໖. ຉຏ຺ໂຐ ກຓ຺ໂຑ (ຕ຺ຍາທິ)

໑. ວຕ຺ຕມາເນ ຕິ ອນ຺ຕິ ສິ ຖ ມິ ມ ເຕ ອນ຺ເຕ ເສ ວ຺ເຫ ເອ ມ຺ເຫ.

ວຕ຺ຕມາເນ ອາຣທ຺ຘາປຣິສມຕ຺ເຕ ອຕ຺ເຖ ວຕ຺ຕມານໂຕ ກ຺ຣິຍຕ຺ຖາ ຕ຺ຍາທໂຍ ໂຫນ຺ຕິ. ຄຈ຺ຉຕິ, ຄຈ຺ຉນ຺ຕິ, ຄຈ຺ຉສິ ຄຈ຺ຉຖ, ຄຈ຺ຉາມິ ຄຈ຺ຉາມ, ຄຈ຺ຉເຕ ຄຈ຺ຉນ຺ເຕ, ຄຈ຺ຉເສ ຄຈ຺ຉວ຺ເຫ, ຄຈ຺ເຉ ຄຈ຺ຉາມ຺ເຫ. ກຖໍ ‘ປຸເຣ ອຘມ຺ໂມ ທິປ຺ປຕິ, ປຸຣາ ມຣາມີ’ຕິ? ວຕ຺ຕມານສ຺ເສວວຕ຺ຕຸມິຏ຺ຐຕ຺ຕາ ຕໍສມີປສ຺ສ ຕຄ຺ຄຫເຓນ ຄຫຓາ, ປຸເຣປຸຣາສທ຺ເທຫິ ວາ ອນາຄຕຕ຺ຕາວຄເມ ຕທາ ຕສ຺ສ ວຕ຺ຕມານຕ຺ຕາ, ກາລພ຺ຍຕ຺ຕໂຍ ວາ ເອໂສ, ຠວນ຺ເຕວ ຫິ ກາລນ຺ຕເຣປິ ຕ຺ຍາທໂຍ ພາຫຸລກາ ‘ສນ຺ເຕສຸ ປຣິຄູຫາມິ, ມາ ຈ ກິຎ຺ຈ ອິໂຕ ອທໍ’ ‘ກາຍສ຺ສ ເຠທາ ອຠິສມ຺ປຣາຍໍ, ສຫພ຺ຍຕໍ ຄຈ຺ຉຕິ ວາສວສ຺ສ, ‘ອເນກຊາຕິສໍສາຣໍ ສນ຺ຘາວິສ຺ສໍ’ ອຕິເວລໍ ນ ມສ຺ສິສ຺ສ’ນ຺ຕິ.

໒. ຠວິສ຺ສຕິ ສ຺ສຕິ ສ຺ສນ຺ຕິ ສ຺ສສິ ສ຺ສຖ ສ຺ສາມິ ສ຺ສາມ ສ຺ສເຕ ສ຺ສນ຺ເຕ ສ຺ສເສ ສ຺ສວ຺ເຫ ສ຺ສໍ ສ຺ສາມ຺ເຫ.

ຠວິສ຺ສຕິ ອນາຣທ຺ເຘ ອຕ຺ເຖ ວຕ຺ຕມານໂຕ ກ຺ຣິຍຕ຺ຖາ ສ຺ສຕ຺ຍາທໂຍ ໂຫນ຺ຕິ. ຄມິສ຺ສຕິ ຄມິສ຺ສນ຺ຕິ, ຄມິສ຺ສສິ ຄມິສ຺ສຖ, ຄມິສ຺ສາມິ ຄມິສ຺ສາມ, ຄມິສ຺ສເຕ ຄມິສ຺ສນ຺ເຕ, ຄມິສ຺ສເສ ຄມິສ຺ສວ຺ເຫ, ຄມິສ຺ສໍ ຄມິສ຺ສາມ຺ເຫ.

໓. ນາເມ ຄຣຫາວິມ຺ຫເຍສຸ.

ນາມສທ຺ເທ ນິປາເຕ ສຕິ ຄຣຫາຍໍ ວິມ຺ຫເຍ ຈ ຄມ຺ຍມາເນ ສ຺ສຕ຺ຍາທໂຍ ໂຫນ຺ຕິ. ອິເມ ຫິ ນາມ ກລ຺ຍາຓຘມ຺ມາ ປຏິຊານິສ຺ສນ຺ຕິ, ນ ຫິ ນາມ ຠິກ຺ຂເວ ຕສ຺ສ ໂມຆປຸຣິສສ຺ສ ປາເຓສຸ ອນຸທ຺ທຍາ ຠວິສ຺ສຕິ, ກຖໍ ຫິ ນາມ ໂສ ຠິກ຺ຂເວ ໂມຆປຸຣິໂສ ສພ຺ພມຕ຺ຕິກາມຍໍ ກຸຏິກໍ ກຣິສ຺ສຕິ? ຕຕ຺ຖ ນາມ ຕ຺ວໍ ໂມຆປຸຣິສ ມຍາ ວິຣາຄາຍ ຘມ຺ເມ ເທສິເຕ ສຣາຄາຍ ເຈເຕສ຺ສສິ? ອຕ຺ຖິ ນາມ ຕາຕ ສຸທິນ຺ນ ອາຠິໂທສິກໍ ກຸມ຺ມາສໍ ປຣິຠຸຎ຺ຊິສ຺ສສິ, ອຕ຺ຖິເຍວິຫາປິ ນິນ຺ທາວຄໂມ. ວິມຸເຍ-ອຈ຺ຉຣິຍໍ ວຕ ໂຠ ອພ຺ຠຸຕໍ ວຕ ໂຠ ສນ຺ເຕນ ວຕ ໂຠ ປພ຺ພຊິຕາ ວິຫາເຣນ ວິຫຣນ຺ຕິ, ຍຕ຺ຣ ຫິ ນາມ ສຎ຺ຎີ ສມາໂນ ຊາຄໂຣ ປຎ຺ຈມຕ຺ຕານິ ສກຏສຕານິ ນິສ຺ສາຍ ນິສ຺ສາຍ ອຠິກ຺ກນ຺ຕານິ ເນວ ທກ຺ຂຕິ ນ ປນ ສທ຺ທໍ ໂສສ຺ສຕິ, ອຈ຺ຉຣິຍໍ ອນ຺ໂຘ ນາມ ປພ຺ພຕມາໂຣຫິສ຺ສຕິ, ພຘິໂຣ ນາມ ສທ຺ທໍ ໂສສ຺ສຕິ.

໔. ຠູເຕ ອີອຸໍ ໂອຕ຺ຖ ອິໍ ມ຺ຫາ ອາ ອູ ເສ ວ຺ຫໍ ອ ມ຺ເຫ.

ຠູເຕ ປຣິສມຕ຺ເຕ ອຕ຺ເຖ ວຕ຺ຕມານໂຕ ກ຺ຣິຍຕ຺ຖາ ອີ ອາທໂຍ ໂຫນ຺ຕິ. ອຄມີ ອຄມຸໍ, ອຄໂມ ອຄມິຕ຺ຖ, ອຄມິໍ ອຄມິມ຺ຫາ, ອຄມາ ອຄມູ, ອຄມິເສ ອຄມິວ຺ຫໍ, ອຄມ ອຄມິມ຺ເຫ. ຠູຕສາມຎ຺ຎວຈນິຈ຺ຉາຍມນຊ຺ຊຕເນປິ ‘ສຸໂວ ອໂຫສິ ອານນ຺ໂທ’.

໕. ອນຊ຺ຊຕເນ ອາ ອູ ໂອ ຕ຺ຖ ອ ມ຺ຫາ ຕ຺ຖ ຕ຺ຖຸໍ ເສ ວ຺ຫໍ ອິໍ ມ຺ຫເສ.

ອວິຊ຺ຊມານຊ຺ຊຕເນ ຠູເຕ-ຕ຺ເຖ ວຕ຺ຕມານໂຕ ກ຺ຣິຍຕ຺ຖາ ອາອາທໂຍ ໂຫນ຺ຕິ.

ອາຎາຍ຺ຍາ ຈ ອຸຏ຺ຐານາ, ອາຎາຍ຺ຍາ ຈ ສໍເວສນາ;

ເອສຊ຺ຊຕໂນ ກາໂລ, ອຫຣຸຠຕຑ຺ຒຣຕ຺ຕໍ ວາ.

ອຄມາ ອຄມູ, ອຄໂມ, ອຄມຕ຺ຖ, ອຄມ ອຄມມ຺ຫາ, ອຄມຕ຺ຖ ອຄມຕ຺ຖຸໍ, ອຄມເສ ອຄມວ຺ຫໍ, ອຄມິໍ ອຄມມ຺ຫເສ. ອຎ຺ຎປທຕ຺ໂຖ ກິໍ? ອຊ຺ຊ ຫິຍ຺ໂຍ ວາ ອຄມາສິ.

໖. ປໂຣກ຺ເຂ ອ ອຸ ເອ ຕ຺ຖ ອ ມ຺ຫ ຕ຺ຖ ເຣ ຕ຺ໂຖ ວ຺ໂຫ ອິ ມ຺ເຫ.

ອປຈ຺ຈກ຺ເຂ ຠູຕານຊ຺ຊຕເນ-ຕ຺ເຖ ວຸຕ຺ຕມານໂຕ ກ຺ຣິຍາຕ຺ຖາ ອ ອາທໂຍ ໂຫນ຺ຕິ. ຊຄາມ ຊຄມຸ, ຊຄເມ ຊຄປິຕ຺ຖ, ຊຄມ ຊຄມິມ຺ຫ, ຊຄມິຕ຺ຖ ຊຄມິເຣ, ຊຄມິຕ຺ໂຖ ຊຄມິວ຺ໂຫ, ຊຄມິ ຊຄມິມ຺ເຫ. ມູຬ຺ຫວິກ຺ຂິຕ຺ຕພ຺ຍາສຕ຺ຕຈິຕ຺ເຕນ ອຕ຺ຕນາປິ ກ຺ຣິຍາກຕາຠິນິພ຺ພຕ຺ຕິຕກາເລ-ນຸປລທ຺ຘາ ສມານາ ຜເລນາ-ນຸມີຍມານາ ປໂຣກ຺ຂາວ ວຕ຺ຖຸໂຕ, ເຕນຸຕ຺ຕມວິສເຍປິ ປໂຍຄສມໂວ.

໗. ເອຍ຺ຍາໂທ ວາຕິປຕ຺ຕິຍໍ ສ຺ສາ ສ຺ສໍ ສຸ ສ຺ເສ ສ຺ສຖ ສ຺ສໍ ສ຺ສາມ຺ຫາ ສ຺ສຖ ສ຺ສິໍສຸ ສສ຺ເສ ສ຺ສວ຺ເຫ ສ຺ສິໍ ສ຺ສາມ຺ຫເສ.

ເອຍ຺ຍາໂທ ວິສເຍ ກ຺ຣິຍາຕິປຕ຺ຕິຍໍ ສ຺ສາທໂຍ ໂຫນ຺ຕິ ວິຠາສາ. ວິຘຸຣປ຺ປຈ຺ຈໂຍປນິປາຕໂຕ ກາຣຓເວກລ຺ລໂຕ ວາ ກ຺ຣິຍາຍາຕິປຕນມນິປ຺ຜຕ຺ຕິ ກ຺ຣິຍາຕິປຕ຺ຕິ, ເອເຕ ຈ ສ຺ສາທໂຍ ສາມຕ຺ຖິຍາຕີຕານາຄເຕສ຺ເວວ ໂຫນ຺ຕິ ນ ວຕ຺ຕມາເນ ຕຕ຺ຣ… ກ຺ຣິຍາຕິປຕ຺ຍສມ຺ຠວາ, ສເຈ ປຐມວເຍ ປພ຺ພຊ຺ຊໍ ອລຠິສ຺ສາ ອຣຫາ ອຠວິສ຺ສາ, ທກ຺ຂິເຓນ ເຈ ອຄມິສ຺ສາ ນ ສກຏໍ ປຣິຍາ ຠວິສ຺ສາ, ທກ຺ຂິເຓນ ເຈ ອຄມິສ຺ສໍສຸ, ອຄມິສ຺ເສ ອຄມິສ຺ສຖ, ອຄມິສ຺ສໍ ອຄມິສ຺ສາມ຺ຫາ, ອຄມິສ຺ສຖ ອຄມິສ຺ສິໍສຸ, ອຄມິສ຺ສເສ ອຄມິສ຺ສວ຺ເຫ, ອຄມິສ຺ສິໍ ອຄມິສ຺ສາມ຺ຫເສ, ນ ສກຏໍ ປຣິຍາຠວິສ຺ສາ, ວາຕິກິໍ? ທກ຺ຂິເຓ ນ ເຈ ຄມິສ຺ສຕິ ນ ສກຏໍ ປຣິຍາ ຠວິສ຺ສຕິ.

໘. ເຫຕຸຜເລສ຺ເວຍ຺ຍ ເອຍ຺ຍຸໍ ເອຍ຺ຍາສິ ເອຍ຺ຍາຖ ເອຍ຺ຍາມິ ເອຍ຺ຍາມ ເອຖ ເອຣໍ ເອໂຖ ເອຍ຺ຍວ຺ໂຫ ເອຍ຺ຍໍ ເອຍ຺ຍາມ຺ເຫ.

ເຫຕຸຠູຕາຍໍ ເອລຠູຕາຍຎ຺ຈ ກ຺ຣິຍາຍໍ ວຕ຺ຕມານໂຕ ກ຺ຣິຍຕ຺ຖາ ເອຍ຺ຍາທໂຍ ວາ ໂຫນ຺ຕິ, ສເຈ ສງ຺ຂາຣາ ນິຈ຺ຈາ ຠເວຍ຺ຍຸໍ ນ ນິຣຸຊ຺ເຌຍ຺ຍຸໍ, ທກ຺ຂິເຓນ ເຈ ຄຈ຺ເຉຍ຺ຍ ນ ສກຏໍ ປຣິຍາຠເວຍ຺ຍ, ທກ຺ຂິເຓນ ເຈ ຄຈ຺ເຉຍ຺ຍຸໍ, ຄຈ຺ເຉຍ຺ຍາສິ ຄຈ຺ເຉຍ຺ຍາຖ, ຄຈ຺ເຉຍ຺ຍາມິ ຄຈ຺ເຉຍ຺ຍາມ, ຄຈ຺ເຉຖ ຄຈ຺ເຉຣໍ, ຄຈ຺ເຉໂຖ ຄຈ຺ເຉຍ຺ຍວ຺ໂຫ, ຄຈ຺ເຉຍ຺ຍໍ ຄຈ຺ເຉຍ຺ຍາມ຺ເຫ, ນ ສກຏໍ ປຣິຍ຺ຍາຠເວຍ຺ຍ, ຠວນໍ ຄມນໍ ຈ ເຫຕຸ, ອນິຣຸຊ຺ຌນໍ ອປຣິຍາຠວນໍ ຈ ຜລໍ, ອິຫ ກສ຺ມາ ນ ໂຫຕິ ‘ຫນ຺ຕີຫິ ປລາຍຕິ, ວສ຺ສຕີຕິ ຘາວຕິ, ຫນິສ຺ສຕີຕິ ປລາຍິສ຺ສຕີ’ຕິ? ອິຕິ ສທ຺ເທເນວ ເຫຕຸເຫຕຸມນ຺ຕຕາຍ ໂຊຕິຕຕ຺ຕາ, ວາຕິ ກິໍ? ທກ຺ຂິເຓນ ເຈ ຄມິສ຺ສຕິ ນ ສກຏໍ ປຣິຍາຠວິສ຺ສຕິ.

໙. ປຎ຺ຫປຕ຺ຖນາວິຘີສຸ.

ປຎ຺ໂຫ=ສມ຺ປຸຈ຺ຉນໍ ສມ຺ປຘາຣຓໍ ນິຣູປຓໍ ກາຣິຍານິຈ຺ຉຍນໍ ປຕ຺ຖນາ=ຍາຈນໍ ອິຏ຺ຐາສິໍ ຠນຎ຺ຈ, ວິຘິ=ວິຘານໍ ນິໂຍຊນໍ ກ຺ຣິຍາສຸ ພ຺ຍາປາຣຓາ, ສາ ຈ ທຸວິຘາວ ສາທຣານາທຣວເສນ… ວິສຍເຠເທນ ຠິນ຺ນາຍປິ ຕທຸຠຍານຕິວຕ຺ຕນໂຕ, ເອເຕສຸ ປຎ຺ຫາທີສຸ ກ຺ຣິຍຕ຺ຖໂຕ ເອຍ຺ໂຍທໂຍ ໂຫນ຺ຕິ, ປຎ຺ເຫ - ກິມາຍສ຺ມາ ວິນຍໍ ປຣິຍາປຸເຓຍ຺ຍ? ອຸທາຫຸ ຘມ຺ມໍ, ຄຈ຺ເຉຍ຺ຍໍ ວາຫໍ ອຸໂປສຖໍ ນ ວາ ຄຈ຺ເຉຍ຺ຍໍ, ປຕ຺ຖນາຍໍ-ລເຠຍ຺ຍາ-ຫໍ ຠນ຺ເຕ ຠຄວໂຕ ສນ຺ຕິເກ ປພ຺ພຊ຺ຊໍ ລເຠຍ຺ຍໍ ອຸປສມ຺ປທໍ, ປສ຺ເສຍ຺ຍໍ ຕໍ ວສ຺ສສຕໍ ອໂຣຄໍ, ວິຘິມ຺ຫິ-ຠວໍ ປຕ຺ຕໍ ປເຈຍ຺ຍ, ຠວໍ ປຸຎ຺ຎໍ ກເຣຍ຺ຍ, ອິຫ ຠວໍ ຠຸຎ຺ເຊຍ຺ຍ, ອິຫ ຠວໍ ນິສີເທຍ຺ຍ, ມາຓວກໍ ຠວໍ ອຊ຺ຌາເປຍ຺ຍ, ອນຸຎ຺ຎາປຕ຺ຕກາເລສຸປິ ສິທ຺ຘາວ… ຕຕ຺ຖາປິ ວິຘິປ຺ປຕີຕິໂຕ, ອນຸຎ຺ຎາຍໍ-ເອວໍ ກເຣຍ຺ຍາສິ, ປຕ຺ຕກາເລ-ກຏໍ ກເຣຍ຺ຍາສິ, ປຕ຺ໂຕ ເຕ ກາໂລ ກຏກຣເຓ, ຍທິ ສງ຺ຆສ຺ສ ປຕ຺ຕກລ຺ລໍ ສງ຺ໂຆ ອຸໂປສຖໍ ກເຣຍ຺ຍ, ເອຕສ຺ສ ຠຄວາ ກາໂລ ເອຕສ຺ສ ສຸຄຕ ກາໂລ ຍໍ ຠຄວາ ສາວການໍ ສິກ຺ຂາປທໍ ປຎ຺ຎເປຍ຺ຍ, ເປສເນປິຈ຺ຉນ຺ຕິ ‘ຄາມໍ ຕ຺ວໍ ຠເຓ ຄຈ຺ເຉຍ຺ຍາສິ’.

໑໐. ຕຸ ອນ຺ຕຸ ຫິ ຖ ມິ ມ ຕໍ ອນ຺ຕໍ ສ຺ສຸ ວ຺ໂຫ ເອ ອາມເສ.

ປຎ຺ຫາທີສ຺ເວເຕ ໂຫນ຺ຕິ ກ຺ຣິຍຕ຺ຖໂຕ. ຄຈ຺ຉຕຸ ຄຈ຺ຉນ຺ຕຸ, ຄຈ຺ຉາຫິ ຄຈ຺ຉຖ, ຄຈ຺ຉາມິ ຄຈ຺ຉາມ, ຄຈ຺ຉຕໍ ຄຈ຺ຉນ຺ຕໍ, ຄຈ຺ຉສ຺ສຸ ຄຈ຺ຉວ຺ໂຫ, ຄຈ຺ເຉ, ຄຈ຺ຉາມເສ, ປຎ຺ເຫ-ກິນ຺ນຸ ຂລຸ ໂຠ ພ຺ຍາກຣຓມຘີຍສ຺ສຸ, ປຕ຺ຖນາຍໍ-ທທາຫິ ເມ, ຊີວຕຸ ຠວໍ, ວິຘິມ຺ຫິ-ກຏໍ ກໂຣຕຸ ຠວໍ, ປຸຎ຺ຎໍ ກໂຣຕຸ ຠວໍ, ອິຫ ຠວໍ ຠຸຎ຺ຊຕຸ, ອິຫ ຠວໍ ນິສີທຕຸ, ອຸທ຺ທິສຕຸ ຠນ຺ເຕ ຠຄວາ ຠິກ຺ຂູນໍ ປາຕິໂມກ຺ຂໍ, ເປສເນ-ຄຈ຺ຉ ຠເຓ ຄາມໍ, ອນຸມຕິຍໍ - ເອວໍ ກໂຣຫິ, ປຕ຺ຕກາເລ-ກາໂລ-ຍໍ ເຕ ມຫາວີຣ ອຸປ຺ປຊ຺ຊ ມາຕຸກຸຈ຺ຉິຍໍ.

໑໑. ສຕ຺ຍຣເຫສ຺ເວຍ຺ຍາທີ.

ສຕ຺ຕິຍໍ ອຣ ຫຕ຺ເຖ ຈ ກ຺ຣິຍຕ຺ຖາ ເອຍ຺ຍາທໂຍ ໂຫນ຺ຕິ. ຠວໍ ຂລຸ ຣຊ຺ຊໍ ກເຣຍ຺ຍ, ຠວໍ ສຕ຺ໂຕ ອຣໂຫ.

໑໒. ສມ຺ຠາວເນ ວາ.

ສມ຺ຠາວເນ ຄມ຺ຍມາເນ ຘາຕຸນາ ວຸຈ຺ຈມາເນ ຈ ເອຍ຺ຍາທໂຍ ໂຫນ຺ຕິ ວິຠາສາ. ອປິ ປພ຺ພຕໍ ສິຣສາ ຠິນ຺ເທຍ຺ຍ, ກ຺ຣິຍາຕິປຕ຺ຕິຍນ຺ຕຸ ສ຺ສາທີ-ອສນິຍາປິ ຫໂຕ ນາປຕິສ຺ສາ, ສມ຺ຠາເວມິ ສທ຺ທຫາມິ ອວກປ຺ເປມິ ຠຸຎ຺ເຊຍ຺ຍ ຠວໍ ຠຸຎ຺ຊິສ຺ສຕິ ຠວໍ ອຠຸຎ຺ຊິ ຠວໍ, ກ຺ຣິຍາຕິປຕ຺ຕິຍນ຺ຕຸ ສ຺ສາທີ-ສມ຺ຠາເວມິ ນາຠຸຎ຺ຊິສ຺ສາ ຠວໍ.

໑໓. ມາໂຍເຄ ອີອາອາທີ.

ມາ ໂຍເຄ ສຕິ ອີອາທໂຍ ອາອາທໂຍ ຈ ວາ ໂຫນ຺ຕິ. ມາ ສຸ ປຸນປິ ເອວຣູປມກາສິ, ມາ ຠວໍ ອຄມາ ວນໍ, ວາຕ຺ເວວ? ມາ ເຕ ກາມຄຸເຓ ຠມສ຺ສຸ ຈິຕ຺ຕໍ, ມາ ຕ຺ວໍ ກຣິສ຺ສສິ, ມາ ຕ຺ວໍ ກເຣຍ຺ຍາສິ, ອສກກາລຕ຺ໂຖຍມາຣມ຺ໂຠ, ພຸທ຺ໂຘ ຠວິສ຺ສຕີຕິ ປທນ຺ຕຣສມ຺ພນ຺ເຘນານາຄຕກາລຕາ ປຕີຍເຕ, ເອວໍ ກໂຕ ກໂຏ ສ຺ເວ ຠວິສ຺ສຕິ, ຠາວິ ກິຈ຺ຈມາສີຕິ.

ລຸນາຫິ ລຸນາຫິຕ຺ເວວາຍໍ ລຸນາຕິ, ລຸນສ຺ສຸ ລຸນສ຺ສຸຕ຺ເວວາຍໍ ລຸນາ-ຕີຕິ ຕ຺ວາທີນເມເວຕໍ ມຊ຺ຌິມປຸຣິເສກວຈນານມາຠິກ຺ຂຎ຺ເຎ ທ຺ວິພ຺ພວຈນໍ, ອິທໍ ວຸຕ຺ຕໍ ໂຫຕິ ‘ເອວ ເມສ ຕຸຣິໂຕ ອຎ຺ເຎປິ ນິໂຍເຊນ຺ໂຕວິຍ ກິຣິຍໍ ກໂຣຕີ’ຕິ, ເອວໍ ລຸນາຖ ລຸນາຖຕ຺ເວວາຍໍ ລຸນາຕິ, ລຸນວ຺ໂຫ ລຸນວ຺ໂຫຕ຺ເວວາຍໍ ລຸນາຕິ, ຕຖາ ກາລນ຺ຕເຣສຸປິ ລຸນາຫິ ລຸນາຫິຕ຺ເວວາຍໍ ອລຸນິ, ອລຸນາ, ລຸລາວ, ລຸນິສ຺ສຕີຕິ, ເອວໍ ສ຺ສຸມ຺ຫິ ຈ ໂຍຊນີຍໍ, ຕຖາ ສມຸຈ຺ຈເຍປິ ມຐມຏ, ວິຫາຣມເຏຕ຺ເວວາຍມຏຕິ, ມຐມຏສ຺ສຸ, ວິຫາຣມຏສ຺ສຸຕ຺ເວວາຍມຏຕິ, ພ຺ຍາປາຣເຠເທ ຕຸສາມຎ຺ຎວຈນສ຺ເສວ ພ຺ຍາປກຕ຺ຕາ ອນຸປ຺ປໂຍໂຄ ຠວຕິ, ໂອທນໍ ຠຸຎ຺ຊ, ຍາຄຸໍ ປິວ, ຘານາ ຂາເທຕ຺ເວວາຍ-ມຊ຺ໂຌຫຣຕິ.

໑໔. ປຸພ຺ພປຣຈ຺ຉກ຺ການເມກາເນເກສຸ ຕຸມ຺ຫາມ຺ຫເສເສສຸ ທ຺ເວ ທ຺ເວ ມຊ຺ຌິມຸຕ຺ຕມປຐມາ.

ເອກາເນເກສຸ ຕຸມ຺ຫາມ຺ຫສທ຺ທວຈນີເຍສຸ ຕທຎ຺ຎສທ຺ທວຈນີເຍສຸ ຈ ກາຣເກສຸ ປຸພ຺ພຈ຺ຉກ຺ການໍ ປຣຈ຺ຉກ຺ການໍ ມຊ຺ຌິມຸຕ຺ຕມປຐມາ ທ຺ເວ ທ຺ເວ ໂຫນ຺ຕິ ຍຖາກ຺ກມໍ ກ຺ຣິຍຕ຺ຖາ, ອຸຕ຺ຕມສທ຺ໂທ-ຍໍ ສຠາວໂຕ ຕຕິຍທຸເກ ຣຸຬ຺ໂຫ, ຕ຺ວໍ ຄຈ຺ຉສິ, ຕຸມ຺ເຫ ຄຈ຺ຉຖ, ຕ຺ວໍ ຄຈ຺ຉເສ, ຕຸມ຺ເຫ ຄຈ຺ຉວ຺ເຫ, ອຫໍ ຄຈ຺ຉາມິ, ມຍໍ ຄຈ຺ຉາມ, ອຫໍ ຄຈ຺ເຉ, ມຍໍ ຄຈ຺ຉາມ຺ເຫ, ໂສ ຄຈ຺ຉຕິ, ເຕ ຄຈ຺ຉນ຺ຕິ, ໂສ ຄຈ຺ຉເຕ, ເຕ ຄຈ຺ຉນ຺ເຕ, ສາມຕ຺ຖິຍາ ລທ຺ຘຕ຺ຕາ ອປ຺ປຍຸຊ຺ຊມາເນສຸປິ ຕຸມ຺ຫາມ຺ຫເສເສສຸ ຠວນ຺ຕິ. ຄຈ຺ຉສິ, ຄຈ຺ຉຖ, ຄຈ຺ຉເສ, ຄຈ຺ຉວ຺ເຫ, ຄຈ຺ຉາມິ, ຄຈ຺ຉາມ, ຄຈ຺ເຉ, ຄຈ຺ຉາມ຺ເຫ, ຄຈ຺ຉຕິ, ຄຈ຺ຉນ຺ຕິ, ຄຈ຺ຉເຕ, ຄຈ຺ຉນ຺ເຕ.

໑໕. ອາອີສ຺ສາທີສ຺ວຎ ວາ.

ອາອາໂທ ອີອາໂທ ສ຺ສາ ອາໂທ ຈ ກ຺ຣິຍຕ຺ຖສ຺ສ ວາ ອຎ ໂຫຕິ. ຎກາໂຣ-ນຸພນ຺ໂຘ, ອຄມາ, ຄມາ, ອຄມີ, ຄມີ, ອຄມິສ຺ສາ, ຄມິສ຺ສາ.

໑໖. ອອາທີສ຺ວາໂຫ ພ຺ຣູສ຺ສ.

ພ຺ຣູສ຺ສ ອາໂຫ ໂຫຕິ ອອາທີສຸ. ອາຫ, ອາຫຸ.

໑໗. ຠູສ຺ສ ວຸກ.

ອອາທີສຸ ຠູສ຺ສ ວຸກ ໂຫຕິ. ກກາໂຣ-ນຸພນ຺ໂຘ, ອຸກາໂຣ ອຸຈ຺ຈາຣຓຕ຺ໂຖ, ພຠູວ.

໑໘. ປຸພ຺ພສ຺ສ ອ.

ອອາທີສຸ ທ຺ວິຕ຺ເຕ ປຸພ຺ພສ຺ສ ຠູສ຺ສ ອ ໂຫຕິ, ພຠູວ.

໑໙. ອຸສ຺ສໍສ຺ວາຫາ ວາ.

ອາຫາເທສາ ປຣສ຺ສ ອຸສ຺ສ ອໍສຸວາ ໂຫຕິ. ອຫໍສຸ, ອາຫຸ.

໒໐. ຕ຺ຍນ຺ຕີນໍ ຏຏູ.

ອາຫາ ປເຣສໍ ຕິອນ຺ຕີນໍ ຏຏູ ໂຫນ຺ຕິ. ຏກາຣາ ສພ຺ພາເທສຕ຺ຖາ, ອາຫ, ອາຫຸ, ອໂຕເຍວ ຈ ຎາປກາ ຕິອນ຺ຕີສຸ ຈ ພ຺ຣູສ຺ສາ-ໂຫ.

໒໑. ອີອາໂທ ວຈສ຺ໂສມ.

ອີອາທີສຸ ວຈສ຺ສ ໂອມ ໂຫຕິ. ມກາໂຣ-ນຸພນ຺ໂຘ, ອໂວຈ, ອີອາໂທຕິ ກິໍ? ອວຈາ.

໒໒. ທາສ຺ສ ທໍ ວາ ມິເມສ຺ວທ຺ວິຕ຺ເຕ.

ອທ຺ວິເຕ ວຕ຺ຕມານສ຺ສ ທາສ຺ສ ທໍ ວາ ໂຫຕິ ມິເມສຸ. ທມ຺ມິ ເທມິ, ທມ຺ມ ເທມ, ອທ຺ວິຕ຺ເຕຕິ ກິໍ? ທທາຘິ ທທາມ.

໒໓. ກຣສ຺ສ ໂສສ຺ສ ກຸໍ.

ກຣສ຺ສ ສໂອກາຣສ຺ສ ກຸໍ ວາ ໂຫຕິ ມິເມສຸ. ກຸມ຺ມິ ກຸມ຺ມ, ກໂຣມິ ກໂຣມ.

໒໔. ກາ ອີອາທີສຸ.

ກຣສ຺ສ ສໂອກາຣສ຺ສ ກາ ໂຫຕິ ວາ ອີອາທີສຸ. ອກາສິ ອກຣິ, ອກໍສຸ ອກຣິໍສຸ, ອກາ ອກຣາ.

໒໕. ຫາສ຺ສ, ຈາຫງ ສ຺ເສນ.

ກຣສ຺ສ ໂສສ຺ສ ຫາສ຺ສ ຈ ອາຫງ ວາ ໂຫຕິ ສ຺ເສນ ສຫ. ກາຫຕິ ກຣິສ຺ສຕິ, ອກາຫາ ອກຣິສ຺ສາ, ຫາຫຕິ ຫາຍິສ຺ສຕິ, ອຫາຫາ ອຫາຍິສ຺ສາ.

໒໖. ລຠວສຈ຺ຉິທຠິທຣຸທານໍ ຈ຺ຉງ.

ລຠາທີນໍ ຈ຺ຉງ ວາ ໂຫຕິ ສ຺ເສນສຫ. ອລຈ຺ຉາ ອລຠິສ຺ສາ, ລຈ຺ຉຕິ ລຠິສ຺ສາຕິ, ອວຈ຺ຉາ ອວສິສ຺ສາ, ວຈ຺ຉຕິ ວສິສ຺ສຕິ, ອຈ຺ເຉຈ຺ຉາ ອຈ຺ຉິນ຺ທິສ຺ສາ, ເຉຈ຺ຉຕິ ຉິນ຺ທິສ຺ສຕິ, ອເຠຈ຺ຉາ ອຠິນ຺ທິສ຺ສາ, ເຠຈ຺ຉຕິ ຠິນ຺ທິສ຺ສຕິ, ອຣຸຈ຺ຉາ ອໂຣທິສ຺ສາ, ຣຸຈ຺ຉຕິ ໂຣທິສ຺ສຕີ, ອຎ຺ຎສ຺ມິມ຺ປິ ຉິທສ຺ສ ວາ ຈ຺ຉງ ໂຍຄວິຠາຄາ, ອຈ຺ເຉຈ຺ຉຸໍ ອຈ຺ຉນ຺ຕິໍສຸ, ອຎ຺ເຎສຎ຺ຈ ຄຈ຺ຉໍ ຄຈ຺ຉິສ຺ສໍ.

໒໗. ຠຸຊ ມຸຈ ວຈ ວິສານໍ ກ຺ຂງ.

ຠຸຊາທີນໍ ກ຺ຂງ ວາ ໂຫຕິ ສ຺ເສນ ສຫ. ອໂຠກ຺ຂາ ອຠຸຎ຺ຊິສ຺ສາ, ໂຠກ຺ຂຕິ ຠຸຎ຺ຊິສ຺ສຕິ, ອໂມກ຺ຂາ ອມຸຎ຺ຈິສ຺ສາ, ໂມກ຺ຂຕິມຸຎ຺ຈິສ຺ສຕິ, ອວກ຺ຂາ ອວຈິສ຺ສາ, ວກ຺ຂຕິ ວຈ຺ຈິສ຺ສຕິ, ປາເວກ຺ຂາ ປາວິສິສ຺ສາ, ປເວກ຺ຂຕິ ປວິສິສ຺ສຕິ, ວິສສ຺ສາ-ຎ຺ຎສ຺ມິມ຺ປິ ວາ ກ຺ຂງ ໂຍຄວິຠາຄາ ປາເວກ຺ຂິ, ປາວິສິ.

໒໘. ອາອີອາທີສຸ ຫຣສ຺ສາ.

ອາອາໂທ ອີອາໂທ ອ ຫຣສ຺ສ ອາ ໂຫຕິ ວາ. ອຫາ ອຫຣາ, ອຫາສິ ອຫຣິ.

໒໙. ຄມິສ຺ສ.

ອາອາໂທ ອີອາໂທ ອ ຄມິສ຺ສ ອາ ໂຫຕິ ວາ. ອຄາ ອຄມາ, ອຄາ ອຄມີ.

໓໐. ຑໍສສ຺ສ ຈ ຉງ.

ຑໍສສ຺ສ ຄມິສ຺ສ ຈ ຉງ ວາ ໂຫຕິ ອາອີອາທີສຸ. ອຑຎ຺ຉາ ອຑໍສາ, ອຑຎ຺ຉິ ອຑໍສີ, ອຄຎ຺ຉາ ອຄຈ຺ຉາ, ອຄຎ຺ຉິ ອຄຈ຺ຉີ.

໓໑. ຫູສ຺ສ ເຫເຫຫິໂຫຫິ ສ຺ສຕ຺ຍາໂທ.

ຫູສ຺ສ ເຫອາທໂຍ ໂຫນ຺ຕິ ສ຺ສຕ຺ຍາໂທ. ເຫສ຺ສຕິ, ເຫຫິສ຺ສຕິ, ໂຫຫິສ຺ສຕິ.

໓໒. ຓານາສຸ ຣສ຺ໂສ.

ກ຺ຓາກ຺ນາສຸ ກ຺ຣິຍຕ຺ຖສ຺ສ ຣສ຺ໂສ ໂຫຕິ. ກິຓາຕິ, ຘຸນາຕິ.

໓໓. ອາ ອີ ຎຸ ມ຺ຫາ ສ຺ສາ ສ຺ສມ຺ຫານໍ ວາ.

ເອສໍ ວາ ຣສ຺ໂສ ໂຫຕິ. ຄມ ຄມາ, ຄມິ ຄມີ, ຄມຸ ຄມູ, ຄມິມ຺ຫ ຄມິມ຺ຫາ, ຄມິສ຺ສ ຄມິສ຺ສາ, ຄມິສ຺ສມ຺ຫ ຄມິສ຺ສມ຺ຫາ.

໓໔. ກຸສຣຸເຫຫີສ຺ສ ຉິ.

ກຸສາ ຣຸຫາ ຈ ປຣສ຺ສ ອີສ຺ສ ຉິ ວາ ໂຫຕິ. ອກ຺ໂກຈ຺ຉິ ອກ຺ໂກສິ, ອຠິຣຸຈ຺ຉິ ອຠິຣຸຫິ.

໓໕. ອ ອີ ສ຺ສາອາທີນໍ ພ຺ຍຎ຺ຊນສ຺ສິຎ.

ກ຺ຣິຍຕ຺ຖາ ປເຣສໍ ອອາທີນໍ ອີອາທີນໍ ສ຺ສອາທີນຎ຺ຈ-ພ຺ຍຎ຺ຊນສ຺ສ ອິຎ ໂຫຕິ ວິຠາສາ. ພຠຸວິຕ຺ຖ, ອຠວິຕ຺ຖາ, ອນຸຠວິສ຺ສາ, ອນຸຠວິສ຺ສຕິ ອນຸໂຠສ຺ສຕິ ຫຣິສຕິ ຫສ຺ສຕິ, ເອເຕສນ຺ຕິ ກິໍ? ຠວຕິ, ພ຺ຍຎ຺ຊນສ຺ສາຕິ ກິໍ? ພຠູວ.

໓໖. ພ຺ຣູໂຕ ຕິສ຺ສີຎ.

ພ຺ຣູໂຕ ປຣສ຺ສ ຕິສ຺ສ ອີຎ ວາ ໂຫຕິ. ພ຺ຣວີຕິ, ພ຺ຣູຕິ.

໓໗. ກ຺ຍສ຺ສ.

ກ຺ຣິຍຕ຺ຖາ ປຣສ຺ສ ກ຺ຍສ຺ສ ອີຎ ວາ ໂຫຕິ. ປຈີຍຕິ, ປຈ຺ຈຕິ.

໓໘. ເອຍ຺ຍາຖ ສ຺ເສ ອ ອາ ອີຖານໍ ໂອ, ອ, ອໍ, ຕ຺ຖ, ຕ຺ໂຖ, ວ຺ໂຫກ.

ເອຍ຺ຍາຖາທີນໍ ໂອອາທໂຍ ວາ ໂຫນ຺ຕິ ຍຖາກ຺ກມໍ. ຕຸມ຺ເຫ ຠເວຍ຺ຍາໂຖ ຠເວຍ຺ຍາຖ, ຕ຺ວໍ ອຠວິສ຺ສ ອຠວິສ຺ເສ, ອຫໍ ອຠວໍ ອຠວ, ໂສ ອຠວິຕ຺ຖ ອຠວາ, ໂສ ອຠວິຕ຺ໂຖ, ອຠວີ, ຕຸມ຺ເຫ ຠວຖວ຺ໂຫ ຠວຖ, ອາສຫຈຣິໂຕວ ອກາໂຣ ຄຍ຺ຫເຕ, ໂຖ ປນ-ນ຺ເຕ ນິທ຺ເທສາ ຕ຺ວາທິສມ຺ພນ຺ຘີເຍວ, ຕສ຺ເສວ ວາ ນິສ຺ສິຕຕ຺ຕາ, ນິສ຺ສຍກຣຓມ຺ປິ ຫິ ສຸຕ຺ຕກາຣາຈິຓ຺ຓໍ.

໓໙. ອຸໍສ຺ສິໍ ສ຺ວໍສຸ.

ອຸມີຈ຺ຈສ຺ສ ອິໍສຸ ອໍສຸ ວາ ໂຫນ຺ຕິ. ອຄມິໍສຸ, ອຄມໍສຸ, ອຄມຸໍ.

໔໐. ເອໂອຕ຺ຕາ ສຸໍ.

ເອອາເທສໂຕ ໂອອາເທສໂຕ ຈ ປຣສ຺ສ ອຸມິຈ຺ຈສ຺ສ ສຸໍ ວາ ໂຫຕິ. ເນສຸໍ, ນຍິໍສຸ, ອສ຺ໂສສຸໍ, ອສ຺ສຸໍ, ອາເທສຕ຺ຕາຂ຺ຍາປນຕ຺ຖໍຕ຺ຕຄ຺ຄຫຓໍ.

໔໑. ຫູໂຕ ເຣສຸໍ.

ຫູໂຕ ປຣສ຺ສ ອຸມິຈ຺ຈສ຺ສ ເຣສຸໍ ວາ ໂຫຕິ. ອເຫສຸໍ, ອຫວຸໍ.

໔໒. ໂອສ຺ສ ອ ອິ ຕ຺ຖ ຕ຺ໂຖ.

ໂອສ຺ສ ອອາທໂຍ ວາ ໂຫນ຺ຕິ. ຕ຺ວໍ ອຠວ, ອຠວິ, ອຠວິຕ຺ຖ, ອຠວິຕ຺ໂຖ ອຠໂວ.

໔໓. ສິ.

ໂອສ຺ສ ສິ ວາ ໂຫຕິ. ອໂຫສິ ຕ຺ວໍ ອຫຸໂວ.

໔໔. ທີຆາ ອີສ຺ສ.

ທີຆໂຕ ປຣສ຺ສ ອີສ຺ສ ສິ ວາ ໂຫຕິ. ອກາສິ ອກາ, ອທາສິ ອທາ.

໔໕. ມ຺ຫາຕ຺ຖານມຸຎ.

ມ຺ຫາຕ຺ຖານມ຺ຫຎ ວາ ໂຫຕິ. ອຄມ຺ຫມ຺ຫາ ອຄມິມ຺ຫາ, ອຄມຸຕ຺ຖ ອຄມິຕ຺ຖ.

໔໖. ອິໍສ຺ສ ຈ ສິຎ.

ອິມິຈ຺ຈສ຺ສ ສິຎ ວາ ໂຕຕິ ມ຺ຫາຕ຺ຖານຎ຺ຈ ພຫຸລໍ. ອກາສິໍ ອກຣິໍ, ອກາສິມ຺ຫາ ອກຣິມ຺ຫາ ອກາສິຕ຺ຖ ອກຣິຕ຺ຖ.

໔໗. ເອຍ຺ຍຸໍສ຺ສຸໍ.

ເອຍ຺ຍຸມິຈ຺ຈສ຺ສ ຎໍ ວາ ໂຫຕິ. ຄຈ຺ຉຸໍ ຄຈ຺ເຉຍ຺ຍຸໍ.

໔໘. ຫິສ຺ສ-ໂຕ ໂລໂປ.

ອໂຕ ປຣສ຺ສ ຫິສ຺ສ ໂລໂປ ວາ ໂຫຕິ. ຄຈ຺ຉ ຄຈ຺ຉາຫິ, ອໂຕຕິ ກິໍ? ກໂຣຫິ.

໔໙. ກ຺ຍສ຺ສ ສ຺ເສ.

ກ຺ຍສ຺ສ ວາ ໂລໂປ ໂຫຕິ ສ຺ເສ. ອນ຺ວຠວິສ຺ສາ ອນ຺ວຠູຍິສ຺ສາ, ອນຸຠວິສ຺ສຕິ ອນຸຉູຍິສ຺ສຕິ.

໕໐. ອຕ຺ຖິເຕຍ຺ຍາທິຈ຺ຉນ຺ນໍ ສ ສຸ ສ ສຖ ສໍ ສາມ.

ອສ=ຠຸວິຈ຺ຈສ຺ມາ ປເຣສໍ ເອຍ຺ຍາທິຈ຺ຉນ຺ນໍ ສາທໂຍ ໂຫນ຺ຕິ ຍຖາກ຺ກມໍ. ອສ຺ສ, ອສ຺ສຸ, ອສ຺ສ, ອສ຺ສຖ, ອສ຺ສໍ, ອສ຺ສາມ.

໕໑. ອາທິທ຺ວິນ຺ນມິຍາອິຍຸໍ.

ອຕ຺ຖິເຕຍ຺ຍາທິຈ຺ຉນ຺ນໍ ອາທິຠູຕານໍ ທ຺ວິນ຺ນໍ ອິຍາ ອິຍຸໍ ໂຫນ຺ຕິ ຍຖາກ຺ກມໍ. ສິຍາ, ສິຍຸໍ.

໕໒. ຕສ຺ສ ໂຖ.

ອຕ຺ຖິໂຕ ປຣສ຺ສ ຕກາຣສ຺ສ ໂຖ ໂຫຕິ. ອຕ຺ຖິ, ອຕ຺ຖຸ.

໕໓. ສິຫິສ຺ວຏ.

ອຕ຺ຖິສ຺ສ ອຏ ໂຫຕິ ສິຫິສຸ, ໂຏ ສພ຺ພາເທສຕ຺ໂຖ. ອສິ ອຫິ.

໕໔. ມິມານໍ ວາ ມ຺ຫິມ຺ຫາ ຈ.

ອຕ຺ຖິສ຺ມາ ປເຣສໍ ມິມານໍ ມ຺ຫິມ຺ຫາ ວາ ໂຫນ຺ຕິ, ຕໍສນ຺ນິໂຍເຄນອຕ຺ຖິສ຺ສ ອຏ ຈ. ອມ຺ຫິ ອສ຺ມິ, ອມ຺ຫ ອສ຺ມ.

໕໕. ເອສຸ ສິ.

ເອສຸ ມິເມສຸ ອຕ຺ຖິສ຺ສ ສກາໂຣ ໂຫຕິ. ອສ຺ມິ ອສ຺ມ, ປຣຣູປພາຘນຕ຺ຖໍ.

໕໖. ອີອາໂທ ທີໂຆ.

ອຕ຺ຖິສ຺ສ ທີໂຆ ໂຫຕິ ອີອາທິມ຺ຫິ. ອາສິ, ອາສຸໍ, ອາສິ, ອາສິຕ຺ຖ, ອາສິໍ, ອາສິໍ ມ຺ຫາ.

໕໗. ຫິມິເມສ຺ວສ຺ສ.

ອກາຣສ຺ສ ທີໂຆ ໂຫຕິ ຫິມິເມສຸ. ປຈາຫິ, ປຈາມິ, ປຈາມ, ມຸຍ຺ຫາມິ.

໕໘. ສກາ ຓາສ຺ສ ຂ ອີອາໂທ.

ສກສ຺ມາ ກ຺ຓາສ຺ສໂຂໂຫຕິ ອີອາທີສຸ. ອສກ຺ຂິ, ອສກ຺ຂິໍສຸ.

໕໙. ສ຺ເສ ວາ.

ສກສ຺ມາ ກ຺ຓສ຺ສໂຂ ວາ ໂຫຕິ ສ຺ເສ. ສກ຺ຂິສ຺ສາ ສກ຺ກຸຓິສ຺ສາ, ສກ຺ຂິສ຺ສຕິ, ສກ຺ກຸຓິສ຺ສຕິ.

໖໐. ເຕສຸ ສຸໂຕ ກ຺ໂຓກ຺ຓານໍ ໂຣຏ.

ເຕສຸ ອີອາທິສ຺ເສສຸ ສຸໂຕ ປເຣສໍ ກ຺ໂຓກ຺ຓານໍ ໂຣຏ ວາ ໂຫຕິ. ອສ຺ໂສສິ ອສຸຓິ, ອສ຺ໂສສ຺ສາ ອສຸຓິສ຺ສາ, ໂສສ຺ສຕິ ສຸຓິສ຺ສຕິ.

໖໑. ຎາສ຺ສ ສນາສ຺ສ ນາໂຍ ຕິມ຺ຫິ. ສນາສ຺ສ ຎາສ຺ສ ນາໂຍ ວາ ໂຫຕິ ຕິມ຺ຫິ. ນາຍຕິ, ຊານາຕິ.

໖໒. ຎາມ຺ຫິ ຊໍ.

ຎາເທເສ ສນາສ຺ສ ຎາສ຺ສ ຊໍ (ວາ) ໂຫຕິ. ຊຎ຺ຎາ (ຊາເນຍ຺ຍ).

໖໓. ເອຍ຺ຍາສ຺ສິຍາຎາ ວາ.

ຎາໂຕ ເອຍ຺ຍາສ຺ສ ອິຍາຎາ ໂຫນ຺ຕິ ວາ. ຊານິຍາ, ຊຎ຺ຎາ ຊາເນຍ຺ຍ.

໖໔. ອີສ຺ສຕ຺ຍາທີສຸ ກ຺ນາໂລໂປ.

ອີອາໂທ ສ຺ສຕ຺ຍາໂທ ຈ ຎາໂຕ ກ຺ນາໂລໂປ ວາ ໂຫຕິ. ອຎ຺ຎາສິ ອຊານິ, ຎສ຺ສຕິ ຊານິສ຺ສຕິ.

໖໕. ສ຺ສສ຺ສ ຫິ ກມ຺ເມ.

ຎາໂຕ ປຣສ຺ສ ສ຺ສສ຺ສ ຫິ ວາ ໂຫຕິ ກມ຺ເມ. ປຎ຺ຎາຍິຫິຕິ ປຎ຺ຎາຍິສ຺ສຕິ.

໖໖. ເອຕິສ຺ມາ.

ເອຕິສ຺ມາ ປຣສ຺ສ ສ຺ສສ຺ສ ຫິ ໂຫຕິ ວາ. ເອຫິຕິ ເອສ຺ສຕິ.

໖໗. ຫນາ ຉຂາ.

ຫນາ ສ຺ສສ຺ສ ຉຂາ ວາ ໂຫນ຺ຕິ. ຫຎ຺ຉາມິ ຫນິສ຺ສາມິ, ປຏິຫງ຺ຂາມິ ປຏິຫນິສ຺ສາມິ.

໖໘. ຫາໂຕ ຫ.

ຫາໂຕ ປຣສ຺ສ ສ຺ສສ຺ສ ຫ ໂຫຕິ ວາ. ຫາຫຕິ ຊຫິສ຺ສຕິ.

໖໙. ທກ຺ຂ ຂ ເຫຫິ ໂຫຫີຫິ ໂລໂປ.

ທກ຺ຂາທີຫິ ອາເທເສຫິ ປຣສ຺ສ ສ຺ສສ຺ສ ໂລໂປ ວາ ໂຫຕິ. ທກ຺ຂຕິ ທກ຺ຂິສ຺ສຕິ, ສກ຺ຂຕິ ສກ຺ຂິສ຺ສຕິ, ເຫຫິຕິ ເຫຫິສ຺ສຕິໂຫຫິຕິ ໂຫຫິສ຺ສຕິ.

໗໐. ກຍິເຣຍ຺ຍສ຺ເສຍ຺ຍຸມາທີນໍ.

ກຍິຣາ ປຣສ຺ສ ເອຍ຺ຍຸມາທີນໍ ເອຍ຺ຍສ຺ສ ໂລໂປ ໂຫຕິ. ກຍິຣຸໍ, ກຍິຣາສິ, ກຍິຣາຖ, ກຫິຣາມິ, ກຍິຣາມ.

໗໑. ຏາ.

ກຍິຣາ ປຣສ຺ສ ເອຍ຺ຍສ຺ສ ຏາ ໂຫຕິ. ໂສ ກຍິຣາ.

໗໒. ເອຖສ຺ສາ.

ກຍິຣາ ປຣສ຺ສ ເອຖສ຺ສ ອາ ໂຫຕິ. ກຍິຣາຖ.

໗໓. ລຠາ ອິໍ ອີນໍ ຖໍ ຖາ ວາ.

ລຠສ຺ມາ ອິໍອີອິຈ຺ເຈສໍ ຖໍຖາ ໂຫນ຺ຕິ ວາ. ອລຕ຺ຖໍ ອລຠິໍ, ອລຕ຺ຖ ອລຠິ.