໕. ສຸທ຺ຘິກສໍສນ຺ທນໍ

໑໗. ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຎ຺ຎໍ ຣູປໍ ອຎ຺ໂຎ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ.

ອາຊານາຫິ ນິຄ຺ຄຫໍ. ຫຎ຺ຈິ ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເຕນ ວຕ ເຣ ວຕ຺ຕພ຺ເພ – ‘‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ.

ໂນ ເຈ ປນ ວຕ຺ຕພ຺ເພ – ‘‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’ຕິ, ໂນ ຈ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ’, ໂນ ຈ ວຕ຺ຕພ຺ເພ – ‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ…ເປ….

໑໘. ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເວທນາ ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ສຎ຺ຎາ ຈ ອຸປລພ຺ຠຕິ…ເປ… ສງ຺ຂາຣາ ຈ ອຸປລພ຺ຠນ຺ຕິ…ເປ… ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ.

ອາຊານາຫິ ນິຄ຺ຄຫໍ. ຫຎ຺ຈິ ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເຕນ ວຕ ເຣ ວຕ຺ຕພ຺ເພ – ‘‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ.

ໂນ ເຈ ປນ ວຕ຺ຕພ຺ເພ – ‘‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’ຕິ, ໂນ ຈ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ…ເປ….

໑໙. ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ຈກ຺ຂາຍຕນຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ໂສຕາຍຕນຎ຺ຈ ອຸປລພ຺ຠຕິ… ຆານາຍຕນຎ຺ຈ ອຸປລພ຺ຠຕິ… ຊິວ຺ຫາຍຕນຎ຺ຈ ອຸປລພ຺ຠຕິ… ກາຍາຍຕນຎ຺ຈ ອຸປລພ຺ຠຕິ… ຣູປາຍຕນຎ຺ຈ ອຸປລພ຺ຠຕິ… ສທ຺ທາຍຕນຎ຺ຈ ອຸປລພ຺ຠຕິ… ຄນ຺ຘາຍຕນຎ຺ຈ ອຸປລພ຺ຠຕິ… ຣສາຍຕນຎ຺ຈ ອຸປລພ຺ຠຕິ… ໂຜຏ຺ຐພ຺ພາຍຕນຎ຺ຈ ອຸປລພ຺ຠຕິ… ມນາຍຕນຎ຺ຈ ອຸປລພ຺ຠຕິ… ຘມ຺ມາຍຕນຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ….

໒໐. ຈກ຺ຂຸຘາຕຸ ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ໂສຕຘາຕຸ ຈ ອຸປລພ຺ຠຕິ… ຆານຘາຕຸ ຈ ອຸປລພ຺ຠຕິ… ຊິວ຺ຫາຘາຕຸ ຈ ອຸປລພ຺ຠຕິ… ກາຍຘາຕຸ ຈ ອຸປລພ຺ຠຕິ… ຣູປຘາຕຸ ຈ ອຸປລພ຺ຠຕິ… ສທ຺ທຘາຕຸ ຈ ອຸປລພ຺ຠຕິ… ຄນ຺ຘຘາຕຸ ຈ ອຸປລພ຺ຠຕິ… ຣສຘາຕຸ ຈ ອຸປລພ຺ຠຕິ… ໂຜຏ຺ຐພ຺ພຘາຕຸ ຈ ອຸປລພ຺ຠຕິ… ຈກ຺ຂຸວິຎ຺ຎາຓຘາຕຸ ຈ ອຸປລພ຺ຠຕິ… ໂສຕວິຎ຺ຎາຓຘາຕຸ ຈ ອຸປລພ຺ຠຕິ… ຆານວິຎ຺ຎາຓຘາຕຸ ຈ ອຸປລພ຺ຠຕິ… ຊິວ຺ຫາວິຎ຺ຎາຓຘາຕຸ ຈ ອຸປລພ຺ຠຕິ… ກາຍວິຎ຺ຎາຓຘາຕຸ ຈ ອຸປລພ຺ຠຕິ… ມໂນຘາຕຸ ຈ ອຸປລພ຺ຠຕິ… ມໂນວິຎ຺ຎາຓຘາຕຸ ຈ ອຸປລພ຺ຠຕິ… ຘມ຺ມຘາຕຸ ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ….

໒໑. ຈກ຺ຂຸນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ໂສຕິນ຺ທ຺ຣິຍຎ຺ຈ ອຸປລພ຺ຠຕິ… ຆານິນ຺ທ຺ຣິຍຎ຺ຈ ອຸປລພ຺ຠຕິ… ຊິວ຺ຫິນ຺ທ຺ຣິຍຎ຺ຈ ອຸປລພ຺ຠຕິ… ກາຍິນ຺ທ຺ຣິຍຎ຺ຈ ອຸປລພ຺ຠຕິ … ມນິນ຺ທ຺ຣິຍຎ຺ຈ ອຸປລພ຺ຠຕິ… ຊີວິຕິນ຺ທ຺ຣິຍຎ຺ຈ ອຸປລພ຺ຠຕິ… ອິຕ຺ຖິນ຺ທ຺ຣິຍຎ຺ຈ ອຸປລພ຺ຠຕິ… ປຸຣິສິນ຺ທ຺ຣິຍຎ຺ຈ ອຸປລພ຺ຠຕິ… ສຸຂິນ຺ທ຺ຣິຍຎ຺ຈ ອຸປລພ຺ຠຕິ… ທຸກ຺ຂິນ຺ທ຺ຣິຍຎ຺ຈ ອຸປລພ຺ຠຕິ… ໂສມນສ຺ສິນ຺ທ຺ຣິຍຎ຺ຈ ອຸປລພ຺ຠຕິ… ໂທມນສ຺ສິນ຺ທ຺ຣິຍຎ຺ຈ ອຸປລພ຺ຠຕິ… ອຸເປກ຺ຂິນ຺ທ຺ຣິຍຎ຺ຈ ອຸປລພ຺ຠຕິ… ສທ຺ຘິນ຺ທ຺ຣິຍຎ຺ຈ ອຸປລພ຺ຠຕິ… ວີຣິຍິນ຺ທ຺ຣິຍຎ຺ຈ ອຸປລພ຺ຠຕິ… ສຕິນ຺ທ຺ຣິຍຎ຺ຈ ອຸປລພ຺ຠຕິ… ສມາຘິນ຺ທ຺ຣິຍຎ຺ຈ ອຸປລພ຺ຠຕິ… ປຎ຺ຎິນ຺ທ຺ຣິຍຎ຺ຈ ອຸປລພ຺ຠຕິ… ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ ອຸປລພ຺ຠຕິ… ອຎ຺ຎິນ຺ທ຺ຣິຍຎ຺ຈ ອຸປລພ຺ຠຕິ… ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ.

ອາຊານາຫິ ນິຄ຺ຄຫໍ. ຫຎ຺ຈິ ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເຕນ ວຕ ເຣ ວຕ຺ຕພ຺ເພ – ‘‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ.

ໂນ ເຈ ປນ ວຕ຺ຕພ຺ເພ – ‘‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’ຕິ, ໂນ ຈ ວຕ ເຣ ວຕ຺ຕພ຺ເພ – ‘‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ປຸຄ຺ຄໂລ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ…ເປ….

໒໒. [ປຸ. ປ. ມາຕິກາ ໔.໒໔; ອ. ນິ. ໔.໙໕-໙໖] ປຸຄ຺ຄໂລ ນຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຎ຺ຎໍ ຣູປໍ ອຎ຺ໂຎ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ.

ອາຊານາຫິ ປຏິກມ຺ມໍ. ຫຎ຺ຈິ ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເຕນ ວຕ ເຣ ວຕ຺ຕພ຺ເພ – ‘‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ວຸຕ຺ຕໍ ຠຄວຕາ – ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ.

ໂນ ເຈ ປນ ວຕ຺ຕພ຺ເພ – ‘‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’ຕິ, ໂນ ຈ ວຕ ເຣ ວຕ຺ຕພ຺ເພ – ‘‘ວຸຕ຺ຕໍ ຠຄວຕາ – ‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’ ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ວຸຕ຺ຕໍ ຠຄວຕາ – ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ, ຣູປຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ຣູປໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ…ເປ….

໒໓. ປຸຄ຺ຄໂລ ນຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ເວທນາ ຈ ອຸປລພ຺ຠຕິ…ເປ… ສຎ຺ຎາ ຈ ອຸປລພ຺ຠຕິ…ເປ… ສງ຺ຂາຣາ ຈ ອຸປລພ຺ຠນ຺ຕິ…ເປ… ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ.

ອາຊານາຫິ ປຏິກມ຺ມໍ. ຫຎ຺ຈິ ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເຕນ ວຕ ເຣ ວຕ຺ຕພ຺ເພ – ‘‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ວຸຕ຺ຕໍ ຠຄວຕາ – ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ, ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ.

ໂນ ເຈ ປນ ວຕ຺ຕພ຺ເພ – ‘‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’ຕິ, ໂນ ຈ ວຕ ເຣ ວຕ຺ຕພ຺ເພ – ‘‘ວຸຕ຺ຕໍ ຠຄວຕາ – ‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’ ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ວຸຕ຺ຕໍ ຠຄວຕາ – ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’ ວິຎ຺ຎາຓຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ໂນ ຈ ວຕ຺ຕພ຺ເພ – ‘ອຎ຺ຎໍ ວິຎ຺ຎາຓໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ…ເປ….

໒໔. ປຸຄ຺ຄໂລ ນຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ຈກ຺ຂາຍຕນຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ໂສຕາຍຕນຎ຺ຈ ອຸປລພ຺ຠຕິ…ເປ… ຘມ຺ມາຍຕນຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ….

໒໕. ຈກ຺ຂຸຘາຕຸ ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ກາຍຘາຕຸ ຈ ອຸປລພ຺ຠຕິ…ເປ… ຣູປຘາຕຸ ຈ ອຸປລພ຺ຠຕິ…ເປ… ໂຜຏ຺ຐພ຺ພຘາຕຸ ຈ ອຸປລພ຺ຠຕິ…ເປ… ຈກ຺ຂຸວິຎ຺ຎາຓຘາຕຸ ຈ ອຸປລພ຺ຠຕິ…ເປ… ມໂນວິຎ຺ຎາຓຘາຕຸ ຈ ອຸປລພ຺ຠຕິ…ເປ… ຘມ຺ມຘາຕຸ ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ….

໒໖. ຈກ຺ຂຸນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ໂສຕິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ… ອຎ຺ຎິນ຺ທ຺ຣິຍຎ຺ຈ [ອຎ຺ຎາຕາວິນ຺ທ຺ຣິຍຎ຺ຈ (ພຫູສຸ)] ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ…ເປ….

໒໗. ປຸຄ຺ຄໂລ ນຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາຕິ? ອາມນ຺ຕາ. ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລຕິ? ນ ເຫວໍ ວຕ຺ຕພ຺ເພ.

ອາຊານາຫິ ປຏິກມ຺ມໍ. ຫຎ຺ຈິ ວຸຕ຺ຕໍ ຠຄວຕາ – ‘‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’’ ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ, ເຕນ ວຕ ເຣ ວຕ຺ຕພ຺ເພ – ‘‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ວຸຕ຺ຕໍ ຠຄວຕາ – ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ, ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ.

ໂນ ເຈ ປນ ວຕ຺ຕພ຺ເພ – ‘‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’ຕິ, ໂນ ຈ ວຕ ເຣ ວຕ຺ຕພ຺ເພ – ‘‘ວຸຕ຺ຕໍ ຠຄວຕາ – ‘ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ,’ ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນາ’’ຕິ. ຍໍ ຕຕ຺ຖ ວເທສິ – ‘‘ວຕ຺ຕພ຺ເພ ໂຂ – ‘ວຸຕ຺ຕໍ ຠຄວຕາ – ອຕ຺ຖິ ປຸຄ຺ຄໂລ ອຕ຺ຕຫິຕາຍ ປຏິປນ຺ໂນ, ອຎ຺ຎາຕາວິນ຺ທ຺ຣິຍຎ຺ຈ ອຸປລພ຺ຠຕິ ສຈ຺ຈິກຏ຺ຐປຣມຕ຺ເຖນ,’ ໂນ ຈ ວຕ຺ຕພ຺ເພ – ‘ອຎ຺ຎໍ ອຎ຺ຎາຕາວິນ຺ທ຺ຣິຍໍ ອຎ຺ໂຎ ປຸຄ຺ຄໂລ’’’ຕິ ມິຈ຺ຉາ…ເປ….

ສຸທ຺ຘິກສໍສນ຺ທນາ.