ຖຸປວໍໂສ |ໂອ໐.໐໐໐໑|

ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

ຍສ຺ມິໍ ສຍິໍສຸ ຊິນຘາຕຸວຣາ ສມນ຺ຕາ

ຉພ຺ພຓ຺ຓ ຣໍສິ ວິສເຣຫິ ສມຸຊ຺ຊລນ຺ຕາ,

ນິມ຺ມາຍ ໂລກຫິຕເຫຕຸ ຊິນສ຺ສ ຣູປໍ

ຕໍ ຖຸປມພ຺ຠຸຕ ຕມໍ ສິຣສາ ນມິຕ຺ວາ;

ຈກ຺ຂາມຫໍ ສກລ ໂລກ ຫິຕາວຫສ຺ສ

ຖຸປສ຺ສ ສພ຺ພ ຊນ ນຓ຺ທນ ກາຣຓສ຺ສ,

ວໍສໍ ສຸຣາສຸຣ ນຣິຓ຺ທວເຣຫິ ນິຈ຺ຈໍ

ສມ຺ປູຊິຕສ຺ສ ຣຕນຸຊ຺ຊລ ຖູປິກສ຺ສ;

ກິຎ຺ຈາປິ ໂສ ຍຕິຊເນນ ປຸຣາຕເນນ

ອຕ຺ວາຍ ສີຫຬຊນສ຺ສ ກໂຕ ປຸຣາປິ,

ວາກ຺ເກນ ສິຫຬຠເວນ’ຠິສງ຺ຂມຕ຺ຕາ

ອຕ຺ຖໍ ນ ສາຘຫຕິ ສພ຺ພຊນສ຺ສ ສມ຺ມາ;

ຍສ຺ມາ ຈ ມາຄຘ ນິຣຸຕ຺ຕິກໂຕປິ ຖູປ-

ວໍໂສ ວິຣຸທ຺ຘນຍ ສທ຺ທ ສມາກຸໂລ ໂສ,

ວຕ຺ຕພ຺ພເມວ ຈ ພຫຸມ຺ປິ ຍໂຕ ນ ວຸຕ຺ຕໍ

ຕມ຺ຫາ ອຫໍ ປຸນປິ ວໍສມິ’ມໍ ວທາມິ;

ສຸຓາຖ ສາຘໂວ ສພ຺ເພ ປຣິປຸຓ຺ຓມນາກຸລໍ

ວຸຈ຺ຈມານໍ ມຍາ ສາຘຸ ວໍສໍ ຖູປສ຺ສ ສຕ຺ຖຸໂນຕິ;

ຕຕ຺ຖ ຖູປສ຺ສ ວໍສໍ ວກ຺ຂາມີຕິ ເອຕ຺ຖ ຕຖາຄໂຕ ອຣຫໍ ສມ຺ມາ ສມ຺ພຸທ຺ໂຘ ຖູປາຣໂຫ, ປຈ຺ເຈກພຸທ຺ໂຘ ຖູປາຣໂຫ, ຕຖາຄຕສ຺ສ ສາວໂກ ຖູປາຣໂຫ, ຣາຊາ ຈກ຺ກວຕ຺ຕິ ຖູປາຣໂຫຕິ ວຈນໂຕ ຖູປາຣຫານໍ ພຸທ຺ຘາທີນໍ ຘາຕຸໂຍ ປຕິຏ຺ຐາເປຕ຺ວາ ກຕ ເຈຕິຍໍ ອພ຺ຠຸນນ ຕຏ຺ເຐນ |ໂອ໐.໐໐໐໒| ຖູໂປຕິ ວຸຈ຺ຈຕິ, ອິຘ ປນ ກຎ຺ຈນ ມາລິກ ມຫາຖູໂປ ອຘິປ຺ເປໂຕ, ໂສ ກສ຺ສ ຘາຕຸໂຍ ປຕິຏ຺ຐາເປຕ຺ວາ ກໂຕຕິ ເຈ? ໂຍທີປງ຺ກຣາທີນໍ ຈຕຸວີສຕິຍາ ພຸທ຺ຘານໍ ສນ຺ຕິເກ ລທ຺ຘວ຺ຍາກຣໂຓ ສມຕິໍສປາຣມິໂຍ ປູເຣຕ຺ວາ ປຣມາຠິສມ຺ໂພຘິໍ ປຕ຺ວາ ຘມ຺ມຈກ຺ກປ຺ປວຕ຺ຕນໂຕ ປຏ຺ຐາຍ ຍາວ ສຸຫທ຺ທ ປຣິພ຺ພາຊກ ວິນຍານ ສພ຺ພ ພຸທ຺ຘກິຈ຺ຈານິ ນິຏ຺ຐາເປຕ຺ວາ ອນຸປາທິເຍສາຍ ນິພ຺ພານຘາຕຸຍາ ປຣິນິພ຺ພຸໂຕ ຕສ຺ສ ຠຄວໂຕ ອຣຫໂຕ ສມ຺ມາ ສມ຺ພຸທ຺ຘສ຺ສ ຘາຕຸໂຍ ປຕິຏ຺ຐາເປຕ຺ວາ ກໂຕ ອຍເມຕ຺ຖ ສງ຺ເຂໂປ, ວິຕ຺ຖາໂຣ ປນ ເວທິຕພ຺ໂພ?

໒. ອິໂຕ ກິຣ ກປ຺ປສຕສຫສ຺ສາຘິການໍ ຈຕຸນ຺ນໍ ອສງ຺ເຂຍ຺ຍານໍ ມຕ຺ຖເກ ອມຣວຕີ ນາມ ນຄຣໍ ອໂຫສິ. ຕຕ຺ຖ ສຸເມໂຘ ນາມ ພ຺ຣາຫ຺ມໂຓ ປຏິວສຕິ. ໂສ ອຎ຺ຎໍ ກມ຺ມໍ ອກຕ຺ວາ ພ຺ຣຫ຺ມຓສິປ຺ປເມວ ອຸຄ຺ຄຓ຺ຫິ ຕສ຺ສ ທຫຣກາເລເຍວ ມາຕາປິຕໂຣ ກາລມກໍສຸ. ອຖສ຺ສ ຣາສິວຑ຺ຒນໂກ ອມຈ຺ໂຈ ອາຍ ໂປຕ຺ຖກໍ ອາຫຣິຕ຺ວາ ສຸວຓ຺ຓ ຣຊຕ ມຓິມຸຕ຺ຕາທິ ຠຣິເຕ ຄພ຺ເຠ ວິວຣິຕ຺ວາ ເອຕ຺ຕກໍ ເຕ ກຸມາຣ ມາຕຸ ສນ຺ຕກໍ, ເອຕ຺ຕກໍ ປິຕຸສນ຺ຕກໍ, ເອຕ຺ຕກໍ ອຍ຺ຍກ ປຍ຺ຍການນ຺ຕິ ຍາວ ສຕ຺ຕມາ ກຸລປຣິວຏ຺ຏາ ຘກໍ ອາຈິກ຺ຂິຕ຺ວາ ເອຕມ຺ປຏິຊຄ຺ຄາຫີຕິ ອາຫ. ໂສ ສາຘູຕິ ສມ຺ປຏິຈ຺ຉິຕ຺ວາ ອຄາຣໍ ອຊ຺ຌາວສນ຺ໂຕ ເອກທິວສໍ ຈິນ຺ເຕສິ.

໓. ປຸນພ຺ຠເວ ປຏິສຓ຺ຘິຄຫຓໍ ຕາມ ທຸກ຺ຂໍ, ຕຖາ ນິພ຺ພຕ຺ຕ ນິພ຺ພຕ຺ຕຏ຺ຐາເນ ສຣີຣເຠທນໍ ອຫຎ຺ຈ ຊານິຘມ຺ໂມ ຊຣາຘມ຺ໂມ ວ຺ຍາຘິຘມ຺ໂມ ມຣຓຘມ຺ໂມ. ເອວໍ ຠູເຕນ ມຍາ ອຊາຕິ ອຊຣໍ ອວ຺ຍາຘິໍ ອມຣຓໍ ສຸຂໍ ສີຕລໍ ນິພ຺ພານໍ ຄເວສິຕຸໍ ວຏ຺ຏຕີຕິ ເນກ຺ຂມ຺ມກາຣຓໍ ຈິນ຺ເຕຕ຺ວາ ປຸນ ຈິນ຺ເຕສິ ອິມໍ ຘນໍ ສພ຺ພໍ ມຍ຺ຫໍ ປິຕຸ ປິຕາມຫາທໂຍ ປຣໂລກໍ ຄຈ຺ຉນ຺ຕາ ເອກ ກຫາປຓມ຺ປິ ຄເຫຕ຺ວາ ນຄຕາ ມຍາ ປນ ຄເຫຕ຺ວາ ຄມນກາຣຓໍ ກາຕຸໍ ວຏ຺ຏຕີຕິ ນຄເຣ ເຠຣິໍ ຈຣາເປຕ຺ວາ ມຫາຊນສ຺ສ ທານໍ ທຕ຺ວາ ຫິມວນ຺ຕສ຺ສ ປວິສິຕ຺ວາ ຕາປສ ປພ຺ພຊ຺ຊໍ ປພ຺ພຊິຕ຺ວາ ສຕ຺ຕາຫພ຺ຠນ຺ຕເຣເຍວ ອຠິຎ຺ຎາ ຈ ສມາປຕ຺ຕິໂຍ ຈ ນິພ຺ພຕ຺ເຕຕ຺ວ ສມາປຕ຺ຕິສຸເຂນ ວີຕິນາເມສິ.

ຕທາ ທີປງ຺ກໂຣ ນາມ ສຕ຺ຖາ ປຣຍາຠິສມ຺ໂພຘິໍ ປຕ຺ວາ ສຕ຺ຕ ສຕ຺ຕາຫໍ ໂພຘິສມີເປເຈວ ວິຕິນາເມຕ຺ວາ ສຸນຓ຺ທາຣາເມ ຘມ຺ມຈກ຺ກໍ ປວຕ຺ເຕຕ຺ວາ ໂກຏິສຕ຺ຕານໍ ເທວມນຸສ຺ສານໍ ຘມ຺ມມຕໍ ປາເຍຕ຺ວາ ຈາຕຸທ຺ທີປິກ ມຫາເມໂຆ ວິຍ ຘມ຺ມວສ຺ສໍ ວສ຺ເສນ຺ໂຕ ຈຕູຫິ ຂີຓາສຍ ສຕສຫສ຺ເສຫິ ປຣິວຸໂຕ ອນຸປຸພ຺ເພນ ຈາຣກໍ ຈຣມາໂນ ຣມ຺ມ ນຄຣໍ ປຕ຺ວາ ສຸທສ຺ສນ ມຫາວິຫາເຣ ປຏິວສຕິ ຕທາ ຣມ຺ມນຄຣວາສິໂນ ສປ຺ປິ ຜຓິຕາທີນິ ເຠສຊ຺ຊານິ ຄເຫຕ຺ວາ ປຸປ຺ຜ ຘູປ ຄຓ຺ຘຫຕ຺ຖາ ເຍນ ພຸທ຺ໂຘ ເຕນປສງ຺ກມິຕ຺ວາ ສຕ຺ຖາຣໍ ວນ຺ທິຕ຺ວາ ປຸປ຺ຜາທີຫິ ປູເຊຕ຺ວາ ເອກມນ຺ຕໍ ນິສີທິຕ຺ວາ ຘມ຺ມໍ ສຸຕ຺ວາ ສ຺ວາຕນາຍ ຠຄວນ຺ຕໍ ນິມນ຺ເຕຕ຺ວາ ອຸຏ຺ຐາຍາສນາ ທສພລໍ ປທກ຺ຂີນໍ ກຕ຺ວາ ປກ຺ກມິໍສຸ.

ເຕ |ໂອ໐.໐໐໐໓| ປຸນ ທິວເສ ອສທິສ ມຫາທານໍ ສຊ຺ເຊຕ຺ວາ ທສພລສ຺ສ ອາຄມນ ມຄ຺ຄໍ ໂສເຘນ຺ຕິ. ຕສ຺ມິໍ ກາເລ ສຸເມຘຕາປໂສ ອຕ຺ຕໂນ ອສ຺ສມ ປທໂຕ ອຸຄ຺ຄນ຺ຕ຺ວາ ຣມ຺ມນຄຣວາສີນໍ ເຕສໍ ມນຸສ຺ສານໍ ອຸປຣິຠາເຄນ ອາກາເສນ ຄຈ຺ຉນ຺ຕາ ເຕ ຫຏ຺ຐປຫຏ຺ເຐ ມຄ຺ຄໍ ໂສເຘນ຺ເຕ ທິສ຺ວາ ກິນ຺ນຸ ໂຂ ກາຣຓນ຺ຕິ ຈິນ຺ເຕນ຺ໂຕ ສພ຺ເພສໍ ປສ຺ສນ຺ຕານໍເຍວ ອາກາສໂຕ ໂອຣຸ ເອກມນ຺ເຕ ຐຕ຺ຖາຍຫ ເຕ ມນຸສ຺ເສ ປຸຈ຺ຉິ.’ຫມ຺ໂຠ ກສ຺ສ ປນ ອິມໍ ມຄ຺ຄໍ ໂສເຘຖາ’ຕິ ເຕ ອາຫໍສຸ ຠນ຺ເຕ ສຸເມຘ ຕຸມ຺ເຫ ກິໍ ນໍ ຊານາຖ, ທີປງ຺ກໂຣ ນາມ ສຕ຺ຖາ ປຣມາຠິສມ຺ໂພຘິໍ ປຕ຺ວາ ປວຕ຺ຕວຣ ຘມ຺ມຈກ຺ໂກ ຊນປທ ຈາຣິກໍ ຈຣມາໂນ ອນຸກ຺ກເມນ ອມ຺ຫາກໍ ນຄຣໍ ປຕ຺ວາ ສຸທສ຺ສນ ມຫາວິຫາເຣ ປຏິວສຕິ. ມຍໍ ຕໍ ຠຄວນ຺ຕໍ ນິມນ຺ຕຍິມ຺ຫ ຕສ຺ສ ຠຄວໂຕ ອາຄມນມຄ຺ຄໍ ໂສເຘມາຕິ. ຕໍ ສຸຕ຺ວາ ສຸເມຘປຓ຺ຑິໂຕ ຈິນ຺ເຕສິ. ພຸທ຺ໂຘຕິ ໂຂ ປເນສ ໂຆໂສປິ ທຸລ຺ລໂຠ, ປເຄວ ພຸທ຺ຘຸປ຺ປາໂທ ເຕນ ຫິ ມຍາປິ ອິເມຫິ ມນຸສ຺ເສຫິ ສທ຺ຘິໍ ທສພລສ຺ສ ອາຄມນມຄ຺ຄໍ ໂສເຘຕຸໍ ວຏ຺ຏຕີຕິ ໂສ ເຕ ມນຸສ຺ເສ ອາຫ, ສເຈ ໂຠ ຕຸມ຺ເຫ ອິມໍ ມຄ຺ຄ ພຸທ຺ຘສ຺ສ ໂສເຘຖ - ສຍຫມ຺ປິ ເອກໍ ໂອກາສໍ ສມ຺ປຏິຈ຺ຉຕ຺ວາ ອຍໍ ສຸເມຘປຓ຺ຑິໂຕ ມຫິທ຺ຘິໂກ ມຫານຸຠາໂວຕິ ຊານນ຺ຕາ ທຸພ຺ພິໂສຘນໍ ອຸທກສມ຺ຠິນ຺ນໍ ອຕິວິສມໍ ເອກໍ ໂອກາສໍ ສລ຺ລກ຺ເຂຕ຺ວາ ອິມໍ ຫກາສໍ ຕຸມ຺ເຫ ໂສເຘຖ. ອລງ຺ກໂຣຖາຕິ ອທໍສຸ.

ສຸເມຘປຓ຺ຑິໂຕ ພຸທ຺ຘາຣມ຺ມຓ ປີຕິໍ ອຸປ຺ປາເທຕ຺ວາ ຈິນ຺ເຕສິ. ອຫມ຺ປນິມໍ ໂອກາສໍ ອິທ຺ຘີຍາ ປຣມທສ຺ສນີຍ ກາຕຸໍ ປໂຫມິ ເອວໍ ກໂຕ ປນ ມໍ ນ ປຣິໂຕເສຕິ ອຊ຺ຊ ປນ ມຍາ ກາຍເວຍ຺ຍາວຈ຺ຈໍ ກາຕຸໍ ວຏ຺ຏຕິຕິ ປໍສຸໍ ອາຫຣິຕ຺ວາ ຕໍ ປເຫສໍ ປູເຣນິ, ຕສ຺ສ ປນ ຕສ຺ມິໍ ປເທເສ ອໂສຘິເຕ ຊຍສຸມນ ກຸສຸມ ສທິສິ ວຓ຺ຓໍ ທຸປຏ຺ຏຈີວຣໍ ຕິມຓ຺ຑລໍ ປຏິຈ຺ຉາເທຕ຺ວາ ນິວາເສຕ຺ວາ ຕສ຺ສຸປຣິ ຍຸຓ຺ຓມາປງ຺ເຄນ ກຸສຸມກລາປໍ ປຣກ຺ຂິປນ຺ໂຕ ວິຍ ວິຊ຺ຊຸລ຺ລຕາ ສສ຺ສີຣີກໍ ກາຍພຓ຺ຘນໍ ພຓ຺ຘິຕ຺ວາ ກນກ ຄິຣິສິຂຣ ມຕ຺ຖເກ ລາຂາຣສໍ ປຣິສິຎ຺ຈນ຺ເຕ ວິຍ ສຸວຓ຺ຓເຈຕິຍໍ ປວາຬຊາເລນ ປຣິກ຺ຂິປນ຺ໂຕ ວິຍ ສຸວຓ຺ຓງ຺ຆກໍ ຣຕ຺ຕກມ຺ພເລນ ປຏິມຸຎ຺ຈນ຺ໂຕ ວິຍ ສຣທ ສມຍ ຣຊນິກຣໍ ຣຕ຺ຕວລາຫເກນ ປຏິຈ຺ຉາເທນ຺ໂຕ ວິຍ ຈ ລາຂາຣເສນ ຕິນ຺ນ ກິໍ ສຸກກ຺ສຸມວຓ຺ຓໍ ຣຕ຺ຕວຣ ປສຸກູລ ຈີວຣໍ ປາຣິປິຕ຺ວາ ຄຓ຺ຘກູຄິທ຺ວ ຣໂຕ ກນກຄຸຫາໂຕ ສີໂຫ ວິຍ ນິກ຺ຂມິຕ຺ວາ ຊຬຠິຎ຺ຎານໍເຍວ ຈຕູຫິ ຂີຓາສວ ສຕສຫສ຺ເສຫິ ປຣິວຸໂຕ ອມຣຄຓ ປຣິວຸໂຕ ທສສຕນຍໂນ ວິຍ ພ຺ຣຫ຺ມຄຓປຣິວຸໂຕ ມຫາ ພ຺ຣຫ຺ມາ ວິຍ ຈ ອປຣິມິຕ ສມຍ ສມຸປຈິຕາຍ ກຸສລພລຊນິຕາຍ ອໂນປມຍາ ພຸທ຺ຘລີລາຍ ຕາຣາຄຓປຣິວຸໂຕ |ໂອ໐.໐໐໐໔| ສຣທ ສມຍ ຣຊນິກໂຣ ວິຍ ຄຄນຕລໍ ອລງ຺ຄຕ ປຏິຍຕ຺ຕໍ ມຄ຺ຄໍ ປຏິປຊ຺ຊິ.

໕. ສຸເມຘຕາປໂສປິ ເຕນ ອລງ຺ກຕ ປຏິຍຕ຺ເຕນ ມຄ຺ເຄນ ອາຄຈ຺ຉນ຺ຕສ຺ສ ທີປງ຺ກຣສ຺ສ ຠຄວໂຕ ທ຺ວຕ຺ຕິໍສ ວຣລກ຺ຂຓ ປຕິມຓ຺ຑິຕໍ ອສຕິຍາ ອນຸພ຺ຍຎ຺ຊເນຫິ ອນຸພ຺ຍຎ຺ຊິຕໍ ພ຺ຍາມປ຺ປຫາປຣິກ຺ເຂປ ສສ຺ສີຣີກໍ ອິຓ຺ທນີລມຓິສໍກາໂສອາກາເສ ນານປ຺ປກາຣາ ວິຊ຺ຊຸລ຺ລຕາ ວິຍ ຉພ຺ພຓ຺ຓພຸທ຺ຘຣໍສິໂຍ ວິສ຺ສຊ຺ເຊນ຺ຕໍ ຣູປຄ຺ຄປ຺ປຕ຺ຕໍ ອຕ຺ຕຠາວໍ ໂອໂລເກຕ຺ວາ ອຊ຺ຊ ມຍາ ທສພລສ຺ສ ຊີວິຕປຣິຈ຺ຈາຄໍ ກາຕຸໍ ວຏ຺ຏຕິ ມາ ຠຄວາ ກລເລ ອກ຺ກມິ ມຓິມຍໍ ລກເສຕຸໍ ອກ຺ກມນ຺ໂຕ ວິຍ ສທ຺ຘິໍ ຈຕູຫິ ຂີຓາສວ ສຕສຫສ຺ເສຫິ ມມ ປິຏ຺ຐິໍ ອກ຺ກມນ຺ໂຕ ຄຈ຺ຉຕຸ ຕໍ ເມ ຠວິສ຺ສຕິ ທີຆຣຕ຺ຕໍ ຫິຕາຍ ສຸຂາຍາຕິ ເກເສ ໂມເຈຕ຺ວາ ອຊິນຊຏາ ວາກຈີຣານິ ກເລລ ປຕ຺ຖຣິຕ຺ວາ ຕຕ຺ເຖວ ກລລປິຏ຺ເຐ ນິປຊ຺ຊິ ນິປນ຺ໂນ ຈ ສເຈ ອຫໍ ອິຈ຺ເຉຍ຺ຍໍ ສພ຺ພກິເລເສ ຌາເປຕ຺ວາ ສງ຺ຆນວໂກ ຫຸຕ຺ວາ ຣມ຺ມນຄຣໍ ປວິເສຍ຺ຍໍ ອຎ຺ຎາຕກເວເສນ ປນ ເມ ກິເລເສ ຓ຺ຘເປຕ຺ວາ ນິພ຺ພານປຕ຺ຕິຍາ ກິຈ຺ຈໍ ນຕ຺ຖິ, ຍໍນູນາຫໍ ທີປງ຺ກຣ ທສພໂລ ວິຍ ປຣມາຠິສມ຺ໂພຘິໍ ປຕ຺ວາ ຘມ຺ມນາວໍ ອາໂຣເປຕ຺ວາ ມຫາຊນໍ ສໍສາຣສາຄຣາ ອຸຕ຺ຕາເຣຕ຺ວາ ປຈ຺ຉາ ປຣິນິພ຺ພາເຍຍ຺ຍໍ. ອິທໍ ເມ ປຕິຣຸປນ຺ຕິ ຈິນ຺ເຕຕ຺ວາ ອຏ຺ຐຘມ຺ເມ ສໂມຘາເນຕ຺ວາ ພຸທ຺ຘຠາວາຍ ອຠິນີຫາຣໍ ກຕ຺ວາ ນິປຊ຺ຊ.

ທີປງ຺ກໂຣປິ ຠຄວາ ອາຄຕ຺ຕ຺ວາ ສຸເມຘປຓ຺ຑິຕສ຺ສ ສີສສາເຄ ຐຕ຺ວາ ກລລປິຏ຺ເຐ ນິປນ຺ນໍ ຕາປສໍ ທິສ຺ວາ ອຍໍ ຕາປໂສ ພຸທ຺ຘຕ຺ຖາຍ ອຠິນີຫາຣໍ ກຕ຺ວາ ນິປນ຺ໂຕ, ອິຊ຺ຌິສ຺ສຕິ ນຸ ໂຂ ເອຕສ຺ສ ປຕ຺ຖນາ ອຸທາຫຸ ໂນຕິ ອຸປຘາເຣນ຺ໂຕ - ອນາຄເຕ ໂຄຕໂມ ນາມ ພຸທ຺ໂຘ ຠວິສ຺ສຕີຕິ ຎຕ຺ວາ ຐິຕໂກວ ປຣິສ ມຊ຺ເຌ ວ຺ຍາກາສິ, ປສ຺ສຖ ໂນ ຕຸມ຺ເຫ ຠິກ຺ຂເວ ອິມໍ ອຸຄ຺ຄຕປໍ ຕາປສໍ ກລລປິຏ຺ເຐ ນິປນ຺ນນ຺ຕິ. ເອວໍ ຠນ຺ເຕ, ອຍໍ ຍິທ຺ຘຕ຺ຖາຍ ອຠິນີຫາຣໍ ກຕ຺ວາ ນິປນ຺ໂນ ສມິຊ຺ຌິສ຺ສຕິ ອິມສ຺ສ ປຕ຺ຖຕາ ກປ຺ປສຕ ສຫສ຺ສາຘິການໍ ຈຕຸນ຺ຕໍ ອສງ຺ເຂຍ຺ຍານໍ ມຕ຺ຖເກ ໂຄຕໂມ ນາມ ພຸທ຺ໂຘ ຠວິສ຺ສຕີຕິ ສພ຺ພໍ ວ຺ຍາກາສິ.

ວຸຕ຺ຕຎ຺ເຫຕໍ ພຸທ຺ຘວໍເສ.

ທີປງ຺ກໂຣ ໂລກວິທູ - ອາຫຸຕີນໍ ປຏິຄ຺ຄໂຫ,

ອຸສ຺ສີສເກ ມໍ ຐຕ຺ວານ - ອິທໍ ວຈນມພ຺ຣວິ;

ປສ຺ສຖ ອິມໍ ຕາປສໍ - ຊຏິລ ອຸຄ຺ຄຕາປສໍ ອປຣິເມຍ຺ເຍ ອິໂຕ ກປ຺ເປ - ອຍໍ ພຸທ຺ໂຘ ຠວິສ຺ສຕິ. ອຫຸ ກປິລວຫຍາ ຣມ຺ມາ - ນິກ຺ຂມິຕ຺ວາ ຕຖາຄໂຕ. ປຘານໍ ປທຫິຕ຺ວານ - ກຕ຺ວາ ທຸກ຺ກຣ ກາຣິກໍ

ພຸທ຺ເຘ ໂລເກ - ເກຈິ.

ອຊປາລ |ໂອ໐.໐໐໐໕| ຣຸກ຺ຂມູລສ຺ມິໍ - ນິສີທິຕ຺ວາ ຕຖາຄໂຕ,

ຕຕ຺ຖ ປາຍາສມຄ຺ຄຍ຺ຫ - ເນຣຎ຺ຊຣມຸເປເຫຕິ;

ເນຣຎ຺ຊຣາຍ ຕີຣມ຺ຫິ - ປາຍາສາທາຍ ໂສ ຊິໂນ,

ປຏິຍຕ຺ຕວຣມຄ຺ເຄນ - ໂພຘິມູລຎ຺ຫິ ເອຫີຕິ;

ຕໂຕ ປທກ຺ຂິຓໍ ກຕ຺ວາ - ໂພຘິມຓ຺ຑໍ ອນຸຕ຺ຕໂຣ

ອສ຺ສຕ຺ຖຣາກ຺ຂມູລມ຺ຫິ - ວຸຊ຺ຌິສ຺ສຕິ ມຫາຍໂສ;

ອິມສ຺ສຊນິກາ ມາຕາ - ມາຍາ ນາມ ຠວິສ຺ສຕິ, ປິຕາ ສຸທ຺ໂຘທໂນ ນາມ - ອຍໍ ເຫສ຺ສຕິ ໂຄຕໂມ. ອນາສວາ ວີຕຣາຄາ - ສນ຺ຕຈິຕ຺ຕາ ສມາຫິຕາ,

ໂກລິໂຕ ອຸປຕິສ຺ໂສ ຈ - ອຄ຺ຄາ ເຫສ຺ສນ຺ຕິ ສາວກາ;

ອານຓ຺ໂທ ນາມຸປຏ຺ຐາໂກ - ອຸປຏ຺ຐິສ຺ສຕີ’ມໍ ຊິນໍ;

ເຂມາ ອຸປ຺ປລວຓ຺ຓາ ຈ - ອຄ຺ຄາ ເຫສ຺ສນ຺ຕິ ສາວິກາ;

ອນາສວາ ວີຕຣາຄາ - ສນ຺ຕຈິຕ຺ຕາ ສມາຫິຕາ;

ໂພຘິ ຕສ຺ສ ຠຄວໂຕ ອສ຺ສຕ຺ໂຖຕິ ປວຸຈ຺ຈຕີ’’ຕິ.

ອຠິນີຫາຣ ກຖາ

໖. ຕໂຕ ທີປງ຺ກໂຣ ທສພໂລ ໂພຘິສຕ຺ຕໍ ປສໍສິຕ຺ວາ ອຏ຺ຐຫິ ປຸປ຺ຜ ມຸຏ຺ຐີຫິ ປູເຊຕ຺ວາ ປທກ຺ຂິຓໍ ກຕ຺ວາ ປກ຺ກາມິ. ເຕປິ ຈຕູສຕ ສຫສ຺ສ ຂີຓາສວາ ໂພຘິສຕ຺ຕໍ ປຸປ຺ເຜຫິ ຈ ຄຓ຺ເຘຫິ ຈ ປູເຊຕ຺ວາ ປທປ຺ຜຓໍ ກຕ຺ວາ ປກ຺ກມິໍສຸ. ເທວມນຸສ຺ສາ ຈ ຕເຖວ ປູເຊຕ຺ວາ ວນ຺ທິຕ຺ວາ ອຖ ໂຂ ໂພຘິສຕ຺ໂຕ ທສພລສ຺ສ ວ຺ຍາກຣຓໍ ສຸຕ຺ວາ ພຸທ຺ຘຠາວໍ ກຣຕລຄຕມິວ ມຎ຺ຎມາໂນ ປມຸທິຕ ຫທໂຍ ສພ຺ເພສຸ ປຏິກ຺ກນ຺ເຕສຸ ສຍນາ ວຸຏ຺ຐາຍ ປຸປ຺ຜຣາສິ ມຕ຺ຖເກ ປລ຺ລງ຺ກໍ ອາຠຸຊິຕ຺ວາ ນິສິນ຺ໂນ ພຸທ຺ຘກາຣກຘມ຺ເມ ອຸປຘາເຣນ຺ໂຕ ກຫນນຸ ໂຂ ພຸທ຺ຘກາຣກ ຘມ຺ມາ, ກິໍ ອຸທ຺ຘໍ ອໂຘ ທິສາສຸ ວີທີຍາສູຕິ ອນຸກ຺ກເມນ ສກລໍ ຘມ຺ມຘາຕຸໍ ວິຈິນນ຺ໂຕ ໂປຣາຓກໂພຘິສຕ຺ເຕຫິ ອາເສວິຕ ນິເສວິຕ ປຐມໍ ທານປາຣມິໍ ທິສ຺ວາ ຕຕ຺ຖ ທຬຠິສມາທານ ກຕ຺ວາ ເອວໍ ອນຸກ຺ກເມນ ສີລ - ເນກ຺ຂມ຺ມ - ປຎ຺ຎາ - ວີຣິຍ - ຂນ຺ຕິ - ສຈ຺ຈ - ອຘິຏ຺ຐານ - ເມຕ຺ຕາ - ອຸເປກ຺ຂາ ປາຣມິໂຍຈ ທິສ຺ວາ ຕຕ຺ຖທຬ຺ຫ ສມາທານໍ ກຕ຺ວາ ເທວຕາຫິ ອຠິຕ຺ຖຸໂຕ ອາກາສມພຠຸຄ຺ຄນຕ຺ວ ຫິມ ຫິມວນ຺ຕເມວ ອຄມາສິ.

ທີປງ຺ກໂຣປິ ສຕ຺ຖາ ຈຕູຫິ ຂີຓາສວ ສຕສຫສ຺ເສຫິ ປຣິວຸໂຕ ຣມ຺ມນຄຣວາສີຫິ ປູຊີຍມາໂນ ເທວຕາຫິ ອຠິນຓ຺ທິຍມາໂນ ອລງ຺ກຕ ປຏິຍຕ຺ເຕນ ມຄ຺ເຄນ ຣມ຺ມນຄຣໍ ປວິສິຕ຺ວາ ປຎ຺ຎຕ຺ຕວຣພຸທ຺ຘາສເນ ນິສີທິ. ຠິກ຺ຂຸສງ຺ໂຆປິ ອຕ຺ຕໂນ ອຕ຺ຕໂນ ປຕ຺ຕາສເນ ນິສີທິ. ຣມ຺ມນຄຣວາສິໂນປິ ອຸປາສກາ ພຸທ຺ຘປມຸຂສ຺ສ ຠິກ຺ຂຸສງ຺ຆສ຺ສ ມຫາທານໍ |ໂອ໐.໐໐໐໖| ທຕ຺ວາ ຠຄວນ຺ຕໍ ຠຸຕ຺ຕາວິໍ ໂອນີຕ ປຕ຺ຕປາຓິໍ ມາລາຄຓ຺ຘາທີຫິ ປູເຊຕ຺ວາ ທານານຸໂມທນໍ ໂສຕຸກາມາ ນິສີທິໍສຸ. ຠຄວາປິ ເຕສໍ ອນຸໂມທນໍ ກໂຣນ຺ໂຕ ທານກຖໍ ສີລກຖໍ ສຄ຺ຄິກຖໍ ກາມານໍ ອາທີນວໍ ໂອກາຣໍ ສໍກິເລສໍ ເນກ຺ຂມ຺ເມ ອານິສໍສຎ຺ຈ ປກາເສຕ຺ວາ ອມຕ ປຣິໂຍສານໍ ຘມ຺ມກຖໍ ກເຖສິ.

ເອວໍ ຕສ຺ສ ມຫຊນສ຺ສ ຘມ຺ມໍ ເທເສຕ຺ວາ ເອກຈ຺ເຈ ສຣເຓສຸ ເອກຈ຺ເຈ ປຎ຺ຈສຸ ສີເລສຸ ເອກຈ຺ເຈ ໂສຕາປຕ຺ຕິຜເລ ເອກຈ຺ເຈ ສກທາຄາມິ ຜເລ ເອກຈ຺ເຈ ອນາຄາມີ ຜເລ ເອກຈ຺ເຈ ຈຕຸສຸປິ ຜເລສຸ ເອກຈ຺ເຈ ຕີສຸ ວິຊ຺ຊາສຸ ເອກຈ຺ເຈ ຉຬຠິຎ຺ຎາສຸ ເອກຈ຺ເຈ ອຏ຺ຐສຸ ສມາປຕ຺ຕິສຸ ປຕິຏ຺ຐາເປຕ຺ວາ ອຸຏ຺ຐາຍາສນາ ຣມ຺ມນຄຣໂຕ ນິກ຺ຂມິຕ຺ວາ ສຸທສ຺ສນ ມຫາວິຫາຣເມວ ປາວິສິ.

ວຸຕ຺ຕຎ຺ເຫຕໍ

‘‘ຕທາ ເຕ ໂຠຊຍິຕ຺ວານ - ສສງ຺ຆໍ ໂລກນາຍກໍ,

ອຸຜຄຉຸຎ຺ຎໍ ສຣຓໍ ຕສ຺ສ - ທີປງ຺ກຣສ຺ສ ສຕ຺ຖຸໂນ,

ສຣຓາຄມເນ ກຎ຺ຈິ - ນິວເສຕິ ຕຖາຄໂຕ

ກຎ຺ຈິ ປຎ຺ຈສຸ ສີເລສຸ - ສີເລ ທສວິເຘ ປຣໍ;

ກສ຺ສຈິ ເທຕິ ສາມຎ຺ຎໍ - ຈຕຸໂຣ ຜລມຸຕ຺ຕເມ,

ກສ຺ສຈິ ອສເຖ ຘມ຺ເມ - ເທຕິ ໂສ ປຏິສມ຺ຠິທາ;

ກສ຺ສຈິ ວຣສມາປຕ຺ຕິໂຍ - ອຏ຺ຐ ເທຕິ ນຣາສໂຠ,

ຕິສ຺ໂສ ກສ຺ສຈິ ວິຊ຺ຊາໂຍ - ຉຬຠິຎ຺ຎ ປເວຈ຺ຉຕິ;

ເຕນ ໂຍເຄນ ຊນກາຍໍ - ໂອວເທຕິ ມຫາມຸນິ,

ເຕນ ວິຕ຺ຖາຣິກໍ ອາສີ - ໂລກນາຖສ຺ສ ສາສນໍ;

ມຫາຫນູສຠກ຺ຂຓ຺ໂຘ - ທີປງ຺ກຣສນາມໂກ,

ພຫູ ຊເນ ຕາຣຍຕິ - ປຣິໂມເຈຕິ ທຸຄ຺ຄຕິໍ;

ໂພຘເນຍ຺ຍໍ ຊນໍ ທິສ຺ວາ - ສຕສຫສ຺ເສປິ ໂຍຊເນ

ຂເຓນ ອຸປຄນ຺ຕ຺ວານ - ໂພເຘຕິ ຕໍ ມຫາມຸນີ’’ຕິ;

ອິຕິ ໂສ ທີປງ຺ກໂຣ ສຕ຺ຖາ ວສ຺ສສຕ ສຫສ຺ສານິ ຐຕ຺ວາ ສຕ຺ຕານໍ ພຓ຺ຘນໂມກ຺ຂໍ ກຸຣຸມາໂນ ສພ຺ພພຸທ຺ຘກິຈ຺ຈານິ ນິຏ຺ຐາເປຕ຺ວາ ນຓ຺ທາຣາເມ ອນຸປາທິເສສາຍ ນິພ຺ພານຘາຕຸຍາ ປຣິນິພ຺ພາຍິນເຫວ ຘາຕຸໂຍ ຕສ຺ສ - ສຕ຺ຖຸໂນ ວິກິຣິໍສຸ ຕາ. ຐິຕາ ເອກຆນາ ຫຸຕ຺ວາ - ສຸວຓ຺ຓປຏິມາ ວິຍ ສກລຊມ຺ພຸທີປວາສິໂນ ມນຸສ຺ສາ ຆນໂກຏິຏິມສຸວຓ຺ຓຏ຺ຐິກາຫິ ເອວໍ ຉຕ຺ຕິໍສ ໂຍຊນິກໍ ມຫາຖູປມກໍສຸ ນິເວທສິ - ເກຈິ.

ເຕນ |ໂອ໐.໐໐໐໗| ວຸຕ຺ຕໍ

‘‘ທີປງ຺ກໂຣ ຊິໂນ ສຕ຺ຖາ - ນຓ຺ທາຣາມມ຺ຫິ ນິພ຺ພຸໂຕ,

ຕຕ຺ເຖວ ຕສ຺ສ ຊິນຖູໂປ - ຉຕ຺ຕິໍສຸພ຺ເພຘ ໂຍຊໂນ‘‘;

‘‘ປຕ຺ຕ ຈີວຣ ປຣິກ຺ຂາຣ - ປຣິໂຠຄຎ຺ຊ ສຕ຺ຖຸໂນ,

ໂພຘິມູເລ ຕທາ ຖູໂປ - ຕີຓິ ໂຍຊນມຸຄ຺ຄໂຕ’’ຕິ;

໗. ທີປງ຺ກຣສ຺ສ ປນ ຠຄວໂຕ ອປຣຠາໂຄ ເອກໍ ອສງ຺ເຂຍ຺ຍໍ ອຕິກ຺ກມິຕ຺ວາ ໂກຓ຺ຑຎ຺ໂຎ ນາມ ສຕ຺ຖາ ອຸທປາທິ. ຕທາ ໂພຘິສຕ຺ໂຕ ວິຊິຕາວິ ນາມ ຈກ຺ກວຕ຺ຕິ ຫຸຕ຺ວາ ໂກຏິສຕສຫສ຺ສ ສງ຺ຂສ຺ສ ພຸທ຺ຘ ປມຸຂສ຺ສ ຠິກ຺ຂຸສງ຺ຆສ຺ສ ມຫາທານໍ ອທາຍິ ສຕ຺ຖາ ໂພຘິສຕ຺ຕໍ ພຸທ຺ໂຘ ຠວິສ຺ສຕີຕິ ວ຺ຍາກຣິຕ຺ວາ ຘມ຺ມໍ ເທເສສິ ໂສ ສຕ຺ຖຸ ຘມ຺ມໍກຖໍ ສຸຕ຺ວາ ຣຊ຺ຊິ ນິຍ຺ຍາເທຕ຺ວາ ປພ຺ພຊິ ໂສ ຕີຓິ ປິຏການິ ອຸຄ຺ຄເຫຕ຺ວາ ອຏ຺ຐ ສມາປຕ຺ຕິໂຍ ປຎ຺ຈອຠິຎ຺ຎາໂຍຈ ອຸປ຺ປາເທຕ຺ວາ ອປຣິຫີນຊ຺ຌາໂນ ພ຺ຣຫ຺ມໂລເກ ນິພ຺ພຕ຺ຕິ. ໂສປິ ພຸທ຺ໂຘ ວສ຺ສສຕສຫສ຺ສານິ ຐຕ຺ວາ ສພ຺ພພຸທ຺ຘກິຈ຺ຈານິ ນິຏ຺ຐາເປຕ຺ວາ ຈຓ຺ທາຣາເມ ປຣິນິພ຺ພາຍິ ຕສ຺ສາປິ ຠຄວໂຕ ຘາຕຸຍາ ນ ວິກິຣິໍສຸ ສກລຊມ຺ພຸທີປວາສິໂນ ມນຸສ຺ສາ ສມາຄນ຺ຕ຺ວາ ສຕ຺ຕໂຍຊນິກາສຕ຺ຕຣຕນມຍໍ ຫຣິຕາລມໂນສິລາຍມຕ຺ຕິກາກິຈ຺ຈໍ ເຕລ ສປ຺ປີຫິ ອຸທກກິຈ຺ຈໍ ກຕ຺ວາ ເຈຕິຍໍ ນິຏ຺ຐາເປສຸໍ

ໂກຓ຺ຑຎ຺ເຎ ກິຣ ສມ຺ພຸທ຺ໂຘ - ຈຓ຺ທາຣາເມ ມໂນຣເມ,

ນິພ຺ພາຍິ ເຈຕິໂຍ ຕສ຺ສ - ສຕ຺ຕໂຍຊນິໂກ ກໂຕຕິ;

ຕສ຺ສ ອປຣຠາເຄ ເອກໍ ອສໍງ຺ຂຍ຺ຍໍ ອຕິກ຺ກມິຕ຺ວາ ເອກສ຺ມິໍເຍວ ກປ຺ເປ ຈຕ຺ຕາໂຣ ພຸທ຺ຘາ ອຸປ຺ປຊ຺ຊິໍສຸ - ມງ຺ຄໂລ ສຸມໂນ ເຣວໂຕ ໂຍຫິໂຕຕິ. ມງ຺ຄລສ຺ສ ປນ ຠຄວໂຕ ກາເລ ໂພຘິສຕ຺ໂຕ ສຸຣຸຈິ ນາມ ພ຺ຣາຫ຺ມໂຓ ຫຸຕ຺ວາ ສຕ຺ຖາຣໍ ນິມນ຺ເຕສ຺ສາມີຕິ ອຸປສງ຺ກມິຕ຺ວາ ມຘຸຣ ຘມ຺ມໍກຕໍ ສຸຕ຺ວາ ສ຺ວາຕນາຍ ນິມນ຺ເຕຕ຺ວາ ໂກຏິສຕສຫສ຺ສ ສງ຺ຂສ຺ສ ພຸທ຺ຘປມຸຂສ຺ສ ສງ຺ຆສ຺ສ ສຕ຺ຕາຫໍ ຄວປານໍ ນາມ ທານມທາສິ ສຕ຺ຖາ ອນຸໂມທນໍ ກໂຣນ຺ໂຕ ມຫາປຸຣິສໍ ອາມນ຺ເຕຕ຺ວາ ຕ຺ວໍ ກປ຺ປສຕສຫສ຺ສາຘິການໍ ທ຺ວນ຺ນໍ ອສງ຺ເຂຍ຺ຍານໍ ມຕ຺ຖເກ ໂຄຕໂມ ນາມ ພຸທ຺ໂຘ ຠວິສ຺ສສີຕິ ວ຺ຍາກາສິ ມຫາປຸຣິໂສ ວ຺ຍາກຣຓໍ ສຸຕ຺ວາ ອຫໍ ກິຣ ພຸທ຺ໂຘ ຠວິສ຺ສາມິ ໂກ ເມ ຆຣາວາເສນ ອຕ຺ໂຖ ປພ຺ພຊິສ຺ສມີຕິ ຈິນ຺ຕຕ຺ວາ ຕຖາຣູປໍ ສມ຺ປຕ຺ຕິໍ ເກຬປິຓ຺ຑໍ ວີຍ ປຫາຍ ສຕ຺ຖຸ ສນ຺ຕິເກ ປພ຺ພຊິຕ຺ວາ ພຸທ຺ຘວຈນໍ ອຸຄ຺ຄຓ຺ຫິຕ຺ວາ ອຠິຎ຺ຎາ ຈ ສມາປຕ຺ຕິໂຍ ຈ ນິພ຺ພຕ຺ເຕຕ຺ວາ ອາຍຸປຣິໂຍສາເນ ພ຺ຣຫ຺ມໂລເກ ນິພ຺ພຕ຺ຕິ, ຕສ຺ມິມ຺ປິ ພຸທ຺ເຘ ປຣິນິພ຺ພຸເຕ ຘາຕຸໂຍ ນ ວິກິຣິໍສຸ, ຊມ຺ພຸທີປວາສິໂນ ປຸພ຺ເພ ວິຍ ຕິໍສໂຍຊນກໍ ຖູປມກໍສຸ.

ເຕນ |ໂອ໐.໐໐໐໘| ວຸຕ຺ຕໍ ‘‘ອຸຍ຺ຍາເນ ວສໂຠ ນາມ - ພຸທ຺ໂຘ ນິພ຺ພາຍິ ມງ຺ຄໂລ, ຕຕ຺ເຖວ ຕສ຺ສ ຊິນຖູໂປ - ຕິໍສໂຍຊນມຸຄ຺ຄິໂຕ’’ຕິ.

ຕສ຺ສ ອປຣຠາເຄ ສຸມໂນ ນາມ ສຕ຺ຖາ ອຸທປາທິ ຕທາ ມຫາສຕ຺ໂຕ ອຕຸໂລ ນາມ ນາຄຣາຊາ ຫຸຕ຺ວາ ນິພ຺ພຕ຺ຕິ-ມຫິທ຺ຘິໂກ ມຫານຸຠາໂວ ໂສ ພຸທ຺ໂຘ ອຸປ຺ປນ຺ໂນຕິ ສຸຕ຺ວາ ຎາຕິສງ຺ຆປຣິວຸໂຕ ນາຄຠວນາ ນິກ຺ຂມິຕ຺ວາ ໂກຏິສຕສຫສ຺ສ ຠິກ຺ຂຸປຣິວາຣສ຺ສ ຕສ຺ສ ຠຄວໂຕ ທິພ຺ພຕຸຣິເຍຫິ ອຸປຫາຣໍ ກາເຣຕ຺ວາ ມຫາທານໍ ປວຕ຺ເຕຕ຺ວາ ປຈ຺ເຈກໍ ທຸສ຺ສຍຸຄານິ ທຕ຺ວາ ສຣເຓສຸ ປຕິຏ຺ຐາສິ ໂສປິ ນໍ ສຕ຺ຖາ ອນາຄເຕ ພຸທ຺ໂຘ ຠວິສ຺ສສີຕິ ວ຺ຍາກາສິ ຕສ຺ມິມ຺ປິ ພຸທ຺ເຘ ປຣິນິພ຺ພຸເຕ ຘາຕຸໂຍ ນ ວິກິຣິໍສຸ ຊມ຺ພຸທີປວາສໂນ ປຸພ຺ເພ ວິຍ ຈຕຸໂຍຊນິກໍ ຖູປມກໍສຸ.

ເຕນ ວຸຕ຺ຕໍ

‘‘ສຸມໂນ ຍສຘໂຣ - ພຸທ຺ໂຘ ອຄ຺ຄາຣາມມ຺ຫ ນິພ຺ພຸໂຕ,

ຕຕ຺ເຖວ ຕສ຺ສ ຊິນຖູໂປ - ຈຕຸໂຍຊນມຸຄ຺ຄໂຕ’’ຕິ;

ຕສ຺ສ ອປຣຠາເຄ ເຣວໂຕ ນາມ ສຕ຺ຖາ ອຸທປາທິ ຕທາ ໂພຘິສຕ຺ໂຕ ອຕິເທໂວ ນາມ ພ຺ຣາຫ຺ມໂຓ ຫຸຕ຺ວາ ສຕ຺ຖຸ ຘມ຺ມເທສນ ສຸຕ຺ວາ ສຣເຓສຸ ປຕິຏ຺ຐາຍ ສິຣສິ ອຎ຺ຊລິໍ ປຄ຺ຄເຫຕ຺ວາ ຕສ຺ສ ສຕ຺ຖຸໂນ ກິເລສປ຺ປຫາເນ ວຓ຺ຓໍ ວຕ຺ວາ ອຸຕ຺ຕຣາສງ຺ເຆນ ປູຊມກາສິ. ໂສປິ ນໍ ສຕ຺ຖາ ພຸທ຺ໂຘ ຠວິສ຺ສຕິຕິ ວ຺ຍາກາສິ ຕສ຺ມິໍ ປນ ພຸທ຺ເຘ ປຣິນິພ຺ພຸເຕ ຘາຕຸໂຍ ວິກິຣິໍສຸ.

ເຕນ ວຸຕ຺ຕໍ

‘‘ເຣວໂຕ ປວໂຣ ພຸທ຺ໂຘ - ນິພ຺ພຸໂຕ ໂສ ມຫາປຸເຣ,

ຘາຕຸ ວິຕ຺ຖາຣິກໍ ອາສີ - ເຕສຸ ເຕສຸ ປເທສໂຕ’’ຕິ;

ຕສ຺ສ ອປຣຠາເຄ ໂສຠິໂຕ ນາມ ສຕ຺ຖາ ອຸທປາທິ ຕທາ ໂພຘິສຕ຺ໂຕ ອຊິໂຕ ນາມ ພ຺ຣາຫ຺ມໂຓ ຫຸຕ຺ວາ ສຕ຺ຖຸ ຘມ຺ມເທສນໍ ສຸຕ຺ວາ ສຣເຓສຸ ປຕິຏ຺ຏາຍ ພຸທ຺ຘປມຸຂສ຺ສ ສງ຺ຆສ຺ສ ມຫາທານໍ ອທາສິ. ໂສປິ ນໍ ສຕ຺ຖາ ພຸທ຺ໂຘ ຠວິສ຺ສສີຕິ ວ຺ຍາກາສິ ຕສ຺ສາປິ ຠຄວໂຕ ຘາຕຸໂຍ ວິກິຣິໍສຸ.

ເຕນ ວຸຕ຺ຕໍ

‘‘ໂສຠິໂຕ ວຣສມ຺ພຸທ຺ໂຘ - ສີຫຣາມມ຺ຫິ ນິພ຺ພຸໂຕ,

ຘາຕຸວິຕ຺ຖາຣິກໍ ອາສີ - ເຕສຸ ເຕສຸ ປເທສໂຕ’’ຕິ;

ຕສ຺ສ ອປຣຠາເຄ ເອກມສງ຺ເຂຍ຺ຍໍ ອຕິກ຺ກມິຕ຺ວາ ເອກສ຺ມິໍເຍວ ກປ຺ເປ ຕໂຍ ພຸທ຺ຘາ ນິພ຺ພຕ຺ຕິໍສຸ - ອໂນມທສ຺ສິ ປທຸໂມ ນາຣໂທຕິ. ອໂນມທສ຺ສິສ຺ສ ຠຄວໂຕ ກາເລ ໂພຘິສຕ຺ໂຕ ເອໂກ

໑. ຍສວໂຣ ຘີໂຣ - ເກຈິ.

ຍກ຺ຂ |ໂອ໐.໐໐໐໙| ເສນາປຕິ ອໂຫສິ ມຫິທ຺ຘິໂກ ມຫານຸຠາໂວ ອເນກ ໂກຏິສຕສຫສ຺ສານໍ ຍກ຺ຂານໍ ອຘິປຕິ. ໂສ ພຸທ຺ໂຘ ອຸປ຺ປນ຺ໂນຕິ ສຸຕ຺ວາ ອາຄນ຺ຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ມຫາທານມທາສິ ສຕ຺ຖາປິ ຕໍ ອນາຄເຕ ພຸທ຺ໂຘ ຠວິສ຺ສສີຕິ ວ຺ຍາກາສິ. ອໂນມທສ຺ສິມ຺ຫິ ປນ ຠຄວຕິ ປຣິນິພ຺ພຸເຕ ຘາຕຸໂຍ ນ ວິກິຣິໍສຸ ຊມ຺ພຸທີປວາສິໂນ ປຎ຺ຈວີສໂຍຊນກໍ ຖູປໍ ກຣິໍສຸ

ເຕນ ວຸຕ຺ຕໍ

‘‘ອໂນມທສ຺ສິ ຊິໂນ ສຕ຺ຖາ - ຘມ຺ມາຣາມມ຺ຫິ ນິພ຺ພຸໂຕ,

ຕຕ຺ເຖວ ຕສ຺ສ ຊິນຖູໂປ - ອຸພ຺ເພຘາ ປຓ຺ຓຸວີສຕີ’ຕິ;

ຕສ຺ສ ອປຣຠາເຄ ປທຸໂມ ນາມ ສຕ຺ຖາ ອຸທປາທິ ຕຖາຄເຕ ອຄາມກາຣຎ຺ເຎ ວິຫເຣນ຺ຕາ ໂພຘິສຕ຺ໂຕ ສີໂຫ ຫຸຕ຺ວາ ສຕ຺ຖາຣໍ ນິໂຣຘສມາປຕ຺ຕິຍາ ສມາປນ຺ນໍ ທິສ຺ວາ ປສນ຺ນຈິຕ຺ໂຕ ວນ຺ທິຕ຺ວາ ປທກ຺ຂິຓໍ ກຕ຺ວາ ປີຕິໂສມນສ຺ສຊາໂຕ ຕິກ຺ຂຕ຺ຕຸໍ ສີຫນາທໍ ນທິຕ຺ວາ ສຕ຺ຕາຫໍ ພຸທ຺ຘາຣມ຺ມຓໍ ປີຕິໍ ອວິຊຫິຕ຺ວາ ປີຕິສຸເຂເນວ ໂຄຈຣາຍ ອປກ຺ກມິຕ຺ວາ ຊິວິຕປຣິຈ຺ຈາຄໍ ກຕ຺ວາ ປຍິຣຸປາສມາໂນ ອຏ຺ຐາສິ ສຕ຺ຖາ ສຕ຺ຕາຫຈ຺ຈເຍນ ນິໂຣຘາ ວຸຏ຺ຐິໂຕ ສີຫໍ ໂອໂລເກຕ຺ວາ ຠິກ຺ຂຸສງ຺ເຆປິ ຈິຕ຺ຕໍ ປສາເທຕ຺ວາ ສງ຺ຆໍ ວນ຺ທິສ຺ສຕີ‘‘ຕິ ຠິກ຺ຂຸສງ຺ໂຆ ອາຄຈ຺ຉຕູຕິ ຈິນ຺ເຕສິ ຠິກ຺ຂຸ ຕາວເທວ ອາຄມິໍສຸ ສີໂຫ ສງ຺ເຆ ຈິຕ຺ຕໍ ປສາເທສິ. ສຕ຺ຖາ ຕສ຺ສ ມນໍ ໂອໂລເກຕ຺ວາ ອນາຄເຕ ພຸທ຺ໂຘ ຠວິສ຺ສຕີຕິ ວ຺ຍາກາສິ ຕສ຺ສ ປນ ຠຄວໂຕ ຘາຕຸໂຍ ວິກິຣິໍສຸ.

ເຕນ ວຸຕ຺ຕໍ

‘‘ປທຸໂມ ຊິນວໂຣ ສຕ຺ຖາ - ຘມ຺ມາຣາມມ຺ຫິ ນິພ຺ພຸໂຕ,

ຘາຕຸ ວິຕ຺ຖາຣິກໍ ອາສິ - ເຕສຸ ເຕສຸ ປເທສໂຕ’’ຕິ;

ຕສ຺ສ ອປຣຠາເຄ ນາຣໂທ ນາມ ສຕ຺ຖາ ອໂຫສິ ຕທາ ໂພຘິສຕ຺ໂຕ, ອິສິປພ຺ພຊ຺ຊໍ ປພ຺ພຊິຕ຺ວາ ປຎ຺ຈສຸ ອຠິຎ຺ຎາສຸ ອຏ຺ຐສຸຈ ສມາປຕ຺ຕິສຸຈິຓ຺ຓວສີ ຫຸຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ມຫາທານໍ ທຕ຺ວາ ໂລຫິຕ ຈຓ຺ທເນນ ປູຊມກາສິ ໂສປິ ນໍ ອນາຄໂຕ ພຸທ຺ໂຘ ຠວິສ຺ສຕີຕິ ວ຺ຍາກາສິ ນາຣທ ປນ ຠຄວໂຕ ຘາຕຸໂຍ ເອກຆນາ ອເຫສຸໍ. ສພ຺ເພ ເທວ ມນຸສ຺ສາ ສນ຺ນິປຕິຕ຺ວາ ຈຕຸໂຍຊນິກໍ ຖູປໍ ກຣິໍສຸ.

ເຕນ ວຸຕ຺ຕໍ

‘‘ນາຣໂທ ຊິນວສໂຠ - ນິພ຺ພຸໂຕ ສຸທສ຺ສເນ ປຸເຣ,

ຕຕ຺ເຖວ ຕສ຺ສ ຖູປວໂຣ - ຈຕຸໂຍຊນມຸຄ຺ຄໂຕ’’ຕິ;

ຕສ຺ສ ອປຣຠາເຄ ເອກມສງ຺ເຂຍ຺ຍມຕິກ຺ກມິຕ຺ວາ ອິໂຕ ກປ຺ປສຕສຫສ຺ສ ມຕ຺ຖເກ ເອກສ຺ມິໍ ກປ຺ເປ ປທຸມຸຕ຺ຕໂຣ ນາມ ສຕ຺ຖາ ອຸທປາທິ. ຕທາ ໂພຘິສຕ຺ໂຕ ຊຏິໂລ ນາມ ມຫາຣຏ຺ຐິໂກ ຫຸຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ຈິວຣທານມທາສິ. ໂສປິ ຕໍ ອນາຄໂຕ ພຸທ຺ໂຘ ຠວິສ຺ສຕີຕິ ວ຺ຍາກາສິ. |ໂອ໐.໐໐໑໐| ປທຸມຸຕ຺ຕຣສ຺ສາປິ ຠຄວໂຕ ຘາຕຸໂຍ ເອກຆນາ ອເຫສຸໍ. ສພ຺ເພ ເທວມນຸສ຺ສາ ສນ຺ນິປຕິຕ຺ວາ ທ຺ວາທສ ໂຍຊນິກໍ ມຫາຖູປມກໍສຸ.

ເຕນ ວຸຕ຺ຕໍ

‘‘ປທຸມຸຕ຺ຕໂຣ ຊິໂນ ພຸທ຺ໂຘ - ນຓ຺ທາຣາມມ຺ຫິ ນິພ຺ພຸໂຕ,

ຕຕ຺ເຖວ ຕສ຺ສ ຖູປວໂຣ - ທ຺ວາທສຸພ຺ເພຘໂຍຊໂນ’’ຕິ;

ຕສ຺ສ ອປຣຠາເຄ ຕິໍສກປ຺ປ ສຫສ຺ສານິ ອຕິກ຺ກມິຕ຺ວາ ສຸເມໂຘ ສຸຊາໂຕ ຈາຕິ ເອກສ຺ມິໍ ກປ຺ເປ ທ຺ເວ ພຸທ຺ຘາ ນິພ຺ພຕ຺ຕິໍສຸ ສຸເມຘສ຺ສ ປນ ຠຄວໂຕ ກາເລ ໂພຘິສຕ຺ໂຕ ອຸຕ຺ຕໂຣ ນາມ ມານໂວ ຫຸຕ຺ວາ ນິທຫິຕ຺ວາ ຐປິຕໍເຍວ ອສີຕິໂກຏິຘນໍ ວິສ຺ສຊ຺ເຊຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ມຫາທານໍ ທຕ຺ວາ ຘມ຺ມໍ ສຸຕ຺ວາ ສຣເຓສຸ ປຕິຏ຺ຐາຍ ນິກ຺ຂມິຕ຺ວາ ປພ຺ພຊິ ໂສປິ ນໍ ອນາຄເຕ ພຸທ຺ໂຘ ຠວິສ຺ສຕີຕິ ວ຺ຍາກາສິ. ສຸມ຺ເຘສ຺ສ ປນ ຠຄວໂຕ ຘາຕຸໂຍ ວິກິຣິໍສຸ

ເຕນ ວຸຕ຺ຕໍ

‘‘ສຸເມໂຘ ຊິນວໂຣ ພຸທ຺ໂຘ - ເມຘາຣາມມ຺ຫິ ນິພ຺ພຸໂຕ,

ຘາຕຸວິຕ຺ຖາຣິກໍ ອາສິ - ເຕສຸ ເຕສຸ ປເທສໂຕ’’ຕິ;

ຕສ຺ສ ອປຣຠາເຄ ສຸຊາໂຕ ນາມ ສຕ຺ຖາ ອຸທປາທິ. ຕທາ ໂພຘິສຕ຺ໂຕຈກ຺ກວຕ຺ຕິຣາຊາ ຫຸຕ຺ວາ ພຸທ຺ໂຘ ອຸປ຺ປນ຺ໂນຕິ ສຸຕ຺ວາ ອຸປສໍກມິຕ຺ວາ ຘມ຺ມໍ ສຸຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ສທ຺ຘິໍ ສຕ຺ຕຫິ ຣຕເນຫິ ຈຕຸມຫາທີປໍ ຣຊ຺ຊໍ ທຕ຺ວາ ສຕ຺ຖຸ ສນ຺ຕິເກ ປພ຺ພຊິ ສກລຣຏ຺ຐວາສິໂນ ຣຏ຺ຐຸປ຺ປາທໍ ຄເຫຕ຺ວາ ອາຣາມິກ ກິຈ຺ຈໍ ສາເຘນ຺ຕາ ພຸທ຺ຘປມຸຂສ຺ສ ສງ຺ຆສ຺ສ ນິຈ຺ຈໍ ມຫາທານມທໍສຸ. ໂສປິ ນໍ ສຕ຺ຖາ ອນາຄເຕ ພຸທ຺ໂຘຠວິສ຺ສຕີຕິ ວ຺ຍາກາສິ ສຸຊາຕສ຺ສ ປນ ຠຄວໂຕ ຘາຕຸໂຍ ເອກຆນາ ອເຫສຸໍ ຊມ຺ພຸທີປວາສິໂນ ຕິຄາວຸຕໍ ຖູປມກໍສຸ

ເຕນ ວຸຕ຺ຕໍ

‘‘ສຸຊາໂຕ ຊິນວໂຣ ພຸທ຺ໂຘ ສີລາຣາມມ຺ຫິ ນິພ຺ພຸໂຕ,

ຕຕ຺ເຖວ ເຈຕິໂຍ ຕສ຺ສ - ຕີຓິ ຄາວຸຕມຸຄ຺ຄໂຕ’’ຕິ;

ຕສ຺ສ ອປຣຠາເຄ ອຏ຺ຐາຣສ ກປ຺ປສຕມຕ຺ຖເກ ເອກສ຺ມິໍ ກປ຺ເປ ປິຍທສ຺ສິ ອຕ຺ຖທສ຺ສິ ຘມ຺ມທສ຺ສິຕິ ຕໂຍ ພຸທ຺ຘາ ນິພ຺ພຕ຺ຕິໍສຸ ປິຍທສ຺ສິ ພຸທ຺ຘກາເລ ໂພຘິສຕ຺ໂຕ ກສ຺ສໂປ ນາມ ມາຓໂວ ຕິຓ຺ຓໍ ເວທານໍ ປາຣຄໂຕ ຫຸຕ຺ວາ ສຕ຺ຖຸ ຘມ຺ມເທສນໍ ສຸຕ຺ວາ ໂກຏິສຕສຫສ຺ສ ຘນ ປຣິຈ຺ຈາເຄນ ສງ຺ຆາຣາມໍ ກາເຣຕ຺ວາ ສຣເຓສຸ ຈ ສີເລສຸ ຈ ປຕິຏ຺ຐາສິ ອຖ ນໍ ສຕ຺ຖາ ອຏ຺ຐາຣສ ກປ຺ປ ສຕຈ຺ຈເຍນ ພຸທ຺ໂຘ ຠວິສ຺ສຕີຕິ ວ຺ຍາກາສິ ປິຍທສ຺ສິສ຺ສ ຠຄວໂຕປິ ຘາຕຸໂຍ ເອກຆນາວ ອເຫສຸໍ ຊມ຺ພຸທີປວາສິໂນ ສນ຺ນິປຕິຕ຺ວາ ຕິໂຍຊນິກໍ ມຫາຖູປມກໍສຸ.

ເຕນ |ໂອ໐.໐໐໑໑| ວຸຕ຺ຕໍ

‘‘ປິຍທສ຺ສິ ມຸນິວໂຣ - ສລລາຣາມມ຺ຫິ ນິພ຺ພຸໂຕ,

ຕຕ຺ເຖວ ຕສ຺ສ ຊິນຖູໂປ - ຕີຓິ ໂຍຊນມຸຄ຺ຄໂຕ’’ຕິ;

ຕສ຺ສ ອປຣຠາເຄ ອຕ຺ຖທສ຺ສິ ນາມ ຠຄວາ ອຸທປາທິ ຕທາ ໂພຘິສຕ຺ໂຕ ມຫິທ຺ຘິໂກ ມຫານຸຠາໂວ ສຸສິໂມ ນາມ ຕາປໂສ ຫຸຕ຺ວາ ຠຄວໂຕ ສນ຺ຕິເກ ຘມ຺ມໍ ສຸຕ຺ວາ ປສີທິຕ຺ວາ ທິພ຺ພານິ ມຓ຺ທາຣວ ປທຸມປາຣິຈ຺ຉຕ຺ຕກາທີນິ ປຸປ຺ຜານິ ອາຫຣິຕ຺ວາ ຈາຕຸທ຺ວີປິກ ມຫາເມໂຆ ວິຍ ປຸປ຺ຜວສ຺ສໍ ວສ຺ເສຕ຺ວາ ສມນ຺ຕໂຕ ປຸປ຺ຜມຓ຺ຑປ ປຸປ຺ຜອຄຆິຍ ໂຕຣຓາທີນິ ກຕ຺ວາ ມຓ຺ທາຣວ ປຸປ຺ຜຈ຺ຉຕ຺ເຕນ ທສພລໍ ປູເຊສິ ໂສປິ ນໍ ຠຄວາ ອນາຄໂຕ ໂຄຕໂມ ນາມ ພຸທ຺ໂຘ ຠວິສ຺ສຕີຕິ ວາກາສິ. ຕສ຺ສ ປນ ຠຄວໂຕ ຘາຕຸໂຍ ວິກິຣິໍສຸ.

ເຕນ ວຸຕ຺ຕໍ

‘‘ອຕ຺ຖທສ຺ສິ ຊິນວໂຣ - ອໂນມາຣາມມ຺ຫິ ນິພ຺ພຸໂຕ,

ຘາຕຸວິຕ຺ຖາຣິກໍ ອາສິ - ເຕສຸ ເຕສຸ ຈ ຣຏ຺ຐໂຕ’’ຕິ;

ຕສ຺ສ ອປຣຠາເຄ ຘມ຺ມທສ຺ສິ ນາມ ສຕ຺ຖາ ອຸທປາທິ. ຕທາ ໂພຘິສຕ຺ໂຕ ສກ຺ກາ ເທວຣາຊາ ທິພ຺ພຄຓ຺ຘປຸປ຺ເຜຫິ ຈ ທິພ຺ພຕຸຣິເຍຫິ ຈ ປູຊໍ ອກາສິ ໂສປິ ນໍ ພຸທ຺ໂຘ ຠວິສ຺ສຕີຕິ ວ຺ຍາກາສິ. ຘມ຺ມທສ຺ສິສ຺ສ ປນ ຠຄວໂຕ ຘາຕຸໂຍ ເອກຆນາ ອເຫສຸໍ. ຊມ຺ພຸທີປວາສິໂນ ຕິໂຍຊນິກໍ ຖູປມກໍສຸ.

ເຕນ ວຸຕ຺ຕໍ

‘‘ຘມ຺ມທສ຺ສິ ມຫາວີໂຣ-ເກລາສາຣມມ຺ຫິ ນິພ຺ພຸໂຕ,

ຕຕ຺ເຖວ ຖູປວໂຣ ຕສ຺ສ-ຕີຓິ ໂຍຊນມຸຄ຺ຄໂຕ’’ຕິ;

ຕສ຺ສ ອປຣຠາເຄ ຈຕຸນວຸຕິກປ຺ປ ມຕ຺ຖເກ ເອກສ຺ມິໍ ກປ຺ເປ ເອໂກວ ສິທ຺ຘຕ຺ໂຖ ນາມ ສຕ຺ຖາ ອຸທປາທິ. ຕທາ ໂພຘິສຕ຺ໂຕ ອຸຄ຺ຄເຕໂຊ ອຠິຎ຺ຎາພລ ສມ຺ປນ຺ໂນ ມງ຺ຄໂລ ນາມ ຕາປໂສ ຫຸຕ຺ວາ ມຫາຊມ຺ພຸຜລໍ ອາຫຣິຕ຺ວາ ຕຖາຄສ຺ສ ອທາສິ ສຕ຺ຖາ ຕໍ ຜລໍ ປຣິຠຸຎ຺ຊິຕ຺ວາ ຈຕຸນວຸຕິ ກປ຺ປມຕ຺ຖເກ ພຸທ຺ໂຘ ຠວິສ຺ສຕີຕິ ວ຺ຍາກາສິ ຕສ຺ສາປິ ຠຄວໂຕ ຘາຕຸໂຍ ນ ວິກິຣິໍສຸ, ຈຕຸໂຍຊນິກໍ ຣຕນມຍໍ ຖູປມກໍສຸ.

ເຕນ ວຸຕ຺ຕໍ

‘‘ສິທ຺ຘຕ຺ໂຕ ມຸນິວໂຣ ພຸທ຺ໂຘ ອໂນມາຣມມ຺ຫິ ນິພ຺ພຸໂຕ,

ຕຕ຺ເຖວ ຕສ຺ສ ຖູປວໂຣ-ຈຕຸໂຍຊນມຸຄ຺ຄໂຕ’’ຕິ;

ຕສ຺ສ ອປຣຠາເຄ ອິໂຕ ທ຺ວານວຸຕິ ກປ຺ປມຕ຺ຖເກ ຕິສ຺ໂສ ຜຸສ຺ໂສຕິ ເອກສ຺ມິໍ ກປ຺ເປ ເທວ ພຸທ຺ຘາ ນິພ຺ພຕ຺ຕິໍສຸ ຕິສ຺ສສ຺ສ ຠຄວໂຕ ກາເລ ໂພຘິສຕ຺ຕາ ມຫາໂຠໂຄ ມຫາຍໂສ ສຸຊາໂຕ ນາມ ຂຕ຺ຕິໂຍ ຫຸຕ຺ວາ ອິສິປພ຺ພຊ຺ຊໍ ປພ຺ພຊິຕ຺ວາ ມຫິທ຺ຘິກຠາວໍ ປຕ຺ວາ ພຸທ຺ໂຘ |ໂອ໐.໐໐໑໒| ອຸປ຺ປນ຺ໂນຕິ ສຸຕ຺ວາ ທິພ຺ພມຓ຺ທາຣວ ປທຸມ ປາຣິຈ຺ຉຕ຺ຕ ປຸປ຺ຜານິ ອາທາຍ ຈຕຸປຣິສມຊ຺ເຌ ຄຈ຺ຉນ຺ຕໍ ຕຖາຄຕໍ ປູເຊສິ. ອາກາເສ ປຸປ຺ຜວິຕານມິວ ອຏ຺ຐາສິ ໂສປິ ນໍ ສຕ຺ຖາ ອິໂຕ ທ຺ວານວຸຕິ ກປ຺ປມຕ຺ຖເກ ພຸທ຺ໂຘ ຠວິສ຺ສຕີຕິ ວ຺ຍາກາສິ. ຕສ຺ສາປິ ຠຄວໂຕ ຘາຕຸໂຍ ນ ວິກິຣິໍສຸ ຘາຕຸໂຍ ຄເຫຕ຺ວາ ຕິໂຍຊນິກໍ ຖູປມກໍສຸ.

ເຕນ ວຸຕ຺ຕໍ

‘‘ຕິສ຺ໂສ ຊິນວໂຣ ພຸທ຺ໂຘ-ນຓ຺ທາຣາມມ຺ຫິ ນິພ຺ພຸໂຕ

ຕຕ຺ເຖວ ຕສ຺ສ ຖູປວໂຣ-ຕີຓິ ໂຍຊນມຸສ຺ສິໂຕ’’ຕິ;

ຕສ຺ສ ອປຣຠາເຄ ຜຸສ຺ໂສ ນາມ ພຸທ຺ໂຘ ອຸທປາທິ ຕທາ ໂພຘິສຕ຺ໂຕ ວິຊິຕາວິ ນາມ ຂຕ຺ຕິໂຍ ຫຸຕ຺ວາ ມຫາຣຊ຺ຊໍ ປຫາຍ ສຕ຺ຖຸ ສນ຺ຕິເກ ປພ຺ພຊິຕ຺ວາ ຕີຓິ ປິຏການິ ອຸຄ຺ຄເຫຕ຺ວາ ມຫາຊນສ຺ສ ຘມ຺ມກຖໍ ກເຖຕ຺ວາ ສີລປາຣມິຎ຺ຈ ປູເຣສິ. ໂສປິ ນໍ ພຸທ຺ໂຘ ຕເຖວ ວ຺ຍາກາສິ ຕສ຺ສ ປນ ຠຄວໂຕ ຘາຕຸໂຍ ວິກິຣິໍສຸ.

ເຕນ ວຸຕ຺ຕໍ

‘‘ຜຸສ຺ໂສ ຊິນວໂຣ ສຕ຺ຖາ-ສຸນນ຺ທາຣາມມ຺ຫິ ນິພ຺ພຸໂຕ

ຘາຕຸວິຕ຺ຖາຣິກໍ ອາສິ-ເຕສຸ ເຕສຸ ປເທສໂຕ’’ຕິ;

ຕສ຺ສ ອປຣຠາເຄ ອິໂຕ ເອກນວຸຕິ ກປ຺ປມຕ຺ຖເກ ວິປສ຺ສິ ນາມ ພຸທ຺ໂຘ ອຸທປາທິ ຕທາ ໂພຘິສຕ຺ໂຕ ມຫິທ຺ຘິໂກ ມຫານຸຠາໂວ ອຕຸໂລ ນາມ ນາຄຣາຊາ ຫຸຕ຺ວາ ສຕ຺ຕຣຕນ ຂຈິຕໍ ໂສວຓ຺ຓມຫາປີຐໍ ຠຄວໂຕ ອທາສິ ໂສປິ ນໍ ອິໂຕ ເອກນວຸຕິກປ຺ປມຕ຺ຖເກ ພຸທ຺ໂຘ ຠວິສ຺ສຕີຕິ ວ຺ຍາກາສິ ຕສ຺ສ ປນ ຠຄວໂຕ ຘາຕຸໂຍ ນ ວິກິຣິໍສຸ ສພ຺ເພ ເທວມນຸສ຺ສາ ສນ຺ຕິປຕິຕ຺ວາ ຘາຕຸໂຍ ຄເຫຕ຺ວາ ສຕ຺ຕໂຍຊນິກໍ ຖູປມກໍສຸ.

ເຕນ ວຸຕ຺ຕໍ

‘‘ວິປສ຺ສິ ຊິນວໂຣ ວີໂຣ-ສຸມິຕ຺ຕາຣາມມ຺ຫິ ນິພ຺ພຸໂຕ,

ຕຕ຺ເຖວ ໂສ ຖູປວໂຣ-ສຕ຺ຕໂຍຊນິໂກ ກໂຕ’’ຕິ;

ຕສ຺ສ ອປຣຠາເຄ ອິໂຕ ເອກຕິໍສ ກປ຺ປມຕ຺ຖເກ ສິຂີ ເວສ຺ສຠູຕິ ທ຺ເວ ພຸທ຺ຘາ ນິພ຺ພຕ຺ຕິໍສຸ ສິຂິສ຺ສ ຠຄວໂຕ ກາເລ ໂພຘິສຕ຺ໂຕ ອຣິຓ຺ທໂມ ນາມ ຣາຊາ ຫຸຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ສຈິວຣໍ ມຫາທານໍ ປວຕ຺ເຕຕ຺ວາ ສຕ຺ຕຣຕນ ປຕິມຓ຺ຑິຕໍ ຫຕ຺ຖິຣຕນໍ ທຕ຺ວາ ຫຕ຺ຖິປ຺ປມາຓໍ ກຕ຺ວາ ກປ຺ປິຍ ຠຓ຺ຑມທາສິ ໂສປິ ນໍ ອິໂຕ ເອກຕິໍສ ກປ຺ເປ ພຸທ຺ໂຘ ຠວິສ຺ສຕີຕິ ວ຺ຍາກາສິ, ສິຂິສ຺ສ ຠຄວໂຕ ຘາຕຸໂຍ ເອກຆນາ ຫຸຕ຺ວາ ອຏ຺ຐໍສຸ, ສກລ ຊມ຺ພຸທີປວາສິໂນ ປນ ມນຸສ຺ສາ ຘາຕຸໂຍ ຄເຫຕ຺ວາ ຕິໂຍຊນຸພ຺ເພຘໍ ສຕ຺ຕຣຕນມຍໍ ຫິມຄິຣິ ສທິສ ໂສຠໍ ຖູປມກໍສຸ.

ສິຂີ |ໂອ໐.໐໐໑໓| ມຸນິວໂຣ ພຸທ຺ໂຘ-ທຸສ຺ສາຣາມມ຺ຫິ ນິພ຺ພຸໂຕ,

ຕຕ຺ເຖວ ຕສ຺ສ ຖູປວໂຣ-ຕີຓິ ໂຍຊນມຸຄ຺ຄໂຕ’’ຕິ;

ຕສ຺ສ ອປຣຠາເຄ ເວສ຺ສຠູ ນາມ ສຕ຺ຖາ ອຸທປາທິ. ຕທາ ໂພຘິສຕ຺ໂຕ ສຸທສ຺ສໂນ ນາມ ຣາຊາ ຫຸຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ສຈີວຣມຫາທານໍ ທຕ຺ວາ ຕສ຺ສ ສນ຺ຕິເກ ປພ຺ພຊິຕ຺ວາ ອາຈາຣຄຸຓສມ຺ປນ຺ໂນ ພຸທ຺ຘຣຕເນ ຈິຕຕີກາຣ ປີຕິ ພຫຸໂລ ອໂຫສິ ເສປິ ນໍ ສຕ຺ຖາ ອິໂຕ ເອກຕິໍສກປ຺ເປ ພຸທ຺ໂຘ ຠວິສ຺ສຕີຕິ ວ຺ຍາກາສິ ເວສ຺ສຠຸສ຺ສ ປນ ຠຄວໂຕ ຘາຕຸໂຍ ວິກິຣິໍສຸ.

ເຕນ ວຸຕ຺ຕໍ

‘‘ເວສ຺ສຠູ ຊິນວໂຣ ສຕ຺ຖາ-ເຂມາຣາມມ຺ຫິ ນິພ຺ພຸໂຕ;

ຘາຕຸວິຕ຺ຖາຣິກໍ ອາສິ-ເຕສຸ ເຕສຸ ປເທສໂຕ’’ຕິ;

ຕສ຺ສ ອປຣຠາເຄ ອິມສ຺ມິໍ ກປ຺ເປ ຈຕ຺ຕາໂຣ ພຸທ຺ຘາ ນິພ຺ພຕ຺ຕິໍສຸ ກກຸສຓ຺ໂຘ ໂກນາຄມໂນ ກສ຺ສໂປ ອມ຺ຫາກໍ ຠຄວາຕິ ກຕຸສຓ຺ຘສ຺ສ ປນ ຠຄວໂຕ ກາໂລ ໂພຘິສຕ຺ໂຕ ເຂໂມ ນາມ ຣາຊາ ຫຸຕ຺ວາ ພຸທ຺ຘປມຸຂສ຺ສ ສງ຺ຆສ຺ສ ສປຕ຺ຕຈີວຣໍ ທານຎ຺ເຈວ ອຎ຺ຊນາທິ ເຠສຊ຺ຊານິ ຈ ທຕ຺ວາ ສຕ຺ຖຸ ຘມ຺ມເທສນໍ ສຸຕ຺ວາ ປພ຺ພຊິ ໂສປິ ນໍ ສຕ຺ຖາ ວ຺ຍາກາສິ ຕສ຺ສ ປນ ຠຄວໂຕ ຘາຕຸໂຍ ນ ວິກິຣິໍສຸ ສພ຺ເພ ສນ຺ນິປຕິຕ຺ວາ ຘາຕຸໂຍ ຄເຫຕ຺ວາ ຄາວຸຕຸພ຺ເພຘໍ ຖູປມກໍສຸ.

ເຕນ ວຸຕ຺ຕໍ