໑. ຂນ຺ໂຘ

໒໒໘. ຣູປກ຺ຂນ຺ໂຘ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສມ຺ປຍຸຕ຺ໂຕຕິ? ນຕ຺ຖິ. ກຕິຫິ ວິປ຺ປຍຸຕ຺ໂຕ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໒໙. ເວທນາກ຺ຂນ຺ໂຘ… ສຎ຺ຎາກ຺ຂນ຺ໂຘ… ສງ຺ຂາຣກ຺ຂນ຺ໂຘ ຕີຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ສມ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.

໒໓໐. ວິຎ຺ຎາຓກ຺ຂນ຺ໂຘ ຕີຫິ ຂນ຺ເຘຫິ ສມ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ສມ຺ປຍຸຕ຺ໂຕ. ກຕິຫິ ວິປ຺ປຍຸຕ຺ໂຕ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ວິປ຺ປຍຸຕ຺ໂຕ; ເອເກນາຍຕເນນ ເອກາຍ ຘາຕຸຍາ ເກຫິຈິ ວິປ຺ປຍຸຕ຺ໂຕ.