ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘ສຎ຺ຎາ ອຕ຺ຖີ’’’ຕິ.

໓໘໖. ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ອາມນ຺ຕາ. ອາກາສານຎ຺ຈາຍຕນໍ ຈຕຸໂວກາຣຠໂວ ອາກາສານຎ຺ຈາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ, ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ອາມນ຺ຕາ. ວິຎ຺ຎາຓຎ຺ຈາຍຕນໍ…ເປ… ອາກິຎ຺ຈຎ຺ຎາຍຕນໍ ຈຕຸໂວກາຣຠໂວ, ອາກິຎ຺ຈຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ? ນ ເຫວໍ ວຕ຺ຕພ຺ເພ…ເປ….

ອາກາສານຎ຺ຈາຍຕນໍ ຈຕຸໂວກາຣຠໂວ, ອຕ຺ຖິ ຕຕ຺ຖ ສຎ຺ຎາຕິ? ອາມນ຺ຕາ. ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ, ອຕ຺ຖິ ຕຕ຺ຖ ສຎ຺ຎາຕິ? ນ ເຫວໍ ວຕ຺ຕພ຺ເພ…ເປ….

ວິຎ຺ຎາຓຎ຺ຈາຍຕນໍ…ເປ… ອາກິຎ຺ຈຎ຺ຎາຍຕນໍ ຈຕຸໂວກາຣຠໂວ, ອຕ຺ຖິ ຕຕ຺ຖ ສຎ຺ຎາຕິ? ອາມນ຺ຕາ. ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ, ອຕ຺ຖິ ຕຕ຺ຖ ສຎ຺ຎາຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ ວາ ‘‘ນຕ຺ຖີ’’ຕິ ວາຕິ? ອາມນ຺ຕາ. ນນຸ ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວຕິ? ອາມນ຺ຕາ. ຫຎ຺ຈິ ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ, ໂນ ຈ ວຕ ເຣ ວຕ຺ຕພ຺ເພ – ‘‘ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘ສຎ຺ຎາ ອຕ຺ຖີ’ຕິ ວາ ‘ນຕ຺ຖີ’ຕິ ວາ’’ຕິ.

ເນວສຎ຺ຎານາສຎ຺ຎາຍຕນໍ ຈຕຸໂວກາຣຠໂວ, ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ ວາ ‘‘ນຕ຺ຖີ’’ຕິ ວາຕິ? ອາມນ຺ຕາ. ອາກາສານຎ຺ຈາຍຕນໍ…ເປ… ວິຎ຺ຎາຓຎ຺ຈາຍຕນໍ…ເປ… ອາກິຎ຺ຈຎ຺ຎາຍຕນໍ ຈຕຸໂວກາຣຠໂວ, ອາກິຎ຺ຈຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ ວາ ‘‘ນຕ຺ຖີ’’ຕິ ວາຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ [ເນວສຎ຺ຎານາສຎ຺ຎາຍຕເນ ວຕ຺ຕພ຺ພໍ (?)] – ‘‘ສຎ຺ຎາ ອຕ຺ຖີ’’ຕິ ວາ ‘‘ນຕ຺ຖີ’’ຕິ ວາຕິ? ອາມນ຺ຕາ. ນນຸ ເນວສຎ຺ຎານາສຎ຺ຎາຍຕນນ຺ຕິ? ອາມນ຺ຕາ. ຫຎ຺ຈິ ເນວສຎ຺ຎານາສຎ຺ຎາຍຕນໍ, ເຕນ ວຕ ເຣ ວຕ຺ຕພ຺ເພ – ‘‘ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘ສຎ຺ຎາ ອຕ຺ຖີ’ຕິ ວາ ‘ນຕ຺ຖີ’ຕິ ວາ’’ຕິ.

ເນວສຎ຺ຎານາສຎ຺ຎາຍຕນນ຺ຕິ ກຕ຺ວາ ເນວສຎ຺ຎານາສຎ຺ຎາຍຕເນ ນ ວຕ຺ຕພ຺ພໍ – ‘‘ສຎ຺ຎາ ອຕ຺ຖີ’’ຕິ ວາ ‘‘ນຕ຺ຖີ’’ຕິ ວາຕິ? ອາມນ຺ຕາ. ອທຸກ຺ຂມສຸຂາ ເວທນາຕິ ກຕ຺ວາ ອທຸກ຺ຂມສຸຂາຍ ເວທນາຍ [ອທຸກ຺ຂມສຸຂາ ເວທນາ (ສີ. ກ.)] ນ ວຕ຺ຕພ຺ພໍ – ‘‘ເວທນາ’’ຕິ ວາ ‘‘ອເວທນາ’’ຕິ ວາຕິ? ນ ເຫວໍ ວຕ຺ຕພ຺ເພ…ເປ….

ເນວສຎ຺ຎານາສຎ຺ຎາຍຕນກຖາ ນິຏ຺ຐິຕາ.

ຕຕິຍວຄ຺ໂຄ.

ຕສ຺ສຸທ຺ທານໍ –

ພລໍ ສາຘາຣຓໍ ອຣິຍໍ, ສຣາຄໍ ຈິຕ຺ຕໍ ວິມຸຈ຺ຈຕິ;

ວິມຸຕ຺ຕໍ ວິມຸຈ຺ຈມານໍ, ອຕ຺ຖິ ຈິຕ຺ຕໍ ວິມຸຈ຺ຈມານໍ.

ອຏ຺ຐມກສ຺ສ ປຸຄ຺ຄລສ຺ສ, ທິຏ຺ຐິປຣິຍຸຏ຺ຐານໍ ປຫີນໍ;

ອຏ຺ຐມກສ຺ສ ປຸຄ຺ຄລສ຺ສ, ນຕ຺ຖິ ປຎ຺ຈິນ຺ທ຺ຣິຍານິ ຈກ຺ຂຸໍ.

ໂສຕໍ ຘມ຺ມຸປຕ຺ຖທ຺ຘໍ, ຍຖາກມ຺ມູປຄຕໍ ຎາຓໍ;

ເທເວສຸ ສໍວໂຣ ອສຎ຺ຎ-ສຕ຺ເຕສຸ ສຎ຺ຎາ ເອວເມວ ຠວຄ຺ຄນ຺ຕິ.