໑໔. ຈຸທ຺ທສມນໂຍ

໑໔. ວິປ຺ປຍຸຕ຺ເຕນສງ຺ຄຫິຕາສງ຺ຄຫິຕປທນິທ຺ເທໂສ

໑. ຂນ຺ຘາທິ

໔໕໖. ຣູປກ຺ຂນ຺ເຘນ ເຍ ຘມ຺ມາ ວິປ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໕໗. ເວທນາກ຺ຂນ຺ເຘນ ເຍ ຘມ຺ມາ… ສຎ຺ຎາກ຺ຂນ຺ເຘນ ເຍ ຘມ຺ມາ… ສງ຺ຂາຣກ຺ຂນ຺ເຘນ ເຍ ຘມ຺ມາ… ວິຎ຺ຎາຓກ຺ຂນ຺ເຘນ ເຍ ຘມ຺ມາ… ມນາຍຕເນນ ເຍ ຘມ຺ມາ… ມນິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໔໕໘. ຈກ຺ຂາຍຕເນນ ເຍ ຘມ຺ມາ…ເປ… ໂຜຏ຺ຐພ຺ພາຍຕເນນ ເຍ ຘມ຺ມາ… ຈກ຺ຂຸຘາຕຸຍາ ເຍ ຘມ຺ມາ…ເປ… ໂຜຏ຺ຐພ຺ພຘາຕຸຍາ ເຍ ຘມ຺ມາ ວິປ຺ປຍຸຕ຺ຕາ…ເປ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໕໙. ຈກ຺ຂຸວິຎ຺ຎາຓຘາຕຸຍາ ເຍ ຘມ຺ມາ… ໂສຕວິຎ຺ຎາຓຘາຕຸຍາ ເຍ ຘມ຺ມາ… ຆານວິຎ຺ຎາຓຘາຕຸຍາ ເຍ ຘມ຺ມາ… ຊິວ຺ຫາວິຎ຺ຎາຓຘາຕຸຍາ ເຍ ຘມ຺ມາ… ກາຍວິຎ຺ຎາຓຘາຕຸຍາ ເຍ ຘມ຺ມາ… ມໂນຘາຕຸຍາ ເຍ ຘມ຺ມາ… ມໂນວິຎ຺ຎາຓຘາຕຸຍາ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ, ເອກາຍ ຘາຕຸຍາ ອສງ຺ຄຫິຕາ.

໒. ສຈ຺ຈາທິ

໔໖໐. ທຸກ຺ຂສຈ຺ເຈນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໖໑. ສມຸທຍສຈ຺ເຈນ ເຍ ຘມ຺ມາ… ມຄ຺ຄສຈ຺ເຈນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໖໒. ນິໂຣຘສຈ຺ເຈນ ເຍ ຘມ຺ມາ… ຈກ຺ຂຸນ຺ທ຺ຣິເຍນ ເຍ ຘມ຺ມາ … ກາຍິນ຺ທ຺ຣິເຍນ ເຍ ຘມ຺ມາ… ອິຕ຺ຖິນ຺ທ຺ຣິເຍນ ເຍ ຘມ຺ມາ… ປຸຣິສິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໖໓. ສຸຂິນ຺ທ຺ຣິເຍນ ເຍ ຘມ຺ມາ… ທຸກ຺ຂິນ຺ທ຺ຣິເຍນ ເຍ ຘມ຺ມາ… ໂສມນສ຺ສິນ຺ທ຺ຣິເຍນ ເຍ ຘມ຺ມາ… ໂທມນສ຺ສິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໖໔. ອຸເປກ຺ຂິນ຺ທ຺ຣິເຍນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ເຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕາ.

໔໖໕. ສທ຺ຘິນ຺ທ຺ຣິເຍນ ເຍ ຘມ຺ມາ… ວີຣິຍິນ຺ທ຺ຣິເຍນ ເຍ ຘມ຺ມາ… ສຕິນ຺ທ຺ຣິເຍນ ເຍ ຘມ຺ມາ… ສມາຘິນ຺ທ຺ຣິເຍນ ເຍ ຘມ຺ມາ… ປຎ຺ຎິນ຺ທ຺ຣິເຍນ ເຍ ຘມ຺ມາ… ອນຎ຺ຎາຕຎ຺ຎສ຺ສາມີຕິນ຺ທ຺ຣິເຍນ ເຍ ຘມ຺ມາ… ອຎ຺ຎິນ຺ທ຺ຣິເຍນ ເຍ ຘມ຺ມາ… ອຎ຺ຎາຕາວິນ຺ທ຺ຣິເຍນ ເຍ ຘມ຺ມາ… ອວິຊ຺ຊາຍ ເຍ ຘມ຺ມາ… ອວິຊ຺ຊາປຈ຺ຈຍາ ສງ຺ຂາເຣຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໖໖. ສງ຺ຂາຣປຈ຺ຈຍາ ວິຎ຺ຎາເຓນ ເຍ ຘມ຺ມາ… ສຬາຍຕນປຈ຺ຈຍາ ຜສ຺ເສນ ເຍ ຘມ຺ມາ… ຜສ຺ສປຈ຺ຈຍາ ເວທນາຍ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໔໖໗. ເວທນາປຈ຺ຈຍາ ຕຓ຺ຫາຍ ເຍ ຘມ຺ມາ… ຕຓ຺ຫາປຈ຺ຈຍາ ອຸປາທາເນນ ເຍ ຘມ຺ມາ… ກມ຺ມຠເວນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໖໘. ອຸປປຕ຺ຕິຠເວນ ເຍ ຘມ຺ມາ… ສຎ຺ຎາຠເວນ ເຍ ຘມ຺ມາ… ປຎ຺ຈໂວກາຣຠເວນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໔໖໙. ກາມຠເວນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ປຎ຺ຈຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ເຕຣສຫິ ຘາຕູຫິ ອສງ຺ຄຫິຕາ.

໔໗໐. ຣູປຠເວນ ເຍ ຘມ຺ມາ… ອສຎ຺ຎາຠເວນ ເຍ ຘມ຺ມາ… ເອກໂວກາຣຠເວນ ເຍ ຘມ຺ມາ… ປຣິເທເວນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໗໑. ອຣູປຠເວນ ເຍ ຘມ຺ມາ… ເນວສຎ຺ຎານາສຎ຺ຎາຠເວນ ເຍ ຘມ຺ມາ… ຈຕຸໂວກາຣຠເວນ ເຍ ຘມ຺ມາ… ໂສເກນ ເຍ ຘມ຺ມາ… ທຸກ຺ເຂນ ເຍ ຘມ຺ມາ… ໂທມນສ຺ເສນ ເຍ ຘມ຺ມາ… ອຸປາຍາເສນ ເຍ ຘມ຺ມາ… ສຕິປຏ຺ຐາເນນ ເຍ ຘມ຺ມາ… ສມ຺ມປ຺ປຘາເນນ ເຍ ຘມ຺ມາ… ອິທ຺ຘິປາເທນ ເຍ ຘມ຺ມາ… ຌາເນນ ເຍ ຘມ຺ມາ… ອປ຺ປມຎ຺ຎາຍ ເຍ ຘມ຺ມາ… ປຎ຺ຈຫິ ອິນ຺ທ຺ຣິເຍຫິ ເຍ ຘມ຺ມາ… ປຎ຺ຈຫິ ພເລຫິ ເຍ ຘມ຺ມາ … ສຕ຺ຕຫິ ໂພຊ຺ຌງ຺ເຄຫິ ເຍ ຘມ຺ມາ… ອຣິເຍນ ອຏ຺ຐງ຺ຄິເກນ ມຄ຺ເຄນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໓. ຜສ຺ສາທິສຕ຺ຕກໍ

໔໗໒. ຜສ຺ເສນ ເຍ ຘມ຺ມາ… ເວທນາຍ ເຍ ຘມ຺ມາ… ສຎ຺ຎາຍ ເຍ ຘມ຺ມາ… ເຈຕນາຍ ເຍ ຘມ຺ມາ… ຈິຕ຺ເຕນ ເຍ ຘມ຺ມາ… ມນສິກາເຣນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໔໗໓. ອຘິໂມກ຺ເຂນ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ອສງ຺ຄຫິຕາ.

໔. ຕິກໍ

໔໗໔. ກຸສເລຫິ ຘມ຺ເມຫິ ເຍ ຘມ຺ມາ… ອກຸສເລຫິ ຘມ຺ເມຫິ ເຍ ຘມ຺ມາ… ສຸຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ທຸກ຺ຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໗໕. ອພ຺ຍາກເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໗໖. ອທຸກ຺ຂມສຸຂາຍ ເວທນາຍ ສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ວິປາເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ເຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕາ.

໔໗໗. ວິປາກຘມ຺ມຘມ຺ເມຫິ ເຍ ຘມ຺ມາ… ສໍກິລິຏ຺ຐສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໗໘. ເນວວິປາກນວິປາກຘມ຺ມຘມ຺ເມຫິ ເຍ ຘມ຺ມາ… ອນຸປາທິນ຺ນຸປາທານິເຍຫິ ຘມ຺ເມຫິ ເຍ ຘມ຺ມາ… ອນຸປາທິນ຺ນອນຸປາທານິເຍຫິ ຘມ຺ເມຫິ ເຍ ຘມ຺ມາ… ອສໍກິລິຏ຺ຐອສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໗໙. ອຸປາທິນ຺ນຸປາທານິເຍຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໔໘໐. ອສໍກິລິຏ຺ຐສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໘໑. ສວິຕກ຺ກສວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ອສງ຺ຄຫິຕາ.

໔໘໒. ອວິຕກ຺ກວິຈາຣມຕ຺ເຕຫິ ຘມ຺ເມຫິ ເຍ ຘມ຺ມາ… ປີຕິສຫຄເຕຫິ ຘມ຺ເມຫິ ເຍ ຘມ຺ມາ… ສຸຂສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໘໓. ອວິຕກ຺ກອວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໔໘໔. ອຸເປກ຺ຂາສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ເຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕາ.

໔໘໕. ທສ຺ສເນນ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ທສ຺ສເນນ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ອາຈຍຄາມີຫິ ຘມ຺ເມຫິ ເຍ ຘມ຺ມາ… ອປຈຍຄາມີຫິ ຘມ຺ເມຫິ ເຍ ຘມ຺ມາ… ເສກ຺ເຂຫິ ຘມ຺ເມຫິ ເຍ ຘມ຺ມາ… ອເສກ຺ເຂຫິ ຘມ຺ເມຫິ ເຍ ຘມ຺ມາ… ມຫຄ຺ຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໘໖. ເນວ ທສ຺ສເນນ ນ ຠາວນາຍ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ເນວ ທສ຺ສເນນ ນ ຠາວນາຍ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ເນວາຈຍຄາມິນາປຈຍຄາມີຫິ ຘມ຺ເມຫິ ເຍ ຘມ຺ມາ… ເນວເສກ຺ຂນາເສກ຺ເຂຫິ ຘມ຺ເມຫິ ເຍ ຘມ຺ມາ… ປຣິຕ຺ເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໘໗. ອປ຺ປມາເຓຫິ ຘມ຺ເມຫິ ເຍ ຘມ຺ມາ… ປຓີເຕຫິ ຘມ຺ເມຫິ ເຍ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໘໘. ປຣິຕ຺ຕາຣມ຺ມເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ທ຺ວາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ອສງ຺ຄຫິຕາ.

໔໘໙. ມຫຄ຺ຄຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ອປ຺ປມາຓາຣມ຺ມເຓຫິ ຘມ຺ເມຫິ ເຍ ຘມ຺ມາ… ຫີເນຫິ ຘມ຺ເມຫິ ເຍ ຘມ຺ມາ… ມິຈ຺ຉຕ຺ຕນິຍເຕຫິ ຘມ຺ເມຫິ ເຍ ຘມ຺ມາ… ສມ຺ມຕ຺ຕນິຍເຕຫິ ຘມ຺ເມຫິ ເຍ ຘມ຺ມາ… ມຄ຺ຄາຣມ຺ມເຓຫິ ຘມ຺ເມຫິ ເຍ ຘມ຺ມາ… ມຄ຺ຄເຫຕຸເກຫິ ຘມ຺ເມຫິ ເຍ ຘມ຺ມາ… ມຄ຺ຄາຘິປຕີຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໙໐. ມຊ຺ຌິເມຫິ ຘມ຺ເມຫິ ເຍ ຘມ຺ມາ… ອນິຍເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໙໑. ອຸປ຺ປນ຺ເນຫິ ຘມ຺ເມຫິ ເຍ ຘມ຺ມາ… ອນຸປ຺ປນ຺ເນຫິ ຘມ຺ເມຫິ ເຍ ຘມ຺ມາ… ອຸປ຺ປາທີຫິ ຘມ຺ເມຫິ ເຍ ຘມ຺ມາ… ອຕີເຕຫິ ຘມ຺ເມຫິ ເຍ ຘມ຺ມາ… ອນາຄເຕຫິ ຘມ຺ເມຫິ ເຍ ຘມ຺ມາ… ປຈ຺ຈຸປ຺ປນ຺ເນຫິ ຘມ຺ເມຫິ ເຍ ຘມ຺ມາ… ອຊ຺ຌຕ຺ເຕຫິ ຘມ຺ເມຫິ ເຍ ຘມ຺ມາ… ພຫິທ຺ຘາຫິ ຘມ຺ເມຫິ ເຍ ຘມ຺ມາ… ສນິທສ຺ສນສປ຺ປຏິເຆຫິ ຘມ຺ເມຫິ ເຍ ຘມ຺ມາ… ອນິທສ຺ສນສປ຺ປຏິເຆຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໙໒. ອຕີຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ອນາຄຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ອຊ຺ຌຕ຺ຕາຣມ຺ມເຓຫິ ຘມ຺ເມຫິ ເຍ ຘມ຺ມາ… ພຫິທ຺ຘາຣມ຺ມເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໙໓. ປຈ຺ຈຸປ຺ປນ຺ນາຣມ຺ມເຓຫິ ຘມ຺ເມຫິ ເຍ ຘມ຺ມາ… ອຊ຺ຌຕ຺ຕພຫິທ຺ຘາຣມ຺ມເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ທ຺ວາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ຉຫິ ຘາຕູຫິ ອສງ຺ຄຫິຕາ.

໕. ທຸກໍ

໔໙໔. ເຫຕູຫິ ຘມ຺ເມຫິ ເຍ ຘມ຺ມາ… ສເຫຕຸເກຫິ ຘມ຺ເມຫິ ເຍ ຘມ຺ມາ… ເຫຕຸສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ເຫຕູຫິ ເຈວ ສເຫຕຸເກຫິ ຈ ຘມ຺ເມຫິ ເຍ ຘມ຺ມາ… ສເຫຕຸເກຫິ ເຈວ ນ ຈ ເຫຕູຫິ ຘມ຺ເມຫິ ເຍ ຘມ຺ມາ… ເຫຕູຫິ ເຈວ ເຫຕຸສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ… ເຫຕຸສມ຺ປຍຸຕ຺ເຕຫິ ເຈວ ນ ຈ ເຫຕູຫິ ຘມ຺ເມຫິ ເຍ ຘມ຺ມາ… ນ ເຫຕຸສເຫຕຸເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໙໕. ອເຫຕຸເກຫິ ຘມ຺ເມຫິ ເຍ ຘມ຺ມາ… ເຫຕຸວິປ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ນ ເຫຕຸອເຫຕຸເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໙໖. ອປ຺ປຈ຺ຈເຍຫິ ຘມ຺ເມຫິ ເຍ ຘມ຺ມາ… ອສງ຺ຂເຕຫິ ຘມ຺ເມຫິ ເຍ ຘມ຺ມາ… ສນິທສ຺ສເນຫິ ຘມ຺ເມຫິ ເຍ ຘມ຺ມາ… ສປ຺ປຏິເຆຫິ ຘມ຺ເມຫິ ເຍ ຘມ຺ມາ… ຣູປີຫິ ຘມ຺ເມຫິ ເຍ ຘມ຺ມາ… ໂລກຸຕ຺ຕເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໔໙໗. ໂລກິເຍຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໔໙໘. ອາສເວຫິ ຘມ຺ເມຫິ ເຍ ຘມ຺ມາ… ອາສວສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ອາສເວຫິ ເຈວ ສາສເວຫິ ຈ ຘມ຺ເມຫິ ເຍ ຘມ຺ມາ… ອາສເວຫິ ເຈວ ອາສວສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ… ອາສວສມ຺ປຍຸຕ຺ເຕຫິ ເຈວ ໂນ ຈ ອາສເວຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໔໙໙. ສາສເວຫິ ຘມ຺ເມຫິ ເຍ ຘມ຺ມາ… ອາສວວິປ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ສາສເວຫິ ເຈວ ໂນ ຈ ອາສເວຫິ ຘມ຺ເມຫິ ເຍ ຘມ຺ມາ… ອາສວວິປ຺ປຍຸຕ຺ເຕຫິ ສາສເວຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໐໐. ອນາສເວຫິ ຘມ຺ເມຫິ ເຍ ຘມ຺ມາ… ອາສວວິປ຺ປຍຸຕ຺ເຕຫິ ອນາສເວຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໕໐໑. ສໍໂຍຊເນຫິ ຘມ຺ເມຫິ ເຍ ຘມ຺ມາ… ຄນ຺ເຖຫິ ຘມ຺ເມຫິ ເຍ ຘມ຺ມາ… ໂອເຆຫິ ຘມ຺ເມຫິ ເຍ ຘມ຺ມາ… ໂຍເຄຫິ ຘມ຺ເມຫິ ເຍ ຘມ຺ມາ… ນີວຣເຓຫິ ຘມ຺ເມຫິ ເຍ ຘມ຺ມາ… ປຣາມາເສຫິ ຘມ຺ເມຫິ ເຍ ຘມ຺ມາ… ປຣາມາສສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ປຣາມາເສຫິ ເຈວ ປຣາມຏ຺ເຐຫິ ຈ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໕໐໒. ປຣາມຏ຺ເຐຫິ ຘມ຺ເມຫິ ເຍ ຘມ຺ມາ… ປຣາມາສວິປ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ປຣາມຏ຺ເຐຫິ ເຈວ ໂນ ຈ ປຣາມາເສຫິ ຘມ຺ເມຫິ ເຍ ຘມ຺ມາ… ປຣາມາສວິປ຺ປຍຸຕ຺ເຕຫິ ປຣາມຏ຺ເຐຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໐໓. ອປຣາມຏ຺ເຐຫິ ຘມ຺ເມຫິ ເຍ ຘມ຺ມາ… ປຣາມາສວິປ຺ປຍຸຕ຺ເຕຫິ ອປຣາມຏ຺ເຐຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໕໐໔. ສາຣມ຺ມເຓຫິ ຘມ຺ເມຫິ ເຍ ຘມ຺ມາ… ຈິຕ຺ເຕຫິ ຘມ຺ເມຫິ ເຍ ຘມ຺ມາ… ເຈຕສິເກຫິ ຘມ຺ເມຫິ ເຍ ຘມ຺ມາ… ຈິຕ຺ຕສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ເຐຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐາເນຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານສຫຠູຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕີຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ເອເກນ ຂນ຺ເຘນ ເອກາທສຫາຍຕເນຫິ ເອກາທສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ຈຕູຫິ ຂນ຺ເຘຫິ ເອເກນາຍຕເນນ ສຕ຺ຕຫິ ຘາຕູຫິ ອສງ຺ຄຫິຕາ.

໕໐໕. ອນາຣມ຺ມເຓຫິ ຘມ຺ເມຫິ ເຍ ຘມ຺ມາ… ຈິຕ຺ຕວິປ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ຈິຕ຺ຕສໍສຏ຺ເຐຫິ ຘມ຺ເມຫິ ເຍ ຘມ຺ມາ… ອຸປາທາຘມ຺ເມຫິ ເຍ ຘມ຺ມາ… ອນຸປາທິນ຺ເນຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໕໐໖. ອຸປາທິນ຺ເນຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ຕີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ປນ຺ນຣສຫິ ຘາຕູຫິ ອສງ຺ຄຫິຕາ.

໕໐໗. ອຸປາທາເນຫິ ຘມ຺ເມຫິ ເຍ ຘມ຺ມາ… ກິເລເສຫິ ຘມ຺ເມຫິ ເຍ ຘມ຺ມາ… ສໍກິລິຏ຺ເຐຫິ ຘມ຺ເມຫິ ເຍ ຘມ຺ມາ… ກິເລສສມ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ສໍກິເລສິເກຫິ ຈ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ສໍກິລິຏ຺ເຐຫິ ຈ ຘມ຺ເມຫິ ເຍ ຘມ຺ມາ… ສໍກິລິຏ຺ເຐຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ… ກິເລເສຫິ ເຈວ ກິເລສສມ຺ປຍຸຕ຺ເຕຫິ ຈ ຘມ຺ເມຫິ ເຍ ຘມ຺ມາ… ກິເລສສມ຺ປຍຸຕ຺ເຕຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໕໐໘. ສໍກິເລສິເກຫິ ຘມ຺ເມຫິ ເຍ ຘມ຺ມາ… ອສໍກິລິຏ຺ເຐຫິ ຘມ຺ເມຫິ ເຍ ຘມ຺ມາ… ກິເລສວິປ຺ປຍຸຕ຺ເຕຫິ ຘມ຺ເມຫິ ເຍ ຘມ຺ມາ… ສໍກິເລສິເກຫິ ເຈວ ໂນ ຈ ກິເລເສຫິ ຘມ຺ເມຫິ ເຍ ຘມ຺ມາ… ກິເລສວິປ຺ປຍຸຕ຺ເຕຫິ ສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໐໙. ອສໍກິເລສິເກຫິ ຘມ຺ເມຫິ ເຍ ຘມ຺ມາ… ກິເລສວິປ຺ປຍຸຕ຺ເຕຫິ ອສໍກິເລສິເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໕໑໐. ທສ຺ສເນນ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ທສ຺ສເນນ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ຠາວນາຍ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໕໑໑. ນ ທສ຺ສເນນ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ນ ຠາວນາຍ ປຫາຕພ຺ເພຫິ ຘມ຺ເມຫິ ເຍ ຘມ຺ມາ… ນ ທສ຺ສເນນ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ… ນ ຠາວນາຍ ປຫາຕພ຺ພເຫຕຸເກຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໑໒. ສວິຕກ຺ເກຫິ ຘມ຺ເມຫິ ເຍ ຘມ຺ມາ… ສວິຈາເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ສຕ຺ຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ເອກາຍ ຘາຕຸຍາ ອສງ຺ຄຫິຕາ.

໕໑໓. ສປ຺ປີຕິເກຫິ ຘມ຺ເມຫິ ເຍ ຘມ຺ມາ… ປີຕິສຫຄເຕຫິ ຘມ຺ເມຫິ ເຍ ຘມ຺ມາ… ສຸຂສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໕໑໔. ອຸເປກ຺ຂາສຫຄເຕຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ເຕຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ປຎ຺ຈຫິ ຘາຕູຫິ ອສງ຺ຄຫິຕາ.

໕໑໕. ກາມາວຈເຣຫິ ຘມ຺ເມຫິ ເຍ ຘມ຺ມາ… ປຣິຍາປນ຺ເນຫິ ຘມ຺ເມຫິ ເຍ ຘມ຺ມາ… ສອຸຕ຺ຕເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

໕໑໖. ນ ກາມາວຈເຣຫິ ຘມ຺ເມຫິ ເຍ ຘມ຺ມາ… ອປຣິຍາປນ຺ເນຫິ ຘມ຺ເມຫິ ເຍ ຘມ຺ມາ… ອນຸຕ຺ຕເຣຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ອຏ຺ຐຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ທສຫິ ຘາຕູຫິ ອສງ຺ຄຫິຕາ.

໕໑໗. ຣູປາວຈເຣຫິ ຘມ຺ເມຫິ ເຍ ຘມ຺ມາ… ອຣູປາວຈເຣຫິ ຘມ຺ເມຫິ ເຍ ຘມ຺ມາ… ນິຍ຺ຍານິເກຫິ ຘມ຺ເມຫິ ເຍ ຘມ຺ມາ… ນິຍເຕຫິ ຘມ຺ເມຫິ ເຍ ຘມ຺ມາ … ສຣເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ… ເຕ ຘມ຺ມາ ອສງ຺ຂຕໍ ຂນ຺ຘໂຕ ຐເປຕ຺ວາ ປຎ຺ຈຫິ ຂນ຺ເຘຫິ ທ຺ວາທສຫາຍຕເນຫິ ອຏ຺ຐາຣສຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ນ ເກຫິຈິ ຂນ຺ເຘຫິ ນ ເກຫິຈິ ອາຍຕເນຫິ ນ ກາຫິຈິ ຘາຕູຫິ ອສງ຺ຄຫິຕາ.

໕໑໘. ນ ຣູປາວຈເຣຫິ ຘມ຺ເມຫິ ເຍ ຘມ຺ມາ… ນ ອຣູປາວຈເຣຫິ ຘມ຺ເມຫິ ເຍ ຘມ຺ມາ… ອນິຍ຺ຍານິເກຫິ ຘມ຺ເມຫິ ເຍ ຘມ຺ມາ… ອນິຍເຕຫິ ຘມ຺ເມຫິ ເຍ ຘມ຺ມາ… ອຣເຓຫິ ຘມ຺ເມຫິ ເຍ ຘມ຺ມາ ວິປ຺ປຍຸຕ຺ຕາ, ເຕ ຘມ຺ມາ ກຕິຫິ ຂນ຺ເຘຫິ ກຕິຫາຍຕເນຫິ ກຕິຫິ ຘາຕູຫິ ສງ຺ຄຫິຕາ? ເຕ ຘມ຺ມາ ຈຕູຫິ ຂນ຺ເຘຫິ ທ຺ວີຫາຍຕເນຫິ ທ຺ວີຫິ ຘາຕູຫິ ສງ຺ຄຫິຕາ. ກຕິຫິ ອສງ຺ຄຫິຕາ? ເອເກນ ຂນ຺ເຘນ ທສຫາຍຕເນຫິ ໂສຬສຫິ ຘາຕູຫິ ອສງ຺ຄຫິຕາ.

ຘມ຺ມາຍຕນໍ ຘມ຺ມຘາຕຸ, ອຖ ຊີວິຕໍ ນາມຣູປໍ;

ສຬາຍຕນໍ ຊາຕິຊຣາມຕໍ, ທ຺ເວ ຈ ຕິເກ ນ ລພ຺ຠເຣ.

ປຐມນ຺ຕເຣ ສຕ຺ຕ ຈ, ໂຄຈ຺ຉເກ ທສ ອປຣນ຺ເຕ;

ຈຸທ຺ທສ ຉ ຈ ມຕ຺ຖເກ, ອິຈ຺ເຈເຕ ສຕ຺ຕຈຕ຺ຕາລີສ ຘມ຺ມາ;

ສມຸຈ຺ເຉເທ ນ ລພ຺ຠນ຺ຕິ, ໂມຆປຸຈ຺ຉເກນ ຈາຕິ.

ວິປ຺ປຍຸຕ຺ເຕນສງ຺ຄຫິຕາສງ຺ຄຫິຕປທນິທ຺ເທໂສ ຈຸທ຺ທສໂມ.

ຘາຕຸກຖາປກຣຓໍ ນິຏ຺ຐິຕໍ.