໓. ອາຈຣິຍານໍ ສຎ຺ຊາຕຏ຺ຐານປຣິຈ຺ເຉໂທ

ອາຈຣິເຍສຸ ຈ ອຕ຺ຖິ ຊມ຺ພຸທີປິກາຈຣິຍາ ອຕ຺ຖິ, ລງ຺ກາທີປິກາຈຣິຍາ. ກຕເມ ຊມ຺ພຸທີປິກາຈຣິຍາ? ກຕເມ ລງ຺ກາທີປິກາຈຣິຍາ? ມຫາກຈ຺ຈາຍໂນ ຊມ຺ພຸທີປິກາຈຣິໂຍ ໂສ ຫິ ອວນ຺ຕິຣຏ຺ເຐ ອຸຊ຺ເຊນີ ນຄເຣ ຈນ຺ທປຊ຺ໂຊຕສ຺ສ ນາມ ຣຎ຺ໂຎ ປຸໂຣຫິໂຕ ຫຸຕ຺ວາ ກາມານໍ ອາທີນວໍ ທິສ຺ວາ, ຆຣາວາສໍ ປຫາຍ ສຕ຺ຖຸສາສເນ ປພ຺ພຊ຺ຊິຕ຺ວາ ເຫຏ຺ຐາ ວຸຕ຺ຕປ຺ປກາເຣ ຄນ຺ເຖ ອກາສິ. ມຫາອຏ຺ຐກຖາຈຣິໂຍ ຊມ຺ພຸທີປິໂກ, ມຫາປຈ຺ຈຣິກາຈຣິໂຍ, ມຫາກຸຣຸນ຺ທິກາຈຣິໂຍ, ອຎ຺ຎຕໂຣ ອາຈຣິຍາ ທ຺ເວຕິ ອິເມ ຈ ຠູວາຈຣິຍາ. ລງ຺ກາທີປິກາຈຣິຍາ ນາມ ເຕ ກິຣ ພຸທ຺ຘໂຆສາຈຣິຍສ຺ສ ປູເຣ ຠູຕາຈຣິເຍ ກາເລ ອເຫສຸໍ. ມຫາພຸທ຺ຘໂຆສາຈຣິໂຍ ຊມ຺ພຸທີປິໂກ. ໂສ ກິຣ ມຄຘຣຏ຺ເຐ ໂຆສກຄາເມ ຣຎ຺ໂຎ ປຸໂຣຫິຕສ຺ສ ເກສິ ນາມ ພ຺ຣາຫ຺ມຓສ຺ສ ປຸຕ຺ໂຕ, ສຕ຺ຖຸສາສເນ ປພ຺ພຊ຺ຊິຕ຺ວາ ລງ຺ກາທີປໍ ຄໂຕ ເຫຏ຺ຐາ ວຸຕ຺ຕປ຺ປກາເຣ ຄນ຺ເຖ ອກາສິ.

ພຸທ຺ຘທຕ຺ຕາຈຣິໂຍ, ອານນ຺ທາຈຣິໂຍ, ຘມ຺ມປາລາຈຣິໂຍ, ທ຺ເວ ພຸພ຺ພາຈຣິໂຍ, ມຫາວຊິຣ-ພຸທ຺ຘາຈຣິໂຍ, ຈຸລ຺ລວຊິຣ-ພຸທ຺ຘາຈຣິໂຍ, ວິມລພຸທ຺ຘສງ຺ຂາໂຕ ທີປງ຺ກຣາຈຣິໂຍ, ຈຸລ຺ລທີປງ຺ກຣາຈຣິໂຍ, ຈຸລ຺ລຘມ຺ມປາລາຈຣິໂຍ, ກສ຺ສປາຈຣິໂຍຕິ ອິເມ ເອກາທສຈຣິຍາ ຊມ຺ພຸທີປິກາ ເຫຏ຺ຐາ ວຸຕ຺ຕປກາເຣ ຄນ຺ເຖ ອກໍສຸ. ມຫານາມາຈຣິໂຍ, ອຎ຺ຎຕຣາຈຣິຍາ, ຈຸລ຺ລມຫານາມາຈຣິໂຍ, ອຸປເສນາຈຣິໂຍ, ໂມຄ຺ຄລານາຈຣິໂຍ, ສງ຺ຆຣກ຺ຂິຕາຈຣິໂຍ, ວຸຕ຺ໂຕທຍກາຣາຈຣິໂຍ, ຘມ຺ມສິຣາຈຣິໂຍ, ອຎ຺ຎຕຣາ ທ຺ວາຈຣິຍາ, ອນຸຣຸທ຺ຘາຈຣິໂຍ, ເຂມາຈຣິໂຍ, ສາຣິປຸຕ຺ຕາຈຣິໂຍ, ພຸທ຺ຘນາຄາຈຣິໂຍ, ຈຸລ຺ລໂມຄ຺ຄລານາຈຣິໂຍ, ວາຈິສ຺ສວາຈຣິໂຍ, ສຸມງ຺ຄລາຈຣິໂຍ, ພຸທ຺ຘປິຍາຈຣິໂຍ, ຘມ຺ມກິຕ຺ຕິ ອາຈຣິໂຍ ເມຘງ຺ກຣາຈຣິໂຍ, ພຸທ຺ຘຣກ຺ຂິຕາຈຣິໂຍ, ອຸປຕິສ຺ສາ ຈຣິໂຍ, ອຎ຺ຎຕຣາ ວີສຕາຈຣິຍາ, ສທ຺ຘມ຺ມສິຣາຈຣິໂຍ, ເທວາຈຣິໂຍ, ຈຸລ຺ລພຸທ຺ຘໂຆສາຈຣິໂຍ, ສາຣິປຸຕ຺ຕາຈຣິໂຍ, ຣຏ຺ຐປາລາຈຣິໂຍຕິ ອິເມ ທ຺ເວ ປຎ຺ຎາສາຈຣິຍາ ລງ຺ກາທີປິກາຈຣິຍາ ນາມ. ສຸຠູຕຈນ຺ທາຈຣິໂຍ, ອຄ຺ຄວໍສາຈຣິໂຍ, ນໂວ ວຊິຣພຸທ຺ຘາຈຣິໂຍ, ຄຸຓສາຄຣາຈຣິໂຍ, ອຠຍາຈຣິໂຍ, ຎາຓສາຄຣາຈຣິໂຍ, ອຎ຺ຎຕຣາ ທ຺ວາຈຣິຍາ, ອຸຕ຺ຕມາຈຣິໂຍ, ອຎ຺ຎຕໂຣ ອາຈຣິໂຍ, ອຎ຺ຎຕໂຣ ມຫາມຈ຺ໂຈ, ຘມ຺ມເສນາປຕາຈຣິໂຍ, ອຎ຺ຎຕຣາ ຕໂຍ ອາຈຣິຍາ, ສທ຺ຘມ຺ມຄຸຣຸ ອາຈຣິໂຍ, ສາຣິປຸຕ຺ຕາຈຣິໂຍ, ອຎ຺ຎຕໂຣ ເອກາ ອາຈຣິໂຍ, ເມຘງ຺ກຣາຈຣິໂຍ, ອຄ຺ຄປຓ຺ຑິຕາຈຣິໂຍ, ຈີວຣາຈຣິໂຍ, ສທ຺ຘມ຺ມໂຊຕິປາລາຈຣິໂຍ, ວິມລພຸທ຺ຘາຈຣິໂຍຕິ ອິເມ ເຕວີສຕິ ອາຈຣິຍາ ຊມ຺ພຸທີປິກາ ເຫຏ຺ຐາ ວຸຕ຺ຕປ຺ປກາເຣ ຄນ຺ເຖ ປຸກ຺ກາມ ສງ຺ຂາເຕ ອຣິມທ຺ທນ ນຄເຣ ອກໍສຸ.

ນໂວວິມລພຸທ຺ຘາຈຣິໂຍ ຊມ຺ພຸທີປິໂກ ເຫຏ຺ຐາ ວຸຕ຺ຕປ຺ປກາເຣ ຄນ຺ເຖ ປໍຍນຄເຣ ອກາສິ. ອຎ຺ຎຕຣາຈຣິໂຍ ອຣິຍວໍສາຈຣິໂຍຕິ ອິເມ ທ຺ວາຈຣິຍາ ຊມ຺ພຸທີປິກາ ເຫຏ຺ຐາ ວຸຕ຺ຕປ຺ປກາເຣ ຄນ຺ເຖ ອຕິ [ນວິ] ປຸເຣ ອກໍສຸ, ອຎ຺ຎຕຣາ ວີສຕາຈຣິຍາ ຊມ຺ພຸທີປິກາ ເຫຏ຺ຐາ ວຸຕ຺ຕປ຺ປກາເຣ ຄນ຺ເຖ ກິຎ຺ຈິ ປຸຣາທິຆເຣ ອກໍສຸ.

[ອິຕິ ຈຸລ຺ລຄນ຺ຖວໍເສ ອາຈຣິຍານໍ ສຎ຺ຊາຕຏ຺ຐານ ທີປໂກ ນາມ ຕຕິໂຍ ປຣິຈ຺ເຉໂທ.]