ສາຣິປຸຕ຺ຕສໍຍຸຕ຺ຕ
ສຸຈິມຸຂີສຸຕ຺ຕ
ປຸຈ຺ຉາ – ສາຣິປຸຕ຺ຕສໍຍຸຕ຺ເຕ ປນາວຸໂສ ທສມໍ ສຸຈິມຸຂີສຸຕ຺ຕໍ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ເກນ ກຖຎ຺ຈ ຠາສິຕໍ.
ວິສ຺ສຊ຺ຊນາ – ຣາຊຄເຫ ຠນ຺ເຕ ສຸຈິມຸຂິໍ ປຣິພ຺ພາຊິກໍ ອາຣພ຺ຠ ອາຍສ຺ມຕາ ສາຣິປຸຕ຺ຕຕ຺ເຖເຣນ ຘມ຺ມເສນາປຕິນາ ຠາສິຕໍ. ສຸຈິມຸຂີ ຠນ຺ເຕ ປຣິພ຺ພາຊິກາ ອາຍສ຺ມນ຺ຕໍ ສາຣິປຸຕ຺ຕໍ ເອຕທໂວຈ ‘‘ກິໍ ນຸ ໂຂ ສມຓ ອໂຘມຸໂຂ ຠຸຎ຺ຊສີ’’ຕິ. ຕສ຺ມິໍ ຠນ຺ເຕ ວຕ຺ຖຸສ຺ມິໍ ‘‘ນ ຂ຺ວາຫໍ ຠຄິນິ ອໂຘມຸໂຂ ຠຸຎ຺ຊາມີ’’ຕິ ເອວມາທິນາ ປຏິກ຺ຂິປິຕ຺ວາ ‘‘ເຍ ຫິ ເກຈິ ຠຄິນິ ສມຓພ຺ຣາຫ຺ມຓາ ວຕ຺ຖຸວິຊ຺ຊາ ຕິຣຈ຺ຉານວິຊ຺ຊາຍ ມິຈ຺ຉາຊີເວນ ຊີວິກໍ ກປ຺ເປນ຺ຕິ, ອິເມ ວຸຈ຺ຈນ຺ຕິ ຠຄິນິ ສມຓພ຺ຣາຫ຺ມຓາ ອໂຘມຸຂາ ຠຸຎ຺ຊນ຺ຕີ’’ຕິ ເອວມາທິນາ ອາຍສ຺ມຕາ ສາຣິປຸຕ຺ຕຕ຺ເຖເຣນ ຘມ຺ມເສນາປຕິນາ ຠາສິຕໍ.
ກິໍ ນຸ ໂຂ ສມຓ ອໂຘ ມຸໂຂ ຠຸຎ຺ຊສິ.
ນ ຂ຺ວາຫໍ ຠຄິນິ ອໂຘມຸໂຂ ຠຸຎ຺ຊາມິ.
ເຕນ ຫິ ສມຓ ອຸພ຺ຠມຸໂຂ ຠຸຎ຺ຊສິ.
ນ ຂ຺ວາຫໍ ຠຄິນິ ອຸພ຺ຠມຸໂຂ ຠຸຎ຺ຊາມິ.