ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

ມຫາຣຫນີຕິ

ປຓ຺ຑິຕກຖາ

໑. ມຫາຣຫຣຫໍ ສກ຺ຍ,

ມຸນິໍ ນີວຣຓາ ຕຓ຺ຫາ;

ມຸຕ຺ຕໍ ມຸຕ຺ຕໍ ສຸທສ຺ສນໍ,

ວນ຺ເທ ໂພຘິວຣໍ ວຣໍ.

໒. ມຸນິນາ ມຸນິນາເຄນ,

ທຸຏ຺ຐປພ຺ພຊ຺ຊິຕາ ຊິຕາ;

ຍຖາ ຍຖາອສທ຺ຘມ຺ມ-

ປຸຣຓາ ປຸຣຓາທໂຍ.

໓. ຕຖາ ຕຖາຄໂຕວາທາ,

ນຸຄເຕ ໂລກນີຕິຍໍ;

ກຕໂຍເຄນ ວິທູນາ,

ເຊຍ຺ໂຍວານຕ຺ຖ ກາຣິໂນ.

໔. ນິຕີຘ ຊນ຺ຕຸນໍ ສາໂຣ,

ມິຕ຺ຕາຈຣິຍາຈ ປີຕຣາ;

ນີຕິມາ ສຸພຸທ຺ຘິ ພ຺ຍຕ຺ໂຕ,

ສຸຕວາ ອຕ຺ຖທສ຺ສິມາ.

໕. ກວິເຫຣຎ຺ຎກາ ກຕ຺ວາ,

ສຸຕ຺ຕຕ຺ຕໍ ສຕ຺ຖກຎ຺ຈນໍ;

ຄຊ຺ຊປຊ຺ຊາທ຺ຍາລງ຺ກາຣໍ,

ກໂຣນ຺ຕີຘ ມໂນຣມ຺ມໍ.

໖. ວຸຕ຺ຍໍ ວິສທຎາຓສ຺ສ,

ຎາໂຕ ອຕ຺ໂຖຕຣສ຺ສ ນ;

ສຸຣປ຺ປຠາຍ ອາທາໂສ,

ຉາຍໍ ທິສ຺ເສ ນ ມາກເຣ.

໗. ມຫາເຕໂຊປິ ເຕໂຊຍໍ,

ມຕ຺ຕິກໍ ນມຸທຸກໍກໂຣ;

ອາໂປ ອາເປຕິ ມຸທຸກໍ,

ສາຘຸວາຈາຈ ກກ຺ຂຬໍ.

໘. ມຸທຸນາວ ຣິປຸໍ ເຊຕິ,

ມຸທຸນາ ເຊຕິ ທາຣຸຓໍ;

ໂນສິທ຺ຘໍ ມຸທຸນາ ກິຎ຺ຈິ,

ຍຕ຺ວໂຕ ມຸທຸນາ ຊເຍ.

໙. ຈນ຺ທນໍ ສີຕລໍ ໂລເກ,

ຕໂຕ ຈນ຺ທໍວ ສີຕລໍ;

ຈນ຺ທນຈນ຺ທສີຕມ຺ຫາ,

ວາກ຺ຍໍ ສາຘຸສຸຠາສິຕໍ.

໑໐. ປຕ຺ຕກລ຺ໂລທິຕໍ ອປ຺ປໍ,

ວາກ຺ຍໍ ສຸຠາສິຕໍ ຠເວ;

ຂຸທ຺ທິຕສ຺ສ ກທນ຺ນໍປິ,

ສຸຕ຺ຕໍ ສາທຸຣໂສ ສິຍາ.

໑໑. ສຕ຺ຖກາປິ ພຫູວາຈາ,

ນາທຣາ ພຫຸຠາຓິໂນ;

ໂສປກາຣມຸທາສີນໍ,

ນນຸທິຏ຺ຐໍ ນທີຊລໍ.

໑໒. ສໍສາຣວິສຣຸກ຺ຂສ຺ສ,

ທ຺ວຍເມວາມຕໍຜລໍ;

ສຸຠາສິຕສ຺ສສາຣາໂທ,

ສາຘູຫິຣສມາຄໂມ.

໑໓. ປາສາຓຉຕ຺ຕໍ ຄຣຸກໍ,

ຕໂຕ ເທວານຈິກ຺ຂນາ;

ຕໂຕ ວຸຑ຺ຒານໂມວາໂທ,

ຕໂຕ ພຸທ຺ຘສ຺ສ ສາສນໍ;

໑໔. ຕຸລໍ ສລ຺ລຫຸກໍ ໂລເກ,

ຕໂຕ ຈປລຊາຕິໂກ;

ຕໂຕໂນວາທິໂກ ຕໂຕ,

ຍຕິ ຘມ຺ເມປມາທໂກ.

໑໕. ອຫ ຄຈ຺ຉຕິ ຫາຍນ຺ຕີ,

ສຕ຺ຕານມິຘ ຊີວິຕໍ;

ຕສ຺ມາຫິ ມາປມຕ຺ຕຕ຺ວໍ,

ຄຈ຺ຉນ຺ຕຸ ຊິນສາສເນ.

໑໖. ປຓ຺ຑິຕສ຺ສ ປສໍສາຍ,

ທຓ຺ໂຑພາເລນ ທີຍເຕ;

ປຓ຺ຑິໂຕ ປຓ຺ຑິເຕເນວ,

ວຓ຺ຓິໂຕວ ສຸວຓ຺ຓິໂຕ.

໑໗. ສເຕສຸ ຊາຍເຕ ສູໂຣ,

ສຫສ຺ເສສຸຈ ປຓ຺ຑິໂຕ;

ວຸຕ຺ຕາ ສຕສຫສ຺ເສສຸ,

ທາຕາ ຠວຕິວາ ນວາ.

໑໘. ຠູປຕ຺ຕໍຈ ປຓ຺ຑິຕຕ຺ຕຎ຺ຈ,

ເນວຕຸລ຺ຍໍ ກທາຈິປິ;

ສເທເສປູຊິໂຕ ຣາຊາ,

ພຸທ຺ໂຘ ສພ຺ພຕ຺ຖປູຊິໂຕ.

໑໙. ກ຺ວາຕິຠາໂຣ ສມຕ຺ຖານໍ,

ກິໍທູໂຣ ພ຺ຍວຫາຣິນໍ;

ໂກວິເທໂສ ສວິຊ຺ຊານໍ,

ໂກປໂຣ ປິຍວາທິນໍ.

໒໐. ນນຸ ເຕ ເຍວສນ຺ຕາ ໂນ,

ສາຄຣາ ນກຸລາຈລາ;

ອປ຺ປມ຺ປິ ມຣິຍາທໍ ເຍ,

ສໍວຏ຺ເຏວິ ຊຫນ຺ຕິໂນ.

໒໑. ປລເຍຕີຕມຣິຍາທາ,

ຠວນ຺ຕິກິຣ ສາຄຣາ;

ມຣິຍາທາຕິກໍ ສາຘຸ,

ນອິຈ຺ຉນ຺ຕິ ປລເຍປິ.

໒໒. ສຕໍ ທີຆາຍຸກໍ ສພ຺ພ,

ສຕ຺ຕານໍ ສຸຂກາຣຓໍ;

ອສຕໍປນ ສພ຺ເພສໍ,

ທຸກ຺ຂເຫຕຸ ນສໍສໂຍ.

໒໓. ປາໂມກ຺ເຂ ສຸຊເນ ສນ຺ເຕ,

ສພ຺ເພປິ ສຸຊນາ ຊນາ;

ຊາເຕກສ຺ມິໍສາຣຄນ຺ເຘ,

ສພ຺ເພ ຄນ຺ຘມຍາ ທຸມາ.

໒໔. ອຕ຺ຕນາ ຍທິ ເອເກນ,

ວິນເຕນ ມຫາຊນາ;

ວິນຍໍ ຍນ຺ຕິ ສພ຺ເພປິ,

ໂກ ຕໍ ນາເສຍ຺ຍ ປຓ຺ຑິໂຕ.

໒໕. ສຣີຣສ຺ສ ຄຸຓານຎ຺ຈ,

ທູຣມຈ຺ຈນ຺ຕ ມນ຺ຕຣໍ;

ສຣີຣໍ ຂຓວິທ຺ຘໍສິ,

ກປ຺ປນ຺ຕິຏ຺ຐາຍິໂນ ຄຸຓາ.

໒໖. ຍທິ ນິຈ຺ຈມນິຈ຺ເຈນ,

ນິມລໍ ມລວາຫິນາ;

ໂຍ ໂສ ກາເຍນ ລເຠຖ,

ກິໍນລທ຺ຘໍ ຠເວ ນຸກິໍ.

໒໗. ຘມ຺ມຕ຺ຖກາມໂມກ຺ຂານໍ,

ປາຓໍ ສໍສິທ຺ຘິກາຣຓໍ;

ຕນ຺ນິຆາຕາ ກິນ຺ນຫຕໍ,

ຣກ຺ຂນາ ກິນ຺ນຣກ຺ຂິຕໍ.

໒໘. ອຕ຺ຕາ ພນ຺ຘຸ ມນຸສ຺ສສ຺ສ,

ຣິປຸ ອຕ຺ຕາວ ຊນ຺ຕຸນໍ;

ອຕ຺ຕາວ ນິຍໂຕ ຎາຕິ,

ອຕ຺ຕາວ ນິຍໂຕ ຣິປຸ.

໒໙. ອຕ຺ຕໂນປຣິຈາເຄນ,

ຍໍສິຕມນຸຣກ຺ຂນໍ;

ກໂຣນ຺ຕິ ສຊ຺ຊນາເຍວ,

ນ ຕໍ ນີຕິມຕາ ມຕໍ.

໓໐. ຕິຓານິ ຠູມິຣຸທກໍ,

ຈຕຸຕ຺ຖີ ວາກ຺ຍສຸຏ຺ຐຸຕາ;

ເອຕານິ ຫິ ສຕໍເຄເຫ,

ໂນຉິນ຺ທນ຺ເຕ ກທາຈິປິ.

໓໑. ອມ຺ພຸໍ ປິວນ຺ຕິໂນ ນຊ຺ໂຊ,

ຣຸກ຺ໂຂ ຂາທຕິໂນ ຜລໍ;

ເມໂຆ ກ຺ວຈິປິ ໂນ ສສ຺ສໍ,

ປຣຕ຺ຖາຍ ສຕໍຘນໍ.

໓໒. ສຕໍ ຜຣຸສວາຈາຫິ,

ນຍາຕິ ວິກຕິໍ ມໂນ;

ຕິຓຸກ຺ກາຫິ ນສກ຺ກາວ,

ຕາເປຕຸໍ ສາຄເຣ ຊລໍ.

໓໓. ສມ຺ປຕ຺ຍໍ ມຫຕ຺ຕໍເຈໂຕ,

ຠວຕ຺ຍຸປ຺ປລໂກມລໍ;

ວິປ຺ປຕ຺ຍຎ຺ຈ ມຫາເສເລ,

ສິລາສງ຺ຆາທກກ຺ກໂສ.

໓໔. ອຕ຺ຖໍ ມຫນ຺ຕມາປຊ຺ຊ,

ວິຊ຺ຊໍ ສມ຺ປຕ຺ຕິເມວຈ;

ຈເຣຍ຺ຍາມານຖທ຺ໂຘໂຍ,

ປຓ຺ຑິໂຕ ໂສ ປວຸຈ຺ຈຕິ.

໓໕. ນາລພ຺ຠມຠິປຕ຺ເຖນ຺ຕິ,

ນຏ຺ຐມ຺ປິ ນຈໂສຈເຣ;

ວິປ຺ປຕ຺ຍຎ຺ຈ ນມຸຍ຺ຫນ຺ຕິ,

ເຍນຣາ ເຕວ ປຓ຺ຑິໂຕ.

໓໖. ຄຓ຺ຐິຏ຺ຐາເນ ເອກປເທ,

ນາຕິມຎ຺ເຎຍ຺ຍ ປຓ຺ຑິໂຕ;

ກິໍ ອກ຺ໂກ ເວຬຸປພ຺ຠາໂຣ,

ຕິມຫາທີປຠານຸໂທ.

໓໗. ຄຸຓໂທເສສຸເມເກນ,

ນຕ຺ຖິ ໂກຈິ ວິວຊ຺ຊິໂຕ;

ສຸຂຸມາລສ຺ສ ປທຸມສ຺ສ,