ມາຕິກາ

ເອກກໍ

໕໘໔. ຕຕ຺ຖ ກຕມໍ ສພ຺ພໍ ຣູປໍ? ຈຕ຺ຕາໂຣ ຈ ມຫາຠູຕາ, ຈຕຸນ຺ນຎ຺ຈ ມຫາຠູຕານໍ ອຸປາທາຍ ຣູປໍ – ອິທໍ ວຸຈ຺ຈຕິ ສພ຺ພໍ ຣູປໍ. ສພ຺ພໍ ຣູປໍ ນ ເຫຕຸ, ອເຫຕຸກໍ, ເຫຕຸວິປ຺ປຍຸຕ຺ຕໍ, ສປ຺ປຈ຺ຈຍໍ, ສງ຺ຂຕໍ, ຣູປໍ [ຣູປິຍໍ (ສີ.)], ໂລກິຍໍ, ສາສວໍ, ສໍໂຍຊນິຍໍ, ຄນ຺ຖນິຍໍ, ໂອຆນິຍໍ, ໂຍຄນິຍໍ, ນີວຣຓິຍໍ, ປຣາມຏ຺ຐໍ, ອຸປາທານິຍໍ, ສໍກິເລສິກໍ, ອພ຺ຍາກຕໍ, ອນາຣມ຺ມຓໍ, ອເຈຕສິກໍ, ຈິຕ຺ຕວິປ຺ປຍຸຕ຺ຕໍ, ເນວວິປາກນວິປາກຘມ຺ມຘມ຺ມໍ, ອສໍກິລິຏ຺ຐສໍກິເລສິກໍ, ນ ສວິຕກ຺ກສວິຈາຣໍ, ນ ອວິຕກ຺ກວິຈາຣມຕ຺ຕໍ, ອວິຕກ຺ກອວິຈາຣໍ, ນ ປີຕິສຫຄຕໍ, ນ ສຸຂສຫຄຕໍ, ນ ອຸເປກ຺ຂາສຫຄຕໍ, ເນວ ທສ຺ສເນນ ນ ຠາວນາຍ ປຫາຕພ຺ພໍ, ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸກໍ, ເນວ ອາຈຍຄາມິ ນ ອປຈຍຄາມິ, ເນວເສກ຺ຂນາເສກ຺ຂໍ, ປຣິຕ຺ຕໍ, ກາມາວຈຣໍ, ນ ຣູປາວຈຣໍ, ນ ອຣູປາວຈຣໍ, ປຣິຍາປນ຺ນໍ, ໂນ ອປຣິຍາປນ຺ນໍ, ອນິຍຕໍ, ອນິຍ຺ຍານິກໍ, ອຸປ຺ປນ຺ນໍ, ຉຫິ ວິຎ຺ຎາເຓຫິ ວິຎ຺ເຎຍ຺ຍໍ, ອນິຈ຺ຈໍ, ຊຣາຠິຠູຕໍ.

ເອວໍ ເອກວິເຘນ ຣູປສງ຺ຄໂຫ.

ເອກກໍ.

ທຸກໍ

ທຸວິເຘນ ຣູປສງ຺ຄໂຫ –

ອຕ຺ຖິ ຣູປໍ ອຸປາທາ, ອຕ຺ຖິ ຣູປໍ ໂນ ອຸປາທາ.

ອຕ຺ຖິ ຣູປໍ ອຸປາທິຓ຺ຓໍ, ອຕ຺ຖິ ຣູປໍ ອນຸປາທິຓ຺ຓໍ.

ອຕ຺ຖິ ຣູປໍ ອຸປາທິຓ຺ຓຸປາທານິຍໍ, ອຕ຺ຖິ ຣູປໍ ອນຸປາທິຓ຺ຓຸປາທານິຍໍ.

ອຕ຺ຖິ ຣູປໍ ສນິທສ຺ສນໍ, ອຕ຺ຖິ ຣູປໍ ອນິທສ຺ສນໍ.

ອຕ຺ຖິ ຣູປໍ ສປ຺ປຏິຆໍ, ອຕ຺ຖິ ຣູປໍ ອປ຺ປຏິຆໍ.

ອຕ຺ຖິ ຣູປໍ ອິນ຺ທ຺ຣິຍໍ, ອຕ຺ຖິ ຣູປໍ ນ ອິນ຺ທ຺ຣິຍໍ.

ອຕ຺ຖິ ຣູປໍ ມຫາຠູຕໍ, ອຕ຺ຖິ ຣູປໍ ນ ມຫາຠູຕໍ.

ອຕ຺ຖິ ຣູປໍ ວິຎ຺ຎຕ຺ຕິ, ອຕ຺ຖິ ຣູປໍ ນ ວິຎ຺ຎຕ຺ຕິ.

ອຕ຺ຖິ ຣູປໍ ຈິຕ຺ຕສມຸຏ຺ຐານໍ, ອຕ຺ຖິ ຣູປໍ ນ ຈິຕ຺ຕສມຸຏ຺ຐານໍ.

ອຕ຺ຖິ ຣູປໍ ຈິຕ຺ຕສຫຠຸ, ອຕ຺ຖິ ຣູປໍ ນ ຈິຕ຺ຕສຫຠຸ.

ອຕ຺ຖິ ຣູປໍ ຈິຕ຺ຕານຸປຣິວຕ຺ຕິ, ອຕ຺ຖິ ຣູປໍ ນ ຈິຕ຺ຕານຸປຣິວຕ຺ຕິ.

ອຕ຺ຖິ ຣູປໍ ອຊ຺ຌຕ຺ຕິກໍ, ອຕ຺ຖິ ຣູປໍ ພາຫິຣໍ.

ອຕ຺ຖິ ຣູປໍ ໂອຬາຣິກໍ, ອຕ຺ຖິ ຣູປໍ ສຸຂຸມໍ.

ອຕ຺ຖິ ຣູປໍ ທູເຣ, ອຕ຺ຖິ ຣູປໍ ສນ຺ຕິເກ.

ອຕ຺ຖິ ຣູປໍ ຈກ຺ຂຸສມ຺ຜສ຺ສສ຺ສ ວຕ຺ຖຸ, ອຕ຺ຖິ ຣູປໍ ຈກ຺ຂຸສມ຺ຜສ຺ສສ຺ສ ນ ວຕ຺ຖຸ. ອຕ຺ຖິ ຣູປໍ ຈກ຺ຂຸສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ຈກ຺ຂຸວິຎ຺ຎາຓສ຺ສ ວຕ຺ຖຸ, ອຕ຺ຖິ ຣູປໍ ຈກ຺ຂຸວິຎ຺ຎາຓສ຺ສ ນ ວຕ຺ຖຸ.

ອຕ຺ຖິ ຣູປໍ ໂສຕສມ຺ຜສ຺ສສ຺ສ…ເປ… ຆານສມ຺ຜສ຺ສສ຺ສ…ເປ… ຊິວ຺ຫາສມ຺ຜສ຺ສສ຺ສ…ເປ… ກາຍສມ຺ຜສ຺ສສ຺ສ ວຕ຺ຖຸ, ອຕ຺ຖິ ຣູປໍ ກາຍສມ຺ຜສ຺ສສ຺ສ ນ ວຕ຺ຖຸ. ອຕ຺ຖິ ຣູປໍ ກາຍສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ …ເປ… ກາຍວິຎ຺ຎາຓສ຺ສ ວຕ຺ຖຸ, ອຕ຺ຖິ ຣູປໍ ກາຍວິຎ຺ຎາຓສ຺ສ ນ ວຕ຺ຖຸ.

ອຕ຺ຖິ ຣູປໍ ຈກ຺ຂຸສມ຺ຜສ຺ສສ຺ສ ອາຣມ຺ມຓໍ, ອຕ຺ຖິ ຣູປໍ ຈກ຺ຂຸສມ຺ຜສ຺ສສ຺ສ ນາຣມ຺ມຓໍ. ອຕ຺ຖິ ຣູປໍ ຈກ຺ຂຸສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ຈກ຺ຂຸວິຎ຺ຎາຓສ຺ສ ອາຣມ຺ມຓໍ, ອຕ຺ຖິ ຣູປໍ ຈກ຺ຂຸວິຎ຺ຎາຓສ຺ສ ນາຣມ຺ມຓໍ.

ອຕ຺ຖິ ຣູປໍ ໂສຕສມ຺ຜສ຺ສສ຺ສ…ເປ… ຆານສມ຺ຜສ຺ສສ຺ສ…ເປ… ຊິວ຺ຫາສມ຺ຜສ຺ສສ຺ສ…ເປ… ກາຍສມ຺ຜສ຺ສສ຺ສ ອາຣມ຺ມຓໍ, ອຕ຺ຖິ ຣູປໍ ກາຍສມ຺ຜສ຺ສສ຺ສ ນາຣມ຺ມຓໍ. ອຕ຺ຖິ ຣູປໍ ກາຍສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ກາຍວິຎ຺ຎາຓສ຺ສ ອາຣມ຺ມຓໍ, ອຕ຺ຖິ ຣູປໍ ກາຍວິຎ຺ຎາຓສ຺ສ ນາຣມ຺ມຓໍ.

ອຕ຺ຖິ ຣູປໍ ຈກ຺ຂາຍຕນໍ, ອຕ຺ຖິ ຣູປໍ ນ ຈກ຺ຂາຍຕນໍ. ອຕ຺ຖິ ຣູປໍ ໂສຕາຍຕນໍ…ເປ… ຆານາຍຕນໍ…ເປ… ຊິວ຺ຫາຍຕນໍ…ເປ… ກາຍາຍຕນໍ, ອຕ຺ຖິ ຣູປໍ ນ ກາຍາຍຕນໍ.

ອຕ຺ຖິ ຣູປໍ ຣູປາຍຕນໍ, ອຕ຺ຖິ ຣູປໍ ນ ຣູປາຍຕນໍ. ອຕ຺ຖິ ຣູປໍ ສທ຺ທາຍຕນໍ…ເປ… ຄນ຺ຘາຍຕນໍ…ເປ… ຣສາຍຕນໍ…ເປ… ໂຜຏ຺ຐພ຺ພາຍຕນໍ, ອຕ຺ຖິ ຣູປໍ ນ ໂຜຏ຺ຐພ຺ພາຍຕນໍ.

ອຕ຺ຖິ ຣູປໍ ຈກ຺ຂຸຘາຕຸ, ອຕ຺ຖິ ຣູປໍ ນ ຈກ຺ຂຸຘາຕຸ. ອຕ຺ຖິ ຣູປໍ ໂສຕຘາຕຸ…ເປ… ຆານຘາຕຸ…ເປ… ຊິວ຺ຫາຘາຕຸ…ເປ… ກາຍຘາຕຸ, ອຕ຺ຖິ ຣູປໍ ນ ກາຍຘາຕຸ.

ອຕ຺ຖິ ຣູປໍ ຣູປຘາຕຸ, ອຕ຺ຖິ ຣູປໍ ນ ຣູປຘາຕຸ. ອຕ຺ຖິ ຣູປໍ ສທ຺ທຘາຕຸ…ເປ… ຄນ຺ຘຘາຕຸ…ເປ… ຣສຘາຕຸ…ເປ… ໂຜຏ຺ຐພ຺ພຘາຕຸ, ອຕ຺ຖິ ຣູປໍ ນ ໂຜຏ຺ຐພ຺ພຘາຕຸ.

ອຕ຺ຖິ ຣູປໍ ຈກ຺ຂຸນ຺ທ຺ຣິຍໍ, ອຕ຺ຖິ ຣູປໍ ນ ຈກ຺ຂຸນ຺ທ຺ຣິຍໍ. ອຕ຺ຖິ ຣູປໍ ໂສຕິນ຺ທ຺ຣິຍໍ…ເປ… ຆານິນ຺ທ຺ຣິຍໍ…ເປ… ຊິວ຺ຫິນ຺ທ຺ຣິຍໍ…ເປ… ກາຍິນ຺ທ຺ຣິຍໍ, ອຕ຺ຖິ ຣູປໍ ນ ກາຍິນ຺ທ຺ຣິຍໍ.

ອຕ຺ຖິ ຣູປໍ ອິຕ຺ຖິນ຺ທ຺ຣິຍໍ, ອຕ຺ຖິ ຣູປໍ ນ ອິຕ຺ຖິນ຺ທ຺ຣິຍໍ.

ອຕ຺ຖິ ຣູປໍ ປຸຣິສິນ຺ທ຺ຣິຍໍ, ອຕ຺ຖິ ຣູປໍ ນ ປຸຣິສິນ຺ທ຺ຣິຍໍ.

ອຕ຺ຖິ ຣູປໍ ຊີວິຕິນ຺ທ຺ຣິຍໍ, ອຕ຺ຖິ ຣູປໍ ນ ຊີວິຕິນ຺ທ຺ຣິຍໍ.

ອຕ຺ຖິ ຣູປໍ ກາຍວິຎ຺ຎຕ຺ຕິ, ອຕ຺ຖິ ຣູປໍ ນ ກາຍວິຎ຺ຎຕ຺ຕິ.

ອຕ຺ຖິ ຣູປໍ ວຈີວິຎ຺ຎຕ຺ຕິ, ອຕ຺ຖິ ຣູປໍ ນ ວຈີວິຎ຺ຎຕ຺ຕິ.

ອຕ຺ຖິ ຣູປໍ ອາກາສຘາຕຸ, ອຕ຺ຖິ ຣູປໍ ນ ອາກາສຘາຕຸ.

ອຕ຺ຖິ ຣູປໍ ອາໂປຘາຕຸ, ອຕ຺ຖິ ຣູປໍ ນ ອາໂປຘາຕຸ.

ອຕ຺ຖິ ຣູປໍ ຣູປສ຺ສ ລຫຸຕາ, ອຕ຺ຖິ ຣູປໍ ຣູປສ຺ສ ນ ລຫຸຕາ.

ອຕ຺ຖິ ຣູປໍ ຣູປສ຺ສ ມຸທຸຕາ, ອຕ຺ຖິ ຣູປໍ ຣູປສ຺ສ ນ ມຸທຸຕາ.

ອຕ຺ຖິ ຣູປໍ ຣູປສ຺ສ ກມ຺ມຎ຺ຎຕາ, ອຕ຺ຖິ ຣູປໍ ຣູປສ຺ສ ນ ກມ຺ມຎ຺ຎຕາ.

ອຕ຺ຖິ ຣູປໍ ຣູປສ຺ສ ອຸປຈໂຍ, ອຕ຺ຖິ ຣູປໍ ຣູປສ຺ສ ນ ອຸປຈໂຍ.

ອຕ຺ຖິ ຣູປໍ ຣູປສ຺ສ ສນ຺ຕຕິ, ອຕ຺ຖິ ຣູປໍ ຣູປສ຺ສ ນ ສນ຺ຕຕິ.

ອຕ຺ຖິ ຣູປໍ ຣູປສ຺ສ ຊຣຕາ, ອຕ຺ຖິ ຣູປໍ ຣູປສ຺ສ ນ ຊຣຕາ.

ອຕ຺ຖິ ຣູປໍ ຣູປສ຺ສ ອນິຈ຺ຈຕາ, ອຕ຺ຖິ ຣູປໍ ຣູປສ຺ສ ນ ອນິຈ຺ຈຕາ.

ອຕ຺ຖິ ຣູປໍ ກພຬີກາໂຣ ອາຫາໂຣ, ອຕ຺ຖິ ຣູປໍ ນ ກພຬີກາໂຣ ອາຫາໂຣ.

ເອວໍ ທຸວິເຘນ ຣູປສງ຺ຄໂຫ.

ທຸກໍ.

ຕິກໍ

ຕິວິເຘນ ຣູປສງ຺ຄໂຫ –

໕໘໕. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຸປາທາ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອຸປາທາ, ອຕ຺ຖິ ໂນ ອຸປາທາ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຸປາທິຓ຺ຓໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອຸປາທິຓ຺ຓໍ, ອຕ຺ຖິ ອນຸປາທິຓ຺ຓໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຸປາທິຓ຺ຓຸປາທານິຍໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອຸປາທິຓ຺ຓຸປາທານິຍໍ, ອຕ຺ຖິ ອນຸປາທິຓ຺ຓຸປາທານິຍໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອນິທສ຺ສນໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ສນິທສ຺ສນໍ, ອຕ຺ຖິ ອນິທສ຺ສນໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ສປ຺ປຏິຆໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອິນ຺ທ຺ຣິຍໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອິນ຺ທ຺ຣິຍໍ, ອຕ຺ຖິ ນ ອິນ຺ທ຺ຣິຍໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ມຫາຠູຕໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ວິຎ຺ຎຕ຺ຕິ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ວິຎ຺ຎຕ຺ຕິ, ອຕ຺ຖິ ນ ວິຎ຺ຎຕ຺ຕິ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ຈິຕ຺ຕສມຸຏ຺ຐານໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຈິຕ຺ຕສມຸຏ຺ຐານໍ, ອຕ຺ຖິ ນ ຈິຕ຺ຕສມຸຏ຺ຐານໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ຈິຕ຺ຕສຫຠຸ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຈິຕ຺ຕສຫຠຸ, ອຕ຺ຖິ ນ ຈິຕ຺ຕສຫຠຸ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ຈິຕ຺ຕານຸປຣິວຕ຺ຕິ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຈິຕ຺ຕານຸປຣິວຕ຺ຕິ, ອຕ຺ຖິ ນ ຈິຕ຺ຕານຸປຣິວຕ຺ຕິ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ໂອຬາຣິກໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ສນ຺ຕິເກ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ.

ຍໍ ຕໍ ຣູປໍ ພາຫິຣໍ, ຕໍ ຈກ຺ຂຸສມ຺ຜສ຺ສສ຺ສ ນ ວຕ຺ຖຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ຈກ຺ຂຸສມ຺ຜສ຺ສສ຺ສ ວຕ຺ຖຸ, ອຕ຺ຖິ ຈກ຺ຂຸສມ຺ຜສ຺ສສ຺ສ ນ ວຕ຺ຖຸ.

ຍໍ ຕໍ ຣູປໍ ພາຫິຣໍ, ຕໍ ຈກ຺ຂຸສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ຈກ຺ຂຸວິຎ຺ຎາຓສ຺ສ ນ ວຕ຺ຖຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ຈກ຺ຂຸວິຎ຺ຎາຓສ຺ສ ວຕ຺ຖຸ, ອຕ຺ຖິ ຈກ຺ຂຸວິຎ຺ຎາຓສ຺ສ ນ ວຕ຺ຖຸ.

ຍໍ ຕໍ ຣູປໍ ພາຫິຣໍ, ຕໍ ໂສຕສມ຺ຜສ຺ສສ຺ສ…ເປ… ຆານສມ຺ຜສ຺ສສ຺ສ…ເປ… ຊິວ຺ຫາສມ຺ຜສ຺ສສ຺ສ…ເປ… ກາຍສມ຺ຜສ຺ສສ຺ສ ນ ວຕ຺ຖຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ກາຍສມ຺ຜສ຺ສສ຺ສ ວຕ຺ຖຸ, ອຕ຺ຖິ ກາຍສມ຺ຜສ຺ສສ຺ສ ນ ວຕ຺ຖຸ. ຍໍ ຕໍ ຣູປໍ ພາຫິຣໍ, ຕໍ ກາຍສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ກາຍວິຎ຺ຎາຓສ຺ສ ນ ວຕ຺ຖຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ກາຍວິຎ຺ຎາຓສ຺ສ ວຕ຺ຖຸ, ອຕ຺ຖິ ກາຍວິຎ຺ຎາຓສ຺ສ ນ ວຕ຺ຖຸ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຈກ຺ຂຸສມ຺ຜສ຺ສສ຺ສ ນາຣມ຺ມຓໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຈກ຺ຂຸສມ຺ຜສ຺ສສ຺ສ ອາຣມ຺ມຓໍ, ອຕ຺ຖິ ຈກ຺ຂຸສມ຺ຜສ຺ສສ຺ສ ນາຣມ຺ມຓໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຈກ຺ຂຸສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ຈກ຺ຂຸວິຎ຺ຎາຓສ຺ສ ນາຣມ຺ມຓໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຈກ຺ຂຸວິຎ຺ຎາຓສ຺ສ ອາຣມ຺ມຓໍ, ອຕ຺ຖິ ຈກ຺ຂຸວິຎ຺ຎາຓສ຺ສ ນາຣມ຺ມຓໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ໂສຕສມ຺ຜສ຺ສສ຺ສ…ເປ… ຆານສມ຺ຜສ຺ສສ຺ສ…ເປ… ຊິວ຺ຫາສມ຺ຜສ຺ສສ຺ສ…ເປ… ກາຍສມ຺ຜສ຺ສສ຺ສ ນາຣມ຺ມຓໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ກາຍສມ຺ຜສ຺ສສ຺ສ ອາຣມ຺ມຓໍ, ອຕ຺ຖິ ກາຍສມ຺ຜສ຺ສສ຺ສ ນາຣມ຺ມຓໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ກາຍສມ຺ຜສ຺ສຊາຍ ເວທນາຍ…ເປ… ສຎ຺ຎາຍ…ເປ… ເຈຕນາຍ…ເປ… ກາຍວິຎ຺ຎາຓສ຺ສ ນາຣມ຺ມຓໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ກາຍວິຎ຺ຎາຓສ຺ສ ອາຣມ຺ມຓໍ, ອຕ຺ຖິ ກາຍວິຎ຺ຎາຓສ຺ສ ນາຣມ຺ມຓໍ.

ຍໍ ຕໍ ຣູປໍ ພາຫິຣໍ, ຕໍ ນ ຈກ຺ຂາຍຕນໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ຈກ຺ຂາຍຕນໍ, ອຕ຺ຖິ ນ ຈກ຺ຂາຍຕນໍ. ຍໍ ຕໍ ຣູປໍ ພາຫິຣໍ, ຕໍ ນ ໂສຕາຍຕນໍ…ເປ… ນ ຆານາຍຕນໍ…ເປ… ນ ຊິວ຺ຫາຍຕນໍ…ເປ… ນ ກາຍາຍຕນໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ກາຍາຍຕນໍ, ອຕ຺ຖິ ນ ກາຍາຍຕນໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ຣູປາຍຕນໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປາຍຕນໍ, ອຕ຺ຖິ ນ ຣູປາຍຕນໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ສທ຺ທາຍຕນໍ…ເປ… ນ ຄນ຺ຘາຍຕນໍ…ເປ… ນ ຣສາຍຕນໍ…ເປ… ນ ໂຜຏ຺ຐພ຺ພາຍຕນໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ໂຜຏ຺ຐພ຺ພາຍຕນໍ, ອຕ຺ຖິ ນ ໂຜຏ຺ຐພ຺ພາຍຕນໍ.

ຍໍ ຕໍ ຣູປໍ ພາຫິຣໍ, ຕໍ ນ ຈກ຺ຂຸຘາຕຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ຈກ຺ຂຸຘາຕຸ, ອຕ຺ຖິ ນ ຈກ຺ຂຸຘາຕຸ. ຍໍ ຕໍ ຣູປໍ ພາຫິຣໍ, ຕໍ ນ ໂສຕຘາຕຸ…ເປ… ນ ຆານຘາຕຸ…ເປ… ນ ຊິວ຺ຫາຘາຕຸ…ເປ… ນ ກາຍຘາຕຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ກາຍຘາຕຸ, ອຕ຺ຖິ ນ ກາຍຘາຕຸ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ຣູປຘາຕຸ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປຘາຕຸ, ອຕ຺ຖິ ນ ຣູປຘາຕຸ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ສທ຺ທຘາຕຸ…ເປ… ນ ຄນ຺ຘຘາຕຸ…ເປ… ນ ຣສຘາຕຸ…ເປ… ນ ໂຜຏ຺ຐພ຺ພຘາຕຸ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ໂຜຏ຺ຐພ຺ພຘາຕຸ, ອຕ຺ຖິ ນ ໂຜຏ຺ຐພ຺ພຘາຕຸ.

ຍໍ ຕໍ ຣູປໍ ພາຫິຣໍ, ຕໍ ນ ຈກ຺ຂຸນ຺ທ຺ຣິຍໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ຈກ຺ຂຸນ຺ທ຺ຣິຍໍ, ອຕ຺ຖິ ນ ຈກ຺ຂຸນ຺ທ຺ຣິຍໍ. ຍໍ ຕໍ ຣູປໍ ພາຫິຣໍ, ຕໍ ນ ໂສຕິນ຺ທ຺ຣິຍໍ…ເປ… ນ ຆານິນ຺ທ຺ຣິຍໍ…ເປ… ນ ຊິວ຺ຫິນ຺ທ຺ຣິຍໍ…ເປ… ນ ກາຍິນ຺ທ຺ຣິຍໍ. ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ອຕ຺ຖິ ກາຍິນ຺ທ຺ຣິຍໍ, ອຕ຺ຖິ ນ ກາຍິນ຺ທ຺ຣິຍໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ອິຕ຺ຖິນ຺ທ຺ຣິຍໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອິຕ຺ຖິນ຺ທ຺ຣິຍໍ, ອຕ຺ຖິ ນ ອິຕ຺ຖິນ຺ທ຺ຣິຍໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ປຸຣິສິນ຺ທ຺ຣິຍໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ປຸຣິສິນ຺ທ຺ຣິຍໍ, ອຕ຺ຖິ ນ ປຸຣິສິນ຺ທ຺ຣິຍໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ຊີວິຕິນ຺ທ຺ຣິຍໍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຊີວິຕິນ຺ທ຺ຣິຍໍ, ອຕ຺ຖິ ນ ຊີວິຕິນ຺ທ຺ຣິຍໍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ກາຍວິຎ຺ຎຕ຺ຕິ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ກາຍວິຎ຺ຎຕ຺ຕິ, ອຕ຺ຖິ ນ ກາຍວິຎ຺ຎຕ຺ຕິ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ວຈີວິຎ຺ຎຕ຺ຕິ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ວຈີວິຎ຺ຎຕ຺ຕິ, ອຕ຺ຖິ ນ ວຈີວິຎ຺ຎຕ຺ຕິ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ອາກາສຘາຕຸ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອາກາສຘາຕຸ, ອຕ຺ຖິ ນ ອາກາສຘາຕຸ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ອາໂປຘາຕຸ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ອາໂປຘາຕຸ, ອຕ຺ຖິ ນ ອາໂປຘາຕຸ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ລຫຸຕາ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ລຫຸຕາ, ອຕ຺ຖິ ຣູປສ຺ສ ນ ລຫຸຕາ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ມຸທຸຕາ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ມຸທຸຕາ, ອຕ຺ຖິ ຣູປສ຺ສ ນ ມຸທຸຕາ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ກມ຺ມຎ຺ຎຕາ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ກມ຺ມຎ຺ຎຕາ, ອຕ຺ຖິ ຣູປສ຺ສ ນ ກມ຺ມຎ຺ຎຕາ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ອຸປຈໂຍ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ອຸປຈໂຍ, ອຕ຺ຖິ ຣູປສ຺ສ ນ ອຸປຈໂຍ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ສນ຺ຕຕິ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ສນ຺ຕຕິ, ອຕ຺ຖິ ຣູປສ຺ສ ນ ສນ຺ຕຕິ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ຊຣຕາ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ຊຣຕາ, ອຕ຺ຖິ ຣູປສ຺ສ ນ ຊຣຕາ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ຣູປສ຺ສ ນ ອນິຈ຺ຈຕາ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ຣູປສ຺ສ ອນິຈ຺ຈຕາ, ອຕ຺ຖິ ຣູປສ຺ສ ນ ອນິຈ຺ຈຕາ.

ຍໍ ຕໍ ຣູປໍ ອຊ຺ຌຕ຺ຕິກໍ, ຕໍ ນ ກພຬີກາໂຣ ອາຫາໂຣ. ຍໍ ຕໍ ຣູປໍ ພາຫິຣໍ, ຕໍ ອຕ຺ຖິ ກພຬີກາໂຣ ອາຫາໂຣ, ອຕ຺ຖິ ນ ກພຬີກາໂຣ ອາຫາໂຣ.

ເອວໍ ຕິວິເຘນ ຣູປສງ຺ຄໂຫ.

ຕິກໍ.

ຈຕຸກ຺ກໍ

ຈຕຸພ຺ພິເຘນ ຣູປສງ຺ຄໂຫ –

໕໘໖. ຍໍ ຕໍ ຣູປໍ ອຸປາທາ, ຕໍ ອຕ຺ຖິ ອຸປາທິຓ຺ຓໍ, ອຕ຺ຖິ ອນຸປາທິຓ຺ຓໍ. ຍໍ ຕໍ ຣູປໍ ໂນ ອຸປາທາ, ຕໍ ອຕ຺ຖິ ອຸປາທິຓ຺ຓໍ, ອຕ຺ຖິ ອນຸປາທິຓ຺ຓໍ.

ຍໍ ຕໍ ຣູປໍ ອຸປາທາ, ຕໍ ອຕ຺ຖິ ອຸປາທິຓ຺ຓຸປາທານິຍໍ, ອຕ຺ຖິ ອນຸປາທິຓ຺ຓຸປາທານິຍໍ. ຍໍ ຕໍ ຣູປໍ ໂນ ອຸປາທາ, ຕໍ ອຕ຺ຖິ ອຸປາທິຓ຺ຓຸປາທານິຍໍ, ອຕ຺ຖິ ອນຸປາທິຓ຺ຓຸປາທານິຍໍ.

ຍໍ ຕໍ ຣູປໍ ອຸປາທາ, ຕໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ. ຍໍ ຕໍ ຣູປໍ ໂນ ອຸປາທາ, ຕໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ.

ຍໍ ຕໍ ຣູປໍ ອຸປາທາ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ. ຍໍ ຕໍ ຣູປໍ ໂນ ອຸປາທາ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ.

ຍໍ ຕໍ ຣູປໍ ອຸປາທາ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ. ຍໍ ຕໍ ຣູປໍ ໂນ ອຸປາທາ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ.

ຍໍ ຕໍ ຣູປໍ ອຸປາທິຓ຺ຓໍ, ຕໍ ອຕ຺ຖິ ສນິທສ຺ສນໍ, ອຕ຺ຖິ ອນິທສ຺ສນໍ. ຍໍ ຕໍ ຣູປໍ ອນຸປາທິຓ຺ຓໍ, ຕໍ ອຕ຺ຖິ ສນິທສ຺ສນໍ, ອຕ຺ຖິ ອນິທສ຺ສນໍ.

ຍໍ ຕໍ ຣູປໍ ອຸປາທິຓ຺ຓໍ, ຕໍ ອຕ຺ຖິ ສປ຺ປຏິຆໍ ອຕ຺ຖິ ອປ຺ປຏິຆໍ. ຍໍ ຕໍ ຣູປໍ ອນຸປາທິຓ຺ຓໍ, ຕໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ.

ຍໍ ຕໍ ຣູປໍ ອຸປາທິຓ຺ຓໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ. ຍໍ ຕໍ ຣູປໍ ອນຸປາທິຓ຺ຓໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ.

ຍໍ ຕໍ ຣູປໍ ອຸປາທິຓ຺ຓໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ. ຍໍ ຕໍ ຣູປໍ ອນຸປາທິຓ຺ຓໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ.

ຍໍ ຕໍ ຣູປໍ ອຸປາທິຓ຺ຓໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ. ຍໍ ຕໍ ຣູປໍ ອນຸປາທິຓ຺ຓໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ.

ຍໍ ຕໍ ຣູປໍ ອຸປາທິຓ຺ຓຸປາທານິຍໍ, ຕໍ ອຕ຺ຖິ ສນິທສ຺ສນໍ, ອຕ຺ຖິ ອນິທສ຺ສນໍ. ຍໍ ຕໍ ຣູປໍ ອນຸປາທິຓ຺ຓຸປາທານິຍໍ, ຕໍ ອຕ຺ຖິ ສນິທສ຺ສນໍ, ອຕ຺ຖິ ອນິທສ຺ສນໍ.

ຍໍ ຕໍ ຣູປໍ ອຸປາທິຓ຺ຓຸປາທານິຍໍ, ຕໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ. ຍໍ ຕໍ ຣູປໍ ອນຸປາທິຓ຺ຓຸປາທານິຍໍ, ຕໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ.

ຍໍ ຕໍ ຣູປໍ ອຸປາທິຓ຺ຓຸປາທານິຍໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ. ຍໍ ຕໍ ຣູປໍ ອນຸປາທິຓ຺ຓຸປາທານິຍໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ.

ຍໍ ຕໍ ຣູປໍ ອຸປາທິຓ຺ຓຸປາທານິຍໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ. ຍໍ ຕໍ ຣູປໍ ອນຸປາທິຓ຺ຓຸປາທານິຍໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ.

ຍໍ ຕໍ ຣູປໍ ອຸປາທິຓ຺ຓຸປາທານິຍໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ. ຍໍ ຕໍ ຣູປໍ ອນຸປາທິຓ຺ຓຸປາທານິຍໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ.

ຍໍ ຕໍ ຣູປໍ ສປ຺ປຏິຆໍ, ຕໍ ອຕ຺ຖິ ອິນ຺ທ຺ຣິຍໍ, ອຕ຺ຖິ ນ ອິນ຺ທ຺ຣິຍໍ. ຍໍ ຕໍ ຣູປໍ ອປ຺ປຏິຆໍ, ຕໍ ອຕ຺ຖິ ອິນ຺ທ຺ຣິຍໍ, ອຕ຺ຖິ ນ ອິນ຺ທ຺ຣິຍໍ.

ຍໍ ຕໍ ຣູປໍ ສປ຺ປຏິຆໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ. ຍໍ ຕໍ ຣູປໍ ອປ຺ປຏິຆໍ, ຕໍ ອຕ຺ຖິ ມຫາຠູຕໍ, ອຕ຺ຖິ ນ ມຫາຠູຕໍ.

ຍໍ ຕໍ ຣູປໍ ອິນ຺ທ຺ຣິຍໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ. ຍໍ ຕໍ ຣູປໍ ນ ອິນ຺ທ຺ຣິຍໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ.

ຍໍ ຕໍ ຣູປໍ ອິນ຺ທ຺ຣິຍໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ. ຍໍ ຕໍ ຣູປໍ ນ ອິນ຺ທ຺ຣິຍໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ.

ຍໍ ຕໍ ຣູປໍ ມຫາຠູຕໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ. ຍໍ ຕໍ ຣູປໍ ນ ມຫາຠູຕໍ, ຕໍ ອຕ຺ຖິ ໂອຬາຣິກໍ, ອຕ຺ຖິ ສຸຂຸມໍ.

ຍໍ ຕໍ ຣູປໍ ມຫາຠູຕໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ. ຍໍ ຕໍ ຣູປໍ ນ ມຫາຠູຕໍ, ຕໍ ອຕ຺ຖິ ທູເຣ, ອຕ຺ຖິ ສນ຺ຕິເກ.

ທິຏ຺ຐໍ ສຸຕໍ ມຸຕໍ ວິຎ຺ຎາຕໍ ຣູປໍ.

ເອວໍ ຈຕຸພ຺ພິເຘນ ຣູປສງ຺ຄໂຫ.

ຈຕຸກ຺ກໍ.

ປຎ຺ຈກໍ

ປຎ຺ຈວິເຘນ ຣູປສງ຺ຄໂຫ –

໕໘໗. ປຖວີຘາຕຸ, ອາໂປຘາຕຸ, ເຕໂຊຘາຕຸ, ວາໂຍຘາຕຸ, ຍຎ຺ຈ ຣູປໍ ອຸປາທາ.

ເອວໍ ປຎ຺ຈວິເຘນ ຣູປສງ຺ຄໂຫ.

ປຎ຺ຈກໍ.

ຉກ຺ກໍ

ຉພ຺ພິເຘນ ຣູປສງ຺ຄໂຫ –

໕໘໘. ຈກ຺ຂຸວິຎ຺ເຎຍ຺ຍໍ ຣູປໍ, ໂສຕວິຎ຺ເຎຍ຺ຍໍ ຣູປໍ, ຆານວິຎ຺ເຎຍ຺ຍໍ ຣູປໍ, ຊິວ຺ຫາວິຎ຺ເຎຍ຺ຍໍ ຣູປໍ, ກາຍວິຎ຺ເຎຍ຺ຍໍ ຣູປໍ, ມໂນວິຎ຺ເຎຍ຺ຍໍ ຣູປໍ.

ເອວໍ ຉພ຺ພິເຘນ ຣູປສງ຺ຄໂຫ.

ຉກ຺ກໍ.

ສຕ຺ຕກໍ

ສຕ຺ຕວິເຘນ ຣູປສງ຺ຄໂຫ –

໕໘໙. ຈກ຺ຂຸວິຎ຺ເຎຍ຺ຍໍ ຣູປໍ, ໂສຕວິຎ຺ເຎຍ຺ຍໍ ຣູປໍ, ຆານວິຎ຺ເຎຍ຺ຍໍ ຣູປໍ, ຊິວ຺ຫາວິຎ຺ເຎຍ຺ຍໍ ຣູປໍ, ກາຍວິຎ຺ເຎຍ຺ຍໍ ຣູປໍ, ມໂນຘາຕຸວິຎ຺ເຎຍ຺ຍໍ ຣູປໍ, ມໂນວິຎ຺ຎາຓຘາຕຸວິຎ຺ເຎຍ຺ຍໍ ຣູປໍ.

ເອວໍ ສຕ຺ຕວິເຘນ ຣູປສງ຺ຄໂຫ.

ສຕ຺ຕກໍ.

ອຏ຺ຐກໍ

ອຏ຺ຐວິເຘນ ຣູປສງ຺ຄໂຫ –

໕໙໐. ຈກ຺ຂຸວິຎ຺ເຎຍ຺ຍໍ ຣູປໍ, ໂສຕວິຎ຺ເຎຍ຺ຍໍ ຣູປໍ, ຆານວິຎ຺ເຎຍ຺ຍໍ ຣູປໍ, ຊິວ຺ຫາວິຎ຺ເຎຍ຺ຍໍ ຣູປໍ, ກາຍວິຎ຺ເຎຍ຺ຍໍ ຣູປໍ, ອຕ຺ຖິ ສຸຂສມ຺ຜສ຺ສໍ, ອຕ຺ຖິ ທຸກ຺ຂສມ຺ຜສ຺ສໍ, ມໂນຘາຕຸວິຎ຺ເຎຍ຺ຍໍ ຣູປໍ, ມໂນວິຎ຺ຎາຓຘາຕຸວິຎ຺ເຎຍ຺ຍໍ ຣູປໍ.

ເອວໍ ອຏ຺ຐວິເຘນ ຣູປສງ຺ຄໂຫ.

ອຏ຺ຐກໍ.

ນວກໍ

ນວວິເຘນ ຣູປສງ຺ຄໂຫ –

໕໙໑. ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ ກາຍິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ, ປຸຣິສິນ຺ທ຺ຣິຍໍ, ຊີວິຕິນ຺ທ຺ຣິຍໍ, ຍຎ຺ຈ ຣູປໍ ນ ອິນ຺ທ຺ຣິຍໍ.

ເອວໍ ນວວິເຘນ ຣູປສງ຺ຄໂຫ.

ນວກໍ.

ທສກໍ

ທສວິເຘນ ຣູປສງ຺ຄໂຫ –

໕໙໒. ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ ກາຍິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ, ປຸຣິສິນ຺ທ຺ຣິຍໍ, ຊີວິຕິນ຺ທ຺ຣິຍໍ, ນ ອິນ຺ທ຺ຣິຍໍ ຣູປໍ ອຕ຺ຖິ ສປ຺ປຏິຆໍ, ອຕ຺ຖິ ອປ຺ປຏິຆໍ.

ເອວໍ ທສວິເຘນ ຣູປສງ຺ຄໂຫ.

ທສກໍ.

ເອກາທສກໍ

ເອກາທສວິເຘນ ຣູປສງ຺ຄໂຫ –

໕໙໓. ຈກ຺ຂາຍຕນໍ, ໂສຕາຍຕນໍ, ຆານາຍຕນໍ, ຊິວ຺ຫາຍຕນໍ, ກາຍາຍຕນໍ, ຣູປາຍຕນໍ, ສທ຺ທາຍຕນໍ, ຄນ຺ຘາຍຕນໍ, ຣສາຍຕນໍ, ໂຜຏ຺ຐພ຺ພາຍຕນໍ, ຍຎ຺ຈ ຣູປໍ ອນິທສ຺ສນອປ຺ປຏິຆໍ [ອນິທສ຺ສນໍ ອປ຺ປຏິຆໍ (ສີ. ສ຺ຍາ.)] ຘມ຺ມາຍຕນປຣິຍາປນ຺ນໍ.

ເອວໍ ເອກາທສວິເຘນ ຣູປສງ຺ຄໂຫ.

ເອກາທສກໍ.