ປຸຎ຺ຎາຠິສນ຺ທວຄ຺ຄ

ມຫານາມສຸຕ຺ຕ

ປຸຈ຺ຉາ – ຕຕ຺ເຖວ ອາວຸໂສ ປຸຎ຺ຎາຠິສນ຺ທວຄ຺ໂຄ ໂປຣາຓເກຫິ ຘມ຺ມສໍຄາຫກມຫາເຖເຣຫິ ສຕ຺ຕມໍ ສໍຄີຕໍ ມຫານາມສຸຕ຺ຕໍ ຠຄວຕາ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ສກ຺ເກສຸ ຠນ຺ເຕ ກປິລວຕ຺ຖຸສ຺ມິໍ ມຫານາມໍ ສກ຺ກໍ ອາຣພ຺ຠ ຠາສິຕໍ.

ມຫານາໂມ ຠນ຺ເຕ ສກ຺ໂກ ຠຄວນ຺ຕໍ ເອຕທໂວຈ ‘‘ກິຕ຺ຕາວຕາ ນຸ ໂຂ ຠນ຺ເຕ ອຸປາສໂກ ໂຫຕີ’’ຕິ. ຕສ຺ມິໍ ຠນ຺ເຕ ວຕ຺ຖຸສ຺ມິໍ ‘‘ຍໂຕ ໂຂ ມຫານາມ ພຸທ຺ຘໍ ສຣຓໍ ຄໂຕ ໂຫຕິ, ຘມ຺ມໍ ສຣຓໍ ຄໂຕ ໂຫຕິ, ສງ຺ຆໍ ສຣຓໍ ຄໂຕ ໂຫຕີ’’ຕິ ເອວມາທິນາ ຠຄວຕາ ຠາສິຕໍ.

ກິຕ຺ຕາວຕາ ນຸ ໂຂ ຠນ຺ເຕ ອຸປາສໂກ ໂຫຕິ.

ກາຬິໂຄຘສຸຕ຺ຕ

ປຸຈ຺ຉາ – ຕຕ຺ເຖວ ອາວຸໂສ ໂປຣາຓເກຫິ ຘມ຺ມສໍຄາຫກມຫາເຖເຣຫິ ນວມໍ ສໍຄີຕໍ ກາຬິໂຄຘສຸຕ຺ຕໍ ຠຄວຕາ ກຕ຺ຖ ກໍ ກາຣພ຺ຠ ກຖຎ຺ຈ ຠາສິຕໍ.

ວິສ຺ສຊ຺ຊນາ – ສກ຺ເກສຸ ຠນ຺ເຕ ກາຬິໂຄຘໍ ນາມ ສາກິຍານິໍ ອາຣພ຺ຠ ‘‘ຈຕູຫິ ໂຂ ໂຄເຘ ຘມ຺ເມຫິ ສມນ຺ນາຄຕາ ອຣິຍສາວິກາ ໂສຕາປນ຺ນາ ໂຫຕິ ອວິນິປາຕຘມ຺ມາ ນິຍຕາ ສມ຺ໂພຘິປຣາຍຓາ’’ຕິ ເອວມາທິນາ ຠຄວຕາ ຠາສິຕໍ.

ລາຠາ ເຕ ໂຄເຘ, ສຸລທ຺ຘໍ ເຕ ໂຄເຘ, ໂສຕາປຕ຺ຕິຜລໍ ຕຍາ ໂຄເຘ –

ນນ຺ທິຍສກ຺ກສຸຕ຺ຕ

ປຸຈ຺ຉາ – ເຕນາວຸໂສ ຊານຕາ…ເປ… ສມ຺ມາສມ຺ພຸທ຺ເຘນ ໂສຕາປຕ຺ຕິສໍຍຸຕ຺ເຕ ປຸຎ຺ຎາຠິສນ຺ທວຄ຺ເຄ ທສມໍ ນນ຺ທິຍສກ຺ກສຸຕ຺ຕໍ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ສກ຺ເກສຸ ຠນ຺ເຕ ກປິລວຕ຺ຖຸສ຺ມິໍ ນິຄ຺ໂຣຘາຣາເມ ນນ຺ທິຍໍ ສກ຺ກໍ ອາຣພ຺ຠ ຠາສິຕໍ. ນນ຺ທິໂຍ ຠນ຺ເຕ ສກ຺ໂກ ຠຄວນ຺ຕໍ ເອຕທໂວຈ ‘‘ຍສ຺ເສວ ນຸ ໂຂ ຠນ຺ເຕ ອຣິຍສາວກສ຺ສ ຈຕ຺ຕາຣິ ໂສຕາປຕ຺ຕິຍງ຺ຄານິ ສພ຺ເພນ ສພ຺ພໍ ສພ຺ພຖາສພ຺ພໍ ນຕ຺ຖິ, ສ຺ເວວ ນຸ ໂຂ ຠນ຺ເຕ ອຣິຍສາວໂກ ປມາທວິຫາຣີ’’ຕິ. ຕສ຺ມິໍ ຠນ຺ເຕ ວຕ຺ຖຸສ຺ມິໍ ‘‘ຍສ຺ສ ໂຂ ນນ຺ທິຍ ຈຕ຺ຕາຣິ ໂສຕາປຕ຺ຕິຍງ຺ຄານິ ສພ຺ເພນສພ຺ພໍ ສພ຺ພຖາສພ຺ພໍ ນຕ຺ຖິ, ຕມຫໍ ພາຫິໂຣ ປຸຖຸຊ຺ຊນປກ຺ເຂ ຐິໂຕຕິ ວທາມີ’’ຕິ ເອວມາທິນາ ຠຄວຕາ ຠາສິຕໍ.