ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

ວຸຕ຺ໂຕທຍໍ

໑. ສຎ຺ຎາປຣິຠາສານິທ຺ເທສ-ປຐມປຣິຈ຺ເຉທ

ຣຕນຕ຺ຕຍປ຺ປຓາມ

໑. ນມ’ຕ຺ຖຸ ຊນ ສນ຺ຕານ, ຕມ ສນ຺ຕານ ເຠທິໂນ;

ຘມ຺ມຸ’ຊ຺ຊລນ຺ຕ ຣຸຈິໂນ, ມຸນິນ຺ໂທ’ທາຕ ໂຣຈິໂນ.

ນິມິຕ຺ຕ

໒. ປິງ຺ຄລາ’ຈຣິຍາທີຫິ, ຉນ຺ທໍ ຍ ມຸທິຕໍ ປຸຣາ;

ສຸທ຺ຘມາຄຘິການໍ ຕໍ, ນ ສາເຘຕິ ຍຖິຈ຺ຉິຕໍ [ຍ’ທິຈ຺ຉິຕໍ ຍຕິ’ຈ຺ຉິຕໍ (ກ.)].

ຄນ຺ຖປຣິມາຓ

໓. ຕໂຕ ມາຄຘຠາສາຍ, ມຕ຺ຕາ,ວຓ຺ຓ,ວິເຠທນໍ;

ລກ຺ຂ຺ຍ ລກ຺ຂຓ ສໍຍຸຕ຺ຕໍ, ປສນ຺ນ’ຕ຺ຖ,ປທ,ກ຺ກມໍ.

ອຠິຘານາທິ

໔. ອິທໍ ວຸຕ຺ໂຕທຍໍ ນາມ, ໂລກິຍ’ຈ຺ຉນ຺ທນິສ຺ສິຕໍ;

ອາຣຠິສ຺ສ’ມຫໍ ທານິ, ເຕສໍ ສຸຂວິພຸທ຺ຘິຍາ.

ຄຓສງ຺ເກຕສຎ຺ຎາ

໕. ສພ຺ພຄ຺ລາ ມ຺ນາ,’ທິຄລຫູ, ຠ຺ຍາ’,ມຊ຺ຌ’ນ຺ຕ ຄຣູ ຊສາ;

ມຊ຺ຌ’ນ຺ຕລາ ຣ,ເຕ’ເຕ’ຏ຺ຐ, ຄຓາ ໂຄ ຄຣຸ,ໂລ ລຫຸ.

ຄຓນິຍມ

໖. ຠ,ຊ,ສາ ສພ຺ພຄ,ລຫູ, ປຎ຺ຈິ’ເມ ສຓ຺ຐິຕາ ຄຓາ;

ອຣິຍາທິມ຺ຫິ ວິຎ຺ເຎຍ຺ຍາ, ຄໂຓ ອິຘ ຈຕຸ’ກ຺ກໂລ.

ຄຣຸ,ລຫຸສຣູປ

໗. ສໍໂຍຄາ’ທິ ຈ, ທີໂຆ ຈ, ນິຄ຺ຄຫີຕປໂຣ ຈ, ໂຍ;

ຄຣຸ, ວງ຺ໂກ, ປາທນ຺ໂຕ,ວາ, ຣສ຺ໂສ’ຎ຺ໂຎ ມຕ຺ຕິໂກ ລຸ’ຊຸ.

໘. ປເຣ ປາທາທິສໍໂຍເຄ, ໂຍ ປຸພ຺ໂພ ຄຣຸກ’ກ຺ຂໂຣ;

ລຫຸ ສ ກ຺ວຈິ ວິຎ຺ເຎຍ຺ໂຍ, ຕທຸທາຫຣຓໍ ຍຖາ.

໙. ທສ຺ສນຣສາ’ນຸຠາວເນ, ນິພທ຺ຘເຄຘາ ຊິນສ຺ສ’ຍໍ ຊນຕາ;

ວິມ຺ຫຍຊນນີ ສຎ຺ຎຕ, ກ຺ຣິຍາ ນຸ ກໍ ນາ’ນຸຣຎ຺ຊຍຕິ.

໑໐. ວິຎ຺ເຎຍ຺ຍາ ໂລກໂຕ ສຎ຺ຎາ, ສມຸທ຺ໂທ,ສຸ,ຣສາທິນໍ;

ປາໂທເຎຍ຺ໂຍ ຈຕຸຕ຺ຖໍ’ໂສ, ປທຈ຺ເຉໂທ ຍຕີ ຠເວ.

໑໑. ສມ,ມຑ຺ຒສມໍ, ວຸຕ຺ຕໍ, ວິສມໍ ຈາ’ປຣໍ ຕິຘາ;

ສມາ ລກ຺ຂຓໂຕ ປາທາ, ຈຕ຺ຕາໂຣ ຍສ຺ສ ຕໍ ສມໍ.

໑໒. ຍສ຺ສ’ນ຺ຕິເມນ ທຸຕິໂຍ, ຕຕິເຍນາ’ທິໂມ ສໂມ;

ຕ’ທຑ຺ຒສມ, ມຎ຺ຎໍ ຕຸ, ຠິນ຺ນ ລກ຺ຂຓ ປາທິກໍ.

໑໓. ປາທ’ເມກກ຺ຂຣາ’ຣພ຺ຠ, ຍາວ ຉພ຺ພີສຕ’ກ຺ຂຣາ;

ຠເວ ປາເທຫິ ຕໍ ຉນ຺ທໍ, ນານານາໂມ’ທິຕໍ ຕໂຕ.

໑໔. ທຓ຺ຑກາ ຈຓ຺ຑວຸຏ຺ຐ຺ຍາ’ທິ, ປາເທຫິ ຉຫິ, ຕີຫິ ຕຸ;

‘ຄາຖາ’ຕິ ຈ ປຣຕ຺ເຖ’ວໍ, ຉນ຺ໂທ ສຎ຺ຎາ ປກາສິຕາ.

໑໕. ອນນ຺ຕໂຣ’ທິຕໍ ຈ’ຎ຺ຎ, ເມຕໍ ສາມຎ຺ຎ ນາມໂຕ;

‘ຄາຖາ’ອິຈ຺ເຈວ ນິທ຺ທິຏ຺ຐໍ, ມຸນິນ຺ທວຈເນ ປນ.

໑໖. ວິເສສນາມໂຕ ກິຎ຺ຈິ, ຄເຫຕ຺ວາ ສພ຺ພໂຖ’ຈິຕໍ;

ທສ຺ສຍິສ຺ສາມ’ຫໍ ເຕ’ຕ຺ຖ, ນາມານາ’ວິ ຠວິສ຺ສເຣ.

ອິຕິ ວຸຕ຺ໂຕທເຍ ຉນ຺ທສິ ສຎ຺ຎາປຣິຠາສາ ນິທ຺ເທໂສ ນາມ

ປຐໂມ ປຣິຈ຺ເຉໂທ.

໒. ມຕ຺ຕາວຸຕ຺ຕິນິທ຺ເທສ-ທຸຕິຍປຣິຈ຺ເຉທ

ຄຓນິຍມ

໑໗. ຉຏ຺ໂຐ’ຂິລລຫຸ,ໂຊ ວາ,

ຄຍຸຕາ’ຎ຺ເຎ,ຉ’ຄ຺ຄຓາ,ນ ໂຊ ວິສເມ,;

ອຣິຍາຍ’ນ຺ຕຑ຺ເຒ ໂລ, ຉຏ຺ໂຐ,’ນ຺ເຕ ໂຄ,ຄຓາ ຉ’ຎ຺ເຎ.

ຍຕິນິຍມ

໑໘. ປຐມຑ຺ເຒ ຉຏ຺ໂຐ ເຈ,

ສພ຺ພລເຫ,’ຕ຺ຖາ’ທິລຫຸນິ ຠວຕິຍຕິ;

ຕປ຺ປຣໂກ,ນ຺ເຕປິ, ສເຈ, ຈຣິເມປິ, ຠວຕິ ຈຕຸຕ຺ໂຖ’ນ຺ເຕ.

໑໙. ອຣິຍາສາມຎ຺ຎໍ ເຈ, ປຸພ຺ໂພ’ທິຕ ລກ຺ຂຓໍ ຠເວ ຍສ຺ສາ.

໒໐. ອາທິມ’ມຖ ປາທຍຸຄໍ, ຍສ຺ສາ ຕ຺ຍໍ’ເສຫິ ສາ ປຖ຺ຍາ.

໒໑. ຍຕ຺ຖ ຄຓຕ຺ຕຍ ມຸລ຺ລງ຺ຆິ,

ໂຍ’ຠຍຕ຺ຖາ’ທິໂມ ຠເວ ວິປຸລາ.

໒໒. ຄຣຸມຊ຺ຌໂຄ ຊກາໂຣ, ຈຕຸຕ຺ຖໂກ ທຸຕິຍໂກ ຈປລາ.

໒໓. ຈປລາ’ຄຕາ’ຂິລໍ ເຈ, ທລາ’ທິມໍ ລກ຺ຂຓໍ ຠຊຕິ ຍສ຺ສາ;

ປຖ຺ຍາລກ຺ຂຓ’ມຎ຺ຎໍ, ມຸຂຈປລາ ນາມ ສາ ຠວຕິ.

໒໔. ປຖ຺ຍາຍ ລກ຺ຂຓໍ ເຈ, ປຐມຑ຺ເຒ ລກ຺ຂຓໍ ຕຸ ຈປລາຍ;

ທຸຕິເຍ ທເລ’ຖ ຍສ຺ສາ, ປກິຕ຺ຕິຕາ ສາ ຊຆນຈປລາ.

ອຣິຍາຊາຕິໂຍ.

໒໕. ສພ຺ພໍປຐມທເລ ຍທິ, ລກ຺ຂຓ’ມຣິຍາຍ ວຸຕ຺ຕ’ມຸຠເຍສຸ;

ຍສ຺ສາ ທເລສຸ ຍຸຕ຺ຕໍ,

ວຸຕ຺ຕາ ສາ ຄີຕິ ວຸຕ຺ຕ ຍຕິ ລລິຕາ.

໒໖. ອຣິຍາຍໍ ທຸຕິຍ’ຑ຺ເຒ, ຄທິຕາ’ຂິລລກ຺ຂຓໍ ຍໍ ຕໍ;

ຠວຕິ ທເລສຸ’ຠເຍສຸປິ,

ຍທິ ຍສ຺ສາ ສາ’ຍ ມຸປຄີຕິ.

໒໗. ອຣິຍາຍ’ຑ຺ຒທ຺ວິຕຍໍ, ປຸພ຺ໂພທິຕ ລກ຺ຂໂຓ’ເປຕໍ;

ວິປຣິຍເຍນາ’ຠິຫິຕໍ,

ຍສ຺ສາ ສມ຺ຠວຕິ ເຈ’ຫ ໂສ’ຄ຺ຄີຕິ.

໒໘. ອຣິຍາປຸພ຺ພ’ຑ຺ຒໍ ຍທິ, ຄຣຸເນ’ເກນາ’ຘິເກນ ນິຘເນ ຍຸຕ຺ຕໍ;

ຍທິ ປຸພ຺ພ’ຑ຺ຒສມານໍ, ທລ ມິຕຣໍ ໂຈ’ທິຕາ’ຍ’ມຣິຍາຄີຕິ.

ຄີຕິຊາຕິໂຍ.

໒໙. ວິສເມ ຉ ສິຍຸໍ ກລາ ມຸເຂ,

ສເມ ຕ຺ວ’ຏ຺ຐ, ຣ,ລ,ຄາ, ຕໂຕ’ປຣິ;

ເວຕາລີຍໍ ຕ ມຸຈ຺ຈເຕ, ລຫຸ ຉກ຺ກໍ ນ ນິຣນ຺ຕຣໍ ສເມ.

໓໐. ເວຕາລີໂຍປມໍ ມຸເຂ ຕໍ,

ໂອປຈ຺ຉນ຺ທສກໍ ຣ,ຍາ ຍ’ທນ຺ເຕ.

໓໑. ອາປາຕລິກາ ກຖິຕາ’ຍໍ, ຠຄຄາ’ນ຺ເຕ ຍທິ ປຸພ຺ພມິວ’ຎ຺ຎໍ.

໓໒. ຍທາ’ທິໂຕ ທກ຺ຂິຓນ຺ຕິກາ,

ຐິເຕ’ຕ຺ຖ ປາເທສ຺ວາ’ຂິເລສຸ ໂຊ.

໓໓. ‘ອຸທິຈ຺ຈວຸຕ຺ຕີ’ຕິ ວຸຈ຺ຈເຕ,

ໂຊ ຈາ’ໂທ ວິສເມສຸ ສຓ຺ຐິໂຕ.

໓໔. ປຸພ຺ພຕ຺ຖ, ສເມສຸ ເຈ ຄ, ຊາ, ‘ປຈ຺ຈວຸຕ຺ຕິ’ ຣຸທິຕາ’ຕິ ສຓ຺ຐິຕາ.

໓໕. ສມາສມາ’ຕ຺ຣາ’ທິນໍ ສມາ,

ສໍຍຸຕາ ຠວຕິ ຕໍ ປວຕ຺ຕກໍ.

໓໖. ອສ຺ສ ສາ ສມ ກຕາ’ ປຣນ຺ຕິກາ.

໓໗. ຕທ’ຎ຺ຎຊາ ຈາຣຸຫາສິນີ.

ເວຕາລີຍຊາຕິໂຍ.

໓໘. ທ຺ວິກ ວິຫຕ ວສຸ ລຫຸ ອຈລຘິຕິ ຣິ’ຫ.

໓໙. ມຕ຺ຕາສມກໍ ນວໂມ ລ຺ຄ’ນ຺ເຕ.

໔໐. ໂຊ ນ຺ລາ’ ຖວາ’ຓ຺ຓວາ ວິສິໂລໂກ.

໔໑. ຕທ຺ວຍໂຕ ວານວາສິກາ’ຂ຺ຍາ.

໔໒. ປຎ຺ຈ,ຏ຺ຐ,ນວສຸ ຍທິ ໂລ ຈິຕ຺ຣາ.

໔໓. ຄ,ລ຺ຍາ’ຏ຺ຐຫິ ເຈ’ສາ ວຸ’ປຈິຕ຺ຣາ.

໔໔. ຍ’ມຕີຕ ລກ຺ຂຓ ວິເສສ ຍຸຕໍ, (ຈິຕ຺ຣາ)

ມຕ຺ຕາ ສມາ’ທິ ປາທາ’ຠິຫິຕໍ; (ວິສິໂລກ)

ອນິຍຕ ວຸຕ຺ຕ ປຣິມາຓ ສຫິຕໍ, (ວານວາສິກາ)

ປຖິຕໍ ຊເນສຸ ປາທາກຸລກໍ. (ວິສິໂລກ)

ມຕ຺ຕາສມກ ຊາຕິໂຍ.

໔໕. ວິນາ ວຓ຺ເຓຫິ ມຕ຺ຕາ ຄາ, ວິນາ ວຓ຺ຓາ ຄຣູຫິ ຕຸ;

ວິນາ ລຫູຫິ ຄຣໂວ, ທເລ ປຖ຺ຍາທິໂນ ມຕາ.

ອິຕິ ວຸຕ຺ໂຕທເຍ ຉນ຺ທສິ ມຕ຺ຕາວຸຕ຺ຕິນິທ຺ເທໂສ ນາມ

ທຸຕິໂຍ ປຣິຈ຺ເຉໂທ.

໓. ສມວຸຕ຺ຕິນິທ຺ເທສ-ຕຕິຍປຣິຈ຺ເຉທ

໔໖. ຕ຺ຍາ’ ເຈ ຕນຸມຊ຺ຌາ.

ຄາຍຕ຺ຕີ.

໔໗. ກຸມາຣ ລລິຕາ ຊ຺ສ຺ຄາ.

ອຸຓ຺ຫິກາ.

໔໘. ຈິຕ຺ຣປທາ ຍທິ ຠາ ຄາ.

໔໙. ໂມ ໂມ ໂຄ ໂຄ ວິຊ຺ຊຸມ຺ມາລາ.

໕໐. ຠາ ຕ, ລ, ຄາ ມາຓວກໍ.

໕໑. ຄ຺ລາ ສມານິກາ ຣ,ຊາ ຈ.

໕໒. ປມາຓິກາ ຊ, ຣາ ລ, ຄາ.

ອນຸຏ຺ຐຸຠາ.

໕໓. ຣາ ນ,ສາ ຍທິ ຫລມຸຂີ.

໕໔. ຠຸຊຄ ສຸສຸ ສຏາ ນາ ໂມ.

ພ຺ຣຫຕີ.

໕໕. ມ຺ສາຊ຺ຄາ ສຸທ຺ຘວິຣາຊິຕໍ ມຕໍ.

໕໖. ມ຺ນາ ໂຍ ໂຄ ຍທິ ປຓໂວ ຂ຺ຍາໂຕ.

໕໗. ມ຺ຠາ ສ,ຄຍຸຕ຺ຕາ ຣຸມ຺ມວຕີ ສາ.

໕໘. ເຎຍ຺ຍາ ມຕ຺ຕາ ມ, ຠ, ສ, ຄຍຸຕ຺ຕາ.

໕໙. ຈມ຺ປກມາລາ ເຈ ຠ, ມ, ສາ ໂຄ [ອິທໍ ນາມນ຺ຕຣຎາປນຕ຺ຖເມວ ປຸນ ວຸຕ຺ຕໍ (ຏີ.)].

໖໐. ນ, ຣ, ຊ, ເຄຫິ ສາ ມໂນຣມາ.

໖໑. ອຸພ຺ຠາສກໍ ຕໍ ເຈ ໂຕ ມ, ຣາ ລ຺ຈ.

໖໒. ໂຕ ຊາ ຄຣຸນາ’ຍ’ມຸປຏ຺ຐິຕາ.

ປນ຺ຕິ.

໖໓. ອິນ຺ທາທິກາ ຕາ ວຊິຣາ ຊ, ຄາ ໂຄ.

໖໔. ອຸປາທິກາ ສາ’ວ ຊ,ຕາ ຊ,ຄາ ໂຄ.

໖໕. ອນນ຺ຕໂຣ’ທີຣິຕ ລກ຺ຂຓາ ເຈ, (ອຸເປນ຺ທວຊິຣ)

ປາທາ ວິມິສ຺ສາ ອຸປຊາຕິໂຍ ຕາ; (ອິນ຺ທວຊິຣ)

ເອວໍ ກິລ’ຎ຺ຎາສຸປິ ມິສ຺ສິຕາສຸ, (ອິນ຺ທວຊິຣ)

ວທນ຺ຕິ ຊາຕິສ຺ວິທ’ ເມວ ນາມໍ. (ອຸເປນ຺ທວຊິຣ)

໖໖. ນ, ຊ, ຊ, ລ, ຄາ ຄທິຕາ ສຸມຸຂີ.

໖໗. ໂທຘກ ມິຈ຺ຉຕິ ເຈ ຠ,ຠ,ຠາ ຄາ.

໖໘. ເວທ,ສ຺ເສຫິ,ຘ຺ຕາ ຕ຺ຄຄາ,ສາລິນີ ສາ.

໖໙. ວາໂຕມ຺ມີ ສາ, ຍຕິ ສາ ມ຺ຠາ ຕ, ຄາ ໂຄ.

໗໐. ຠາ ຕ, ນ, ຄາ ໂຄ’ສຸ, ຣສ ສິຣີ ສາ.

໗໑. ໂຣ ນ, ຣາ ອິຫ ຣໂຖທ຺ຘຕາ ລ, ຄາ.

໗໒. ສ຺ວາຄເຕ’ຕິ ຣ, ນ, ຠາ ຄຣຸກາ ທ຺ເວ.

໗໓. ນ,ນ,ຣ,ລຫຸ,ຄຣູຫິ ຠທ຺ທິກາ.

ຕິຏ຺ຐຸຠາ.

໗໔. ວທນ຺ຕິ ວໍສຏ຺ຐມິ’ທໍ ຊ, ຕາ ຊ, ຣາ.

໗໕. ສາ ອິນ຺ທວໍສາ ຂລຸ ຍຕ຺ຖ ຕາ ຊ,ຣາ.

໗໖. ອິຘ ໂຕຏກ ມມ຺ພຸຘິ,ເສຫິ ມິຕໍ.

໗໗. ທຸຕວິລມ຺ພິຕ ມາຫ ນ, ຠາ ຠ,ຣາ.

໗໘. ວສຸ ຍຸຄ ວິຣຕີ ນາ,ມ຺ຍາ’ ປຸໂຏ’ຍໍ.

໗໙. ນ, ຍ, ສຫິຕາ ນ຺ຍາ’ ກຸສຸມວິຈິຕ຺ຕາ.