໔. ສຈ຺ຈາທິ

໒໓໕. ສມຸທຍສຈ຺ຈໍ… ມຄ຺ຄສຈ຺ຈໍ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕໍ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໓໖. ນິໂຣຘສຈ຺ຈໍ… ຈກ຺ຂຸນ຺ທ຺ຣິຍໍ…ເປ… ກາຍິນ຺ທ຺ຣິຍໍ… ອິຕ຺ຖິນ຺ທ຺ຣິຍໍ… ປຸຣິສິນ຺ທ຺ຣິຍໍ…ເປ… ສມ຺ປຍຸຕ຺ຕນ຺ຕິ? ນຕ຺ຖິ. ກຕິຫິ ວິປ຺ປຍຸຕ຺ຕໍ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໓໗. ມນິນ຺ທ຺ຣິຍໍ ຕີຫິ ຂນ຺ເຘຫິ ສມ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໓໘. ສຸຂິນ຺ທ຺ຣິຍໍ… ທຸກ຺ຂິນ຺ທ຺ຣິຍໍ… ໂສມນສ຺ສິນ຺ທ຺ຣິຍໍ… ໂທມນສ຺ສິນ຺ທ຺ຣິຍໍ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໓໙. ອຸເປກ຺ຂິນ຺ທ຺ຣິຍໍ ຕີຫິ ຂນ຺ເຘຫິ ເອເກນາຍຕເນນ ຉຫິ ຘາຕູຫິ ສມ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ເອກາທສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໔໐. ສທ຺ຘິນ຺ທ຺ຣິຍໍ… ວີຣິຍິນ຺ທ຺ຣິຍໍ… ສຕິນ຺ທ຺ຣິຍໍ… ສມາຘິນ຺ທ຺ຣິຍໍ… ປຎ຺ຎິນ຺ທ຺ຣິຍໍ… ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ… ອຎ຺ຎິນ຺ທ຺ຣິຍໍ… ອຎ຺ຎາຕາວິນ຺ທ຺ຣິຍໍ… ອວິຊ຺ຊາ… ອວິຊ຺ຊາປຈ຺ຈຍາ ສງ຺ຂາຣາ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕາ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ. ກຕິຫິ ວິປ຺ປຍຸຕ຺ຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໒໔໑. ສງ຺ຂາຣປຈ຺ຈຍາ ວິຎ຺ຎາຓໍ ຕີຫິ ຂນ຺ເຘຫິ ສມ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໔໒. ສຬາຍຕນປຈ຺ຈຍາ ຜສ຺ໂສ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ໂຕ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໔໓. ຜສ຺ສປຈ຺ຈຍາ ເວທນາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ. ກຕິຫິ ວິປ຺ປຍຸຕ຺ຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໒໔໔. ເວທນາປຈ຺ຈຍາ ຕຓ຺ຫາ… ຕຓ຺ຫາປຈ຺ຈຍາ ອຸປາທານໍ… ກມ຺ມຠໂວ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ໂຕ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໔໕. ຣູປຠໂວ…ເປ… ສມ຺ປຍຸຕ຺ໂຕຕິ? ນຕ຺ຖິ. ກຕິຫິ ວິປ຺ປຍຸຕ຺ໂຕ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຕີຫິ ຘາຕູຫິ ວິປ຺ປຍຸຕ຺ໂຕ.

໒໔໖. ອຣູປຠໂວ… ເນວສຎ຺ຎານາສຎ຺ຎາຠໂວ… ຈຕຸໂວກາຣຠໂວ…ເປ… ສມ຺ປຍຸຕ຺ໂຕຕິ? ນຕ຺ຖິ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໔໗. ອສຎ຺ຎາຠໂວ… ເອກໂວກາຣຠໂວ… ປຣິເທໂວ…ເປ… ສມ຺ປຍຸຕ຺ໂຕຕິ? ນຕ຺ຖິ. ກຕິຫິ ວິປ຺ປຍຸຕ຺ໂຕ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໔໘. ໂສໂກ… ທຸກ຺ຂໍ… ໂທມນສ຺ສໍ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໔໙. ອຸປາຍາໂສ… ສຕິປຏ຺ຐານໍ… ສມ຺ມປ຺ປຘານໍ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕໍ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໕໐. ອິທ຺ຘິປາໂທ ທ຺ວີຫິ ຂນ຺ເຘຫິ ສມ຺ປຍຸຕ຺ໂຕ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໕໑. ຌານໍ ທ຺ວີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ຕໍ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໕໒. ອປ຺ປມຎ຺ຎາ… ປຎ຺ຈິນ຺ທ຺ຣິຍານິ… ປຎ຺ຈ ພລານິ… ສຕ຺ຕ ໂພຊ຺ຌງ຺ຄາ… ອຣິໂຍ ອຏ຺ຐງ຺ຄິໂກ ມຄ຺ໂຄ ຕີຫິ ຂນ຺ເຘຫິ ເອເກນາຍຕເນນ ເອກາຍ ຘາຕຸຍາ ສມ຺ປຍຸຕ຺ໂຕ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໕໓. ຜສ຺ໂສ … ເຈຕນາ… ມນສິກາໂຣ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ໂຕ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໕໔. ເວທນາ… ສຎ຺ຎາ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕາ. ກຕິຫິ ວິປ຺ປຍຸຕ຺ຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕາ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕາ.

໒໕໕. ຈິຕ຺ຕໍ ຕີຫິ ຂນ຺ເຘຫິ ສມ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ຕໍ. ກຕິຫິ ວິປ຺ປຍຸຕ຺ຕໍ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ຕໍ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ຕໍ.

໒໕໖. ອຘິໂມກ຺ໂຂ ຕີຫິ ຂນ຺ເຘຫິ ເອເກນາຍຕເນນ ທ຺ວີຫິ ຘາຕູຫິ ສມ຺ປຍຸຕ຺ໂຕ; ເອເກນ ຂນ຺ເຘນ ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.