ສມຸທ຺ທວຄ຺ຄ

ພາຬິສິໂກປມສຸຕ຺ຕ

ປຸຈ຺ຉາ – ສມຸທ຺ທວຄ຺ເຄ ປນາວຸໂສ ຕຕິຍໍ ພາຬິສິໂກປມສຸຕ຺ຕໍ ຠຄວຕາ ກຕ຺ຖ ກໍ ອາຣພ຺ຠ ຠາສິຕໍ.

ວິສ຺ສຊ຺ຊນາ – ຣາຊຄເຫ ຠນ຺ເຕ ຊີວກມ຺ພວເນ ສມ຺ພຫຸເລ ຠິກ຺ຂູ ອາຣພ຺ຠ ‘‘ເສຍ຺ຍຖາປິ ຠິກ຺ຂເວ ພາຬິສິໂກ ອາມິສຄຕພຬິສໍ ຄມ຺ຠີເຣ ອຸທກຣຫເທ ປກ຺ຂິເປຍ຺ຍາ’’ຕິ ເອວມາທິນາ ຠຄວຕາ ຠາສິຕໍ.

ອາທິຕ຺ຕປຣິຍາຍສຸຕ຺ຕ

ປຸຈ຺ຉາ – ສຬາຍຕນວຄ຺ຄສໍຍຸຕ຺ເຕ ສມຸທ຺ທວຄ຺ເຄ ປນາວຸໂສ ໂປຣາຓເກຫິ ຘມ຺ມສໍຄາຫກມຫາເຖເຣຫິ ສໍຄີຕໍ ອຏ຺ຐມໍ ອາທິຕ຺ຕປຣິຍາຍສຸຕ຺ຕໍ ຠຄວຕາ ກໍ ອາຣພ຺ຠ ກຖຎ຺ຈ ຠາສິຕໍ.

ວິສ຺ສຊ຺ຊນາ – ສມ຺ພຫຸເລ ຠນ຺ເຕ ຠິກ຺ຂູ ອາຣພ຺ຠ ‘‘ອາທິຕ຺ຕປຣິຍາຍໍ ໂວ ຠິກ຺ຂເວ ຘມ຺ມປຣິຍາຍໍ ເທເສສ຺ສາມິ, ຕໍ ສຸຓາຖ. ກຕໂມ ຈ ຠິກ຺ຂເວ ອາທິຕ຺ຕປຣິຍາໂຍ ຘມ຺ມປຣິຍາໂຍ. ວຣໍ ຠິກ຺ຂເວ ຕຕ຺ຕາຍ ອໂຍສລາກາຍ ອາທິຕ຺ຕາຍ ສມ຺ປຊ຺ຊລິຕາຍ ສໂຊຕິຠູຕາຍ ຈກ຺ຂຸນ຺ທ຺ຣິຍໍ ສມ຺ປລິມຏ຺ຐໍ, ນຕ຺ເວວ ຈກ຺ຂຸວິຎ຺ເຎຍ຺ເຍສຸ ຣູເປສຸ ອນຸພ຺ຍຎ຺ຊນໂສ ນິມິຕ຺ຕຄ຺ຄາໂຫ’’ຕິອາທິນາ ຠຄວຕາ ຠາສິຕໍ.