ສີລກ຺ຂນ຺ຘວຄ຺ຄສຸຕ຺ຕ

ສໍຄາຍນສ຺ສ ປຸຈ຺ຉາ ວິສ຺ສຊ຺ຊນາ

ປຸຈ຺ຉາ – ປຐມມຫາຘມ຺ມສໍຄີຕິກາເລ ອາວຸໂສ ຘມ຺ມສໍຄາຫກາ ມຫາກສ຺ສປາທໂຍ ມຫາເຖຣວຣາ ປຐມໍ ວິນຍໍ ສໍຄາຍິຕ຺ວາ ຕທນນ຺ຕຣໍ ກໍ ນາມ ປາວຈນໍ ສໍຄາຍິໍສຸ.

ວິສ຺ສຊ຺ຊນາ – ປຐມມຫາຘມ຺ມສໍຄີຕິຍໍ ຠນ຺ເຕ ຘມ຺ມສໍຄາຫກາ ມຫາກສ຺ສປາທໂຍ ມຫາເຖຣວຣາ ປຐມໍ ວິນຍໍ ສໍຄາຍິຕ຺ວາ ຕທນນ຺ຕຣໍ ຘມ຺ມໍ ສໍຄາຍິໍສຸ.

ປຸຈ຺ຉາ – ຘມ຺ໂມ ນາມ ອາວຸໂສ ສຸຕ຺ຕນ຺ຕາຠິຘມ຺ມວເສນ ທຸວິໂຘ, ຕຕ຺ຖ ກຕຣໍ ຘມ຺ມໍ ປຐມໍ ສໍຄາຍິໍສຸ.

ວິສ຺ສຊ຺ຊນາ – ທ຺ວີສຸ ຠນ຺ເຕ ຘມ຺ເມສຸ ສຸຕ຺ຕນ຺ຕາຠິຘມ຺ມປິຏເກສຸ ປຐມໍ ສຸຕ຺ຕນ຺ຕໍ ປິຏກໍ ຘມ຺ມໍ ສໍຄາຍິໍສຸ.

ປຸຈ຺ຉາ – ສຸຕ຺ຕນ຺ຕປິຏເກ ປິ ອາວຸໂສ ທີຆມຊ຺ຌິມສໍຍຸຕ຺ຕອງ຺ຄຸຕ຺ຕຣຂຸທ຺ທກນິກາຍວເສນ ປຎ຺ຈ ນິກາຍາ, ເຕສຸ ປຐມໍ ກຕຣໍ ນິກາຍໍ ສໍຄາຍິໍສຸ.

ວິສ຺ສຊ຺ຊນາ – ປຎ຺ຈສຸ ຠນ຺ເຕ ນິກາເຍສຸ ປຐມໍ ທີຆນິກາຍໍ ສໍຄາຍິໍສຸ.

ປຸຈ຺ຉາ – ທີຆນິກາເຍປິ ອາວຸໂສ ຕໂຍ ວຄ຺ຄາ ຈຕຸຕ຺ຕິໍສາ ຈ ສຸຕ຺ຕານິ, ເຕສຸ ກຕຣໍ ວຄ຺ຄໍ ກຕຣຎ຺ຈ ສຸຕ຺ຕໍ ປຐມໍ ສໍຄາຍິໍສຸ.

ວິສ຺ສຊ຺ຊນາ – ທີຆນິກາເຍປິ ຠນ຺ເຕ ຕີສຸ ວຄ຺ເຄສຸ ປຐມໍ ສີລກ຺ຂນ຺ຘວຄ຺ຄໍ, ຈຕຸຕ຺ຕິໍສຕິຍາ ຈ ສຸຕ຺ເຕສຸ ປຐມໍ ພ຺ຣຫ຺ມຊາລສຸຕ຺ຕໍ ສໍຄາຍິໍສຸ.