ປທສາຘນໍ |ໂອ໐.໐໐໐໑|

ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

ພຸທ຺ຘມ຺ພຸຊໍ ນມສ຺ສິຕ຺ວາ ສທ຺ຘມ຺ມມຘຸ ຠາຊນໍ,

ຄຸຓໂມປທປທໍ ສງ຺ຆມຘຸພ຺ພຕນິເສວິຕໍ;

ໂມຄ຺ຄລ຺ລາຍນາຈຣິຍ ຈຣຎ຺ຈ ເຍນ ຘີມຕາ,

ກຕໍ ລຆຸມຍນ຺ທິທ຺ຘມນຸນໍ ສທ຺ທລກ຺ຂຓໍ;

ອາຣຠິສ຺ສໍ ສມາເສນ ພາລຕ຺ຖໍ ປທສາຘນໍ,

ໂມຄ຺ຄລ຺ລາຍນສທ຺ທຕ຺ຖຣຕນາກຣປທ຺ຘຕິໍ;

ສຎ຺ຎາປຣິຄ຺ຄເຫເນວ ລກ຺ຂເຓສຸ ສຣາທໂຍ,

ຎາຍນ຺ຕິຕິ ຕເມວາໂທ ທສ຺ສຍິສ຺ສໍ ວິຠາຄໂຕ;

ອອາທໂຍ ຕິຕາຬີສ ວຓຓາ.

ຊິນວຈນານຸຣູປາ ອກາຣເທໂຍ ນິຄ຺ຄຫິຕນ຺ຕາ ເຕຈຕ຺ຕາຬີ ສກ຺ຂຣາ ປຈ຺ເຈກໍ ວຓ຺ຓາ ນາມ ໂຫນ຺ຕິ ຍຖາ - ອ ອາ ອິ ອີ ອຸ ອູ ເອ ໂອ ກ ຂ ຄ ຆ ງ ຈ ຉ ຊ ຌ ຎ ຏ ຐ ຓ ຕ ຖ ທ ຘ ນ ປ ຜ ພ ຠ ມ ຍ ຣ ລ ວ ສ ຫ ຬ ອໍ ອິຕິ-ກກາຣາທິສ຺ວກາໂຣ ອຸຈ຺ຈາຣຓຕ຺ໂຖ = ວຓຓີຍຕິ ອຕ຺ໂຖ ເອເຕຫີຕິ ວຓ຺ຓາ-ອອາທິ ມຣິຍາທາ ຠູໂຕ ເຍສນ຺ໂຕ ອອາທໂຍ.

ອອາທໂຍຕິ ວຕ຺ຕເຕ ຍາວ ‘‘ພິນ຺ທຸນິຄ຺ຄຫີຕ’’ນ຺ຕິ-ຕຎ຺ຈໂຂອຕ຺ຖ ວສາ ວິຠຕ຺ຕິຈີປຣິນາໂມຕິ ສຕ຺ຕມ຺ຍນ຺ຕມຠິສມ຺ພນ຺ຘີຍເຕ.

ທສາໂທ ສຣາ

ອອາທິສ຺ວາທິມ຺ຫິ ນິທ຺ທິຏ຺ຐາ ໂອທນ຺ຕາ ທສວຓ຺ຓາ ສຣາ ນາມ ໂຫນ຺ຕິ-ຍຖາ-ອ ອາ ອິ ອີ ອຸ ອູ ເອ ໂອ = ສຣນ຺ຕິ ປວຕ຺ຕນ຺ຕີຕິ ສຣາ-ທສາ ໂທຕິ ວຕ຺ຕເຕ ຕີສຸ ຈກ຺ກມາເນສຸ.

ທ຺ເວ ທ຺ເວ ສວຓ຺ຓາ.

ອອາສ຺ວາທິເມສຸ ທສ຺ສຸ ທ຺ເວ ທ຺ເວ ສວຓ຺ຓາ ນາມ ໂຫນ຺ຕິ. ຍຖາກ຺ກມໍ-ຍຖາ-ອອາ ອິຕິ, ອຸອູ ອິຕິ, ເອ ອິຕິ, ໂອ ອິຕິ = ສມານາ ສາທິສາ ວຓ຺ຓາ ສວຓ຺ຓາ-ສມານຕ຺ຕຎ຺ຈ ຐານໂຕ.

ຉ ວຓ຺ຓານໍຫິ ອຸປ຺ປຕ຺ຕິຏ຺ຐານານິ ກຓ຺ຐາຕາລຸມຸທ຺ຘທນ຺ຕໂອຏ຺ຐານາ ສິກາວເສນ-ເຕສຸ ອວຓ຺ຓກວຄ຺ຄຫານໍ ກຓ຺ໂຐຐານໍ-ອິວຓ຺ຓ ຈວຄ຺ຄຍານໍ ຕາລຸ-ຏວຄ຺ຄຣຬານໍ ມຸທ຺ຘາ-ຕວຄ຺ຄລສານໍ ທນ຺ຕາ-ອຸ ວຓ຺ຓປວຄ຺ຄານໍ ໂອຏ຺ຐາ-ເອວຓ຺ຓສ຺ສ ກຓ຺ຐຕາລຸ-ໂອວຓ຺ຓສ຺ສ ກຓ຺ໂຐຏ຺ຐໍ-ວກາຣສ຺ສ |ໂອ໐.໐໐໐໒| ທນ຺ໂຕຏ຺ຐໍ-ນິຄ຺ຄຫິຕສ຺ສ ນາສິກາ-ງຎຓນມານໍ ສກຏ຺ຐານໍ ນາສິກາ ຈ-ທ຺ເວທ຺ເວຕິ ວຕ຺ຕເຕ.

ປຸພ຺ໂພ ຣສ຺ໂສ

ເຕສ຺ເຈວ ທສສຸ ເຍ ທ຺ເວ ທ຺ເວ ສວຓ຺ຓາ ເຕສຸ ໂຍ ໂຍ ປຸພ຺ໂພ ໂສ ໂສ ຣສ຺ສສຎ຺ໂຎ ໂຫຕິ-ຍຖາ-ອ ອິ ອຸ ເອ ໂອ-ເຕສຸ ສໍໂຍຄ ປຸພ຺ພາຈ ທິສ຺ສນ຺ຕິ ທ຺ເວ ປນນ຺ຕິມາ ທີເປຕຸໍ ຕຕ຺ຖ ສາຘຸຕ຺ຕໍ ເຕສມ຺ປິ ອິຘ ສງ຺ຄໂຫ = ຣສ຺ສກາລໂຍຄາ ຕພ຺ພນ຺ຕຕາຍ ວາ ຣສ຺ສາ-ຕຖາ ທີຆາ-ອິຘາປິທ຺ເວທ຺ເວຕິ ວຕ຺ຕເຕ.

ປໂຣ ທີໂຆ.

ອອາທິສ຺ວາທິຠຸເຕສຸ ທສສຸ ເຍ ທ຺ເວ ທ຺ເວ ສວຓ຺ຓາ ເຕສຸ ໂຍ ໂຍ ປໂຣ ໂສ ໂສ ທີຆສຎ຺ໂຎ ໂຫຕິ-ຍຖາ-ອາ ອີ ອູ.

ກາທໂຍ ພ຺ຍຎ຺ຊນາ.

ອອາທິສຸ ກາທໂຍ ນິຄ຺ຄຫີຕປຣິຍນ຺ຕາ ເຕຕ຺ຕິໍສ ພ຺ຍຎ຺ຊນານາມ ໂຫນ຺ຕິ-ຍຖາ-ກ ຂ ຄ ຆ ງ ຈ ຉ ຊ ຌ ຎ ຏ ຐ ຑ ຓ ຕ ຖ ທ ຘ ນ ປ ຜ ພ ຠ ມ ຍ ຣ ລວ ສ ຫ ຬ ອໍ = ພ຺ຍຎ຺ຊີຍຕິ ອຕ຺ໂຖ ເອເຕຫີຕິ ພ຺ຍຎ຺ຊນາ-ກາທໂຍຕິ ວຕ຺ຕເຕ.

ປຎ຺ຈ ປຎ຺ຈກາ ວຄ຺ຄາ.

ອອາທສຸ ກກາຣາທໂຍ ມກາຣນ຺ຕາ ປຎ຺ຈ ປຎ຺ຈກາ ວຄ຺ຄາ ນາມ ໂຫນ຺ຕິ-ຍຖາ-ກຂຄຆງ, ຈຉຊຌຎ, ຏຐຑຒຓ, ຕຖທຘນ, ປຜພຠມ. = ວຊ຺ເຊນ຺ຕິ ຍກາຣາທໂຍຕິ ວຄ຺ຄາ.

ພິນ຺ທຸ ນິຄ຺ຄຫິຕໍ

ອກາຣາທີສຸຍວາຍໍ ວຓ຺ໂຓ ພິນ຺ທຸມຕ຺ໂຕ ໂສ ນິຄ຺ຄຫິຕສຎ຺ໂຎໂຫຕິ = ຣສ຺ສສຣໍ ນິສ຺ສາຍ ຄຫິຕມຸຈ຺ຈາຣິຕໍ ນິຄ຺ຄຫີຕໍ.

ສຎ຺ຎາ ວິຘານໍ.

ສນ຺ຘິ ວຸຈ຺ຈເຕ-ປຸຣິສ ອຸຕ຺ຕໂມ, ປຎ຺ຎາ ອິນ຺ທ຺ຣິຍໍ. ສຕິອາຣກ຺ໂຂ,ໂຠຄິ ອິນ຺ໂທ, ຈກ຺ຂຸ ອາຍຕນໍ, ອຠິຠຸ ອາຍຕນໍ, ຘນມ຺ເມ ອຕ຺ຖິ, ກຸໂຕ ເອຕ຺ຖາ’ ຕິຘ-ສໂຣ ໂລໂປ ສເຣ.

ສໂຣ ສໂຣ ໂລປນີໂຍ ໂຫຕິ-ສເຣໂຕປສິເລສິກາຘາຣສຕ຺ຕມີ ຕໂຕ ວຓ຺ຓກາລວ຺ຍວຘາເນ ກາຣິຍໍ ນ ໂຫຕິ-ຕ຺ວມສິ, ກຕມາ ຈານນ຺ທ ອນິຈ຺ຈສຎ຺ຎາ’ຕິ-ອຎ຺ຎຕ຺ຖາປິ ສໍຫຕາຍໂມປສິເລສກາຘາ ເຣເຍວ ສຕ຺ຕມີ-ວິຘີຕິ ວຕ຺ຕມາເນ.

ສຕ຺ຕມິຍໍ ປຸພ຺ພສ຺ສ.

ສຕ຺ຕມີນິທ຺ເທເສ ປຸພ຺ພສ຺ເສວ ວິຘິຕິ ປຸພ຺ພສຣໂລໂປ-ປຸຣິສຸຕ຺ຕໂມ,ປຎ຺ຎິນ຺ທ຺ຣິຍໍ, ສຕາຣກ຺ໂຂ, ໂຠຄິນ຺ໂທ, ຈກ຺ຂາຍຕນໍ. ອຠິຠາຍຕນໍ, ຘນມ຺ມຕ຺ຖິ, ກຸເຕຕ຺ຖ. ປຸພ຺ພສ຺ສ |ໂອ໐.໐໐໐໓| ກາຣິຍວິຘານາ ສຕ຺ຕມີນິທ຺ທິຏ຺ຐສ຺ສ ປຣຕາວ ຄມ຺ຍເຕຕິ ປເຣຕຸປຣິວຈນມ຺ປິ ຆຏເຕ-ໂສ ອຫໍ, ຈຕ຺ຕາໂຣ ອິເມ, ຍໂຕ ອຸທກໍ, ປາໂຕ ເອວໍ’ຕີຘ-‘‘ສໂຣ ໂລໂປ ສເຣ’’ຕິ ວຕ຺ຕເຕ.

ປໂຣ ກ຺ວຈິ.

ສຣມ຺ຫາ ປໂຣ ສໂຣ ກ຺ວຈິ ໂລປນີໂຍ ໂຫຕິ-ໂສຫໍ, ຈຕ຺ຕາໂຣເມ, ຍໂຕທກໍ. ປາໂຕຈ-ກ຺ວຈິຕິກິໍ?-ປຎ຺ຎິນ຺ທ຺ຣິຍໍ-ອສ຺ສາຘິກາໂຣ ສພ຺ພສນ຺ຘິສຸ-ຕສ຺ສ ອິທໍ, ຕສ຺ສ ອິທໍ, ວາຕ ອີຣິຕໍ, ວາຕ ອີຣິຕໍ, ສີຕ ອຸທກໍ, ສີຕ ອຸທກໍ, ວາມ ອູຣຸ,ວາມ ອູຣຸ, ອິຕິຘ-ປຸພ຺ພສຣ ໂລເປ-ສເຣ ເວຕິ ຈ ວຕ຺ຕເຕ.

ຍຸວຓຓານມ຺ໂຎ ລຸຕ຺ຕາ.

ລຸຕ຺ຕາ ສຣາປເຣສໍ ອິວຓ຺ຓວຓ຺ຓານໍ ໂຎ ໂຫນ຺ຕິ ວາຍຖາກ຺ກມໍ.

ວຓ຺ຓປເຣນ ສວຓ຺ເຓປິ.

ວຓ຺ຓສທ຺ໂທ ປໂຣ ຍສ຺ມາ ເຕນ ສວຓ຺ໂຓປິ ຄຍ຺ຫຕິ ສຍໍ ເຈຕິ ອີ ອູ ນມ຺ປິ ເອ ໂອ-ຕສ຺ເສທໍ, ຕສ຺ສິທໍ-ວາເຕຣິຕໍ. ວາຕິຣິຕໍ-ສີໂຕທກໍ, ‘‘ພ຺ຍຎ຺ຊເນ ທີຄຣສ຺ສາ’’ຕິ ທີເຆ-ສີຕຸທກໍ-ວາໂມຣຸ,ວາມູຣຸ-ລຸຕ຺ເຕຕິກິໍ-ທສ ອິເມ.

ອຕິປ຺ປສງ຺ຄພາຘກສ຺ສ ກ຺ວຈິສທ຺ທສ຺ສານຸວຕ຺ຕນໂຕ ນ ວິກປ຺ປວິຘີ ນິຍຕາ-ເຕນ ອຸເປໂຕ’ຕິ ເອວມາທີສຸ ວິກເກປ຺ປາ ນາຣກິຕາທິສຸ ວິຘິ ຈ ນ ໂຫຕິ-ຈິ ອກາສິ, ຈິ ອກາສິ. ສຸ ອາຄຕໍ, ສຸ ອາຄຕໍ’ຕິຘຍຸວຓ຺ຓານໍ ເວ’ຕິ ຈ ວຕ຺ຕເຕ.

ຍວາ ສເຣ.

ສເຣ ປເຣ ອິວ ຓ຺ຓຸວຓ຺ຓານໍ ຍກາຣວກາຣາ ໂຫນ຺ຕິ ວາ ຍຖາກ຺ກມໍ-ອກາຣສ຺ສ ທີເຆ-ວ຺ຍາກາສິ, ‘‘ວນຕຣຄາວາ ຄາມາ’’ຕິ ຍາຄເມ-ວິຍາກາສິ-ສ຺ວາຄຕໍ. ສາຄຕໍ-ກ຺ວຈິຕ຺ເວວ-ຍານີຘ.

ເຕ ອຊ຺ຊ, ເຕ ອຊ຺ຊ, ໂສ ອຍໍ, ໂສ ອຍໍ, ອິຕີຘ-‘‘ຍວາສເຣ’’ ‘ເວ’ຕິ ຈ ວຕ຺ຕເຕ.

ໂຎນໍ

ໂຎນໍ ຍກາຣວກາຣາ ໂຫນ຺ຕິ ວາ ສເຣ ປເຣ ຍຖາກ຺ກມໍ.

ຕ຺ຍຊ຺ຊ, ເຕຊ຺ຊ-‘‘ພ຺ຍຎ຺ຊເນ ທີຆຣສ຺ສາ’’ຕິທີເຆ-ສ຺ວາຍໍ, ໂສຍໍ.

ກ຺ວຈີຕ຺ເວວ-ຘນມ຺ມຕ຺ຖີ-ໂຄ ເອຬກມິຕິຘ-ສເຣ’ຕິ ວຕ຺ຕເຕ.

ໂຄສ຺ສາວງ.

ສເຣ ປເຣ ໂຄສ຺ສ ອວງ ອາເທໂສ ໂຫຕິ-ສຈ‘‘ຏນຸພນ຺ຘາເນກ ວຓ຺ຓາສພ຺ພສ຺ສາ’’ຕິ ສພ຺ພສ຺ສປ຺ປສງ຺ເຄ-ອນ຺ຕສ຺ເສ’ຕິ ວຕ຺ຕມາເນ.

ງນຸ ພນ຺ໂຘ.

ງກາໂຣນຸພນ຺ໂຘ ຍສ຺ສ ໂສ ເນກວຓ຺ໂຓປິ ອນ຺ຕສ຺ສ ໂຫຕິຕິ औກາຣສ຺ເສວ ໂຫຕິ,-‘‘ສງ຺ເກໂຕນວຍໂວນຸ ພນ຺ໂຘ’’ຕິວຈນາ ງກາຣສ຺ສາປ຺ປໂຍໂຄ-ປໂຍຊນໍ‘‘ງນຸພນ຺ໂຘ’’ຕິ ສງ຺ເກໂຕ-ຄເວຬກໍ.

ອິຕິ |ໂອ໐.໐໐໐໔| ເອວ, ອິຕິ ເອວາ ‘‘ຕີຘ-

ວິຕິສ຺ເສເວ ວາ

ເອວສທ຺ເທ ປເຣ ອິຕິສ຺ສ ໂວ ໂຫຕິ ວາ-ສຈ.

ຉຏ຺ຐິຍນ຺ຕສ຺ສ.

ຉຏ຺ຐິນທ຺ທິຏ຺ຐສ຺ສ ຍໍ ກາຣິຍໍ ຕທນ຺ຕສ຺ສ ວິຎ຺ເຎຍ຺ຍນ຺ຕິ ອິກາຣສ຺ສາເທໂສ ໂຫຕິ = ຐານີນມາມທ຺ທິຍທິສ຺ສຕິ ອຸຈ຺ຈາຣິຍຕິ’ຕິ ອາເທໂສ-ອິຕ຺ເວວ, ອຎ຺ຎຕ຺ຣ ຍາເທເສ-‘‘ຕວຄ຺ຄວຣຓນໍ ເຍ ຈວຄ຺ຄພຍຎາ’’ຕິ ຕກາຣສ຺ສ ໂວ-‘‘ວຄ຺ຄລເຍຫິ ເຕ’’ຕິ ຍສ຺ສ ຈ ຈກາໂຣ, ອິຈ຺ເຈວ-ທຸ ອງ຺ຄິກໍ, ຈິ ອິຕ຺ວາ, ອຊ຺ຊ ອຄ຺ເຄ, ປາຕຸ ອເຫສຸໍ, ປາ ເອວ, ອິຘ ອິຊ຺ຌຕິ, ປຣິ ອນ຺ຕໍ, ອຕ຺ຕ ອຕ຺ຖມິຕິຘ-‘‘ມຍທາສເຣ’’ຕິ ວຕ຺ຕເຕ.

ວຕຕຣຄາ ຈາຄມາ.

ເອເຕ ມຍທາ ວາຄມາ ໂຫນ຺ຕິ ວາ ສເຣ ກ຺ວຈິ,-ອາຄມິໂນ ອນິຍເມປິ ສໂຣເຍວາຄມີ ໂຫຕິ ວນາທິນນ຺ຕຸ ຎາປກາ-ອຎ຺ຎຖາຫິ ປທາທີນໍ ຍຸກ຺ວີຘານ ມນຕ຺ຖກໍ-ທຸວງ຺ຄິກໍ, ຈິນິຕ຺ວາ, ອຊ຺ຊຕຄ຺ເຄ, ປາຕຸຣເຫສຸໍ, -‘‘ພ຺ຍຎ຺ຊເນທີຆຣສ຺ສາ’’ຕິ ຣສ຺ເສ-ປເຄວ, ອິຘມິຊ຺ຌຕິ, ປຣິຍນ຺ຕໍ, ອຕ຺ຕທຕ຺ຖໍ-ວາຕ຺ເວວ-ອຕ຺ຕຕ຺ຖໍ.

ຉ ອຠິຎ຺ຎາ, ຉ ອຠິຎ຺ຎາ,’ຕີຘ-ວາ ສເຣ ອາຄໂມ’ຕິ ຈ ວຕ຺ຕເຕ.

ຉາ ໂຬ.

ຉ ສທ຺ທາ ປຣສ຺ສ ສຣສ຺ສ ຬກາໂຣ ອາຄໂມ ໂຫຕິ ວາ-ຉຬຠິຎ຺ຎາ, ຉອຠິຎ຺ຎາ.

ສຣສນ຺ຘິ.

ກຎ຺ຎາ ອິວ-ກຎ຺ຎາ ອິວາ ຕີຘ-ປຸພ຺ພປຣສຣານໍ ໂລເປ ສມ຺ປຕ຺ເຕ-ສໂຣ ປໂຣຕິ ຈ ວຕ຺ຕເຕ.

ນທ຺ເວວາ.

ປຸພ຺ພປຣສຣາ ທ຺ເວປິ ວາ ກ຺ວຈິ ນ ລຸປ຺ຍນ຺ເຕ-ກຎ຺ຎາອິວ, ກຎ຺ເຎວ, ກຎ຺ຎາວ.

ສຣສນ຺ຘິ ນິເສໂຘ.

ຕຕ຺ຣ ອຠິຣຕິ, ຂນ຺ຕິ ປຣມໍ, ສມ຺ມາ ອກ຺ຂາໂຕ’ຕີຘ-

ພ຺ຍຎ຺ຉເນ ທີຆຣສ຺ສາ.

ຣສ຺ສທີຆານໍ ກ຺ວຈິ ທີຆຣສ຺ສາ ໂຫນ຺ຕິ ພ຺ຍຎ຺ຊເນ-ຕຕ຺ຣາຠິຣຕິ, ຂນ຺ຕີປຣມໍ,’ ສມ຺ມທກ຺ຂາໂຕ’ ຕິທາຄເມ ຣສ຺ໂສ-ກ຺ວຈີຕ຺ເວຈ-ຕ຺ຍຊ຺ຊ-ກຖໍ ຍານິວ ອນ຺ຕລິກ຺ເຂ’ຕິ -ທີຆຣສ຺ສາຕິ ໂຍຄວິຠາຄາ.

ຈິ ຄໂຫ, ຕຕິຍ ຌານໍ. ວິ ໂຂໂປ, ອິຕິຘ-ພ຺ຍຎ຺ຊເນ’ຕິ ວຕ຺ຕເຕ.

ສຣມ຺ຫາ ທ຺ເວ.

ສຣມ຺ຫາ ປຣສ຺ສ ພ຺ຍຎ຺ຊນສ຺ສ ກ຺ວຈິ ທ຺ເວຣູປານິ ໂຫນ຺ຕິ-ວິຄ຺ຄໂຫ.

ຈຕຸຕ຺ຖ |ໂອ໐.໐໐໐໕| ທຸຕິເຍສ຺ເວສໍ ຕຕິຍ ປຐມາ.

ຈຕຸຕ຺ຖທຸຕິເຍສຸ ປເຣສ຺ເວສໍ ຈຕຸຕ຺ຖທຸຕິຍານໍ ຕພ຺ພຄ຺ເຄ ຕຕິຍ ປຐມາ ໂຫນ຺ຕິ ປຈ຺ຈາສຕ຺ຍາຕິ ປຸພ຺ພຌກາຣຂກາຣານໍ ຊກາຣກກຣາ-ຕຕິຍຊ຺ຌານໍ, ວິກ຺ເຂໂປ-ສຣມ຺ຫາ’ຕິກິໍ?-ຕໍ ວນໍ. ອກຣມ຺ຠເສເຕ, ອກຣມ຺ຠເສເຕ, ເອໂສ ອຕ຺ໂຖ, ເອໂສ ອຕ຺ໂຖ, ອິຕິຘ-ເຈ’ຕິວຕ຺ຕເຕ.

ເອ ໂອ ນ ມ ວຓ຺ເຓ.

ເອ ໂອ ນໍ ວຓ຺ເຓ ກ຺ວຈິ ອ ໂຫຕິ ວາ-ອກຣມ຺ຠສເນ, ອກຣມ຺ຫ ເສເຕ-ເອສອຕ຺ໂຖ, ເອໂສອຕ຺ໂຖ-ວຓ຺ເຓຕິກິໍ?-ໂສ.

ສຣພ຺ຍຎ຺ຊນສນ຺ຘິ.

ອຕ ຍນ຺ຕໍ. ຕຖ ຍໍ. ມທ ຍໍ, ພຸຘິ ຍຕິ, ຘນ ຍໍ. ເສວ ໂຍ, ປເຍສນາ, ໂປກ຺ຂຣຓ ໂຍ, ອິຕິຘ-

ຕວຄ຺ຄວຣຓນໍເຍ ຈວຄ຺ຄຂຍຎາ.

ຕວຄ຺ຄວຣຓນໍ ຈວຄ຺ຄພຍຎາ ໂຫນ຺ຕິ ຍຖາກ຺ກມໍ ຍກາເຣ, ‘‘ວຄ຺ຄລເສຫິ ເຕ’’ຕິ ວຄ຺ຄາ ປຣສ຺ສ ຍສ຺ສ ປຸພ຺ພຣູປໍ-ອຈ຺ຈນ຺ຕໍ. ຕຈ຺ຉໍ, ມຊ຺ຊໍ, ພຸຊ຺ຌຕິ, ຘຎ຺ຎໍ, ເສພ຺ໂພ, ປຍ຺ເຍສນາ, ໂປກ຺ຂຣຎ຺ໂຎ-ກ຺ວຈີຕ຺ເວຈ, ມຕ຺ຍາ-ເຍຕິ ວຕ຺ຕເຕ ວກ຺ຂມາເນສຸ ຕີສຸ. ສກ ຍເຕ, ຣຸຈ ຍເຕ, ປຏ຺ຍເຕ, ລຸປ຺ຍເຕ, ສລ຺ຍເຕ, ທິສ຺ຍເຕ’ຕີຘ.

ວຄ຺ຄລເສຫິ ເຕ

ວຄ຺ຄລເສຫິ ປຣສ຺ສ ຍກາຣສ຺ສ ກ຺ວຈິ ເຕ ວຄ຺ຄລສາ ໂຫນ຺ຕິ.

ສກ຺ກເຕ, ຣຸຈ຺ຈເຕ,ປຏ຺ຏເຕ, ລຸປ຺ປເຕ, ສລ຺ລເຕ, ທິສ຺ສເຕ. ກ຺ວຈິຕ຺ເວວ-ກ຺ຍາຫໍ-ມຸຫ = ຍຕີ’ຕີຘ-

ຫສ຺ສ ວິປລ຺ລາໂສ

ຫສ຺ສ ວິປລ຺ລາໂສ ໂຫຕິ ຍກາໂຣ-ມຸຍ຺ຫຕິ,

ພຫຸອາພາໂຘ, ພຫຸ ອາພາໂຘ’ຕີຘ-ອຸສ຺ສວກາເຣ ‘‘ຫສ຺ສ ວິປລ຺ລາໂສ’’ຕິ ວຕ຺ຕເຕ.

ເວວາ.

ຫສ຺ສ ວິປລ຺ລາໂສ ໂຫຕິວາ ວກາເຣ-ພວ຺ຫາພາໂຘ, ພຫ຺ວາພາໂຘ.

ພ຺ຍຎ຺ຊນ ສນ຺ຘິ.

ອກ຺ຂິຣຸຊຕິ. ອກ຺ຂິຣຸຊຕີ’ຕີຘ-ເວຕິ ວຕ຺ຕເຕ ຍາວ‘‘ມຍທາສເຣ’’ຕິ.

ນິຄ຺ຄຫິຕໍ.

ນິຄ຺ຄຫີຕມາຄໂມ ໂຫຕິວາ ກ຺ວຈິ = ຐານີນມາລິງ຺ຄິຍ ຄຈ຺ຉຕິ ປວຕ຺ຕຕີ’ຕິ ອາຄໂມ-ອກ຺ຂິໍ ຣຸຊຕິ,ອກ຺ຂິ ຣຸຊຕິ-‘‘ຍາວທ຺ວິຘາ’’ຕິ ອາໂທ ນິຈ຺ຈໍ ວວຕ຺ຖິຕ ວິຠາສຕ຺ຕາ ວາຘິກາຣສ຺ສ-ວາສທ຺ໂທ ຫິ ອຕ຺ຖວເຍ ວຕ຺ຕເຕ ກຕ຺ຖຈິ ວິກປ຺ເປ ກຕ຺ຖຈິ ຍຖາວວຕ຺ຖິຕຣູປ ປຣິຄ຺ຄເຫຕິ-ຍທາ ປຈ຺ຉິເມ ຕທາ ນຈ຺ຈມນິຈ຺ຈມສນ຺ຕຎ຺ຈ ວິຘິໍ ທີເປຕິ-ເອຕ຺ຖ ປນ ກ຺ວ ຈິສທ຺ທສ຺ສານຸ |ໂອ໐.໐໐໐໖| ວຕ຺ຕນໂຕ ເຕເນວາສນ຺ຕວິຘິ ສິທ຺ໂຘ’ຕິ ວາສທ຺ເທ ນິຕຣທ຺ວຍໍ-ສໍ ຣມ຺ໂຫ, ສໍຣມ຺ໂຫ, ປຸໍ ລິງ຺ຄໍ,ປຸໍ ລິງ຺ຄມິຕີຘ-ນິຄ຺ຄຫີຕາຘິກາໂຣ ອາ ‘‘ມຍທາ ສເຣຕິ’’.

ໂລໂປ.

ນິຄ຺ຄຫີຕສ຺ສ ໂລໂປ ໂຫຕິ ວາ ກ຺ວຈິ-ທີຆທິຕ຺ຕານິ, ສາຣມ຺ໂຫ, ສາຣມ຺ໂຫ-ປຸລ຺ລິງ຺ຄໍ, ປຸໍລິງ຺ຄໍ-ປຏິສລ຺ລາເຓ ປາຕຸກາໂມ’ຕິອາທິສຸ ນິຈ຺ຈໍ-ປຸປ຺ຜໍ ອສ຺ສາ, ປຸປ຺ຜໍ ອສ຺ສາ, ກິໍ ອິຕິ, ກິໍ ອິຕີ’ຕີຘ-

ປຣສຣສ຺ສ.

ນິຄ຺ຄຫີຕມ຺ຫາ ປຣສ຺ສ ສຣສ຺ສ ໂລໂປ ໂຫຕິ ວາ ກ຺ວຈິ.

ສໍໂຍຄາທິ ໂລໂປ.

ອນນ຺ຕຣາ ພ຺ຍຎ຺ຊນາ ສໍໂຍໂຄ-ອຕ຺ຣ ໂຍ ອາທຠຸຕາວຍໂວ ຕສ຺ສ ວາ ກ຺ວຈິ ໂລໂປ ໂຫຕີ’ຕິ ສສ຺ສາທິສ຺ສ ໂລໂປ-ປຸປ຺ຜໍສາ, ‘‘ມຍທາ ສເຣ’’ຕິ ນິຄ຺ຄຫີຕສ຺ສ ມກາໂຣ-ປຸປ຺ຜມສ຺ສາ, ‘‘ວຄ຺ເຄ ວຄ຺ຄ’ນ຺ໂຕ’’ຕິ ໂນ ນຄ຺ຄຫີຕສ຺ສ-ກິນ຺ຕິ, ກິມິຕິ.

ຕໍ ຂ ຓໍ, ຕໍ ຂຓໍ, ຘມ຺ມໍ ຈເຣ, ຘມ຺ມໍ ຈເຣ, ຕໍ ຑຫຕິ, ຕໍ ຑຫຕິ, ຕໍ ທານໍ, ຕໍ ທານໍ, ຕໍ ຜລໍ, ຕໍ ເອລມິຕີຘ-

ວຄ຺ເຄ ວຄ຺ຄນ຺ໂຕ.

ນຄ຺ຄຫີຕສ຺ສ ໂຂ ວຄ຺ເຄ ວຄ຺ຄນ຺ໂຕ ວາ ໂຫຕິ ປຈ຺ຈາສຕ຺ຍາ-ຕງ຺ກຓໍ,ຕໍຂຓໍ-ຘມ຺ມຎ຺ຈເຣ, ຘມ຺ມໍຈເຣ-ຕຓ຺ຑຫຕິ, ຕໍຑຫຕິ-ຕນ຺ທານໍ, ຕໍທານໍ-ຕມ຺ຜລໍ, ຕໍຜລໍ-ຄນ຺ຕ຺ວາ ສມ຺ມໂຕຕິ’ອາທິສຸ ນິຈ຺ຈໍ-ອານນ຺ຕຣິກໍ ຍມາຫຸ, ອານນ຺ຕຣິກໍ ຍມາຫຸ, ປຈ຺ຈຕ຺ຕໍ ເອວ, ປຈ຺ຈຕ຺ຕໍ ເອວ, ຕຎ຺ຫິ. ຕຎ຺ຫິ, ອິຕິຘ-

ເຍວຫິສຸຎ຺ໂຎ.

ຍເອວຫິສທ຺ເທສຸ ນິຄ຺ຄຫີຕສ຺ສໂຎ ວາ ໂຫຕິ-‘‘ວຄ຺ຄລເສຫິ ເຕ’ຕິ ຍສ຺ສ ຎກາເຣ-ອານນ຺ຕຣິກຎ຺ຎ ມາຫຸ. ອານນ຺ຕຣິກໍ ຍມາຫຸ, ຎສ຺ສ ທ຺ວິຕ຺ເຕ-ປຈ຺ຈຕ຺ຕຎ຺ເຎວ, ປຈ຺ຈຕ຺ຕໍເອວ-ຕຎ຺ຫິ, ຕໍຫີ-ເອວ ສທ຺ທສຫຈຣິຍາເຍຕິ ຍສທ຺ທສ຺ເສວ ຄຫຓໍ-ສໍຍໂຕ, ສໍຍໂຕ’ຕີຘ

ເຍ ສໍສ຺ສ

ສໍສທ຺ທສ຺ສ ຍໍ ນິຄ຺ຄຫີຕໍ ຕສ຺ສ ວາ ໂຎ ໂຫຕິ ຍກາເຣ-

ສຎ຺ຎໂຕ, ສໍຍໂຕ-ອິຘຍກາຣມຕ຺ໂຕວ ຄຍ຺ຫເຕ ປຸນພ຺ພຈນາ.

ຕໍ ເອວ, ຕໍ ເອວ, ຕໍ ອິທໍ, ຕໍ ອິທໍ, ຕໍ ອິມິນາ, ຕໍ ອິມິນາຕີຘ-

ມຍທາສເຣ.

ນິຄ຺ຄຫີຕສ຺ສ ມຍທາ ໂຫນ຺ຕິ ວາ ສເຣ ກ຺ວຈິ-ຕເມວ, ຕໍເອວ-ຕຍິທໍ’ ຕໍອິທໍ-ຕທມິນາ, ຕໍ ອິມິນາ ເອຕ຺ຖ-‘‘ຕທມິນາທີນີ’’ຕິນິປາຕນາ ອິກາຣສ຺ສ ອກາໂຣ-ລກ຺ຂຓນ຺ຕເຣນາວິຫິຕາເທສໂລປາຄມວິປລ຺ລາສາ ສພ຺ພຕ຺ຖ ອິມິນາວ ທຏ຺ຐພ຺ພາ-ເຕນ ນິຊໂກ. ນິຍໂກ,’ຕິອາທິ ສິທ຺ຘໍ-ພຸທ຺ຘມ ສຣຓມິຈ຺ຈາທິສຸ ໂຍຄວິຠາຄາ.

ນິຄ຺ຄຫິຕ ສນ຺ຘິ.

ອຖ |ໂອ໐.໐໐໐໗| ນາມານິ ວຸຈ຺ຈນ຺ເຕ.

ຕານິ ວິວິຘານິ ສລິຄາລິຄວເສນ-ຕຕ຺ຖ ສລິເຄຍຸ ຕາວ ອກາຣນ຺ຕໂຕ ປຸລ຺ລິງ຺ຄາ ພຸທ຺ຘສທ຺ທາ ສຕ຺ຕວິຠຕ຺ຕິໂຍ ປຣາ ໂຍຊີຍນ຺ໂຕ-ພຸທ຺ຘ ອິຕິ ຐິເຕ.

ທ຺ເວ ທ຺ເວ ກາເນເກສຸ ນາມສ຺ມາ ສິໂຍ ອໍໂຍ ນາຫິ ຍນໍ ສ຺ມາສນໍ ສ຺ມິໍສຸ

ເອເຕສໍ ທ຺ເວທ຺ເວ ໂຫນ຺ຕິ ເອກາເນກຕ຺ເຖສຸ ວຕ຺ຕມານໂຕ ນາມ ສ຺ມາຕິ ຍຖາກ຺ກມໍ ເອກມ຺ຫິ ຈຕ຺ຕພ຺ໂພ ເອກວຈນານໍ ພຫຸມ຺ຫິ ວຕ຺ຕພ຺ເພ ພຫຸວຈນານໍ ຈາຕິຍເມນປ຺ປຍງ຺ເຄ-ນາມສ຺ມາ’ຕິອຘິກາໂຣ.

ປຐມາຕ຺ຖມຕ຺ເຕ

ສກຕ຺ຖທພ຺ພລິງ຺ຄານິ ສງ຺ຂ຺ຍາກມ຺ມາທິປຎ຺ຈກໍ

ນາມຕ຺ໂຖ ຕສ຺ສ ສາມຎ຺ຎມຕ຺ຕມຕ຺ຕໍ ປວຸຈ຺ຈເຕ.

ນາມສ຺ສາຠິເຘຍ຺ຍ ມຕ຺ເຕ ປຐມາວິຠຕ຺ຕິ ໂຫຕິ’ຕິ ວຕ຺ຕິຈ຺ຉາວສາ ປຐມາເຍກວຈນພຫຸວຈນານິ.

ສິໂຍອິຕິ ປຐມາ, ສິສ຺ສິກາຣສ຺ສານຸພນ຺ຘຕ຺ຕປ຺ເປໂຍໂຄ-ປໂຍຊນໍ‘‘ກິ ມໍ ສີສູ’’ຕິ ສງ຺ເກໂຕ-ຕຖາ ອໍ ວຈນສ຺ສກາຣສ຺ສ-ສິ-ອໂຕ’ຕິ ວຕ຺ຕເຕ-ຕສ຺ສ ນາມວິເສສນຕ຺ຕາ ‘‘ວິຘິພ຺ພິເສສນນ຺ຕສ຺ສາ’’ຕິ ຕທນ຺ຕໂຕ ວິຘິ.

ສິສ຺ໂສ.

ອກາຣນ຺ຕໂຕ ນາມສ຺ມາ ປຣສ຺ສ ສິສ຺ສ ໂອໂຫຕິ-ປຸພ຺ພສຣໂລໂປ ພຸທ຺ໂຘ ຕິຏ຺ຐຕິ-ໂຍ.

ອໂຕ ໂຍນໍ ຏາເຏ.

ອກາຣນ຺ຕໂຕ ນາມສ຺ມາ ປເຣສໍ ປຐມາທຸຕິຍາໂຍນໍ ຏາເຏ ໂຫນ຺ຕິ ຍຖາກ຺ກມໍ-ຏກາຣານຸພນ຺ຘຕ຺ຕາ‘‘ຏນຸພນ຺ຘາເນກວຓ຺ຓາ ສພ຺ພສ຺ສາ’’ຕິ ສພ຺ພາເທໂສ-ພຸທ຺ຘາ ຕິຏ຺ຐນ຺ຕິ. ‘ປຐມາຕ຺ຖມຕ຺ເຕ’’ຕິວຕ຺ຕເຕ.

ອາມນ຺ຕເຓ.

ສທ຺ເທນາຠິມຸຂີ ກາໂຣ ວິຊ຺ຊມານສ຺ສ ວຕ຺ຖຸໂນ

ອາມນ຺ຕຓໍ ວິຘາຕພ຺ເພ ນຕ຺ຖິ ຣາຊາ ຠເວຕິ ຕໍ;

ອາມນ຺ຕຓຘິເກ ອຕ຺ຖມຕ຺ເຕ ປຐມາ ວິຠຕ຺ຕິ ໂຫຕີ’ຕິ ເອກສ຺ມິໍ ເອກວຈນໍ ສິ.

ໂຄສ຺ຍາລປເຓ.

ອາລປເຓ ສິ ຄສຎ຺ໂຎ ໂຫຕິ-ໂລໂປ’ຕິ ວຕ຺ຕເຕ

ຄສີນໍ.

ນາມສ຺ມາຄສີນໍໂລໂປໂຫຕິ-ໂຠພຸທ຺ຘມໍປາລຍ-ເຄ’ຕິວຕ຺ຕເຕ.

ອຍຸນໍ ວາ ທີໂຆ.

ऐອຸ ອິຈ຺ເຈສໍ ວາ ທີໂຆ ໂຫຕິ ເຄປເຣ ຕິລິງ຺ເຄ’ຕິທີໂຆ-ພຸທ຺ຘາ, ເກຈິ ທີຆໍ ທູຣາລປເຓ ເຍວິຈ຺ຉນ຺ຕິ ສມີປາລປເຓປິ ທສ຺ສໂຕ ຕໍ ນ ຄເຫຕພ຺ພໍ-ໂຍມ຺ຫິ,-ພຸທ຺ຘາ ມໍ ປາເລຖ.

ກມ຺ເມ |ໂອ໐.໐໐໐໘| ທຸຕິຍາ

ກຕ຺ຕຸກ຺ຣິຍາຠິສມ຺ພນ຺ຘໍ ກາຣກໍ ກມ຺ມມຸຈ຺ຈເຕ;

ນິພ຺ພຕ຺ຕິ ວິກຕິປ຺ປຕ຺ຕິ ເຠທາ ຕໍ ຕິວິຘໍ ຠເວ.

ອສ຺ມິໍ ທຸຕິຍາ ວິຠຕ຺ຕິໂຫຕິ-ອໍໂຍ ອິຕິ ທຸຕິຍາ-ອໍ-ພຸທ຺ຘໍປຓມາມິ, ໂຍສ຺ສເຏ-ພຸທ຺ເຘ.

ກຕ຺ຕຸກຣເຓສຸ ຕຕິຍາ.

ກ຺ຣິຍໍ ໂຍ ກຸຣຸເຕ ມຸຂ຺ໂຍ ສ ກຕ຺ຕາ ໂຍຊິໂຕ ນ ວາ ກຣຓໍ ຕໍ ວິເສເສນ ຍໍ ກ຺ຣິຍາສິທ຺ຘິເຫຕຸກໍ.

ເຕສຸ ກາຣເກສຸ ຕຕິຍາ ວິຠຕ຺ຕິ ໂຫຕິ-ນາຠິ ອິຕິ ຕຕິຍາ-ນາ-ນາສ຺ສາ’ຕິ ວຕ຺ຕເຕ.

ອເຕນ

ອກາຣນ຺ຕໂຕ ນາມສ຺ມາ ປຣສ຺ສ ນາວຈນສ຺ສ ເອນາເທໂສ ໂຫຕິ-ພຸທ຺ເຘນ ເທສິໂຕ ຘມ຺ໂມ-ຫິ-

ສຸຫິສ຺ວເສສ.

ອກາຣນ຺ຕສ຺ສ ສຸຫີສ຺ເວໂຫຕິ-ພຸທ຺ເຘຫິ-ເວ’ຕິ ວຕ຺ຕເຕ.

ສ຺ມາຫິສ຺ມິນ຺ນໍ ມ຺ຫາຠີມ຺ຫິ.

ນາມສ຺ມາ ປເຣສໍ ສ຺ມາຫິສ຺ມິນ຺ນໍ ມ຺ຫາຠີມ຺ຫິ ວາ ໂຫນ຺ຕິ ຍຖາກ຺ກມໍ-ຫິສ຺ສ ຠິຍາເທໂສ-ພຸທ຺ເຘຠີ, ກຣເຓ-ພຸທ຺ເຘນ ໂລໂກ ສຸຈຣຕິ, ພຸທ຺ເຘຫິ, ພຸທ຺ເຘຫິ, ວາ.

ຈຕຸຕ຺ຖີ ສມ຺ປທາເນ.

ອນຸມນ຺ຕ຺ວນິຣາກຕ຺ຕຸຊ຺ເຌສການໍ ວສາ ຕຘາ;

ທທາຕິ ກມ຺ມນາ ຍຸຕ຺ຕໍ ສມ຺ປທານມຸທິຣິຕໍ.

ຕສ຺ມິໍ ສມ຺ປທານກາຣເກ ຈຕຸຕ຺ຖິ ສິຍາ-ສນໍ ອິຕິ ຈຕຸຕ຺ຖີ-ສ.