ອິທ຺ຘິປາທສໍຍຸຕ຺ຕ

ໂມຄ຺ຄລ຺ລານສຸຕ຺ຕ

ປຸຈ຺ຉາ – ອິທ຺ຘິປາທສໍຍຸຕ຺ເຕ ອາວຸໂສ ຈຕຸຕ຺ຖໍ ໂມຄ຺ຄລ຺ລານສຸຕ຺ຕໍ ຠຄວຕາ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ສມ຺ພຫຸເລ ຠິກ຺ຂູ ອາຣພ຺ຠ ຠາສິຕໍ. ສມ຺ພຫຸລາ ຠນ຺ເຕ ຠິກ຺ຂູ ເຫຏ຺ຐາມິຄາຣມາຕຸປາສາເທ ວິຫຣນ຺ຕິ ອຸທ຺ຘຕາ ອຸນ຺ນຬາ ຈປລາ ມຸຂຣາ ວິກິຓ຺ຓວາຈາ ມຸຏ຺ຐສ຺ສຕິໂນ ອສມ຺ປຊານາ ອສມາຫິຕາ ຠນ຺ຕຈິຕ຺ຕາ ປາກຕິນ຺ທ຺ຣິຍາ. ຕສ຺ມິໍ ຠນ຺ເຕ ວຕ຺ຖຸສ຺ມິໍ ອາຍສ຺ມນ຺ຕໍ ມຫາໂມຄ຺ຄລ຺ລານໍ ເຕ ຠິກ຺ຂູ ສໍເວເຊຕ຺ວາ ‘‘ກິໍ ນຸ ຕຸມ຺ເຫ ຠິກ຺ຂເວ ສໍວິຄ຺ຄາ ໂລມຫຏ຺ຐຊາຕາ ເອກມນ຺ຕໍ ຐິຕາ’’ຕິ ເອວມາທິນາ ຠຄວຕາ ຠາສິຕໍ.

ອຈ຺ຉຣິຍໍ ວຕ ໂຠ, ອພ຺ຠຸຕໍ ວຕ ໂຠ.

ນິວາຕຎ຺ຈ ວຕ.

ອຍຎ຺ຈ ມິຄາຣມາຕຸປາສາໂທ ຄມ຺ຠີຣເນໂມ.

ຕຸມ຺ເຫວ ໂຂ ຠິກ຺ຂເວ ສໍເວເຊຕຸກາເມນ ໂມຄ຺ຄລ຺ລາເນນ ຠິກ຺ຂຸນາ ປາທງ຺ຄຸຏ຺ຐເກນ ມິຄາຣມາຕຸປາສາໂທ ສງ຺ກມ຺ປິໂຕ ສມ຺ປກມ຺ປິໂຕ ສມ຺ປຘາລິໂຕ.

ຕໍ ກິໍ ມຎ຺ຎຖ ຠິກ຺ຂເວ, ກຕເມສໍ ຘມ຺ມານໍ ຠາວິຕຕ຺ຕາ ພຫຸລີກຕຕ຺ຕາ ໂມຄ຺ຄລ຺ລາໂນ ຠິກ຺ຂຸ ເອວໍ ມຫິທ຺ຘິໂກ ເອວໍ ມຫານຸຠາໂວ.