໒. ທຸຕິໂຍ ກຓ຺ໂຑ (ສ຺ຍາທິ)

໑. ທ຺ເວ ທ຺ເວ-ກາເນເກສຸ ນາມສ຺ມາ ສິ ໂຍ, ອໍ ໂຍ, ນາ ຫິ, ສ ນໍ, ສ຺ມາ ຫິ, ສ ນໍ, ສ຺ມິໍ ສຸ.

ເອເຕສໍ ທ຺ເວ ທ຺ເວ ໂຫນ຺ຕິ ເອກາເນກຕ຺ເຖສຸ ວຕ຺ຕມານໂຕ ນາມສ຺ມາ. ມຸນິ ມຸນໂຍ, ມຸນິໍ ມຸນໂຍ, ມຸນິນາ ມຸນີຫິ, ມຸນິສ຺ສ ມຸນີນໍ, ມຸນິສ຺ມາ ມຸນີຫິ, ມຸນິສ຺ສ ມຸນີນໍ, ມຸນິສ຺ມິໍ ມຸນີສຸ, ເອວໍ ກຸມາຣີ ກຸມາຣິໂຍ, ກຎ຺ຎາ ກຎ຺ຎາໂຍຕິ. ເອຕານິ ສຕ຺ຕ ທຸການິ ສຕ຺ຕ ວິຠຕ຺ຕິໂຍ ວິຠາໂຄ ວິຠຕີຕິ ກຕ຺ວາ, ເອຕ຺ຖ ສິອມິຕີ-ກາຣາ-ກາຣາ ‘‘ກິມໍ ສິສຸ’’ ໒,໒໐໐ ຕິ ສໍເກຕຕ຺ຖາ.

໒. ກມ຺ເມ ທຸຕິຍາ.

ກຣີຍຕິ ກຕ຺ຕຸ ກິຣິຍາຍາ-ຠິສມ຺ພນ຺ຘີຍຕີຕິ ກມ຺ມໍ, ຕສ຺ມິໍ ທຸຕິຍາວິຠຕ຺ຕິ ໂຫຕໍ. ກຏໍ ກໂຣຕິ, ໂອທນໍ ປຈຕິ, ອາທິຈ຺ຈໍ ປສ຺ສຕິ.

‘ໂອທໂນ ປຈ຺ຈຕີ’ຕິ ໂອທນສທ຺ທໂຕ ກມ຺ມຕາ ນປ຺ປຕີຍເຕ, ກິຎ຺ຈຣຫິ? ອາຂ຺ຍາຕໂຕ. ‘ກຏໍ ກໂຣຕິ ວິປຸລໍ ທສ຺ສນີຍ’ນ຺ຕິ ອຕ຺ເຖວ ຄຸຓຍຸຕ຺ຕສ຺ສ ກມ຺ມຕາ, ອິຈ຺ຉິເຕປິ ກມ຺ມຕ຺ຕາວ ທຸຕິຍາ ສິທ຺ຘາ ຄາວຸໍ ປໂຍ ໂທຫຕິ, ໂຄມນ຺ຕໍ ຄາວໍ ຍາຈຕິ, ຄາວມວຣຸນ຺ຘຕິ ວຊໍ, ມາຓວກໍ ມຄ຺ຄໍ ປຸຈ຺ຉຕິ, ໂຄມນ຺ຕໍ ຄາວໍ ຠິກ຺ຂເຕ, ຣຸກ຺ຂມວຈິນາຕິ ຜລານິ, ສິສ຺ສໍ ຘມ຺ມໍ ພ຺ຣູເຕ, ສິສ຺ສໍ ຘມ຺ມມນຸສາສຕີຕິ. ເອວໍ ອນິຈ຺ຉິເຕປິ ອຫິໍ ລງ຺ຆຍຕິ, ວິສໍ ຠກ຺ເຂຕິ. ຍໍເນວິຈ຺ຉິຕໍ ນາປິ ອນິຈ຺ຉິຕໍ, ຕຕ຺ຖາປິ ທຸຕິຍາ ສິທ຺ຘາ. ຄາມໍ ຄຈ຺ຉນ຺ໂຕ ຣຸກ຺ຂມູລມຸປສປ຺ປຕິ.

ປຖວິໍ ອຘິເສສ຺ສຕິ, ຄາມມຘິຕິຏ຺ຐຕິ, ຣຸກ຺ຂມຊ຺ຌາສເຕຕິອຘິສີຐາສານໍປໂຍເຄ-ຘິກຣເຓ ກມ຺ມວຈນິຈ຺ຉາ, ວຕ຺ຕິຈ຺ຉາໂຕ ຫິ ກາຣການິ ໂຫນ຺ຕິ. ຕໍ ຍຖາ-ວລາຫກາ ວິຊ຺ໂຊຕເຕ, ວລາຫກສ຺ສ ວິຊ຺ໂຊຕເຕ, ວລາຫໂກ ວິຊ຺ໂຊຕເຕ, ວລາຫເກ ວິຊ຺ໂຊຕເຕ, ວລາຫເກນ ວິຊ຺ໂຊຕເຕຕິ. ເອວມຠິນິວິສສ຺ສ ວາ ຘມ຺ມມຠິນິວິສເຕ ຘມ຺ເມ ວາ.

ຕຖາ ອຸປນ຺ວຊ຺ຌາວສສ຺ສາໂຠຊນ ນິວຸຕ຺ຕິວຈນສ຺ສ ຄາມມຸປວສຕິ, ຄ, ມມນຸວສຕິ, ປພ຺ພຕມຘິວສຕິ, ຆຣມາວສຕິ. ອໂຠຊນນິວຸຕ຺ຕິ ວຈນສ຺ສາຕິ ກິໍ? ຄາເມ ອຸປວສຕິ, ໂຠຊນນິວຸຕ຺ຕິໍ ກໂຣຕີຕິ ອຕ຺ໂຖ. ຕປ຺ປານາຈາເຣປິ ກມ຺ມຕ຺ຕາວ ທຸຕິຍາ ສິຍາ ນທິມ຺ປິວຕິ, ຄາມໍ ຈຣຕິ, ເອວໍ ‘ສເຈ ມໍ ອາລປິສ຺ສຕີ’ຕິອາທີສຸປິ. ວິຫິຕາວ ປຕິຘໂຍເຄ ທຸຕິຍາ – ‘ປຏິຠນ຺ຕຸ ຕໍ ຈຸນ຺ທ ໂພຊ຺ຌງ຺ຄາ’ຕິ. ຕໍ ປຕິ ໂພຊ຺ຌງ຺ຄາ ຠາສນ຺ຕູຕິ ອຕ຺ໂຖ, ຍທາຕຸ ຘາຕຸນາຍຸຕ຺ໂຕ ປຕິ, ຕທາ ເຕນາ-ໂຍຄາ ສມ຺ພນ຺ເຘ ຉຏ຺ຐີວ ‘ຕສ຺ສ ນປ຺ປຏິຠາຕີ’ຕິ. ອກ຺ເຂ ທິພ຺ພຕິ, ອກ຺ເຂຫິ ທິພ຺ພຕິ, ອກ຺ເຂສຸ ທິພ຺ພຕີຕິ ກມ຺ມກຣຓາຘິກຣຓວຈນິຈ຺ຉາ.

໓. ກາລທ຺ຘານມຈ຺ຈນ຺ຕສໍໂຍເຄ.

ກິຣິຍາ, ຄຸຓ, ທພ຺ເພຫິ ສາກລ຺ເລນ ກາລທ຺ຘານໍ ສມ຺ພນ຺ໂຘ ອຈ຺ຈນ຺ຕສໍໂຍໂຄ. ຕສ຺ມິໍ ວິຎ຺ຎາຍມາເນ ກາລສທ຺ເທຫິ ອທ຺ຘອທ຺ເທຫິ ຈ ທຸຕິຍາ ໂຫຕິ. ມາສມຘີເຕ, ມາສໍ ກລ຺ຍາຓິ, ມາສໍ ຄຸຬຘານາ, ໂກສມຘີເຕ, ໂກສໍ ກຸຏິລາ ນທີ, ໂກສໍ ປພ຺ພໂຕ. ອຈນ຺ຕສໍໂຍເຄຕິ ກິໍ? ມາສສ຺ສ ທ຺ວີຫມຘີເຕ, ໂກສສ຺ເສກເທເສ ປພ຺ພໂຕ.

ປຸພ຺ພຓ຺ຫສມຍໍ ນິວາເສຕ຺ວາ, ເອກໍ ສມຍໍ ຠຄວາ, ອິມໍ ຣຕ຺ຕິໍ ຈຕ຺ຕາໂຣ ມຫາຣາຊາຕິ ເອວມາທີສຸ ກາລວາຈີ ຫິ ອຈ຺ຈນ຺ຕສໍໂຍຄຕ຺ຕາວ ທຸຕິຍາ ສິທ຺ຘາ. ວິຠຕ຺ຕິວິປລ຺ລາເສນປິ ວາ ພຫຸລໍວິຘານາ.

ຜລປ຺ປຕ຺ຕິຍໍ ກິຣິຍາປຣິສມຕ຺ຕ຺ຍປວຄ຺ໂຄ, ຕສ຺ມິໍ ວິຎ຺ຎາຍມາເນ ກາລທ຺ຘານໍ ກິຣິຍາຍາຈ຺ຈນ຺ຕສໍໂຍເຄ ຕຕິຍາຠິມຕາ, ສາປິ ກຣຓຕ຺ຕາວ ສິທ຺ຘາ ‘ມາເສນານຸວາໂກ-ຘີໂຕ, ໂກເສນານຸວາໂກ-ຘີໂຕ’ຕິ. ອນປວຄ຺ເຄຕຸ ອສາຘກຕມຕ຺ຕາກຣຓຕ຺ຕາຠາເວ ທຸຕິຍາວ ‘ມາສມຘີໂຕ-ນຸວາໂກ, ນ ຈາເນ ນ ຄຫິໂຕ’ຕິ.

ກາຣກມຊ຺ເຌ ເຍ ກາລທ຺ຘານວາຈິໂນ, ຕໂຕ ສຕ຺ຕມີປຎ຺ຈມິໂຍ ອຠິມຕາ ‘ອຊ຺ຊ ຠຸຕ຺ວາ ເທວທຕ຺ໂຕ ທ຺ວິເຫ ຠຸຎ຺ຊິສ຺ສຕິ, ທ຺ວີຫາ ຠຸຎ຺ຊິສ຺ສຕິ, ອຕ຺ຣຏ຺ໂຐ-ຍມິສ຺ສາໂສ ໂກເສ ລກ຺ຂໍ ວິຊ຺ຌຕິ, ໂກສາ ລກ຺ຂໍ ວິຊ຺ຌຕີ’ຕິ, ຕາປີຫ ສກສກກາຣກວຈນິຈ຺ຉາເຍວ ສິທ຺ຘາ.

໔. ຄຕິ ໂພຘາຫາຣ ສທ຺ທຕ຺ຖາກມ຺ມກ ຠຊ຺ຊາທີນໍ ປໂຍຊ຺ເຊ.

ຄມນຕ຺ຖານໍ ໂພຘຕ຺ຖານໍ ອາຫາຣຕ຺ຖານໍ ສທ຺ທຕ຺ຖານມກມ຺ມການໍ ຠຊ຺ຊາທີນຎ຺ຈ ປໂຍຊ຺ເຊ ກຕ຺ຕຣິ ທຸຕິຍາ ໂຫຕິ. ສາມຕ຺ຖິຍາ ຈ ປໂຍຊກພ຺ຍາປາເຣນ ກມ຺ມຕາວສ຺ສ ໂຫຕີຕິ ປຕີຍເຕ. ຄມຍຕິ ມາຓວກໍ ຄາມໍ, ຍາປຍຕິ ມາຓວກໍ ຄາມໍ, ໂພຘຍຕິ ມາຓວກໍ ຘມ຺ມໍ, ເວທຍຕິ ມາຓວກໍ ຘມ຺ມໍ, ໂຠຊຍຕິ ມາຓ-ວກໍ ໂມທກໍ, ອາສຍຕິ ມາຓວກໍ ໂມທກໍ, ອຊ຺ຌາປຍຕິ ມາຓວກໍ ເວທໍ, ປາຐຍຕິ ມາຓວກໍ ເວທໍ, ອາສຍຕິ ເທວທຕ຺ຕໍ, ສາຍຍຕິ ເທວທຕ຺ຕໍ, ອຎ຺ຎໍ ຠຊ຺ຊາເປຕິ, ອຎ຺ຎໍ ໂກຏ຺ຏາເປຕິ, ອຎ຺ຎໍ ສນ຺ຖຣາເປຕິ. ເອເຕສເມວາຕິ ກິໍ? ປາເຈຕິ ໂອທນໍ ເທວທຕ຺ເຕນ ຍຎ຺ຎທຕ຺ໂຕ. ປໂຍຊ຺ເຊຕິ ກິໍ? ຄຈ຺ຉຕິ ເທວທຕ຺ໂຕ. ຍທາ ຈຣຫິ ຄມຍຕິ ເທວທຕ຺ຕໍ ຍຎ຺ຎທຕ຺ໂຕ, ຕມປໂຣ ປໂຍເຊຕິ, ຕທາ ຄມຍຕິ ເທວທຕ຺ຕໍ ຍຎ຺ຎທຕ຺ເຕເນຕິ ຠວິຕພ຺ພໍ … ຄມຍຕິສ຺ສາ-ຄມນຕ຺ຖຕ຺ຕາ.

໕. ຫຣາທີນໍ ວາ.

ຫຣາທີນໍ ປໂຍຊ຺ເຊ ກຕ຺ຕຣິ ທຸຕິຍາ ໂຫຕິ ວາ. ຫາເຣຕິ ຠາຣໍ ເທວທຕ຺ຕໍ ເທວທຕ຺ເຕເນຕິ ວາ, ອຊ຺ໂຌຫາເຣຕິ ສຕ຺ຕຸໍ ເທວທຕ຺ຕໍ ເທວທຕ຺ເຕເນຕິ ວາ, ກາເຣຕິ ກຏໍ ເທວທຕ຺ຕໍ ເທວທຕ຺ເຕເນຕິ ວາ ທສ຺ສຍເຕ ຊນໍ ຣາຊໍ ຊເນເນຕິ ວາ, ອຠິວາທຍເຕ ຄຸຣຸໍ ເທວທຕ຺ຕໍ ເທວທຕ຺ເຕເນຕິ ວາ.

໖. ນ ຂາທາທີນໍ.

ຂາທາທີນໍ ປໂຍຊ຺ເຊ ກຕ຺ຕຣິ ທຸຕິຍາ ນ ໂຫຕິ. ຂາທຍຕິ ເທວທຕ຺ເຕນ, ອາທຍຕິ ເທວທຕ຺ເຕນ, ອວ຺ຫ, ປຍຕິ ເທວທຕ຺ເຕນ, ສທ຺ທາຍຍຕິ ເທວທຕ຺ເຕນ, ກນ຺ທຍຕິ ເທວທຕ຺ເຕນ, ນາຍຍຕິ ເທວທຕ຺ເຕນ.

(໑) ວຫິສ຺ສານິຍນ຺ຕຸເກ. ວາຫຍຕິ ຠາຣໍ ເທວທຕ຺ເຕນ ອນິຍນ຺ຕຸເກຕິ ກິໍ? ວາຫ-ຍຕິ ຠາຣໍ ພລີພທ຺ເທ.

(໒) ຠກ຺ຂິສ຺ສາຫິໍ ສາຍໍ. ຠກ຺ຂຍຕິ ໂມທເກ ເທວທຕ຺ເຕນ. ອຫິໍສາຍນ຺ຕິ ກິໍ? ຠກ຺ຂຍຕິ ພລີພທ຺ເທ ສສ຺ສໍ.

໗. ຌາທີຫິ ຍຸຕ຺ຕາ.

ຘີອາທີຫິ ຍຸຕ຺ຕໂຕ ທຸຕິຍາ ໂຫຕິ. ຘິຣຕ຺ຖຸ ມໍ ປູຕິກາຍໍ, ອນ຺ຕຣາ ຈ ຣາຊຄຫໍ ອນ຺ຕຣາ ຈ ນາລນ຺ທໍ, ສມາຘານມນ຺ຕເຣນ, ມຸຈລິນ຺ທມຠິໂຕ ສຣມິຈ຺ຈາທິ, ຉຏ຺ຐິຍາປວາໂທ-ຍໍ.

໘. ລກ຺ຂຓິຕ຺ຖມ຺ຠູຕວິຈ຺ຉາສ຺ວຠິນາ.

ລກ຺ຂຓາທີສ຺ວຕ຺ເຖສ຺ວຠິນາ ຍຸຕ຺ຕມ຺ຫາ ທຸຕິຍາ ມຫາຕິ. ຣຸກ຺ຂມຠິ ວິຊ຺ໂຊຕເຕ ວິຊ຺ຊຸ, ສາຘຸ ເທວທຕ຺ໂຕ ມາຕຣມຠິ, ຣຸກ຺ຂໍ ຣຸກ຺ຂມຠິຕິຏ຺ຐຕິ.

໙. ປຕິປຣີຫິ ຠາເຄ ຈ.

ປຕິປຣີຫິ ຍຸຕ຺ຕມ຺ຫາ ລກ຺ຂຓາທີສຸ ຠາເຄ ຈຕ຺ເຖ ທຸຕິຍາ ໂຫຕິ. ຣຸກ຺ຂໍ ປຕິ ວິຊ຺ໂຊຕເຕ ວິຊ຺ຊຸ, ສາຘຸ ເທວທຕ຺ໂຕ ມາຕຣໍ ປຕິ, ຣຸກ຺ຂໍ ຣຸກ຺ຂໍ ປຕິ ຕິຏ຺ຐຕິ, ຍເທຕ຺ຖ ມໍ ປຕິ ສິຍາ. ຣຸກ຺ຂໍ ປຣິ ວິຊ຺ໂຊຕເຕ ວິຊ຺ຊຸ, ສາຘຸ ເທວທຕ຺ໂຕ ມາຕຣໍ ປຣິ, ຣຸກ຺ຂໍ ຣຸກ຺ຂໍ ປຣິ ຕິຏ຺ຐຕິ, ຍເທຕ຺ຖ ມໍ ປຣິ ສິຍາ.

໑໐. ອນຸນາ.

ລກ຺ຂຓາທີສ຺ວຕ຺ເຖສ຺ວນຸນາ ຍຸຕ຺ຕມ຺ຫາ ທຸຕິຍາ ໂຫຕິ. ຣຸກ຺ຂມນຸ ວິຊ຺ໂຊຕເຕ ວິຊ຺ຊຸ, ສຈ຺ຈກິຣິຍມນຸ ວຸຏ຺ຐິ ປາວສ຺ສິ, ເຫຕຸ ຈ ລກ຺ຂຓໍ ຠວຕິ, ສາຘຸ ເທວທຕ຺ໂຕ ມາຕຣມນຸ, ຣຸກ຺ຂໍ ຣຸກ຺ຂມນຸ ຕິຏ຺ຐຕິ, ຍເທຕ຺ຖ ມໍ ອນຸ ສິຍາ.

໑໑. ສຫຕ຺ເຖ.

ສຫຕ຺ເຖ-ນຸນາ ຍຸຕ຺ຕມ຺ຫາ ທຸຕິຍາ ໂຫຕິ. ປພ຺ພຕມນຸ ເສນາ ຕິຏ຺ຐຕິ.

໑໒. ຫີເນ.

ຫີນຕ຺ເຖ-ນຸນາ ຍຸຕ຺ຕມ຺ຫາ ທຸຕິຍາ ໂຫຕິ. ອນຸ ສາຣິປຸຕ຺ຕໍ ປຎ຺ຎວນ຺ໂຕ.

໑໓. ອຸເປນ.

ຫີນຕ຺ເຖ ອຸເປນ ຍຸຕ຺ຕມ຺ຫາ ທຸຕິຍາ ໂຫຕິ. ອຸປ ສາຣິປຸຕ຺ຕໍ ປຎ຺ຎວນ຺ໂຖ.

໑໔. ສຕ຺ຕມ຺ຍາຘິກ຺ເຍ.

ອາຘິກ຺ຍຕ຺ເຖ ອຸເປນ ຍຸຕ຺ຕມ຺ຫາ ສຕ຺ຕມີ ໂຫຕິ. ອຸປ ຂາຣິຍໍ ໂທໂຓ.

໑໕. ສາມິຕ຺ເຕ-ຘິນາ.

ສາມິຠາວຕ຺ເຖ-ຘິນາ ຍຸຕ຺ຕມ຺ຫາ ສຕ຺ຕມີ ໂຫຕິ. ອຘິ ພ຺ຣຫ຺ມທຕ຺ເຕ ປຎ຺ຈາລາ, ອຘິ ປຎ຺ຈາເລສຸ ພ຺ຣຫ຺ມທຕ຺ໂຕ.

໑໖. ກຕ຺ຕຸກເຣເຓສຸ ຕຕິຍາ.

ກຕ຺ຕຣິ ກຣເຓ ຈ ກາຣເກ ຕຕິຍາ ໂຫຕິ. ປຸຣິເສນ ກຕໍ, ອສິນາ ຉິນ຺ທຕິ. ປກຕິຍາ-ຠິຣູໂປ, ໂຄຕ຺ເຖນ ໂຄຕໂມ, ສຸເມໂຘ ນາມ ນາເມນ, ຊາຕິຍາ ສຕ຺ຕວສ຺ສິໂກຕິ ຠູຘາຕຸສ຺ສ ສມ຺ຠວາ ກຣເຓ ເອວ ຕຕິຍາ. ເອວໍ ສເມນ ຘາວຕິ ວິສເມນ ຘາວຕິ, ທ຺ວິໂທເຓນ ຘຎ຺ຎໍ ກິຓາຕິ, ປຎ຺ຈເກນ ປສໂວ ກິຓາຕີຕິ.

໑໗. ສຫຕ຺ເຖນ.

ສຫຕ຺ເຖນ ໂຍເຄ ຕຕິຍາ ສິຍາ. ປຸຕ຺ເຕນ ສຫ ຄໂຕ, ປຸຕ຺ເຕນ ສທ຺ຘິໍ ອາຄໂຕ, ຕຕິຍາປິ ຉຏ຺ຐີວ ອປ຺ປຘາເນ ເອວ ຠວຕິ.

໑໘. ລກ຺ຂເຓ.

ລກ຺ຂເຓ ວຕ຺ຕມານໂຕ ຕຕິຍາ ສິຍາ. ຕິທຓ຺ຑເກນ ປຣິພ຺ພາຊກມທ຺ທກ຺ຂີ, ອກ຺ຂິນາ ກາໂຓ, ເຕນ ຫິ ອງ຺ເຄນ ອງ຺ຄິໂນ ວິກາໂຣ ລກ຺ຂີຍເຕ.

໑໙. ເຫຕຸມ຺ຫິ.

ຕກ຺ກິຣິຍາ ໂຍຄ຺ເຄ ຕຕິຍາ ສິຍາ. ອນ຺ເນນ ວສຕິ, ວິຊ຺ຊາຍ ຍໂສ.

໒໐. ປຎ຺ຈມີເຓ ວາ.

ອິເຓ ເຫຕຸມ຺ຫິ ປຎ຺ຈມີ ໂຫຕິ ວາ. ສຕສ຺ມາ ພທ຺ໂຘ, ສເຕນ ວາ.

໒໑. ຄຸເຓ.

ປຣງ຺ຄຠູເຕ ເຫຕຸມ຺ຫິ ປຎ຺ຈມີ ໂຫຕິ ວາ. ຊຬຕ຺ຕາ ພທ຺ໂຘ ຊຬຕ຺ເຕນ ວາ, ປຎ຺ຎາຍ ມຸຕ຺ໂຕ, ຫຸຕ຺ວາ ອຠາວໂຕອນິຈ຺ຈາ, ສງ຺ຂາຣນິໂຣຘາ ວິຎ຺ຎາຓນິໂຣໂຘ.

໒໒. ຉຏ຺ຐີ ເຫຕ຺ວຕ຺ເຖຫິ.

ເຫຕ຺ວຕ຺ຖວາຈີຫິ ໂຍເຄ ເຫຕຸມ຺ຫິ ຉຏ຺ຐີ ສິຍາ. ອຸທຣສ຺ສ ເຫຕຸ, ອຸທຣສ຺ສ ກາຣຓາ.

໒໓. ສພ຺ພາທິໂຕ ສພ຺ພາ.

ເຫຕ຺ວຕ຺ເຖຫິ ໂຍເຄ ສພ຺ພາທີຫິ ສພ຺ພາ ວິຠຕ຺ຕິໂຍ ໂຫນ຺ຕິ. ໂກ ເຫຕຸ, ກໍ ເຫຕຸໍ, ເກນ ເຫຕຸນາ, ກສ຺ສ ເຫຕຸສ຺ສ, ກສ຺ມາ ເຫຕຸສ຺ມາ, ກສ຺ສ ເຫຕຸສ຺ສ, ກສ຺ມິໍ ເຫຕຸສ຺ມິໍ, ກິໍ ກາຣຓໍ, ເກນ ກາຣເຓນ, ກິໍ ນິມິຕ຺ຕໍ, ເກນ ນິມິຕ຺ເຕນ, ກິໍ ປໂຍຊນໍ, ເກນ ປໂຍຊເນນ ອິຈ຺ເຈວມາທິ. ເຫຕ຺ວຕ຺ເຖຫີຕ຺ເວວ? ເກນ ກຕໍ.

໒໔. ຈຕຸຕ຺ຖີ ສມ຺ປທາເນ.

ຍສ຺ສ ສມ຺ມາ ປທີຍເຕ ຕສ຺ມິໍ ຈຕຸຕ຺ຖີ ສິຍາ. ສງ຺ຆສ຺ສ ທທາຕິ. ອາຘາຣວິວກ຺ຂາຍໍ ສຕ຺ຕມີປິ ສິຍາ ສງ຺ເຆ ເທຫິ.

໒໕. ຕາທຕ຺ຖ຺ເຍ.

ຕສ຺ເສ-ທໍ ຕທຕ຺ຖໍ, ຕທຕ຺ຖຠາເວ ໂຊຕນີເຍ ນາມສ຺ມາ ຈຕຸຕ຺ຖີ ສິຍາ. ສີຕສ຺ສ ປຏິຆາຕາຍ, ອຕ຺ຖາຍ ຫິຕາຍ (ສຸຂາຍ) ເທວມນຸສ຺ສານໍ, ນາລໍ ທາຣຠຣຓາຍ, ຍູປາຍ ທາຣຸ, ປາກາຍ ວຊຕີຕ຺ເວວມາທິ.

ກສ຺ສ ສາທຸໍ ນ ຣຸຈ຺ຈຠິ, ມາ-ຍສ຺ມນ຺ຕານມ຺ປິ ສງ຺ຆເຠໂທ ຣຸຈ຺ຈິຕ຺ຖ, ຂມຕິ ສງ຺ຆສ຺ສ, ຠຕ຺ຕມສ຺ສ ນຈ຺ຉາເທສີຕິ ຉຏ຺ຐີ ສມ຺ພນ຺ຘວຈນິຈ຺ຉາຍໍ, ນ ເຈວໍ ວິໂຣໂຘ ສິຍາ ສທິສຣູປຕ຺ຕາ, ເອວໍວິເຘສຸ ຈ ສມ຺ພນ຺ຘສ຺ສ ສທ຺ທິການຸມຕຕ຺ຕາ, ກສ຺ສ ວາ ຕ຺ວໍ ຘມ຺ມໍ ໂຣເຈສີຕິ ອຕ຺ຖມຕ຺ເຕ ປຐມາ.

ເອວມຎ຺ຎາປິ ວິຘຎ຺ຎຍ຺ຍາ, ປຣໂຕປິ ຍຖາຄມໍ.

ຣຎ຺ໂຎ ສຕໍ ຘາເຣຕິ, ຣຎ຺ໂຎ ຉຕ຺ຕໍ ຘາເຣຕີຕິ ສມ຺ພນ຺ເຘ ຉຏ຺ຐີ, ເອວໍ ຣຎ຺ໂຎ ສິລາຆເຕ, ຣຎ຺ໂຎ ຫນຸເຕ, ຣຎ຺ໂຎ ອຸປຕິຏ຺ຐເຕ, ຣຎ຺ໂຎ ສປເຕ, ເທວາປິ ຕສ຺ສ ປິຫຍນ຺ຕິ ຕາທິໂນ, ຕສ຺ສ ກຸຊ຺ຌ ມຫາວີຣ, ຍທິຫໍ ຕສ຺ສ ປກຸປ຺ເປຍ຺ຍໍ, ທຸຫຍຕິ ທິສານໍ ເມໂຆ, ໂຍ ມິຕ຺ຕານໍ ນ ທູຠຕິ, ໂຍ ອປ຺ປທຸຏ຺ຐສ຺ສ ນຣສ຺ສ ທຸສ຺ສຕິ, ກ຺ຍາຫໍ ອຍ຺ຍານໍ ອປຣຊ຺ຌາມິ, ອິສ຺ສຍນ຺ຕິ ສມຓານໍ ຕິຕ຺ຖິຍາ, ຘມ຺ເມນ ນຍມານານໍ ກາ ອຸສູຍາ ຣຎ຺ໂຎ ຠາຄ຺ຍມາຣຊ຺ຌຕິ, ຣຎ຺ໂຎ ຠາຄ຺ຍມິກ຺ຂເຕ, ເຕນ ຍາຈິໂຕ ອຍາຈິໂຕ ວາ ຕສ຺ສ ຄາໂວ ປຏິສຸຓາຕິ, ຄາໂວ ອາສຸຓາຕິ, ຠຄວໂຕ ປຈ຺ຈສ຺ໂສສຸໍ, ໂຫຕຸ ປຕິຄິຓາຕິ, ໂຫຕ຺ວນຸຄິຓາຕິ, ອາໂຣຈຍາມິ ໂວ ປຕິເວທຍາມິ ໂວ, ຘມ຺ມໍ ເຕ ເທເສສ຺ສາມິ, ຍຖາ ໂວ ຠຄວາ ພ຺ຍາກເຣຍ຺ຍ, ອລໍ ເຕ ອິຘ ວາເສນ, ກິໍ ເຕ ຊຏາຫິ ທຸມ຺ເມຘ, ອຣຫຕິ ມລ຺ໂລ ມລ຺ລສ຺ສາຕິ.

ຊີວິຕໍ ຕິຓາຍປິ ນ ມຎ຺ຎມາໂນຕິ ຕາທຕ຺ຖ຺ຍ ຈຕຸຕ຺ຖີ, ຕິເຓນ ໂຍ ອຕ຺ໂຖ ຕທຕ຺ຖາຍປີຕິ ອຕ຺ໂຖ, ‘‘ໂຍ ຈ ສີຕຎ຺ຈ ອຸຓ຺ຫຎ຺ຈ, ຕິຓາ ຠິຍ຺ໂຍ ນ ມຎ຺ຎຕິ’’ ຕິຓມິວ ຊີວິຕໍ ມຎ຺ຎມາໂນຕິ ສວິສຍາວ ວິຠຕ຺ຕິໂຍ. ສຄ຺ຄາຍ ຄຈ຺ຉຕີຕິ ຕາທຕ຺ຖ຺ເຍ ຈຕຸຕ຺ຖີ, ໂຍ ຫິ ສຄ຺ຄໍ ຄຈ຺ຉຕິ ຕທຕ຺ຖໍ ຕສ຺ສ ຄມນນ຺ຕິ, ກມ຺ມວຈນິຈ຺ຉາຍນ຺ຕຸ ທຸຕິຍາວ ສຄ຺ຄໍ ຄຈ຺ຉຕີຕິ.

ອາຍຸ ໂຠໂຕ ໂຫຕຸ, ຈິຣໍ ຊີວິຕໍ, ຠທ຺ທໍ ກລ຺ຍາຓໍ ອຕ຺ຖໍ ປໂຍຊນໍ, ກຸສລໍ ອນາມຍໍ, ຫິຕໍ ປຖ຺ຍໍ ສຸຂໍ ສາຕໍ ໂຠໂຕ ໂຫຕຸ, ສາຘຸ ສມ຺ມຸຕິ ເມຕສ຺ສ, ປຸຕ຺ຕສ຺ສາວິກເຣຍ຺ຍ ຄຸຍ຺ຫມຕ຺ຖໍ, ຕສ຺ສ ເມ ສກ຺ໂກ ປາຕຸຣໂຫສິ, ຕສ຺ສ ປຫິເຓຍ຺ຍ, ຠິກ຺ຂູນໍ ທຸຕໍ ປາເຫສິ, ກປ຺ປຕິ ສມຓານໍ ອາໂຍໂຄ, ເອກສ຺ສ ທ຺ວິນ຺ນໍ ຕິຓ຺ຓໍ ວາ ປໂຫຕິ, ອຸປມໍ ເຕ ກຣິສ຺ສາມິ, ອຎ຺ຊລິໍ ເຕ ປຄ຺ຄຓ຺ຫາມິ, ຕສ຺ສ ຜາສຸ, ໂລກສ຺ສຕ຺ໂຖ, ນໂມ ເຕ ປຸຣິສາຊຎ຺ຎ, ໂສຕ຺ຖິ ຕສ຺ສ, ອລໍ ມລ຺ໂລ ມລ຺ລສ຺ສ, ສມຕ຺ໂຖ ມລ຺ໂລ ມລ຺ລສ຺ສ, ຕສ຺ສ ຫິຕໍ, ຕສ຺ສ ສຸຂໍ, ສ຺ວາຄຕໍ ເຕ ມຫາຣາຊາຕິ ສພ຺ພຕ຺ຖ ຉຏ຺ຐີ ສມ຺ພນ຺ເຘ, ເອວໍວິຘມຎ຺ຎມ຺ເປວ ວິຎ຺ເຎຍ຺ຍໍ ຍຖາຄມໍ.

໒໖. ປຎ຺ຈມ຺ຍວຘິສ຺ມາ.

ປທຕ຺ຖາວຘິສ຺ມາ ປຎ຺ຈມີວິຠຕ຺ຕິ ໂຫຕິ. ຄາມສ຺ມາ ອາຄຈ຺ຉຕຸ, ເອວໍ ໂຈຣສ຺ມາ ຠາຍຕິ, ໂຈຣສ຺ມາ ອຸຕ຺ຕສຕິ, ໂອຣສ຺ມາ ຕາຍຕິ, ໂຈຣສ຺ມາ ຣກ຺ຂຕີຕິ, ສເຈ ຠາຍຖ ທຸກ຺ຂສ຺ສ, ປມາເທ ຠຍທສ຺ສິວາ, ຕສນ຺ຕິ ທຓ຺ຑສ຺ສາຕິ ຉຏ຺ຐີ ສຕ຺ຕມິໂຍປິ ໂຫນ຺ເຕວ ສມ຺ພນ຺ຘາຘາຣວຈນິຈ຺ຉາຍໍ.

ອຊ຺ເຌນາ ປຣາເຊຕິ, ປຏິປກ຺ເຂ ປຣາເຊຕີຕິ ສວິສຍາວ ວິຠຕ຺ຕິໂຍ. ສເຈ ເກວຏ຺ຏສ຺ສ ປຣຊ຺ຊິສ຺ສາມີຕິ ຉຏ຺ຐີປິ ໂຫຕິ ສມ຺ພນ຺ຘວຈນິຈ຺ຉາຍໍ. ຍເວຫິ ຄາໂວ ວາເຣຕິ, ປາປາ ຈິຕ຺ຕໍ ນິວາຣເຍ, ກາເກ ຣກ຺ຂຕິ ຕຓ຺ຑຸລາຕິ ສວິສເຍວ ປຎ຺ຈມີ. ຈິຕ຺ຕໍ ຣກ຺ເຂຖ ເມຘາວີຕິ ທຸຕິຍາວ ທິສ຺ສຕິ ກມ຺ມຕ຺ເຖ. ອຸປຊ຺ຌາຍາ ອນ຺ຕຣຘາຍຕິ, ອຸປຊ຺ຌາຍາ ອຘິເຕ, ກາມໂຕ ຊາຍເຕ ໂສໂກຕິ ສວິສເຍ ປຎ຺ຈມີ.

ຕຕ຺ເຖວ-ນ຺ຕຣຘາຍິ ສຸ, ນຏສ຺ສ ສຸໂຓຕິ, ປທຸມໍ ຕຕ຺ຖ ຊາເຍຖາຕິ ສຕ຺ຕມີຉຏ຺ຐິໂຍປິ ໂຫນ຺ເຕວ ສວິສເຍ. ຫິມວນ຺ຕາ ປຠວຕິ ຄງ຺ຄາ, ປາຓາຕິປາຕາ ວິຣມສ຺ສຸ ຂິປ຺ປໍ, ອຎ຺ໂຎ ເທວທຕ຺ຕາ, ຠິນ຺ໂນ ເທວທຕ຺ຕາຕິ ສວິສເຍວ ປຎ຺ຈມີ. ເອວໍ ອາຣາ ໂສ ອາສວກ຺ຂຍາ, ອິຕໂຣ ເທວທຕ຺ຕາ, ອຸທ຺ຘໍ ປາທຕລາ ອໂຘ ເກສມຕ຺ຖກາ, ປຸພ຺ໂພ ຄາມາ, ປຸພ຺ເພວ ສມ຺ໂພຘາ, ຕໂຕ ປຣໍ, ຕໂຕ ອປເຣນ ສມເຍນ, ຕຕຸຕ຺ຕຣິນ຺ຕິ. ສມ຺ພນ຺ຘວຈນິຈ຺ຉາຍໍ ຉຏ຺ຐີປິ ປຸຣໂຕ ຄາມສ຺ສ, ທກ຺ຂິຓໂຕ ຄາມສ຺ສ, ອຸປຣິ ປພ຺ພຕສ຺ສ, ເຫຏ຺ຐາ ປາສາທສ຺ສາຕິ. ປາສາທມາຣຸຍ຺ຫ ເປກ຺ຂຕິ ປາສາທາ ເປກ຺ຂຕິ, ອາສເນ ອຸປວິສິຕ຺ວາ ເປກ຺ຂຕິ ອາສນາ ເປກ຺ຂຕີຕິ ອວຘິວຈນິຈ຺ຉາຍໍ ປຎ຺ຈມີ.

ປຸຈ຺ຉານາຂ຺ຍາເນສຸ ກຸໂຕ ຠວໍ? ປາຕຏລິປຸຕ຺ຕສ຺ມາຕິ. ຕຖາ ເທສກາລມາເນປິ ປາຏລິປຸຕ຺ຕສ຺ມາ ຣາຊຄຫໍ ສຕ຺ຕ ໂຍຊນານິ, ສຕ຺ຕສຸ ໂຍຊເນສູຕິ ວາ. ເອວໍ ອິໂຕ ຕິຓ຺ຓໍ ມາສານ-ມຈ຺ຈເຍນາຕິ, ກິຈ຺ຉາລທ຺ຘນ຺ຕິ ຄຸເຓ ປຎ຺ຈມີ. ກິຈ຺ເຉນ ເມ ອຘິຄຕນ຺ຕິ ເຫຕຸມ຺ຫິ ກຣເຓ ວາ ຕຕິຍາ. ເອວໍ ໂຖກາ ມຸຕ຺ໂຕ, ໂຖເກນ ມຸຕ຺ໂຕຕິ. ໂຖກໍ ຈລຕີຕິ ກິຣິຍາວິເສສເນ ກມ຺ມນິ ທຸຕິຍາ.

ທູຣນ຺ຕິ ກຕ຺ຖໂຍເຄປິ ສວິສເຍວ ປຎ຺ຈມີຉຏ຺ຐິໂຍ ສິຍຸໍ, ທູຣໍ ຄາມສ຺ມາ, ອນ຺ຕິກໍ ຄາມສ຺ມາ, ທູຣໍ ຄາມສ຺ສ, ອນ຺ຕິກໍ ຄາມສ຺ສາຕິ, ທູຣນ຺ຕິ ກຕ຺ເຖຫິ ຕຸ ສພ຺ພາວ ສວິສເຍ ສິຍຸໍ ພາຘກາຠາວາ ທູໂຣ ຄາໂມ, ອນ຺ຕິໂກ ຄາໂມຕ຺ເວວມາທິ.

ເກຈິ ປນາຫຸ ‘ອສຕ຺ຕວຈນເຫເຕຫິ ປາຏິປທິກຕ຺ເຖ ທຸຕິຍາຕຕິຍາປຎ຺ຈມີສຕ຺ຕມິໂຍ, ສຕ຺ຕວຈເນຫິ ຕຸ ສພ຺ພາວ ສວິສເຍ’ຕິ, ເຕ ປນຎ຺ເຎເຫວ ປຏິກ຺ຂິຕ຺ຕາ. ທູຣໍ ມຄ຺ໂຄ, ອນ຺ຕິກໍ ມຄ຺ໂຄຕິ ກິຣິຍາວິເສສນໍ… ຠູຘາຕຸສ຺ສ ຄມ຺ມມານຕ຺ຕາ. ວິສຸທ຺ໂຘ ໂລຠນີເຍຫິ ຘມ຺ເມຫິ, ປຣິມຸຕ຺ໂຕ ໂສ ທຸກ຺ຂສ຺ມາ ວິວິຈ຺ເຈວ ກາເມຫິ, ຄມ຺ຠີຣໂຕ ຈ ປຸຖຸລໂຕ ຈ ໂຍຊນໍ, ອາຍາເມນ ໂຍຊນໍ, ຕໂຕ ປຠຸຕິ, ຍໂຕ ສຣາມິ ອຕ຺ຕານນ຺ຕິ ສວິສເຍວ ວິຠຕ຺ຕິໂຍ.

໒໗. ອປປຣີຫິ ວຊ຺ຊເນ.

ວຊ຺ຊເນ ວຕ຺ຕມາເນຫິ ອປປຣີຫິ ໂຍເຄ ປຎ຺ຈມີ ໂຫຕິ. ອປ ສາລາຍ ອາຍນ຺ຕິ ວາຓິຊາ, ປຣິ ສາລາຍ ອາຍນ຺ຕິ ວາຓິຊາ, ສາລໍ ວຊ຺ເຊຕ຺ວາຕິ ອຕ຺ໂຖ. ວຊ຺ຊເນຕິ ກິໍ? ຣຸກ຺ຂໍ ປຣິວິຊ຺ໂຊຕເຕ ວິຊ຺ຊຸ. ອາປາຏລິປຸຕ຺ຕສ຺ມາ ວສ຺ສິ ເທໂວຕິ ມຣິຍາທາ-ຠິວິຘີສ຺ວວຘິ ວິສເຍວ ປຎ຺ຈມີ, ວິນາ ປາຏລິປຸຕ຺ເຕນ ສຫ ເວຕິ ວິເສໂສ, ເອວໍ ຍາວ ປາຏລິປຸຕ຺ຕສ຺ມາ ວສ຺ສິ ເທໂວຕິ.

໒໘. ປຏິນິຘິປຏິທາເນສຸ ປຕິນາ.

ປຏິນິຘິມ຺ຫິ ປຏິທາເນ ຈ ວຕ຺ຕມາເນນ ປຕິນາ ໂຍເຄ ນາມສ຺ມາ ປຎ຺ຈມີ ວິຠຕ຺ຕິ ໂຫຕິ. ພຸທ຺ຘສ຺ມາ ປຕິ ສາຣິປຸຕ຺ໂຕ, ຆຕມສ຺ສ ເຕສສ຺ມາ ປຕິ ທທາຕິ, ປຏິນິຘິປຏິທາເນສູຕິ ກິໍ? ຣຸກ຺ຂໍ ປຕິ ວິຊ຺ໂຊຕເຕ.

໒໙. ຣິເຕ ທຸຕິຍາ ຈ.

ຣິເຕສທ຺ເທນ ໂຍເຄ ນາມສ຺ມາ ທຸຕິຍາ ໂຫຕິ ປຎ຺ຈມີ ຈ. ຣິເຕ ສທ຺ຘມ຺ມໍ, ຣິເຕ ສທ຺ຘມ຺ມາ.

໓໐. ວິນາ-ຎ຺ຎຕ຺ຣ ຕຕິຍາ ຈ.

ວິນາ-ຎ຺ຎຕ຺ຣສທ຺ເທຫິ ໂຍເຄ ນາມສ຺ມາ ຕຕິຍາ ຈ ໂຫຕິ ທຸຕິຍາ ປຎ຺ຈມິໂຍ ຈ. ວິນາ ວາເຕນ, ວິນາ ວາຕໍ, ວິນາ ວາຕສ຺ມາ, ອຎ຺ຎຕ຺ຣ ເອເກນ ປິຓ຺ຑປາຕນີຫາຣເກນ, ອຎ຺ຎຕ຺ຣ ຘມ຺ມໍ, ອຎ຺ຎຕ຺ຣ ຘມ຺ມາ.

໓໑. ປຸຖນານາຫິ.

ເອເຕຫິ ໂຍເຄ ຕຕິຍາ ໂຫຕິ ປຎ຺ຈມີ ຈ. ປຸຖເຄວ ຊເນນ, ປຸຖເຄວ ຊນສ຺ມາ, ຊເນນ ນານາ, ຊນສ຺ມາ ນານາ.

໓໒. ສຕ຺ຕມ຺ຍາຘາເຣ.

ກິຣິຍາຘາຣ ຠູຕ ກຕ຺ຕຸ ກມ຺ມານໍ ຘາຣເຓນ ໂຍ ກິຣິຍາຍາຘາໂຣ ຕສ຺ມິໍ ກາຣເກ ນາມສ຺ມາ ສຕ຺ຕມີ ໂຫຕິ. ກເຏ ນິສີທຕິ (ເທວທຕ຺ໂຕ), ຖາລິຍໍ ໂອທນໍ ປຈຕິ, ອາກາເສ ສກຸນາ, ຠິເລສຸ ເຕລໍ, ຄງ຺ຄາຍໍ ວໂຊ.

໓໓. ນິມິຕ຺ເຕ.

ນິມິຕ຺ຕຕ຺ເຖ ສຕ຺ຕມີ ໂຫຕິ. ອຊິນມ຺ຫິ ຫຎ຺ຎເຕ ທີປິ, ມຸສາວາເທ ປາຈິຕ຺ຖິຍໍ.

໓໔. ຍພ຺ຠາໂວຠາວລກ຺ຂຓໍ.

ຍສ຺ສ ຠາໂວ ຠາວນ຺ຕຣສ຺ສ ລກ຺ຂຓໍ ຠວຕິ, ຕໂຕ ສຕ຺ຕມີ ໂຫຕິ. ຄາວີສຸ ທຸຍ຺ຫມານາສຸ ຄໂຕ, ທຸທ຺ຘາສຸ ອາຄໂຕ. ຠາໂວຕິ ກິໍ? ໂຍ ຊຏາຫິ ໂສ ຠຸຎ຺ຊຕິ. ຠາວລກ຺ຂຓນ຺ຕິ ກິໍ? ໂຍ ຠຸຎ຺ຊຕິ ໂສ ເທວທຕ຺ໂຕ, ‘‘ອກາເລ ວສ຺ສຕິ ຕສ຺ສ, ຕາເລ ຕສ຺ສ ນ ວສ຺ສຕີ’’ຕິ ວິສຍສຕ຺ຕມີ.

໓໕. ຉຏ຺ຐີ ຈານາທເຣ.

ຍສ຺ສ ຠາໂວ ຠາວນ຺ຕຣສ຺ສ ລກ຺ຂຓໍ ຠວຕິ, ຕໂຕ ຉຏ຺ຐີ ຠວຕິ ສຕ຺ຕມີ ຈ ອນາທເຣ ຄມ຺ຍມາເນ. ‘‘ອາໂກຏຍນ຺ໂຕ ໂສ ເນຕິ, ສິວິຣາຊສ຺ສ ເປກ຺ຂໂຕ’’, ‘‘ມຈ຺ຈຸ ຄຈ຺ຉຕິ ອາທາຍ, ເປກ຺ຂມາເນ ມຫາຊເນ’’.

ຄຸນ຺ນໍ ສາມີຕິ ສມ຺ພນ຺ເຘ ຉຏ຺ຐີ, ໂຄສຸ ສາມີຕິ ວິສຍສຕ຺ຕມີ, ເອວໍ ຄຸນ຺ນມິສ຺ສໂຣ, ໂຄສ຺ວິສ຺ສໂຣ, ຄຸນ຺ນໍ ອຘິປຕິ, ໂຄສຸ ອຘິປຕິ, ຄຸນ຺ນໍ ທາຍາໂທ, ໂຄສຸ ທາຫາໂທ, ທຸນ຺ນໍ ສກ຺ຂິ, ໂຄສຸ ສກ຺ຂິ, ຄຸນ຺ນໍ ປຕິຠູ, ໂຄສຸ ປຕິຠູ, ຄຸນ຺ນໍ ປສູໂຕ, ໂຄສຸ ປສູໂຕ, ກຸສລາ ນຈ຺ຈຄີຕສ຺ສ, ກຸສລາ ນຈ຺ຈຄີເຕ, ອາຍຸຕ຺ໂຕ ກຏກຣຓສ຺ສ, ອາຍຸຕ຺ໂຕ ກຏກຣເຓຕິ.

ຕຖາຘາຣວຈນິຈ຺ຉາຍໍ ສຕ຺ຕມີ, ຠິກ຺ຂູສຸ ອຠິວາເທນ຺ຕິ, ມຸທ຺ຘນິ ຘຸມ຺ພິຕ຺ວາ, ພາຫາສຸ ຄເຫຕ຺ວາ, ຫຕ຺ເຖສຸ ປິຓ຺ຑາຍ ຈຣນ຺ຕິ, ປເຖສຸ ຄຈ຺ຉນ຺ຕິ, ກທລີສຸ ຄເຊ ຣກ຺ຂນ຺ຕີຕິ. ຎາຓສ຺ມິໍ ປສນ຺ໂນຕິ ວິສຍສຕ຺ຕມີ, ຎາເຓນ ປສນ຺ໂນຕິ ກຣເຓ ຕຕິຍາ, ເອວໍ ຎາຓສ຺ມິໍ ອຸສ຺ສຸກ຺ໂກ ຎາເຓນ ອຸສ຺ສຸກ຺ໂກຕິ.

໓໖. ຍໂຕ ນິທ຺ຘາຣຓໍ.

ຊາຕິຄຸຓກິຣິຍາຫິ ສມຸທາຍເຕກເທສສ຺ສ ປຸຖກ຺ກຣຓໍ ນິທ຺ຘາຣຓໍ. ຍໂຕ ຕໍ ກຣີຍຕິ, ຕໂຕ ຉຏ຺ຐີສຕ຺ຕມິໂຍ ໂຫນ຺ຕິ. ສາລໂຍ ສູກຘຎ຺ຎານໍ ປຖ຺ຍຕມາ, ສາລໂຍ ສູກຘຎ຺ເຎສຸ ປຖ຺ຍຕມາ, ກຓ຺ຫາ ຄາວີນໍ ສມ຺ປນ຺ນຂີຣຕມາ, ກຓ຺ຫາ ຄາວີສຸ ສມ຺ປນ຺ນຂີຣຕມາ, ຄຈ຺ຉຕໍ ຘາວນ຺ໂຕ ສີຆຕໂມ, ຄຈ຺ຉນ຺ເຕສຸ ຘາວນ຺ໂຕ ສີຆຕໂມ. ສີລເມວ ສຸຕາ ເສຍ຺ໂຍຕິ ອວຘິມ຺ຫິເຍວ ປຎ຺ຈມີ.

໓໗. ປຐມາຕ຺ຖມຕ຺ເຕ.

ນາມສ຺ສາຠິເຘຍ຺ຍມຕ຺ເຕ ປຐມາວິຠຕ຺ຕິ ໂຫຕິ. ຣຸກ຺ໂຂ. ອິຕ຺ຖິ ປຸມາ ນປຸໍສກນ຺ຕິ ລິງ຺ຄມ຺ປິ ສທ຺ທຕ຺ໂຖວ, ຕຖາ ໂທໂຓ ຂາຣີ ອາຬ຺ຫກນ຺ຕິ ປຣິມາຓມ຺ປິ ສທ຺ທຕ຺ໂຖວ, ເອໂກ ທ຺ເວ ພຫໂວຕິ ສງ຺ຂ຺ຍາປິ ສທ຺ທຕ຺ໂຖວ.

໓໘. ອາມນ຺ຕເຓ.

ສໂຕ ສທ຺ເທນາຠິມຸຂີກຣຓມາມນ຺ຕຓໍ. ຕສ຺ມິໍ ວິສເຍ ປຐມາ ວິຠຕ຺ຕິ ໂຫຕິ. ໂຠປຸຣິສ, ໂຠກ຺ກຕ຺ຖິ, ໂຠ ນປຸໍສກ.

໓໙. ຉຏ຺ຐີ ສມ຺ພນ຺ເຘ.

ກິຣິຍາກາຣກສຎ຺ຊາໂຕ ອສ຺ເສທມ຺ຠາວເຫຕຸໂກ ສມ຺ພນ຺ໂຘ ນາມ. ຕສ຺ມິໍ ຉຏ຺ຐີ ວິຠຕ຺ຕິ ໂຫຕິ. ຣຎ຺ໂຎ ປຸຣິໂສ, ສຣຕິ ຣຊ຺ຊສ຺ສາຕິ ສມ຺ພນ຺ເຘ ຉຏ຺ຐີ, ຣຊ຺ຊສມ຺ພນ຺ຘິນິໍ ສຕິໍ ກໂຣຕີຕິ ອຕ຺ໂຖ, ກມ຺ມວຈນິຈ຺ຉາຣນ຺ຕຸ ທຸຕິຍາວ ສຣຕິ ຣຊ຺ຊໍ. ຕຖາ ຣຊກສ຺ສ ວຕ຺ຖໍ ທທາຕິ, ປຫຣໂຕ ປິຏ຺ຐິໍ ທທາຕິ, ພາໂລ ປູຣຕິ ປາປສ຺ສ, ອມຈ຺ເຈ ຕາຕ ຊານາຫິ, ຘີເຣ ອຕ຺ຖສ຺ສ ໂກວິເທ, ທິວສສ຺ສ ຕິກ຺ຂຕ຺ຕຸໍ, ສກິໍ ປກ຺ຂສ຺ສ, ປູຣໍ ຫິຣຎ຺ຎສຸວຓ຺ຓສ຺ສ ກຸມ຺ຠນ຺ຕ຺ເວວມາທິ.

ກິຕກປ຺ປໂຍເຄ ກກ຺ຕຸກມ຺ເມສຸ ພຫຸລໍ ສມ຺ພນ຺ຘວຈນິຈ຺ຉາຍໍ ຉຏ຺ຐີ, ສາຘຸ ສມ຺ມໂຕ ພຫຸຊນສ຺ສ, ສຸປ຺ປຏິວິທ຺ຘາ ພຸທ຺ຘານໍ ຘມ຺ມຘາຕຸ, ຘມ຺ມສ຺ສ ຄຸຕ຺ໂຕ ເມຘາວີ, ອມຕໍ ເຕສໍ ປຣິຠຸຕ຺ຕໍ, ຕສ຺ສ ຠວນ຺ຕິ ວຕ຺ຕາໂຣ, ອວິສໍວາທໂກ ໂລກສ຺ສ, ອລຊ຺ຊີນໍ ນິສ຺ສາຍ, ຈຕຸນ຺ນໍ ມຫາຠູຕານໍ ອຸປາທາຍ ປສາໂທຕ຺ເວວມາທິ.

ກຕ຺ຕຸກມ຺ມວຈນິຈ຺ຉາຍນ຺ຕຸ ຕຕິຍາ ທຸຕິຍາໂຍ ຈ, ສຎ຺ຈຕ຺ໂຕ ປິຕຣາ ອຫໍ, ສຣສິ ຕ຺ວໍ ເອວຣູປິໍ ວາຈໍ ຠາສິຕາ, ຠຄວນ຺ຕໍ ທສ຺ສນາຍຕ຺ເວວມາທິ.

໔໐. ຕຸລ຺ຍຕ຺ເຖນ ວາ ຕຕິຍາ.

ຕຸລ຺ຍຕ຺ເຖນ ໂຍເຄ ຉຏ຺ຐີ ໂຫຕິ ຕຕິຍາ ວາ, ຕຸລ຺ໂຍ ປິຕຸ, ຕຸລ຺ໂຍ ປິຕຣາ, ສທິໂສ ປິຕຸ, ສທິໂສ ປິຕຣາ, ອິຫ ກຖໍ ຕຕິຍາ ນ ໂຫຕິ? ອຊ຺ຊຸນສ຺ສ ຕຸລາ ນຕ຺ຖິ, ເກສວສ຺ສຸປມາ ນ ເຈຕິ, ເນເຕ ຕຸລ຺ຍຕ຺ຖາ, ກິຎ຺ຊຣຫິ ຕຸລ຺ຍານໂມປມ຺ມຕ຺ຖາ.

໔໑. ອໂຕ ໂຍນໍ ຏາເຏ.

ອກາຣນ຺ຖໂຕ ນາມສ຺ມາ ໂຍນໍ ຏາເຏ ໂຫນ຺ຕິ ຍຖາກ຺ກມໍ, ຏກາຣາ ສພ຺ພເທສຕ຺ຖາ, ພຸທ຺ຘາ ພຸທ຺ເຘ, ອໂຕຕິ ກິໍ? ກຎ຺ຎາໂຍ, ອິຕ຺ຖິໂຍ, ວຘຸໂຍ, ອິຘ ກສ຺ມາ ນ ຠວຕິ ອຄ຺ຄໂຍ. ອວິຘານສາມຕ຺ຖິຍາ.

໔໒. ນິນໍ ວາ.

ອກາຣນ຺ຕໂຕ ນາມສ຺ມາ ນິນໍ ຏາເຏ ວາ ໂຫນ຺ຕິ ຍຖາກ຺ກມໍ. ຣູປາ, ຣູເປ, ຣູປານິ, ອໂຕຕ຺ເວວ ອຏ຺ຐີນິ.

໔໓. ສ຺ມາສ຺ມິໍນໍ.

ອກາຣນ຺ຕໂຕ ນາມສ຺ມາ ສ຺ມາສ຺ມິນ຺ນໍ ຏາເຏ ວາ ໂຫນ຺ຕິ ຍຖາກ຺ກມໍ. ພຸທ຺ຘາ ພຸທ຺ຘສ຺ມາ, ພຸທ຺ເຘ ພຸທ຺ຘສ຺ມິໍ, ອໂຕຕ຺ເວວ ອຄ຺ຄິສ຺ມາ ອຄ຺ຄິສ຺ມິໍ.

໔໔. ສສ຺ສາຍ ຈຕຸຕ຺ຖິຍາ.

ອກາຣນ຺ຕໂຕ ປຣສ຺ສ ສສ຺ສ ຈຕຸຕ຺ຖິຍາ ອາໂຍ ໂຫຕິ ວາ. ພຸທ຺ຘາຍ ພຸທ຺ຘສ຺ສ, ຠິຍ຺ໂຍ ຕາທຕ຺ຖ຺ເຍເຍວາຍມາໂຍ ທິສ຺ສເຕ, ກ຺ວຈິເທວຎ຺ຎຕ຺ຖ, ອໂຕຕ຺ເວວ ອິສິສ຺ສ, ຈຕຸຕ຺ຖິຍາຕິ ກິໍ? ພຸທ຺ຘສ຺ສ ມຸຂໍ, ອຕ຺ຕຕ຺ຖນ຺ຕິ ອຕ຺ຖສທ຺ເທນ ສມາໂສ.

ສພ຺ພາທິໂຕປິ ສ຺ມາສ຺ມິໍສານໍ ຏາເຏອາຍາ ໂຫນ຺ເຕວ… ນິຣຸຕ຺ຕິກາຣານຸມຕຕ຺ຕາ ພຸທ຺ຘວຈເນ ສນ຺ທສ຺ສນວໂຕ ຈ, ຕຕ຺ໂຣທມຸທາຫຣຓໍ ‘ອສ຺ມາ ໂລກາ ປຣມ຺ຫາ ຈ, ອຸຠຍາ ຘໍສເຕ ນໂຣ’, ‘ຕ຺ຍາຫໍ ມນ຺ເຕ ປຣຕ຺ຖທ຺ໂຘ’, ‘ຍາເຍວ ໂຂ ປນຕ຺ຖາຍ ອາຄຈ຺ເຉຍ຺ຍາໂຖ ຕເມວຕ຺ຖໍ ສາຘຸກໍ ມນສິກເຣຍ຺ຍາໂຖ’ຕິ.

໔໕. ຆປເຕກສ຺ມິໍ ນາທີນໍ ຍຍາ.

ຆປໂຕ ນາທີນເມກສ຺ມິໍ ຍຍາ ໂຫນິ ຍຖາກ຺ກມໍ. ກຎ຺ຎາຍ, ຣຕ຺ຕິຍາ, ອິຕ຺ຖິຍາ, ເຘນຸຍາ, ວຘຸຍາ, ເອກສ຺ມິນ຺ຕິ ກິໍ? ກຎ຺ຎາຫິ, ຣຕ຺ຕີຫິ.

໔໖. ສ຺ສາ ວາ ເຕຕິມາມູຫິ.

ຆປສຎ຺ເຎຫິ ເຕຕິມາມູຫິ ນາທີນເມກສ຺ມິໍສ຺ສາ ວາ ໂຫຕິ, ຕສ຺ສາ ກຕໍ, ຕສ຺ສາ ທີຍເຕ, ຕສ຺ສາ ນິສ຺ສຏໍ, ຕສ຺ສາ ປຣິຄ຺ຄໂຫ, ຕສ຺ສາ ປຕິຏ຺ຐິຕໍ, ຕາຍ ວາ, ເອວໍ ເອຕິສ຺ສາ ເອຕາຍ, ອິມິສ຺ສາ ອິມາຍ, ອມຸສ຺ສາ ອມຸຍາ, ເອເຕຫີຕິ ກິໍ? ສພ຺ພາຍ, ນາທີນໍ ຕ຺ເວວ? ສາ, ຆປໂຕຕ຺ເວວ? ຕາຫິ ອມູຫິ.

໔໗. ນໍມ຺ຫິ ນຸກ ທ຺ວາທີນໍ ສຕ຺ຕຣສນ຺ນໍ.

ທ຺ວາທີນໍ ສຕ຺ຕຣສນ຺ນໍ ສງ຺ຂ຺ຍານໍ ນຸກ ໂຫຕິ ນໍມ຺ຫິ ວິຠຕ຺ຕມ຺ຫິ, ທ຺ວິນ຺ນໍ ຈຕຸນ຺ນໍ, ປຎ຺ຈນ຺ນໍ, ເອວໍ ຍາວ ອຏ຺ຐາຣສນ຺ນໍ, ອຸກາໂຣ ອຸຈ຺ຈາຣຓຕ຺ໂຖ, ກກາໂຣ ອນ຺ຕາວຍວຕ຺ໂຖ, ເຕນ ນໍມ຺ຫິ ນ ທີໂຆ.

໔໘. ພສຸກຕິນ຺ນໍ.

ນໍມ຺ຫິ ພຫຸໂນ ກຕິສ຺ສ ຈ ນຸກ ໂຫຕິ, ພຫຸນ຺ນໍ, ກຕິນ຺ນໍ.

໔໙. ຓ຺ຓໍຓ຺ຓນ຺ນໍ ຕິໂຕ ຌາ.

ຌສຎ຺ຎາ ຕິໂຕ ນໍວຈນສ຺ສ ຓ຺ຓໍຓ຺ຓນ຺ນໍ ໂຫຕິ, ຕິຓ຺ຓໍ, ຕິຓ຺ຓນ຺ນໍ, ຌາຕິ ກິໍ ຕິສ຺ສນ຺ນໍ.

໕໐. ອຸຠິນ຺ນໍ.

ອຸຠາ ນໍວຈນສ຺ສ ອິນ຺ນໍ ໂຫຕິ, ອຸຠິນ຺ນໍ.

໕໑. ສຸຎ ສສ຺ສ.

ນາມສ຺ມາ ສສ຺ສ ສຸຎ ໂຫຕິ, ພຸທ຺ຘສ຺ສ, ທ຺ວິສກາຣປາເຐນ ສິທ຺ເຘ ລາຆວຕ຺ຖມິທໍ.

໕໒. ສ຺ສໍສ຺ສາສ຺ສາເຍສ຺ວິຕເຣ ກຎ຺ເຎຠິມານມິ.

ສ຺ສມາທີສ຺ວິຕຣາທີນມິ ໂຫຕິ, ອິຕຣິສ຺ສໍ, ອິຕຣິສ຺ສາ, ເອກິສ຺ສໍ, ເອກິສ຺ສາ, ອຎ຺ຎິສ຺ສໍ, ອຎ຺ຎິສ຺ສາ, ເອຕິສ຺ສໍ, ເອຕິສ຺ສາ, ເອຕິສ຺ສາຍ, ອິມິສ຺ສໍ, ອິມິສ຺ສາ, ອິມິສ຺ສາຍ, ເອສ຺ວິຕິ ກິໍ? ອິຕຣາຍ, ເອສນ຺ຕິ ກິໍ? ສພ຺ພສ຺ສໍ, ສພ຺ພສ຺ສາ.

໕໓. ຕາຍ ວາ.

ສ຺ສມາທີສຸ ຕສ຺ສາ ວາ ອິ ໂຫຕິ, ຕິສ຺ສໍ ຕສ຺ສໍ, ຕິສ຺ສາ ຕສ຺ສາ, ຕິສ຺ສາຍ ຕສ຺ສາຍ, ສ຺ສໍສ຺ສາສ຺ສາເຍສ຺ວິຕ຺ເວວ? ຕາຍ.

໕໔. ເຕຕິມາໂຕ ສສ຺ສ ສ຺ສາຍ.

ຕາເອຕາອິມາໂຕ ສສ຺ສ ສ຺ສາໂຍ ໂຫຕິ ວາ. ຕສ຺ສາຍ ຕາຍ, ເອຕິສ຺ສາຍ ເອຕາຍ, ອິມິສ຺ສາຍ ອິມາຍ.

໕໕. ຣຕ຺ຍາທີຫິ ໂຏ ສ຺ມິໂນ.

ຣຕ຺ຍາທີຫິ ສ຺ມິໂນ ໂຏ ໂຫຕິ ວາ, ຣຕ຺ໂຕ ຣຕ຺ຕິຍໍ, ອາໂທ ອາທິສ຺ມິໍ.

໕໖. ສຸຫິສຸຠສ຺ໂສ.

ອຸຠສ຺ສ ສຸຫິສ຺ໂວ ໂຫຕິ. ອຸໂຠສຸ, ອຸໂຠຫິ.

໕໗. ລ຺ຕຸປິຕາທິນມາ ສິມ຺ຫິ.

ລ຺ຕຸປ຺ປຈ຺ຈຍນ຺ຕານໍ ປິຕາທີນໍ ຈ ອາ ໂຫຕິ ສິມ຺ຫິ. ກຕ຺ຕາ, ປິຕາ. ປິຕຸ, ມາຕຸ, ຠາວຸ, ມີຕຸ, ທຸຫິຕຸ, ຊາມາຕຸ, ນຕ຺ຕຸ, ໂຫຕຸ, ໂປຕຸ.

໕໘. ເຄ ອ ຈ.

ລ຺ຕຸປິຕາທີນໍ ອ ໂຫຕິ ເຄ ອາ ຈ, ໂຠ ກຕ຺ຕ, ໂຠ ກຕ຺ຕາ, ໂຠ ປິຕ, ໂຠ ປິຕາ.

໕໙. ອຍຸນໍ ວາ ທີໂຆ.

ອ ອິ ອຸ ອິຈ຺ເຈສໍ ວາ ທີໂຆ ໂຫຕິ ເຄ ປເຣ ຕິລິງ຺ເຄ. ໂຠ ປຸຣິສາ, ໂຠ ປຸຣິສ, ໂຠ ອຄ຺ຄີ, ໂຠ ອຄ຺ຄິ, ໂຠ ຠິກ຺ຂູ, ໂຠ ຠິກ຺ຂູ.

໖໐. ຆພ຺ຣຫ຺ມາທິເຕ.

ຆໂຕ ພ຺ຣຫ຺ມາທິໂຕ ຈ ຄສ຺ເສ ວາ ໂຫຕິ. ໂຠຕິ ກຎ຺ເຎ, ໂຠຕິ ກຎ຺ຎາ, ໂຠ ພ຺ຣຫ຺ເມ, ໂຠ ພ຺ຣຫ຺ມ, ໂຠ ຂຕ຺ເຕ, ໂຠ ຂຕ຺ຕ, ໂຠ ອິເສ, ໂຠ ອິສິ, ໂຠ ສເຂ, ໂຠ ສຂ. ສຂິ ສຂີຕິ ອິຕ຺ຖິຍໍ ສິທ຺ຘເມວ. ອາກຕິຄໂຓ-ຍໍ, ເອວມຎ຺ຎຕ຺ຣາປິ.

໖໑. ນມ຺ມາທີຫິ.

ອມ຺ມາທີຫິ ຄສ຺ເສ ນ ໂຫຕິ. ໂຠຕິ ອມ຺ມາ, ໂຠຕິ ອນ຺ນາ, ໂຠຕິ ອມ຺ພາ.

໖໒. ຣສ຺ໂສ ວາ.

ອມ຺ມາທີນໍ ເຄ ຣສ຺ໂສ ໂຫຕິ ວາ. ໂຠຕິ ອມ຺ມ, ໂຠຕິ ອມ຺ມາ.

໖໓. ໂຆ ສ຺ສໍ, ສ຺ສາ, ສ຺ສາຍໍ ຕິໍສຸ.

ສ຺ສມາທີສຸ ໂຆ ຣສ຺ໂສ ໂຫຕິ. ຕສ຺ສໍ, ຕສ຺ສາ, ຕສ຺ສາຍ, ຕໍ, ສຠຕິໍ, ເອສ຺ວິຕິ ກິໍ? ຕາຍ, ສຠາຍ.