ສກາຣນ຺ຕຘາຕຸ
ປຸສ ໂປສເນ. ໂປເສຕິ, ໂປສຍຕິ. ອິມານິ ຣູປານິ ກິຎ຺ຈາປິ ຠູວາທິຄຓິກໍ ‘‘ໂປເສຕີ’’ຕິ ຣູປໍ ປຏິຈ຺ຈ ເຫຕຸກຕ຺ຕຸຣູປານິ ວິຍ ທິສ຺ສນ຺ຕິ, ຕຖາປິ ‘‘ອຎ຺ເຎປິ ເທໂວ ໂປເສຕີ’’ຕິອາທິກສ຺ສ ຈຸຣາທິຄຓິກຣູປສ຺ສ ທສ຺ສນໂຕ ສຸທ຺ຘກຕ຺ຕຸວເສນ ວຸຕ຺ຕານີຕິ ທຏ຺ຐພ຺ພໍ. ອຸຠິນ຺ນໍ ປນ ກາຣິຕຏ຺ຐາເນ ‘‘ໂປສາເປຕິ, ໂປສາປຍຕີ’’ຕິ ເຫຕຸກຕ຺ຕຸຣູປານິ ອິຈ຺ຉິຕພ຺ພານິ.
ເປສ ປຏິຫຣເຓ. ເປເສຕິ, ເປສຍຕິ.
ປິສ ພລປາຓເນສຸ. ປິເສຕິ, ປິສຍຕິ.
ປສິ ນາສເນ. ປໍເສຕິ, ປໍສຍຕິ.
ຊສິ ຣກ຺ຂເຓ. ຊໍເສຕິ, ຊໍສຍຕິ.
ສິເລສ ສິເລສເນ. ສິເລເສຕິ, ສິເລສຍຕິ. ສິເລໂສ.
ລູສ ຫິໍສາຍໍ. ລູເສຕິ, ລູສຍຕິ.
ປຸນ຺ສ ອຠິມທ຺ທເນ. ນກາໂຣ ນິຄ຺ຄຫີຕຕ຺ຖໍ. ປຸໍເສຕິ, ປຸໍສຍຕິ. ນປຸໍສໂກ. ຘາຕຸນກາຣສ຺ສ ໂລເປ ‘‘ໂປໂສ’’ ອິຈ຺ຈປິ ຣູປໍ.
ຕຕ຺ຖ ນ ປຸໍສໂກຕິ ອິຕ຺ຖິຠາວປຸມ຺ຠາວຣຫິໂຕ ປຸຄ຺ຄໂລ. ໂສ ຫິ ປຸຣິໂສ ວິຍ ສາຕິສຍໍ ປຈ຺ຈາມິຕ຺ເຕ ນ ປຸໍເສຕິ ອຠິມທ຺ທນໍ ກາຕຸໍ ນ ສກ຺ໂກຕີຕິ ນປຸໍສໂກຕິ ວຸຈ຺ຈຕິ. ເກຈິ ປນ ‘‘ນ ປຸມາ, ນ ອິຕ຺ຖີ’’ຕິ ນປຸໍສໂກຕິ ວຈນຕ຺ຖໍ ວທນ຺ຕິ. ຕຖາ ຫິ ສທ຺ທສຕ຺ຖວິທູ ຕໍ ປຸຄ຺ຄລໍ ນປຸໍສກລິງ຺ຄວເສນ ນປຸໍສກນ຺ຕິ ວທນ຺ຕິ.
ຘູສ ກນ຺ຕິກຣເຓ. ຘູເສຕິ, ຘູສຍຕິ.
ຣຸສ ໂຣສເນ. ໂຣສນໍ ໂກປກຣຓໍ. ໂຣເສຕິ, ໂຣສຍຕິ. ໂຣໂສ. ໂຣໂສຕິ ໂກໂຘ.
ພ຺ຍຸສ ອຸສ຺ສຄ຺ເຄ. ພ຺ໂຍເສຕິ, ພ຺ໂຍສຍຕິ.
ຊສ ຫິໍສາຍໍ. ຊາເສຕິ, ຊາສຍຕິ.
ທໍສ ທໍສເນ. ທໍເສຕິ, ທໍສຍຕິ. ທໍສໂນ. ທໍສໂນຕິ ທນ຺ໂຕ. ທໍສນ຺ຕິ ຂາທນີຍໍ ວາ ໂຠຊນີຍໍ ວາ ເອເຕນາຕິ ທໍສໂນ.
ທສິ ທສ຺ສເນ ຈ. ຈກາໂຣ ທໍສນໍ ອເປກ຺ຂຕິ. ທໍເສຕິ, ທໍສຍຕິ. ວິທໍເສຕິ, ວິທໍສຍຕິ ສູຣິໂຍ ອາໂລກໍ.
ຕສ຺ສ ສນ຺ຕຊ຺ຊເນ. ຕສ຺ເສຕິ, ຕສ຺ສຍຕິ ປຸຣິໂສ ໂຈເຣ.
ວສ຺ສຸ ສຕ຺ຕິພນ຺ຘເນ. ສຕ຺ຕິພນ຺ຘນໍ ສມຕ຺ຖຕາກຣຓໍ. ວສ຺ເສຕິ, ວສ຺ສຍຕິ.
ຊສ ຕາຬເນ. ຕາຬນໍ ປຫຣຓໍ. ຊາເສຕິ, ຊາສຍຕິ.
ປສ ພນ຺ຘເນ. ປາເສຕິ, ປາສຍຕິ. ປາໂສ. ປາສນ຺ຕິ ພນ຺ຘນ຺ຕິ ສຕ຺ເຕ ເອເຕນາຕິ ປາໂສ, ສກຸຓປາສາທິ.
ຆຸສິ ວິສທ຺ທເນ. ວິສທ຺ທນໍ ອຸຄ຺ໂຆສນໍ. ໂຆເສຕິ, ໂຆສຍຕິ. ໂຆໂສ.
ລສ ສິລ຺ຍໂຍເຄ. ສິລ຺ຍໂຍໂຄ ລາສິຍໍ ນາຏກນາຏນໍ ເຣຈກທານໍ. ລາເສຕິ, ລາສຍຕິ. ລາເສນ຺ໂຕ, ລາເສນ຺ຕີ. ອຕ຺ຣາຍໍ ປາຬິ ‘‘ວາເທນ຺ຕິຍາປິ ລາເສນ຺ຕິ, ນຈ຺ຈນ຺ຕິຍາປິ ລາເສນ຺ຕິ, ລາເສນ຺ຕິຍາປິ ນຈ຺ຈນ຺ຕີ’’ຕິ. ຕຕ຺ຖ ລາເສນ຺ຕີຕິ ຍາ ອຸປ຺ລວມານາ ວິຍ ອຸຏ຺ຐຫິຕ຺ວາ ລາສິຍນາຏກໍ ນາເຏນ຺ຕິ, ເຣຈກໍ ເທນ຺ຕິ.
ຠູສ ອລງ຺ກາເຣ. ຠູເສຕິ, ຠູສຍຕິ. ວິຠູເສຕິ, ວິຠູສຍຕິ. ຠູສນໍ, ວິຠູສນໍ.
ວສ ສິເນຫນເຉທາວຫຣເຓສຸ. ອວຫຣຓໍ ໂຈຣິກາຍ ຄຫຓໍ. ວາເສຕິ, ວາສຍຕິ. ວສາ.
ຕາສ ວາຣເຓ. ວາຣຓໍ ນິວາຣຓໍ. ຕາເສຕິ, ຕາສຍຕິ.
ຘສ ອຸຎ຺ເຉ. ຘາເສຕິ, ຘາສຍຕິ.
ຠສ ຄຫເຓ. ຠາເສຕິ, ຠາສຍຕິ.
ປຸສ ຘາຣເຓ. ໂປເສຕິ, ໂປສຍຕິ, ອາຠຣຓໍ ຘາເຣຕີຕິ ອຕ຺ໂຖ.
ຕຸສິ ປິສິ ກຸສິ ທສິ ຠາສາຍໍ. ຕຸໍເສຕິ, ຕຸໍສຍຕິ. ປິໍເສຕິ, ປິໍສຍຕິ. ກຸໍເສຕິ, ກຸໍສຍຕິ. ທໍເສຕິ, ທໍສຍຕິ.
ຂຸສິ ອກ຺ໂກສເນ. ຂຸໍເສຕິ, ຂຸໍສຍຕິ. ຂຸໍສນາ.
ຄເວສ ມຄ຺ຄເນ. ຄເວເສຕິ, ຄເວສຍຕິ. ຄເວສໂກ, ຄເວສິໂຕ, ຄເວສນາ, ຄເວຏ຺ຐິ.
ວາສ ອຸປເສວາຍໍ. ວາເສຕິ, ວາສຍຕິ. ວາໂສ, ອາວາໂສ.
ຫິສິ ຫິໍສາຍໍ. ຫິໍເສຕິ, ຫິໍສຍຕິ.
ນິວາສ ອຈ຺ຉາທເນ. ວຕ຺ຖໍ ນິວາເສຕິ, ນິວາສຍຕິ. ປຸພ຺ພຓ຺ຫສມຍໍ ນິວາເສຕ຺ວາ.
ອໍສ ສງ຺ຆາເຕ. ອໍເສຕິ, ອໍສຍຕິ. ອໍໂສ, ອໍສາ.
ເອຕ຺ຖ ຈ ອໍໂສຕິ ໂກຏ຺ຐາໂສປິ ຂນ຺ໂຘປິ ວຸຈ຺ຈຕິ. ອໍສາຕິ ອຣິສໂຣໂຄ.
ມິສ ສຊ຺ຊເນ. ເມເສຕິ, ເມສຍຕິ.
ຣສ ອສ຺ສາທເນ. ຣເສຕິ, ຣສຍຕິ. ຣໂສ. ຣສິຍເຕ ອສ຺ສາທິຍເຕ ຊເນຫີຕິ ຣໂສ.
ຣສ ສິເນຫເນ. ຣເສຕິ, ຣສຍຕິ. ຣໂສ.
ຕຕ຺ຖ ຣເສຕີຕິ ສິເນຫຕິ. ຣໂສຕິ ສິເນໂຫ, ສິເນຫສມ຺ພນ຺ໂຘ ສາມຄ຺ຄິຣໂສຕິ ວຸຈ຺ຈຕິ, ຍໍ ສນ຺ຘາຍ ພ຺ຣາຫ຺ມຓາ ຠຄວນ຺ຕໍ ‘‘ອຣສຣູໂປ ສມໂຓ ໂຄຕໂມ’’ຕິ ອໂວຈຸໍ.
ສິຍ ອສພ຺ພປ຺ປໂຍເຄ. ເສເສຕິ, ເສສຍຕິ. ເສໂສ. ວິປຸພ຺ໂພ ອຕິສເຍ, ວິປຸພ຺ໂພ ອຕິສເຍ, ວິປຸພ຺ໂພ ສິສຘາຕຸ ອຕິສເຍ ວຕ຺ຕຕິ, ວິເສເສຕິ, ວິເສສຍຕິ. ວິເສໂສ, ວິສິຏ຺ໂຐ, ວິເສສນໍ.
ມິສ຺ສ ສມ຺ມິສ຺ເສ. ມິສ຺ເສຕິ, ມິສ຺ສຍຕິ. ສມ຺ມິສ຺ເສຕິ, ສມ຺ມິສ຺ສຍຕິ. ມິສ຺ໂສ, ມິສ຺ໂສ, ມິສ຺ສິໂຕ, ສມ຺ມິສ຺ສິໂຕ, ສມ຺ມິສ຺ໂສ ອິຈ຺ຈາທີນິ. ອລມ຺ພຸສາຊາຕເກ ມິສ຺ສາຕິ ອິຕ຺ຖີນໍ ວຕ຺ຕພ຺ພນາມໍ, ປຸຣິເສຫິ ສທ຺ຘິໍ ສມ຺ມິສ຺ສນຕາຍ.
ຊຸສ ປຣິຕກ຺ກເນ. ໂຊເສຕິ, ໂຊສຍຕິ.
ມສ ປຫາສເນ. ມເສຕິ, ມສຍຕິ.
ມຣິສ ຕິຕິກ຺ຂາຍໍ. ມຣິເສຕິ. ມຣິສຍຕິ.
ປິສ ເປສເນ. ເປເສຕິ, ເປສຍຕິ. ເປສໂກ, ເປສິໂຕ.
ຆຸສ ສທ຺ເທ. ໂຆເສຕິ, ໂຆສຍຕິ. ອຸຄ຺ໂຆສຍຸໍ ໂພຘິມຓ຺ເຑ ປໂມທິຕາ. ໂຆໂສ.
ທິສີ ອຸຈ຺ຈາຣເຓ. ເທເສຕິ, ເທສຍຕິ. ເທສໂກ, ເທເສຕາ, ເທສິໂຕ, ເທສນາ.
ວສ ອຈ຺ຉາທເນ. ວາເສຕິ, ວາສຍຕິ. ນິວາເສຕິ, ນິວາສຍຕິ. ວຕ຺ຖໍ.
ສກາຣນ຺ຕຘາຕຸຣູປານິ.